૧. વિભઙ્ગવારો

નહેતુપચ્ચયો

૫. નીવરણં ધમ્મં પટિચ્ચ નીવરણો ધમ્મો ઉપ્પજ્જતિ નહેતુપચ્ચયા – વિચિકિચ્છાનીવરણં પટિચ્ચ અવિજ્જાનીવરણં, ઉદ્ધચ્ચનીવરણં પટિચ્ચ અવિજ્જાનીવરણં. (૧)

નોનીવરણં ધમ્મં પટિચ્ચ નોનીવરણો ધમ્મો ઉપ્પજ્જતિ નહેતુપચ્ચયા – અહેતુકં નોનીવરણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે…પે… અહેતુકપટિસન્ધિક્ખણે…પે… (યાવ અસઞ્ઞસત્તા). (૧)

નોનીવરણં ધમ્મં પટિચ્ચ નીવરણો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ અવિજ્જાનીવરણં. (૨)

૬. નીવરણઞ્ચ નોનીવરણઞ્ચ ધમ્મં પટિચ્ચ નીવરણો ધમ્મો ઉપ્પજ્જતિ નહેતુપચ્ચયા – વિચિકિચ્છાનીવરણઞ્ચ સમ્પયુત્તકે ચ ખન્ધે પટિચ્ચ અવિજ્જાનીવરણં, ઉદ્ધચ્ચનીવરણઞ્ચ સમ્પયુત્તકે ચ ખન્ધે પટિચ્ચ અવિજ્જાનીવરણં. (૧)

નઆરમ્મણપચ્ચયાદિ

૭. નીવરણં ધમ્મં પટિચ્ચ નોનીવરણો ધમ્મો ઉપ્પજ્જતિ નઆરમ્મણપચ્ચયા – નીવરણે પટિચ્ચ ચિત્તસમુટ્ઠાનં રૂપં. (૧)

નોનીવરણં ધમ્મં પટિચ્ચ નોનીવરણો ધમ્મો ઉપ્પજ્જતિ નઆરમ્મણપચ્ચયા – નોનીવરણે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (યાવ અસઞ્ઞસત્તા). (૧)

નીવરણઞ્ચ નોનીવરણઞ્ચ ધમ્મં પટિચ્ચ નોનીવરણો ધમ્મો ઉપ્પજ્જતિ નઆરમ્મણપચ્ચયા – નીવરણે ચ સમ્પયુત્તકે ચ ખન્ધે પટિચ્ચ ચિત્તસમુટ્ઠાનં રૂપં (સંખિત્તં)… નઅધિપતિપચ્ચયા… નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા.

નપુરેજાતપચ્ચયો

૮. નીવરણં ધમ્મં પટિચ્ચ નીવરણો ધમ્મો ઉપ્પજ્જતિ નપુરેજાતપચ્ચયા – અરૂપે કામચ્છન્દનીવરણં પટિચ્ચ થિનમિદ્ધનીવરણં ઉદ્ધચ્ચનીવરણં અવિજ્જાનીવરણં, અરૂપે કામચ્છન્દનીવરણં પટિચ્ચ ઉદ્ધચ્ચનીવરણં અવિજ્જાનીવરણં, અરૂપે વિચિકિચ્છાનીવરણં પટિચ્ચ ઉદ્ધચ્ચનીવરણં અવિજ્જાનીવરણં, અરૂપે ઉદ્ધચ્ચનીવરણં પટિચ્ચ અવિજ્જાનીવરણં. (૧)

નીવરણં ધમ્મં પટિચ્ચ નોનીવરણો ધમ્મો ઉપ્પજ્જતિ નપુરેજાતપચ્ચયા – અરૂપે નીવરણે પટિચ્ચ સમ્પયુત્તકા ખન્ધા, નીવરણે પટિચ્ચ ચિત્તસમુટ્ઠાનં રૂપં. (અવસેસા પઞ્હા સબ્બે વિત્થારેતબ્બા. અરૂપં પઠમં કાતબ્બં, રૂપં પચ્છા યથા લભતિ.)

૯. નીવરણઞ્ચ નોનીવરણઞ્ચ ધમ્મં પટિચ્ચ નીવરણો ધમ્મો ઉપ્પજ્જતિ નપુરેજાતપચ્ચયા – અરૂપે નોનીવરણે ખન્ધે ચ કામચ્છન્દનીવરણઞ્ચ પટિચ્ચ થિનમિદ્ધનીવરણં ઉદ્ધચ્ચનીવરણં (ચક્કં). (૧)

નીવરણઞ્ચ નોનીવરણઞ્ચ ધમ્મં પટિચ્ચ નોનીવરણો ધમ્મો ઉપ્પજ્જતિ નપુરેજાતપચ્ચયા – અરૂપે નોનીવરણં એકં ખન્ધઞ્ચ નીવરણે ચ પટિચ્ચ તયો ખન્ધા…પે… દ્વે ખન્ધે ચ…પે… નીવરણે ચ સમ્પયુત્તકે ચ ખન્ધે પટિચ્ચ ચિત્તસમુટ્ઠાનં રૂપં, નીવરણે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૨)

નીવરણઞ્ચ નોનીવરણઞ્ચ ધમ્મં પટિચ્ચ નીવરણો ચ નોનીવરણો ચ ધમ્મા ઉપ્પજ્જન્તિ નપુરેજાતપચ્ચયા – અરૂપે નોનીવરણં એકં ખન્ધઞ્ચ કામચ્છન્દનીવરણઞ્ચ પટિચ્ચ તયો ખન્ધા થિનમિદ્ધનીવરણં ઉદ્ધચ્ચનીવરણં અવિજ્જાનીવરણં (ચક્કં. સંખિત્તં). (૩)