૧. વિભઙ્ગવારો

હેતુપચ્ચયો

૯૨. નીવરણઞ્ચેવ નીવરણસમ્પયુત્તઞ્ચ ધમ્મં પટિચ્ચ નીવરણો ચેવ નીવરણસમ્પયુત્તો ચ ધમ્મો ઉપ્પજ્જતિ હેતુપચ્ચયા – કામચ્છન્દનીવરણં પટિચ્ચ થિનમિદ્ધનીવરણં ઉદ્ધચ્ચનીવરણં અવિજ્જાનીવરણં (ચક્કં. સબ્બેપિ નીવરણા કાતબ્બા). (૧)

નીવરણઞ્ચેવ નીવરણસમ્પયુત્તઞ્ચ ધમ્મં પટિચ્ચ નીવરણસમ્પયુત્તો ચેવ નો ચ નીવરણો ધમ્મો ઉપ્પજ્જતિ હેતુપચ્ચયા – નીવરણે પટિચ્ચ સમ્પયુત્તકા ખન્ધા. (૨)

નીવરણઞ્ચેવ નીવરણસમ્પયુત્તઞ્ચ ધમ્મં પટિચ્ચ નીવરણો ચેવ નીવરણસમ્પયુત્તો ચ નીવરણસમ્પયુત્તો ચેવ નો ચ નીવરણો ચ ધમ્મા ઉપ્પજ્જન્તિ હેતુપચ્ચયા – કામચ્છન્દનીવરણં પટિચ્ચ થિનમિદ્ધનીવરણં ઉદ્ધચ્ચનીવરણં અવિજ્જાનીવરણં સમ્પયુત્તકા ચ ખન્ધા (ચક્કં). (૩)

૯૩. નીવરણસમ્પયુત્તઞ્ચેવ નો ચ નીવરણં ધમ્મં પટિચ્ચ નીવરણસમ્પયુત્તો ચેવ નો ચ નીવરણો ધમ્મો ઉપ્પજ્જતિ હેતુપચ્ચયા – નીવરણસમ્પયુત્તઞ્ચેવ નો ચ નીવરણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

નીવરણસમ્પયુત્તઞ્ચેવ નો ચ નીવરણં ધમ્મં પટિચ્ચ નીવરણો ચેવ નીવરણસમ્પયુત્તો ચ ધમ્મો ઉપ્પજ્જતિ હેતુપચ્ચયા – નીવરણસમ્પયુત્તે ચેવ નો ચ નીવરણે ખન્ધે પટિચ્ચ નીવરણા. (૨)

નીવરણસમ્પયુત્તઞ્ચેવ નો ચ નીવરણં ધમ્મં પટિચ્ચ નીવરણો ચેવ નીવરણસમ્પયુત્તો ચ નીવરણસમ્પયુત્તો ચેવ નો ચ નીવરણો ચ ધમ્મા ઉપ્પજ્જન્તિ હેતુપચ્ચયા – નીવરણસમ્પયુત્તઞ્ચેવ નો ચ નીવરણં એકં ખન્ધં પટિચ્ચ તયો ખન્ધા નીવરણા ચ…પે… દ્વે ખન્ધે…પે…. (૩)

૯૪. નીવરણઞ્ચેવ નીવરણસમ્પયુત્તઞ્ચ નીવરણસમ્પયુત્તઞ્ચેવ નો ચ નીવરણઞ્ચ ધમ્મં પટિચ્ચ નીવરણો ચેવ નીવરણસમ્પયુત્તો ચ ધમ્મો ઉપ્પજ્જતિ હેતુપચ્ચયા – કામચ્છન્દનીવરણઞ્ચ સમ્પયુત્તકે ચ ખન્ધે પટિચ્ચ થિનમિદ્ધનીવરણં ઉદ્ધચ્ચનીવરણં અવિજ્જાનીવરણં (ચક્કં). (૧)

નીવરણઞ્ચેવ નીવરણસમ્પયુત્તઞ્ચ નીવરણસમ્પયુત્તઞ્ચેવ નો ચ નીવરણઞ્ચ ધમ્મં પટિચ્ચ નીવરણસમ્પયુત્તો ચેવ નો ચ નીવરણો ધમ્મો ઉપ્પજ્જતિ હેતુપચ્ચયા – નીવરણસમ્પયુત્તઞ્ચેવ નો ચ નીવરણં એકં ખન્ધઞ્ચ નીવરણઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૨)

નીવરણઞ્ચેવ નીવરણસમ્પયુત્તઞ્ચ નીવરણસમ્પયુત્તઞ્ચેવ નો ચ નીવરણઞ્ચ ધમ્મં પટિચ્ચ નીવરણો ચેવ નીવરણસમ્પયુત્તો ચ નીવરણસમ્પયુત્તો ચેવ નો ચ નીવરણો ચ ધમ્મા ઉપ્પજ્જન્તિ હેતુપચ્ચયા – નીવરણસમ્પયુત્તઞ્ચેવ નો ચ નીવરણં એકં ખન્ધઞ્ચ કામચ્છન્દનીવરણઞ્ચ પટિચ્ચ તયો ખન્ધા થિનમિદ્ધનીવરણં ઉદ્ધચ્ચનીવરણં અવિજ્જાનીવરણં…પે… દ્વે ખન્ધે ચ…પે… (ચક્કં. સંખિત્તં.). (૩)