૧. વિભઙ્ગવારો

હેતુપચ્ચયો

૬૬. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ હેતુપચ્ચયેન પચ્ચયો – નીવરણસમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (મૂલં પુચ્છિતબ્બં) નીવરણસમ્પયુત્તા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (મૂલં પુચ્છિતબ્બં) નીવરણસમ્પયુત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ હેતુપચ્ચયેન પચ્ચયો – નીવરણવિપ્પયુત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

આરમ્મણપચ્ચયો

૬૭. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – રાગં અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ…પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ; દિટ્ઠિં અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ…પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ; વિચિકિચ્છં આરબ્ભ વિચિકિચ્છા…પે… દિટ્ઠિ…પે… ઉદ્ધચ્ચં…પે… દોમનસ્સં ઉપ્પજ્જતિ; ઉદ્ધચ્ચં આરબ્ભ ઉદ્ધચ્ચં ઉપ્પજ્જતિ, દિટ્ઠિ…પે… વિચિકિચ્છા, દોમનસ્સં ઉપ્પજ્જતિ; દોમનસ્સં આરબ્ભ દોમનસ્સં ઉપ્પજ્જતિ; દિટ્ઠિ …પે… વિચિકિચ્છા…પે… ઉદ્ધચ્ચં ઉપ્પજ્જતિ. (૧)

નીવરણસમ્પયુત્તો ધમ્મો નીવરણવિપ્પયુત્તસ્સ ધમ્મસ્સ આરમ્મણપચ્ચયેન પચ્ચયો – અરિયા નીવરણસમ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ; નીવરણસમ્પયુત્તે ખન્ધે અનિચ્ચતો દુક્ખતો અનત્તતો વિપસ્સતિ, ચેતોપરિયઞાણેન નીવરણસમ્પયુત્તચિત્તસમઙ્ગિસ્સ ચિત્તં જાનાતિ; નીવરણસમ્પયુત્તા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

૬૮. નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં…પે… ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; ચક્ખું…પે… વત્થું નીવરણવિપ્પયુત્તે ખન્ધે અનિચ્ચતો દુક્ખતો અનત્તતો વિપસ્સતિ, દિબ્બેન ચક્ખુના રૂપં પસ્સતિ (યાવ આવજ્જનાય). (૧)

નીવરણવિપ્પયુત્તો ધમ્મો નીવરણસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું નીવરણવિપ્પયુત્તે ખન્ધે અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ…પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ. (૨)

અધિપતિપચ્ચયો

૬૯. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – રાગં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; દિટ્ઠિં ગરું કત્વા અસ્સાદેતિ…પે…. સહજાતાધિપતિ – નીવરણસમ્પયુત્તાધિપતિ નીવરણસમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

નીવરણસમ્પયુત્તો ધમ્મો નીવરણવિપ્પયુત્તસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – નીવરણસમ્પયુત્તાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (મૂલં પુચ્છિતબ્બં) નીવરણસમ્પયુત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૭૦. નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં ગરું કત્વા…પે… ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો. સહજાતાધિપતિ – નીવરણવિપ્પયુત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નીવરણવિપ્પયુત્તો ધમ્મો નીવરણસમ્પયુત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં…પે… સીલં…પે… પુબ્બે…પે… ઝાનં…પે… ચક્ખું…પે… વત્થું નીવરણવિપ્પયુત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અનન્તરપચ્ચયો

૭૧. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નીવરણસમ્પયુત્તા ખન્ધા પચ્છિમાનં પચ્છિમાનં નીવરણસમ્પયુત્તકાનં ખન્ધાનં અનન્તરપચ્ચયેન પચ્ચયો. (મૂલં પુચ્છિતબ્બં) નીવરણસમ્પયુત્તા ખન્ધા વુટ્ઠાનસ્સ અનન્તરપચ્ચયેન પચ્ચયો (ઇધ પુરિમા પુરિમાતિ નત્થિ). (૨)

(મૂલં પુચ્છિતબ્બં) પુરિમા પુરિમા નીવરણવિપ્પયુત્તા ખન્ધા પચ્છિમાનં પચ્છિમાનં નીવરણવિપ્પયુત્તાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… ફલસમાપત્તિયા અનન્તરપચ્ચયેન પચ્ચયો. (૧)

નીવરણવિપ્પયુત્તો ધમ્મો નીવરણસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – આવજ્જના નીવરણસમ્પયુત્તકાનં ખન્ધાનં અનન્તરપચ્ચયેન પચ્ચયો. (૨)

સમનન્તરપચ્ચયાદિ

૭૨. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ સમનન્તરપચ્ચયેન પચ્ચયો… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો.

ઉપનિસ્સયપચ્ચયો

૭૩. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – રાગં ઉપનિસ્સાય પાણં હનતિ…પે… સઙ્ઘં ભિન્દતિ; દોસં… મોહં… માનં… દિટ્ઠિં… પત્થનં ઉપનિસ્સાય પાણં હનતિ…પે… સઙ્ઘં ભિન્દતિ; રાગો…પે… પત્થના રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૧)

નીવરણસમ્પયુત્તો ધમ્મો નીવરણવિપ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – રાગં ઉપનિસ્સાય દાનં દેતિ…પે… સીલં…પે… ઉપોસથકમ્મં…પે… ઝાનં…પે… વિપસ્સનં… મગ્ગં… અભિઞ્ઞં… સમાપત્તિં ઉપ્પાદેતિ; દોસં…પે… પત્થનં ઉપનિસ્સાય દાનં દેતિ…પે… સમાપત્તિં ઉપ્પાદેતિ; રાગો…પે… પત્થના સદ્ધાય …પે… પઞ્ઞાય… કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૨)

૭૪. નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ, સીલં…પે… મગ્ગં…પે… અભિઞ્ઞં…પે… સમાપત્તિં ઉપ્પાદેતિ, સીલં…પે… પઞ્ઞં…પે… સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ; સદ્ધા…પે… સેનાસનં સદ્ધાય…પે… પઞ્ઞાય…પે… મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૧)

નીવરણવિપ્પયુત્તો ધમ્મો નીવરણસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં, કાયિકં સુખં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં રાગસ્સ… દોસસ્સ… મોહસ્સ… માનસ્સ… દિટ્ઠિયા… પત્થનાય ઉપનિસ્સયપચ્ચયેન પચ્ચયો. (૨)

પુરેજાતપચ્ચયો

૭૫. નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો દુક્ખતો અનત્તતો વિપસ્સતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નીવરણવિપ્પયુત્તાનં ખન્ધાનં પુરેજાતપચ્ચયેન પચ્ચયો. (૧)

નીવરણવિપ્પયુત્તો ધમ્મો નીવરણસમ્પયુત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો… દોસો… મોહો…. વત્થુપુરેજાતં – વત્થુ નીવરણસમ્પયુત્તાનં ખન્ધાનં પુરેજાતપચ્ચયેન પચ્ચયો. (૨)

પચ્છાજાતાસેવનપચ્ચયા

૭૬. નીવરણસમ્પયુત્તો ધમ્મો નીવરણવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો… દ્વે, આસેવનપચ્ચયેન પચ્ચયો… દ્વે.

કમ્મપચ્ચયાદિ

૭૭. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ કમ્મપચ્ચયેન પચ્ચયો – નીવરણસમ્પયુત્તા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (મૂલં કાતબ્બં) સહજાતા, નાનાક્ખણિકા. સહજાતા – નીવરણસમ્પયુત્તા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. નાનાક્ખણિકા – નીવરણસમ્પયુત્તા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (મૂલં કાતબ્બં) નીવરણસમ્પયુત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા (સંખિત્તં). વિપાકપચ્ચયા… એકં.

આહારપચ્ચયાદિ

૭૮. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ આહારપચ્ચયેન પચ્ચયો… ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… દ્વે.

વિપ્પયુત્તપચ્ચયો

૭૯. નીવરણસમ્પયુત્તો ધમ્મો નીવરણવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૧)

નીવરણવિપ્પયુત્તો ધમ્મો નીવરણસમ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ નીવરણસમ્પયુત્તકાનં ખન્ધાનં વિપ્પયુત્તપચ્ચયેન પચ્ચયો. (૨)

અત્થિપચ્ચયો

૮૦. નીવરણસમ્પયુત્તો ધમ્મો નીવરણસમ્પયુત્તસ્સ ધમ્મસ્સ અત્થિપચ્ચયેન પચ્ચયો – નીવરણસમ્પયુત્તો એકો ખન્ધો તિણ્ણન્નં ખન્ધાનં અત્થિપચ્ચયેન પચ્ચયો…પે…. (૧)

નીવરણસમ્પયુત્તો ધમ્મો નીવરણવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – નીવરણસમ્પયુત્તા ખન્ધા ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પચ્છાજાતા – નીવરણસમ્પયુત્તા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

નીવરણસમ્પયુત્તો ધમ્મો નીવરણસમ્પયુત્તસ્સ ચ નીવરણવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો – નીવરણસમ્પયુત્તો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. (૩)

૮૧. નીવરણવિપ્પયુત્તો ધમ્મો નીવરણવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)

નીવરણવિપ્પયુત્તો ધમ્મો નીવરણસમ્પયુત્તસ્સ ધમ્મસ્સ અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો…પે… દિટ્ઠિ…પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ; વત્થુ નીવરણસમ્પયુત્તકાનં ખન્ધાનં અત્થિપચ્ચયેન પચ્ચયો. (૨)

૮૨. નીવરણસમ્પયુત્તો ચ નીવરણવિપ્પયુત્તો ચ ધમ્મા નીવરણસમ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નીવરણસમ્પયુત્તો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ વત્થુ ચ દ્વિન્નં ખન્ધાનં અત્થિપચ્ચયેન પચ્ચયો. (૧)

નીવરણસમ્પયુત્તો ચ નીવરણવિપ્પયુત્તો ચ ધમ્મા નીવરણવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – નીવરણસમ્પયુત્તા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – નીવરણસમ્પયુત્તા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – નીવરણસમ્પયુત્તા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)