૧. વિભઙ્ગવારો

હેતુપચ્ચયો

૫૯. નીવરણસમ્પયુત્તં ધમ્મં પચ્ચયા નીવરણસમ્પયુત્તો ધમ્મો ઉપ્પજ્જતિ હેતુપચ્ચયા… તીણિ.

નીવરણવિપ્પયુત્તં ધમ્મં પચ્ચયા નીવરણવિપ્પયુત્તો ધમ્મો ઉપ્પજ્જતિ હેતુપચ્ચયા – નીવરણવિપ્પયુત્તં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં …પે… દ્વે ખન્ધે…પે… પટિસન્ધિક્ખણે…પે… એકં મહાભૂતં…પે… વત્થું પચ્ચયા નીવરણવિપ્પયુત્તા ખન્ધા. (૧)

નીવરણવિપ્પયુત્તં ધમ્મં પચ્ચયા નીવરણસમ્પયુત્તો ધમ્મો ઉપ્પજ્જતિ હેતુપચ્ચયા – વત્થું પચ્ચયા નીવરણસમ્પયુત્તા ખન્ધા. (૨)

નીવરણવિપ્પયુત્તં ધમ્મં પચ્ચયા નીવરણસમ્પયુત્તો ચ નીવરણવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા નીવરણસમ્પયુત્તા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૩)

૬૦. નીવરણસમ્પયુત્તઞ્ચ નીવરણવિપ્પયુત્તઞ્ચ ધમ્મં પચ્ચયા નીવરણસમ્પયુત્તો ધમ્મો ઉપ્પજ્જતિ હેતુપચ્ચયા – નીવરણસમ્પયુત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે…. (૧)

નીવરણસમ્પયુત્તઞ્ચ નીવરણવિપ્પયુત્તઞ્ચ ધમ્મં પચ્ચયા નીવરણવિપ્પયુત્તો ધમ્મો ઉપ્પજ્જતિ હેતુપચ્ચયા – નીવરણસમ્પયુત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

નીવરણસમ્પયુત્તઞ્ચ નીવરણવિપ્પયુત્તઞ્ચ ધમ્મં પચ્ચયા નીવરણસમ્પયુત્તો ચ નીવરણવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – નીવરણસમ્પયુત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… નીવરણસમ્પયુત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં (સંખિત્તં). (૩)