૧. વિભઙ્ગવારો

હેતુપચ્ચયો

૧. નીવરણં ધમ્મં પટિચ્ચ નીવરણો ધમ્મો ઉપ્પજ્જતિ હેતુપચ્ચયા – કામચ્છન્દનીવરણં પટિચ્ચ થિનમિદ્ધનીવરણં [થીનમિદ્ધનીવરણં (સ્યા.)] ઉદ્ધચ્ચનીવરણં અવિજ્જાનીવરણં, કામચ્છન્દનીવરણં પટિચ્ચ ઉદ્ધચ્ચનીવરણં અવિજ્જાનીવરણં, બ્યાપાદનીવરણં પટિચ્ચ થિનમિદ્ધનીવરણં ઉદ્ધચ્ચનીવરણં અવિજ્જાનીવરણં, બ્યાપાદનીવરણં પટિચ્ચ ઉદ્ધચ્ચનીવરણં અવિજ્જાનીવરણં, બ્યાપાદનીવરણં પટિચ્ચ થિનમિદ્ધનીવરણં ઉદ્ધચ્ચનીવરણં કુક્કુચ્ચનીવરણં અવિજ્જાનીવરણં, બ્યાપાદનીવરણં પટિચ્ચ ઉદ્ધચ્ચનીવરણં કુક્કુચ્ચનીવરણં અવિજ્જાનીવરણં, વિચિકિચ્છાનીવરણં પટિચ્ચ ઉદ્ધચ્ચનીવરણં, ઉદ્ધચ્ચનીવરણં પટિચ્ચ અવિજ્જાનીવરણં. (૧)

નીવરણં ધમ્મં પટિચ્ચ નોનીવરણો ધમ્મો ઉપ્પજ્જતિ હેતુપચ્ચયા – નીવરણે પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૨)

નીવરણં ધમ્મં પટિચ્ચ નીવરણો ચ નોનીવરણો ચ ધમ્મા ઉપ્પજ્જન્તિ હેતુપચ્ચયા – કામચ્છન્દનીવરણં પટિચ્ચ થિનમિદ્ધનીવરણં ઉદ્ધચ્ચનીવરણં અવિજ્જાનીવરણં સમ્પયુત્તકા ચ ખન્ધા ચિત્તસમુટ્ઠાનઞ્ચ રૂપં (ચક્કં). (૩)

૨. નોનીવરણં ધમ્મં પટિચ્ચ નોનીવરણો ધમ્મો ઉપ્પજ્જતિ હેતુપચ્ચયા – નોનીવરણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૧)

નોનીવરણં ધમ્મં પટિચ્ચ નીવરણો ધમ્મો ઉપ્પજ્જતિ હેતુપચ્ચયા – નોનીવરણે ખન્ધે પટિચ્ચ નીવરણા. (૨)

નોનીવરણં ધમ્મં પટિચ્ચ નીવરણો ચ નોનીવરણો ચ ધમ્મા ઉપ્પજ્જન્તિ હેતુપચ્ચયા – નોનીવરણં એકં ખન્ધં પટિચ્ચ તયો ખન્ધા નીવરણા ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૩. નીવરણઞ્ચ નોનીવરણઞ્ચ ધમ્મં પટિચ્ચ નીવરણો ધમ્મો ઉપ્પજ્જતિ હેતુપચ્ચયા – કામચ્છન્દનીવરણઞ્ચ સમ્પયુત્તકે ચ ખન્ધે પટિચ્ચ થિનમિદ્ધનીવરણં ઉદ્ધચ્ચનીવરણં અવિજ્જાનીવરણં (ચક્કં). (૧)

નીવરણઞ્ચ નોનીવરણઞ્ચ ધમ્મં પટિચ્ચ નોનીવરણો ધમ્મો ઉપ્પજ્જતિ હેતુપચ્ચયા – નોનીવરણં એકં ખન્ધઞ્ચ નીવરણઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… નીવરણે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૨)

નીવરણઞ્ચ નોનીવરણઞ્ચ ધમ્મં પટિચ્ચ નીવરણો ચ નોનીવરણો ચ ધમ્મા ઉપ્પજ્જન્તિ હેતુપચ્ચયા – નોનીવરણં એકં ખન્ધઞ્ચ કામચ્છન્દનીવરણઞ્ચ પટિચ્ચ તયો ખન્ધા થિનમિદ્ધનીવરણં ઉદ્ધચ્ચનીવરણં અવિજ્જાનીવરણં…પે… દ્વે ખન્ધે ચ…પે… (ચક્કં. સંખિત્તં). (૩)