૧. વિભઙ્ગવારો

હેતુપચ્ચયો

૨૫. નીવરણો ધમ્મો નીવરણસ્સ ધમ્મસ્સ હેતુપચ્ચયેન પચ્ચયો – નીવરણા હેતૂ સમ્પયુત્તકાનં નીવરણાનં હેતુપચ્ચયેન પચ્ચયો. (૧)

નીવરણો ધમ્મો નોનીવરણસ્સ ધમ્મસ્સ હેતુપચ્ચયેન પચ્ચયો – નીવરણા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૨)

નીવરણો ધમ્મો નીવરણસ્સ ચ નોનીવરણસ્સ ચ ધમ્મસ્સ હેતુપચ્ચયેન પચ્ચયો – નીવરણા હેતૂ સમ્પયુત્તકાનં ખન્ધાનં નીવરણાનઞ્ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

નોનીવરણો ધમ્મો નોનીવરણસ્સ ધમ્મસ્સ હેતુપચ્ચયેન પચ્ચયો – નોનીવરણા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

આરમ્મણપચ્ચયો

૨૬. નીવરણો ધમ્મો નીવરણસ્સ ધમ્મસ્સ આરમ્મણપચ્ચયેન પચ્ચયો – નીવરણે આરબ્ભ નીવરણા ઉપ્પજ્જન્તિ. (મૂલં પુચ્છિતબ્બં) નીવરણે આરબ્ભ નોનીવરણા ખન્ધા ઉપ્પજ્જન્તિ. (મૂલં કાતબ્બં) નીવરણે આરબ્ભ નીવરણા ચ સમ્પયુત્તકા ચ ખન્ધા ઉપ્પજ્જન્તિ. (૩)

૨૭. નોનીવરણો ધમ્મો નોનીવરણસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં…પે… ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા નોનીવરણે પહીને કિલેસે પચ્ચવેક્ખન્તિ, વિક્ખમ્ભિતે કિલેસે…પે… પુબ્બે સમુદાચિણ્ણે…પે… ચક્ખું…પે… વત્થું નોનીવરણે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન નોનીવરણચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… નોનીવરણા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નોનીવરણો ધમ્મો નીવરણસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના…પે… ચક્ખું…પે… વત્થું નોનીવરણે ખન્ધે અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ …પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ. (૨)

નોનીવરણો ધમ્મો નીવરણસ્સ ચ નોનીવરણસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના…પે… ચક્ખું…પે… વત્થું નોનીવરણે ખન્ધે અસ્સાદેતિ અભિનન્દતિ, તં આરબ્ભ નીવરણા ચ સમ્પયુત્તકા ચ ખન્ધા ઉપ્પજ્જન્તિ. (૩)

નીવરણો ચ નોનીવરણો ચ ધમ્મા નીવરણસ્સ ધમ્મસ્સ આરમ્મણપચ્ચયેન પચ્ચયો… તીણિ (આરબ્ભ કાતબ્બા).

અધિપતિપચ્ચયો

૨૮. નીવરણો ધમ્મો નીવરણસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – નીવરણે ગરું કત્વા નીવરણા ઉપ્પજ્જન્તિ… તીણિ (આરમ્મણસદિસં). (૩)

૨૯. નોનીવરણો ધમ્મો નોનીવરણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ…પે… ઝાના…પે… અરિયા મગ્ગા વુટ્ઠહિત્વા મગ્ગં…પે… ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું નોનીવરણે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોનીવરણાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નોનીવરણો ધમ્મો નીવરણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું નોનીવરણે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોનીવરણાધિપતિ સમ્પયુત્તકાનં નીવરણાનં અધિપતિપચ્ચયેન પચ્ચયો. (૨)

નોનીવરણો ધમ્મો નીવરણસ્સ ચ નોનીવરણસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું નોનીવરણે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા નીવરણા ચ સમ્પયુત્તકા ચ ખન્ધા ઉપ્પજ્જન્તિ. સહજાતાધિપતિ – નોનીવરણાધિપતિ સમ્પયુત્તકાનં ખન્ધાનં નીવરણાનઞ્ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

નીવરણો ચ નોનીવરણો ચ ધમ્મા નીવરણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ (આરમ્મણાધિપતિયેવ).

અનન્તરપચ્ચયો

૩૦. નીવરણો ધમ્મો નીવરણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નીવરણા પચ્છિમાનં પચ્છિમાનં નીવરણાનં અનન્તરપચ્ચયેન પચ્ચયો. (મૂલં પુચ્છિતબ્બં) પુરિમા પુરિમા નીવરણા પચ્છિમાનં પચ્છિમાનં નોનીવરણાનં ખન્ધાનં અનન્તરપચ્ચયેન પચ્ચયો; નીવરણા વુટ્ઠાનસ્સ અનન્તરપચ્ચયેન પચ્ચયો. (મૂલં પુચ્છિતબ્બં) પુરિમા પુરિમા નીવરણા પચ્છિમાનં પચ્છિમાનં નીવરણાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૩૧. નોનીવરણો ધમ્મો નોનીવરણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોનીવરણા ખન્ધા પચ્છિમાનં પચ્છિમાનં નોનીવરણાનં ખન્ધાનં અનન્તરપચ્ચયેન પચ્ચયો…પે… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (મૂલં પુચ્છિતબ્બં ) પુરિમા પુરિમા નોનીવરણા ખન્ધા પચ્છિમાનં પચ્છિમાનં નીવરણાનં અનન્તરપચ્ચયેન પચ્ચયો; આવજ્જના નીવરણાનં અનન્તરપચ્ચયેન પચ્ચયો. (મૂલં પુચ્છિતબ્બં) પુરિમા પુરિમા નોનીવરણા ખન્ધા પચ્છિમાનં પચ્છિમાનં નીવરણાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો; આવજ્જના નીવરણાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૩૨. નીવરણો ચ નોનીવરણો ચ ધમ્મા નીવરણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નીવરણા ચ સમ્પયુત્તકા ચ ખન્ધા પચ્છિમાનં પચ્છિમાનં નીવરણાનં અનન્તરપચ્ચયેન પચ્ચયો. (મૂલં પુચ્છિતબ્બં) પુરિમા પુરિમા નીવરણા ચ સમ્પયુત્તકા ચ ખન્ધા પચ્છિમાનં પચ્છિમાનં નોનીવરણાનં ખન્ધાનં અનન્તરપચ્ચયેન પચ્ચયો; નીવરણા ચ સમ્પયુત્તકા ચ ખન્ધા વુટ્ઠાનસ્સ અનન્તરપચ્ચયેન પચ્ચયો. (મૂલં પુચ્છિતબ્બં) પુરિમા પુરિમા નીવરણા ચ સમ્પયુત્તકા ચ ખન્ધા પચ્છિમાનં પચ્છિમાનં નીવરણાનઞ્ચ સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

સમનન્તરપચ્ચયાદિ

૩૩. નીવરણો ધમ્મો નીવરણસ્સ ધમ્મસ્સ સમનન્તરપચ્ચયેન પચ્ચયો… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો.

ઉપનિસ્સયપચ્ચયો

૩૪. નીવરણો ધમ્મો નીવરણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – નીવરણાનિ નીવરણાનં ઉપનિસ્સયપચ્ચયેન પચ્ચયો… તીણિ.

૩૫. નોનીવરણો ધમ્મો નોનીવરણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સીલં…પે… ઉપોસથકમ્મં…પે… ઝાનં ઉપ્પાદેતિ, વિપસ્સનં…પે… મગ્ગં…પે… અભિઞ્ઞં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં…પે… માનં… દિટ્ઠિં… પત્થનં… કાયિકં સુખં… કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા …પે… સેનાસનં સદ્ધાય…પે… પઞ્ઞાય, રાગસ્સ…પે… પત્થનાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

નોનીવરણો ધમ્મો નીવરણસ્સ ધમ્મસ્સ ઉપનિસ્સયપચ્ચયેન પચ્ચયો (તીણિ ઉપનિસ્સયા). પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

નોનીવરણો ધમ્મો નીવરણસ્સ ચ નોનીવરણસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં નીવરણાનં સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો. (૩)

નીવરણો ચ નોનીવરણો ચ ધમ્મા નીવરણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – નીવરણા ચ સમ્પયુત્તકા ચ ખન્ધા નીવરણાનં ઉપનિસ્સયપચ્ચયેન પચ્ચયો… તીણિ.

પુરેજાતપચ્ચયો

૩૬. નોનીવરણો ધમ્મો નોનીવરણસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ…પે… તીણિ (પુરેજાતં આરમ્મણસદિસં કુસલાકુસલસ્સ વિભજિતબ્બં).

પચ્છાજાત-આસેવનપચ્ચયા

૩૭. નીવરણો ધમ્મો નોનીવરણસ્સ ધમ્મસ્સ પચ્છાજાતપચ્ચયેન પચ્ચયો… તીણિ… આસેવનપચ્ચયેન પચ્ચયો… નવ.

કમ્મપચ્ચયો

૩૮. નોનીવરણો ધમ્મો નોનીવરણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોનીવરણા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોનીવરણા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (મૂલં પુચ્છિતબ્બં) નોનીવરણા ચેતના સમ્પયુત્તકાનં નીવરણાનં કમ્મપચ્ચયેન પચ્ચયો. (મૂલં પુચ્છિતબ્બં) નોનીવરણા ચેતના સમ્પયુત્તકાનં ખન્ધાનં નીવરણાનઞ્ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

વિપાકપચ્ચયાદિ

૩૯. નોનીવરણો ધમ્મો નોનીવરણસ્સ ધમ્મસ્સ વિપાકપચ્ચયેન પચ્ચયો… એકં… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો.

વિપ્પયુત્તપચ્ચયો

૪૦. નીવરણો ધમ્મો નોનીવરણસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (એવં અવસેસા ચત્તારિ પઞ્હા કાતબ્બા).

અત્થિપચ્ચયો

૪૧. નીવરણો ધમ્મો નીવરણસ્સ ધમ્મસ્સ અત્થિપચ્ચયેન પચ્ચયો – કામચ્છન્દનીવરણં થિનમિદ્ધનીવરણસ્સ ઉદ્ધચ્ચનીવરણસ્સ અવિજ્જાનીવરણસ્સ અત્થિપચ્ચયેન પચ્ચયો (ચક્કં). (૧)

નીવરણો ધમ્મો નોનીવરણસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (એવં નીવરણમૂલે તીણિ ). (૩)

૪૨. નોનીવરણો ધમ્મો નોનીવરણસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)

નોનીવરણો ધમ્મો નીવરણસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (સંખિત્તં). (૨)

નોનીવરણો ધમ્મો નીવરણસ્સ ચ નોનીવરણસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (સંખિત્તં) (૩)

૪૩. નીવરણો ચ નોનીવરણો ચ ધમ્મા નીવરણસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતં – કામચ્છન્દનીવરણઞ્ચ સમ્પયુત્તકા ચ ખન્ધા થિનમિદ્ધનીવરણસ્સ ઉદ્ધચ્ચનીવરણસ્સ અવિજ્જાનીવરણસ્સ અત્થિપચ્ચયેન પચ્ચયો; કામચ્છન્દનીવરણઞ્ચ વત્થુ ચ થિનમિદ્ધનીવરણસ્સ ઉદ્ધચ્ચનીવરણસ્સ અવિજ્જાનીવરણસ્સ અત્થિપચ્ચયેન પચ્ચયો. (૧)

નીવરણો ચ નોનીવરણો ચ ધમ્મા નોનીવરણસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નોનીવરણો એકો ખન્ધો ચ નીવરણા ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે… નીવરણા ચ વત્થુ ચ નોનીવરણાનં ખન્ધાનં અત્થિપચ્ચયેન પચ્ચયો; નીવરણા ચ સમ્પયુત્તકા ચ ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; નીવરણા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – નીવરણા ચ સમ્પયુત્તકા ચ ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – નીવરણા ચ સમ્પયુત્તકા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – નીવરણા ચ સમ્પયુત્તકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

નીવરણો ચ નોનીવરણો ચ ધમ્મા નીવરણસ્સ ચ નોનીવરણસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નોનીવરણો એકો ખન્ધો ચ કામચ્છન્દનીવરણઞ્ચ તિણ્ણન્નં ખન્ધાનં થિનમિદ્ધનીવરણસ્સ ઉદ્ધચ્ચનીવરણસ્સ અવિજ્જાનીવરણસ્સ ચ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો; દ્વે ખન્ધા ચ…પે… કામચ્છન્દનીવરણઞ્ચ વત્થુ ચ થિનમિદ્ધનીવરણસ્સ ઉદ્ધચ્ચનીવરણસ્સ અવિજ્જાનીવરણસ્સ ચ સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો (ચક્કં). (૩)