૧. વિભઙ્ગવારો

હેતુપચ્ચયો

૧૦૪. ગન્થો ચેવ ગન્થનિયો ચ ધમ્મો ગન્થસ્સ ચેવ ગન્થનિયસ્સ ચ ધમ્મસ્સ હેતુપચ્ચયેન પચ્ચયો – ગન્થા હેતૂ સમ્પયુત્તકાનં ગન્થાનં હેતુપચ્ચયેન પચ્ચયો (એવં નવ પઞ્હા વિત્થારેતબ્બા).

આરમ્મણપચ્ચયો

૧૦૫. ગન્થો ચેવ ગન્થનિયો ચ ધમ્મો ગન્થસ્સ ચેવ ગન્થનિયસ્સ ચ ધમ્મસ્સ આરમ્મણપચ્ચયેન પચ્ચયો – ગન્થે આરબ્ભ ગન્થા ઉપ્પજ્જન્તિ. (મૂલં પુચ્છિતબ્બં) ગન્થે આરબ્ભ ગન્થનિયા ચેવ નો ચ ગન્થા ખન્ધા ઉપ્પજ્જન્તિ. (મૂલં પુચ્છિતબ્બં) ગન્થે આરબ્ભ ગન્થા ચ સમ્પયુત્તકા ચ ખન્ધા ઉપ્પજ્જન્તિ. (૩)

૧૦૬. ગન્થનિયો ચેવ નો ચ ગન્થો ધમ્મો ગન્થનિયસ્સ ચેવ નો ચ ગન્થસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ…પે… ઝાના…પે… અરિયા ગોત્રભું પચ્ચવેક્ખન્તિ, વોદાનં પચ્ચવેક્ખન્તિ, પહીને કિલેસે…પે… વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, ચક્ખું…પે… વત્થું ગન્થનિયે ચેવ નો ચ ગન્થે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. (સબ્બં વિત્થારેતબ્બં) આવજ્જનાય આરમ્મણપચ્ચયેન પચ્ચયો. (૧)

ગન્થનિયો ચેવ નો ચ ગન્થો ધમ્મો ગન્થસ્સ ચેવ ગન્થનિયસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ…પે… વિચિકિચ્છા…પે… દોમનસ્સં ઉપ્પજ્જતિ; પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… ચક્ખું…પે… વત્થું ગન્થનિયે ચેવ નો ચ ગન્થે ખન્ધે અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ…પે… દોમનસ્સં ઉપ્પજ્જતિ. (૨)

ગન્થનિયો ચેવ નો ચ ગન્થો ધમ્મો ગન્થસ્સ ચેવ ગન્થનિયસ્સ ચ ગન્થનિયસ્સ ચેવ નો ચ ગન્થસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… ચક્ખું…પે… વત્થું ગન્થનિયે ચેવ નો ચ ગન્થે ખન્ધે અસ્સાદેતિ અભિનન્દતિ, તં આરબ્ભ ગન્થા ચ સમ્પયુત્તકા ચ ખન્ધા ઉપ્પજ્જન્તિ (એવં ઇતરેપિ તીણિ વિત્થારેતબ્બા). (૩)

(આરબ્ભ કાતબ્બા. ઇમસ્મિં દુકે લોકુત્તરં નત્થિ, ગન્થદુકસદિસં, નિન્નાનાકરણં. ‘‘ગન્થનિય’’ન્તિ નિયામેતબ્બં, મગ્ગે નવ પઞ્હા કાતબ્બા.)

ગન્થગન્થનિયદુકં નિટ્ઠિતં.