૧. વિભઙ્ગવારો

હેતુપચ્ચયો

૬૯. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ હેતુપચ્ચયેન પચ્ચયો – ગન્થસમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

ગન્થસમ્પયુત્તો ધમ્મો ગન્થવિપ્પયુત્તસ્સ ધમ્મસ્સ હેતુપચ્ચયેન પચ્ચયો – ગન્થસમ્પયુત્તા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો; દિટ્ઠિગતવિપ્પયુત્તલોભસહગતો હેતુ લોભસ્સ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; દોમનસ્સસહગતો હેતુ પટિઘસ્સ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૨)

ગન્થસમ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ હેતુપચ્ચયેન પચ્ચયો – ગન્થસમ્પયુત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; દિટ્ઠિગતવિપ્પયુત્તલોભસહગતો હેતુ સમ્પયુત્તકાનં ખન્ધાનં લોભસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; દોમનસ્સસહગતો હેતુ સમ્પયુત્તકાનં ખન્ધાનં પટિઘસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

૭૦. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ હેતુપચ્ચયેન પચ્ચયો – ગન્થવિપ્પયુત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; દિટ્ઠિગતવિપ્પયુત્તો લોભો ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિઘં ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ હેતુપચ્ચયેન પચ્ચયો – દિટ્ઠિગતવિપ્પયુત્તો લોભો સમ્પયુત્તકાનં ખન્ધાનં હેતુપચ્ચયેન પચ્ચયો; પટિઘં સમ્પયુત્તકાનં ખન્ધાનં હેતુપચ્ચયેન પચ્ચયો. (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ હેતુપચ્ચયેન પચ્ચયો – દિટ્ઠિગતવિપ્પયુત્તો લોભો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિઘં સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

૭૧. ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ધમ્મસ્સ હેતુપચ્ચયેન પચ્ચયો – દિટ્ઠિગતવિપ્પયુત્તલોભસહગતો હેતુ ચ લોભો ચ સમ્પયુત્તકાનં ખન્ધાનં હેતુપચ્ચયેન પચ્ચયો; દોમનસ્સસહગતો હેતુ ચ પટિઘઞ્ચ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થવિપ્પયુત્તસ્સ ધમ્મસ્સ હેતુપચ્ચયેન પચ્ચયો – દિટ્ઠિગતવિપ્પયુત્તલોભસહગતો હેતુ ચ લોભો ચ ચિત્તસમુટ્ઠાનાનં રૂપાનં હેતુપચ્ચયેન પચ્ચયો; દોમનસ્સસહગતો હેતુ ચ પટિઘઞ્ચ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ હેતુપચ્ચયેન પચ્ચયો – દિટ્ઠિગતવિપ્પયુત્તલોભસહગતો હેતુ ચ લોભો ચ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; દોમનસ્સસહગતો હેતુ ચ પટિઘઞ્ચ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

આરમ્મણપચ્ચયો

૭૨. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – ગન્થસમ્પયુત્તે ખન્ધે આરબ્ભ ગન્થસમ્પયુત્તકા ખન્ધા ઉપ્પજ્જન્તિ. (તીસુપિ મૂલા પુચ્છિતબ્બા) ગન્થસમ્પયુત્તે ખન્ધે આરબ્ભ ગન્થવિપ્પયુત્તા ખન્ધા ઉપ્પજ્જન્તિ, ગન્થસમ્પયુત્તે ખન્ધે આરબ્ભ દિટ્ઠિગતવિપ્પયુત્તલોભસહગતા ખન્ધા ચ લોભો ચ ઉપ્પજ્જન્તિ, દોમનસ્સસહગતા ખન્ધા ચ પટિઘઞ્ચ ઉપ્પજ્જન્તિ. (૩)

૭૩. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના વુટ્ઠહિત્વા ઝાનં પચ્ચવેક્ખતિ, અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા ગન્થવિપ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, ચક્ખું…પે… વત્થું ગન્થવિપ્પયુત્તે ખન્ધે ચ લોભઞ્ચ પટિઘઞ્ચ અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ ગન્થવિપ્પયુત્તો રાગો ઉપ્પજ્જતિ, વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન ગન્થવિપ્પયુત્તચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… ગન્થવિપ્પયુત્તા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં…પે… પુબ્બે…પે… ઝાના…પે… તં અસ્સાદેતિ અભિનન્દતિ, તં આરબ્ભ ગન્થસમ્પયુત્તો રાગો ઉપ્પજ્જતિ… દિટ્ઠિ ઉપ્પજ્જતિ… દોમનસ્સં ઉપ્પજ્જતિ (સંખિત્તં). (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ આરમ્મણપચ્ચયેન પચ્ચયો – ચક્ખું…પે… વત્થું ગન્થવિપ્પયુત્તે ખન્ધે ચ લોભઞ્ચ પટિઘઞ્ચ આરબ્ભ દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ ઉપ્પજ્જન્તિ. (૩)

૭૪. ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ દોમનસ્સસહગતે ખન્ધે ચ પટિઘઞ્ચ આરબ્ભ ગન્થસમ્પયુત્તકા ખન્ધા ઉપ્પજ્જન્તિ. (મૂલં પુચ્છિતબ્બં) દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ દોમનસ્સસહગતે ખન્ધે ચ પટિઘઞ્ચ આરબ્ભ ગન્થવિપ્પયુત્તા ખન્ધા ઉપ્પજ્જન્તિ, દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ દોમનસ્સસહગતે ખન્ધે ચ પટિઘઞ્ચ આરબ્ભ દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ ઉપ્પજ્જન્તિ. (૩)

અધિપતિપચ્ચયો

૭૫. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ગન્થસમ્પયુત્તે ખન્ધે ગરું કત્વા ગન્થસમ્પયુત્તકા ખન્ધા ઉપ્પજ્જન્તિ. સહજાતાધિપતિ – ગન્થસમ્પયુત્તાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

ગન્થસમ્પયુત્તો ધમ્મો ગન્થવિપ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ગન્થસમ્પયુત્તે ખન્ધે ગરું કત્વા દિટ્ઠિગતવિપ્પયુત્તો લોભો ઉપ્પજ્જતિ. સહજાતાધિપતિ – ગન્થસમ્પયુત્તાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો; દિટ્ઠિગતવિપ્પયુત્તલોભસહગતાધિપતિ લોભસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો; દોમનસ્સસહગતાધિપતિ પટિઘસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૨)

ગન્થસમ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ગન્થસમ્પયુત્તે ખન્ધે ગરું કત્વા દિટ્ઠિગતવિપ્પયુત્તલોભસહગતા ખન્ધા ચ લોભો ચ ઉપ્પજ્જન્તિ. સહજાતાધિપતિ – દિટ્ઠિગતવિપ્પયુત્તલોભસહગતાધિપતિ સમ્પયુત્તકાનં ખન્ધાનં લોભસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો; દોમનસ્સસહગતાધિપતિ સમ્પયુત્તકાનં ખન્ધાનં પટિઘસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો.(૩)

૭૬. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ ગરું કત્વા પચ્ચવેક્ખતિ, ઝાના વુટ્ઠહિત્વા ઝાનં ગરું કત્વા પચ્ચવેક્ખતિ, અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલા વુટ્ઠહિત્વા ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું ગન્થવિપ્પયુત્તે ખન્ધે ચ લોભઞ્ચ ગરું કત્વા અસ્સાદેતિ અભિનન્દતિ, તં ગરું કત્વા ગન્થવિપ્પયુત્તો રાગો ઉપ્પજ્જતિ. સહજાતાધિપતિ – ગન્થવિપ્પયુત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… ચક્ખું…પે… વત્થું ગન્થવિપ્પયુત્તે ખન્ધે ચ લોભઞ્ચ ગરું કત્વા અસ્સાદેતિ અભિનન્દતિ, તં ગરું કત્વા ગન્થસમ્પયુત્તો રાગો ઉપ્પજ્જતિ… દિટ્ઠિ ઉપ્પજ્જતિ. (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ચક્ખું…પે… વત્થું ગન્થવિપ્પયુત્તે ખન્ધે ચ લોભઞ્ચ ગરું કત્વા દિટ્ઠિગતવિપ્પયુત્તલોભસહગતા ખન્ધા ચ લોભો ચ ઉપ્પજ્જન્તિ. (૩)

૭૭. ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ ગરું કત્વા ગન્થસમ્પયુત્તકા ખન્ધા ઉપ્પજ્જન્તિ. (મૂલા પુચ્છિતબ્બા) દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ ગરું કત્વા દિટ્ઠિગતવિપ્પયુત્તો લોભો ઉપ્પજ્જતિ. (મૂલા પુચ્છિતબ્બા) દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ ગરું કત્વા દિટ્ઠિગતવિપ્પયુત્તલોભસહગતા ખન્ધા ચ લોભો ચ ઉપ્પજ્જન્તિ. (૩)

અનન્તરપચ્ચયો

૭૮. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ગન્થસમ્પયુત્તા ખન્ધા પચ્છિમાનં પચ્છિમાનં ગન્થસમ્પયુત્તકાનં ખન્ધાનં અનન્તરપચ્ચયેન પચ્ચયો. (મૂલા પુચ્છિતબ્બા) પુરિમા પુરિમા દિટ્ઠિગતવિપ્પયુત્તલોભસહગતા ખન્ધા પચ્છિમસ્સ પચ્છિમસ્સ દિટ્ઠિગતવિપ્પયુત્તસ્સ લોભસ્સ અનન્તરપચ્ચયેન પચ્ચયો; પુરિમા પુરિમા દોમનસ્સસહગતા ખન્ધા પચ્છિમસ્સ પચ્છિમસ્સ પટિઘસ્સ અનન્તરપચ્ચયેન પચ્ચયો; ગન્થસમ્પયુત્તા ખન્ધા વુટ્ઠાનસ્સ અનન્તરપચ્ચયેન પચ્ચયો. (મૂલા પુચ્છિતબ્બા) પુરિમા પુરિમા દિટ્ઠિગતવિપ્પયુત્તલોભસહગતા ખન્ધા પચ્છિમાનં પચ્છિમાનં દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ અનન્તરપચ્ચયેન પચ્ચયો; પુરિમા પુરિમા દોમનસ્સસહગતા ખન્ધા પચ્છિમાનં પચ્છિમાનં દોમનસ્સસહગતાનં ખન્ધાનં પટિઘસ્સ ચ અનન્તરપચ્ચયેન પચ્ચયો. (૩)

૭૯. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો દિટ્ઠિગતવિપ્પયુત્તો લોભો પચ્છિમસ્સ પચ્છિમસ્સ દિટ્ઠિગતવિપ્પયુત્તસ્સ લોભસ્સ અનન્તરપચ્ચયેન પચ્ચયો; પુરિમં પુરિમં પટિઘં પચ્છિમસ્સ પચ્છિમસ્સ પટિઘસ્સ અનન્તરપચ્ચયેન પચ્ચયો; પુરિમા પુરિમા ગન્થવિપ્પયુત્તા ખન્ધા પચ્છિમાનં પચ્છિમાનં ગન્થવિપ્પયુત્તાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… ફલસમાપત્તિયા અનન્તરપચ્ચયેન પચ્ચયો. (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો દિટ્ઠિગતવિપ્પયુત્તો લોભો પચ્છિમાનં પચ્છિમાનં દિટ્ઠિગતવિપ્પયુત્તલોભસહગતાનં ખન્ધાનં અનન્તરપચ્ચયેન પચ્ચયો; પુરિમં પુરિમં પટિઘં પચ્છિમાનં પચ્છિમાનં દોમનસ્સસહગતાનં ખન્ધાનં અનન્તરપચ્ચયેન પચ્ચયો; આવજ્જના ગન્થસમ્પયુત્તકાનં ખન્ધાનં અનન્તરપચ્ચયેન પચ્ચયો. (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમો પુરિમો દિટ્ઠિગતવિપ્પયુત્તો લોભો પચ્છિમાનં પચ્છિમાનં દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ અનન્તરપચ્ચયેન પચ્ચયો; પુરિમં પુરિમં પટિઘં પચ્છિમાનં પચ્છિમાનં દોમનસ્સસહગતાનં ખન્ધાનં પટિઘસ્સ ચ અનન્તરપચ્ચયેન પચ્ચયો; આવજ્જના દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ દોમનસ્સસહગતાનં ખન્ધાનં પટિઘસ્સ ચ અનન્તરપચ્ચયેન પચ્ચયો. (૩)

૮૦. ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા દિટ્ઠિગતવિપ્પયુત્તલોભસહગતા ખન્ધા ચ લોભો ચ પચ્છિમાનં પચ્છિમાનં દિટ્ઠિગતવિપ્પયુત્તલોભસહગતાનં ખન્ધાનં અનન્તરપચ્ચયેન પચ્ચયો; પુરિમા પુરિમા દોમનસ્સસહગતા ખન્ધા ચ પટિઘઞ્ચ પચ્છિમાનં પચ્છિમાનં દોમનસ્સસહગતાનં ખન્ધાનં અનન્તરપચ્ચયેન પચ્ચયો. (મૂલા પુચ્છિતબ્બા) પુરિમા પુરિમા દિટ્ઠિગતવિપ્પયુત્તલોભસહગતા ખન્ધા ચ લોભો ચ પચ્છિમસ્સ પચ્છિમસ્સ દિટ્ઠિગતવિપ્પયુત્તસ્સ લોભસ્સ અનન્તરપચ્ચયેન પચ્ચયો; પુરિમા પુરિમા દોમનસ્સસહગતા ખન્ધા ચ પટિઘઞ્ચ પચ્છિમસ્સ પચ્છિમસ્સ પટિઘસ્સ અનન્તરપચ્ચયેન પચ્ચયો; દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ વુટ્ઠાનસ્સ અનન્તરપચ્ચયેન પચ્ચયો. (મૂલા પુચ્છિતબ્બા) પુરિમા પુરિમા દિટ્ઠિગતવિપ્પયુત્તલોભસહગતા ખન્ધા ચ લોભો ચ પચ્છિમાનં પચ્છિમાનં દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ અનન્તરપચ્ચયેન પચ્ચયો; પુરિમા પુરિમા દોમનસ્સસહગતા ખન્ધા ચ પટિઘઞ્ચ પચ્છિમાનં પચ્છિમાનં દોમનસ્સસહગતાનં ખન્ધાનં પટિઘસ્સ ચ અનન્તરપચ્ચયેન પચ્ચયો. (૩)

સમનન્તરપચ્ચયાદિ

૮૧. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ સમનન્તરપચ્ચયેન પચ્ચયો… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો.

ઉપનિસ્સયપચ્ચયો

૮૨. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ગન્થસમ્પયુત્તા ખન્ધા ગન્થસમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (મૂલં પુચ્છિતબ્બં, તીણિપિ ઉપનિસ્સયા) ગન્થસમ્પયુત્તા ખન્ધા ગન્થવિપ્પયુત્તાનં ખન્ધાનં ઉપનિસ્સયપચ્ચયેન પચ્ચયો. (મૂલં, તીણિપિ ઉપનિસ્સયા) ગન્થસમ્પયુત્તા ખન્ધા દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ ઉપનિસ્સયપચ્ચયેન પચ્ચયો; દોમનસ્સસહગતાનં ખન્ધાનં પટિઘસ્સ ચ ઉપનિસ્સયપચ્ચયેન પચ્ચયો. (૩)

૮૩. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ… માનં જપ્પેતિ… સીલં…પે… પઞ્ઞં … રાગં… દોસં… મોહં… માનં… પત્થનં… કાયિકં સુખં… કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ… પાણં હનતિ…પે… સઙ્ઘં ભિન્દતિ; સદ્ધા…પે… પઞ્ઞા, રાગો…પે… પત્થના…પે… સેનાસનં સદ્ધાય…પે… પઞ્ઞાય… રાગસ્સ… દોસસ્સ… મોહસ્સ… માનસ્સ… પત્થનાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં… રાગં…પે… માનં… પત્થનં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં રાગસ્સ… દોસસ્સ … મોહસ્સ… માનસ્સ… દિટ્ઠિયા… પત્થનાય ઉપનિસ્સયપચ્ચયેન પચ્ચયો. (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ ઉપનિસ્સયપચ્ચયેન પચ્ચયો (તીણિ ઉપનિસ્સયા); સદ્ધં ઉપનિસ્સાય માનં જપ્પેતિ; સીલં…પે… પઞ્ઞં… રાગં… દોસં… મોહં… માનં… પત્થનં… કાયિકં સુખં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… પઞ્ઞા… રાગો… દોસો… મોહો… માનો… પત્થના…પે… સેનાસનં દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ દોમનસ્સસહગતાનં ખન્ધાનં પટિઘસ્સ ચ ઉપનિસ્સયપચ્ચયેન પચ્ચયો. (૩)

૮૪. ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો …પે…. પકતૂપનિસ્સયો – દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ ગન્થસમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (મૂલં કાતબ્બં) દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ ગન્થવિપ્પયુત્તાનં ખન્ધાનં દિટ્ઠિગતવિપ્પયુત્તલોભસ્સ ચ પટિઘસ્સ ચ ઉપનિસ્સયપચ્ચયેન પચ્ચયો. (મૂલં પુચ્છિતબ્બં) દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ દોમનસ્સસહગતાનં ખન્ધાનં પટિઘસ્સ ચ ઉપનિસ્સયપચ્ચયેન પચ્ચયો. (૩)

પુરેજાતપચ્ચયો

૮૫. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો વિપસ્સતિ, અસ્સાદેતિ અભિનન્દતિ, તં આરબ્ભ ગન્થવિપ્પયુત્તો રાગો ઉપ્પજ્જતિ, વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ ગન્થવિપ્પયુત્તાનં ખન્ધાનં દિટ્ઠિગતવિપ્પયુત્તસ્સ લોભસ્સ ચ પટિઘસ્સ ચ પુરેજાતપચ્ચયેન પચ્ચયો. (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ ગન્થસમ્પયુત્તો રાગો ઉપ્પજ્જતિ, દિટ્ઠિ…પે… દોમનસ્સં ઉપ્પજ્જતિ. વત્થુપુરેજાતં – વત્થુ ગન્થસમ્પયુત્તકાનં ખન્ધાનં પુરેજાતપચ્ચયેન પચ્ચયો. (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું આરબ્ભ દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ ઉપ્પજ્જન્તિ. વત્થુપુરેજાતં – વત્થુ દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ દોમનસ્સસહગતાનં ખન્ધાનં પટિઘસ્સ ચ પુરેજાતપચ્ચયેન પચ્ચયો. (૩)

પચ્છાજાતપચ્ચયો

૮૬. ગન્થસમ્પયુત્તો ધમ્મો ગન્થવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો… એકં.

ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો… એકં.

ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૮૭. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ આસેવનપચ્ચયેન પચ્ચયો (અનન્તરસદિસં, આવજ્જનાપિ વુટ્ઠાનમ્પિ નત્થિ).

કમ્મપચ્ચયો

૮૮. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ કમ્મપચ્ચયેન પચ્ચયો – ગન્થસમ્પયુત્તા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

ગન્થસમ્પયુત્તો ધમ્મો ગન્થવિપ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ગન્થસમ્પયુત્તા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; દિટ્ઠિગતવિપ્પયુત્તલોભસહગતા ચેતના લોભસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; દોમનસ્સસહગતા ચેતના પટિઘસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. નાનાક્ખણિકા – ગન્થસમ્પયુત્તા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)

ગન્થસમ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ કમ્મપચ્ચયેન પચ્ચયો – ગન્થસમ્પયુત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; દિટ્ઠિગતવિપ્પયુત્તલોભસહગતા ચેતના સમ્પયુત્તકાનં ખન્ધાનં લોભસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; દોમનસ્સસહગતા ચેતના સમ્પયુત્તકાનં ખન્ધાનં પટિઘસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

૮૯. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ગન્થવિપ્પયુત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ગન્થવિપ્પયુત્તા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

વિપાકપચ્ચયાદિ

૯૦. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ વિપાકપચ્ચયેન પચ્ચયો… એકં.

ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ આહારપચ્ચયેન પચ્ચયો… ચત્તારિ… ઇન્દ્રિયપચ્ચયેન પચ્ચયો… ચત્તારિ… ઝાનપચ્ચયેન પચ્ચયો… ચત્તારિ… મગ્ગપચ્ચયેન પચ્ચયો … ચત્તારિ… સમ્પયુત્તપચ્ચયેન પચ્ચયો… છ.

વિપ્પયુત્તપચ્ચયો

૯૧. ગન્થસમ્પયુત્તો ધમ્મો ગન્થવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં, વિભજિતબ્બં). (૧)

ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ ગન્થસમ્પયુત્તકાનં ખન્ધાનં વિપ્પયુત્તપચ્ચયેન પચ્ચયો. (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ દોમનસ્સસહગતાનં ખન્ધાનં પટિઘસ્સ ચ વિપ્પયુત્તપચ્ચયેન પચ્ચયો. (૩)

૯૨. ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – દિટ્ઠિગતવિપ્પયુત્તલોભસહગતા ખન્ધા ચ લોભો ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; દોમનસ્સસહગતા ખન્ધા ચ પટિઘઞ્ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયો

૯૩. ગન્થસમ્પયુત્તો ધમ્મો ગન્થસમ્પયુત્તસ્સ ધમ્મસ્સ અત્થિપચ્ચયેન પચ્ચયો… એકં (પટિચ્ચસદિસં). (૧)

ગન્થસમ્પયુત્તો ધમ્મો ગન્થવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં, વિભજિતબ્બં). (૨)

ગન્થસમ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો… એકં (પટિચ્ચસદિસં). (૩)

૯૪. ગન્થવિપ્પયુત્તો ધમ્મો ગન્થવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં, વિભજિતબ્બં). (૧)

ગન્થવિપ્પયુત્તો ધમ્મો ગન્થસમ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – દિટ્ઠિગતવિપ્પયુત્તો લોભો સમ્પયુત્તકાનં ખન્ધાનં અત્થિપચ્ચયેન પચ્ચયો; દોમનસ્સસહગતં પટિઘં સમ્પયુત્તકાનં ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ ગન્થસમ્પયુત્તો રાગો…પે… દિટ્ઠિ…પે… દોમનસ્સં ઉપ્પજ્જતિ, વત્થુ ગન્થસમ્પયુત્તકાનં ખન્ધાનં અત્થિપચ્ચયેન પચ્ચયો. (૨)

ગન્થવિપ્પયુત્તો ધમ્મો ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – દિટ્ઠિગતવિપ્પયુત્તો લોભો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો; પટિઘં સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું આરબ્ભ દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ ઉપ્પજ્જન્તિ, વત્થુ દિટ્ઠિગતવિપ્પયુત્તલોભસહગતાનં ખન્ધાનં લોભસ્સ ચ દોમનસ્સસહગતાનં ખન્ધાનં પટિઘસ્સ ચ અત્થિપચ્ચયેન પચ્ચયો. (૩)

૯૫. ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ગન્થસમ્પયુત્તો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – દિટ્ઠિગતવિપ્પયુત્તલોભસહગતો એકો ખન્ધો ચ લોભો ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… દોમનસ્સસહગતો એકો ખન્ધો ચ પટિઘઞ્ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. (૧)

ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – ગન્થસમ્પયુત્તા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – દિટ્ઠિગતવિપ્પયુત્તલોભસહગતા ખન્ધા ચ લોભો ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – દોમનસ્સસહગતા ખન્ધા ચ પટિઘઞ્ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; દિટ્ઠિગતવિપ્પયુત્તલોભસહગતા ખન્ધા ચ વત્થુ ચ લોભસ્સ અત્થિપચ્ચયેન પચ્ચયો; દોમનસ્સસહગતા ખન્ધા ચ વત્થુ ચ પટિઘસ્સ અત્થિપચ્ચયેન પચ્ચયો. પચ્છાજાતા – દિટ્ઠિગતવિપ્પયુત્તલોભસહગતા ખન્ધા ચ લોભો ચ દોમનસ્સસહગતા ખન્ધા ચ પટિઘઞ્ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – ગન્થસમ્પયુત્તા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – ગન્થસમ્પયુત્તા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

ગન્થસમ્પયુત્તો ચ ગન્થવિપ્પયુત્તો ચ ધમ્મા ગન્થસમ્પયુત્તસ્સ ચ ગન્થવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – દિટ્ઠિગતવિપ્પયુત્તલોભસહગતો એકો ખન્ધો ચ લોભો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – દોમનસ્સસહગતો એકો ખન્ધો ચ પટિઘઞ્ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – દિટ્ઠિગતવિપ્પયુત્તલોભસહગતો એકો ખન્ધો ચ વત્થુ ચ તિણ્ણન્નં ખન્ધાનં લોભસ્સ ચ અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – દોમનસ્સસહગતો એકો ખન્ધો ચ વત્થુ ચ તિણ્ણન્નં ખન્ધાનં પટિઘસ્સ ચ અત્થિપચ્ચયેન પચ્ચયો…પે… દ્વે ખન્ધા ચ…પે…. (૩)