૧. વિભઙ્ગવારો

હેતુપચ્ચયો

૬૨. ગન્થસમ્પયુત્તં ધમ્મં સંસટ્ઠો ગન્થસમ્પયુત્તો ધમ્મો ઉપ્પજ્જતિ હેતુપચ્ચયા – ગન્થસમ્પયુત્તં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

ગન્થસમ્પયુત્તં ધમ્મં સંસટ્ઠો ગન્થવિપ્પયુત્તો ધમ્મો ઉપ્પજ્જતિ હેતુપચ્ચયા – દિટ્ઠિગતવિપ્પયુત્તલોભસહગતે ખન્ધે સંસટ્ઠો લોભો, દોમનસ્સસહગતે ખન્ધે સંસટ્ઠં પટિઘં. (૨)

ગન્થસમ્પયુત્તં ધમ્મં સંસટ્ઠો ગન્થસમ્પયુત્તો ચ ગન્થવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – દિટ્ઠિગતવિપ્પયુત્તલોભસહગતં એકં ખન્ધં સંસટ્ઠા તયો ખન્ધા લોભો ચ…પે… દ્વે ખન્ધે…પે… દોમનસ્સસહગતં એકં ખન્ધં સંસટ્ઠા તયો ખન્ધા પટિઘઞ્ચ…પે… દ્વે ખન્ધે…પે…. (૩)

૬૩. ગન્થવિપ્પયુત્તં ધમ્મં સંસટ્ઠો ગન્થવિપ્પયુત્તો ધમ્મો ઉપ્પજ્જતિ હેતુપચ્ચયા – ગન્થવિપ્પયુત્તં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

ગન્થવિપ્પયુત્તં ધમ્મં સંસટ્ઠો ગન્થસમ્પયુત્તો ધમ્મો ઉપ્પજ્જતિ હેતુપચ્ચયા – દિટ્ઠિગતવિપ્પયુત્તં લોભં સંસટ્ઠા સમ્પયુત્તકા ખન્ધા, પટિઘં સંસટ્ઠા સમ્પયુત્તકા ખન્ધા. (૨)

ગન્થસમ્પયુત્તઞ્ચ ગન્થવિપ્પયુત્તઞ્ચ ધમ્મં સંસટ્ઠો ગન્થસમ્પયુત્તો ધમ્મો ઉપ્પજ્જતિ હેતુપચ્ચયા – દિટ્ઠિગતવિપ્પયુત્તં લોભસહગતં એકં ખન્ધઞ્ચ લોભઞ્ચ સંસટ્ઠા તયો ખન્ધા…પે… દ્વે ખન્ધે…પે… દોમનસ્સસહગતં એકં ખન્ધઞ્ચ પટિઘઞ્ચ સંસટ્ઠા તયો ખન્ધા…પે… દ્વે ખન્ધે…પે… (સંખિત્તં).