૧. વિભઙ્ગવારો

હેતુપચ્ચયો

૪૫. ગન્થસમ્પયુત્તં ધમ્મં પટિચ્ચ ગન્થસમ્પયુત્તો ધમ્મો ઉપ્પજ્જતિ હેતુપચ્ચયા – ગન્થસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

ગન્થસમ્પયુત્તં ધમ્મં પટિચ્ચ ગન્થવિપ્પયુત્તો ધમ્મો ઉપ્પજ્જતિ હેતુપચ્ચયા – ગન્થસમ્પયુત્તે ખન્ધે પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે પટિચ્ચ લોભો ચિત્તસમુટ્ઠાનઞ્ચ રૂપં, દોમનસ્સસહગતે ખન્ધે પટિચ્ચ પટિઘં ચિત્તસમુટ્ઠાનઞ્ચ રૂપં. (૨)

ગન્થસમ્પયુત્તં ધમ્મં પટિચ્ચ ગન્થસમ્પયુત્તો ચ ગન્થવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – ગન્થસમ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દિટ્ઠિગતવિપ્પયુત્તલોભસહગતં એકં ખન્ધં પટિચ્ચ તયો ખન્ધા લોભો ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દોમનસ્સસહગતં એકં ખન્ધં પટિચ્ચ તયો ખન્ધા પટિઘઞ્ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૪૬. ગન્થવિપ્પયુત્તં ધમ્મં પટિચ્ચ ગન્થવિપ્પયુત્તો ધમ્મો ઉપ્પજ્જતિ હેતુપચ્ચયા – ગન્થવિપ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દિટ્ઠિગતવિપ્પયુત્તં લોભં પટિચ્ચ ચિત્તસમુટ્ઠાનં રૂપં, પટિઘં પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… ખન્ધે પટિચ્ચ (સંખિત્તં). (૧)

ગન્થવિપ્પયુત્તં ધમ્મં પટિચ્ચ ગન્થસમ્પયુત્તો ધમ્મો ઉપ્પજ્જતિ હેતુપચ્ચયા – દિટ્ઠિગતવિપ્પયુત્તં લોભં પટિચ્ચ સમ્પયુત્તકા ખન્ધા, પટિઘં પટિચ્ચ સમ્પયુત્તકા ખન્ધા. (૨)

ગન્થવિપ્પયુત્તં ધમ્મં પટિચ્ચ ગન્થસમ્પયુત્તો ચ ગન્થવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – દિટ્ઠિગતવિપ્પયુત્તં લોભં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં, પટિઘં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૩)

૪૭. ગન્થસમ્પયુત્તઞ્ચ ગન્થવિપ્પયુત્તઞ્ચ ધમ્મં પટિચ્ચ ગન્થસમ્પયુત્તો ધમ્મો ઉપ્પજ્જતિ હેતુપચ્ચયા – દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પટિચ્ચ તયો ખન્ધા…પે… દ્વે ખન્ધે…પે… દોમનસ્સસહગતં એકં ખન્ધઞ્ચ પટિઘઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

ગન્થસમ્પયુત્તઞ્ચ ગન્થવિપ્પયુત્તઞ્ચ ધમ્મં પટિચ્ચ ગન્થવિપ્પયુત્તો ધમ્મો ઉપ્પજ્જતિ હેતુપચ્ચયા – ગન્થસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ પટિચ્ચ ચિત્તસમુટ્ઠાનં રૂપં, દોમનસ્સસહગતે ખન્ધે ચ પટિઘઞ્ચ પટિચ્ચ ચિત્તસમુટ્ઠાનં રૂપં. (૨)

ગન્થસમ્પયુત્તઞ્ચ ગન્થવિપ્પયુત્તઞ્ચ ધમ્મં પટિચ્ચ ગન્થસમ્પયુત્તો ચ ગન્થવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દોમનસ્સસહગતં એકં ખન્ધઞ્ચ પટિઘઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

આરમ્મણપચ્ચયો

૪૮. ગન્થસમ્પયુત્તં ધમ્મં પટિચ્ચ ગન્થસમ્પયુત્તો ધમ્મો ઉપ્પજ્જતિ આરમ્મણપચ્ચયા – ગન્થસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

ગન્થસમ્પયુત્તં ધમ્મં પટિચ્ચ ગન્થવિપ્પયુત્તો ધમ્મો ઉપ્પજ્જતિ આરમ્મણપચ્ચયા – દિટ્ઠિગતવિપ્પયુત્તલોભસહગતે ખન્ધે પટિચ્ચ લોભો, દોમનસ્સસહગતે ખન્ધે પટિચ્ચ પટિઘં. (૨)

ગન્થસમ્પયુત્તં ધમ્મં પટિચ્ચ ગન્થસમ્પયુત્તો ચ ગન્થવિપ્પયુત્તો ચ ધમ્મા ઉપ્પજ્જન્તિ આરમ્મણપચ્ચયા – દિટ્ઠિગતવિપ્પયુત્તલોભસહગતં એકં ખન્ધં પટિચ્ચ તયો ખન્ધા લોભો ચ…પે… દ્વે ખન્ધે…પે… દોમનસ્સસહગતં એકં ખન્ધં પટિચ્ચ તયો ખન્ધા પટિઘઞ્ચ…પે… દ્વે ખન્ધે…પે…. (૩)

૪૯. ગન્થવિપ્પયુત્તં ધમ્મં પટિચ્ચ ગન્થવિપ્પયુત્તો ધમ્મો ઉપ્પજ્જતિ આરમ્મણપચ્ચયા – ગન્થવિપ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

ગન્થવિપ્પયુત્તં ધમ્મં પટિચ્ચ ગન્થસમ્પયુત્તો ધમ્મો ઉપ્પજ્જતિ આરમ્મણપચ્ચયા – દિટ્ઠિગતવિપ્પયુત્તં લોભં પટિચ્ચ સમ્પયુત્તકા ખન્ધા, પટિઘં પટિચ્ચ સમ્પયુત્તકા ખન્ધા. (૨)

ગન્થસમ્પયુત્તઞ્ચ ગન્થવિપ્પયુત્તઞ્ચ ધમ્મં પટિચ્ચ ગન્થસમ્પયુત્તો ધમ્મો ઉપ્પજ્જતિ આરમ્મણપચ્ચયા – દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પટિચ્ચ તયો ખન્ધા…પે… દ્વે ખન્ધે…પે… દોમનસ્સસહગતં એકં ખન્ધઞ્ચ પટિઘઞ્ચ પટિચ્ચ તયો ખન્ધા…પે… દ્વે ખન્ધે…પે… (સંખિત્તં). (૧)