૧. વિભઙ્ગવારો

હેતુપચ્ચયો

૧૮. ગન્થો ધમ્મો ગન્થસ્સ ધમ્મસ્સ હેતુપચ્ચયેન પચ્ચયો – ગન્થા હેતૂ સમ્પયુત્તકાનં ગન્થાનં હેતુપચ્ચયેન પચ્ચયો. (૧)

ગન્થો ધમ્મો નોગન્થસ્સ ધમ્મસ્સ હેતુપચ્ચયેન પચ્ચયો – ગન્થા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૨)

ગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ હેતુપચ્ચયેન પચ્ચયો – ગન્થા હેતૂ સમ્પયુત્તકાનં ખન્ધાનં ગન્થાનઞ્ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

૧૯. નોગન્થો ધમ્મો નોગન્થસ્સ ધમ્મસ્સ હેતુપચ્ચયેન પચ્ચયો – નોગન્થા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

નોગન્થો ધમ્મો ગન્થસ્સ ધમ્મસ્સ હેતુપચ્ચયેન પચ્ચયો – નોગન્થા હેતૂ સમ્પયુત્તકાનં ગન્થાનં હેતુપચ્ચયેન પચ્ચયો. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ હેતુપચ્ચયેન પચ્ચયો – નોગન્થા હેતૂ સમ્પયુત્તકાનં ખન્ધાનં ગન્થાનઞ્ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

૨૦. ગન્થો ચ નોગન્થો ચ ધમ્મા ગન્થસ્સ ધમ્મસ્સ હેતુપચ્ચયેન પચ્ચયો – ગન્થા ચ નોગન્થા ચ હેતૂ સમ્પયુત્તકાનં ગન્થાનં હેતુપચ્ચયેન પચ્ચયો. (૧)

ગન્થો ચ નોગન્થો ચ ધમ્મા નોગન્થસ્સ ધમ્મસ્સ હેતુપચ્ચયેન પચ્ચયો – ગન્થા ચ નોગન્થા ચ હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૨)

ગન્થો ચ નોગન્થો ચ ધમ્મા ગન્થસ્સ ચ નોગન્થસ્સ ચ ધમ્મસ્સ હેતુપચ્ચયેન પચ્ચયો – ગન્થા ચ નોગન્થા ચ હેતૂ સમ્પયુત્તકાનં ખન્ધાનં ગન્થાનઞ્ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

આરમ્મણપચ્ચયો

૨૧. ગન્થો ધમ્મો ગન્થસ્સ ધમ્મસ્સ આરમ્મણપચ્ચયેન પચ્ચયો – ગન્થે આરબ્ભ ગન્થા ઉપ્પજ્જન્તિ. (મૂલં કાતબ્બં) ગન્થે આરબ્ભ નોગન્થા ખન્ધા ઉપ્પજ્જન્તિ. (મૂલં કાતબ્બં) ગન્થે આરબ્ભ ગન્થા ચ સમ્પયુત્તકા ચ ખન્ધા ઉપ્પજ્જન્તિ. (૩)

૨૨. નોગન્થો ધમ્મો નોગન્થસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ…પે… ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા નોગન્થે પહીને કિલેસે…પે… વિક્ખમ્ભિતે કિલેસે પચ્ચવેક્ખન્તિ, પુબ્બે…પે… ચક્ખું…પે… વત્થું નોગન્થે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન નોગન્થચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… નોગન્થા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નોગન્થો ધમ્મો ગન્થસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, દોમનસ્સં ઉપ્પજ્જતિ; પુબ્બે સુચિણ્ણાનિ…પે… ઝાના…પે… ચક્ખું…પે… વત્થું નોગન્થે ખન્ધે અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં અસ્સાદેતિ અભિનન્દતિ, તં આરબ્ભ ગન્થા ચ સમ્પયુત્તકા ચ ખન્ધા ઉપ્પજ્જન્તિ, પુબ્બે સુચિણ્ણાનિ…પે… ઝાના…પે… ચક્ખું…પે… વત્થું નોગન્થે ખન્ધે અસ્સાદેતિ અભિનન્દતિ, તં આરબ્ભ ગન્થા ચ સમ્પયુત્તકા ચ ખન્ધા ઉપ્પજ્જન્તિ. (૩)

ગન્થો ચ નોગન્થો ચ ધમ્મા ગન્થસ્સ ધમ્મસ્સ આરમ્મણપચ્ચયેન પચ્ચયો… તીણિ (આરબ્ભ કાતબ્બા).

અધિપતિપચ્ચયો

૨૩. ગન્થો ધમ્મો ગન્થસ્સ ધમ્મસ્સ અધિપતિપચ્ચયેન પચ્ચયો… તીણિ (આરમ્મણસદિસા, ગરુકારમ્મણા કાતબ્બા).

નોગન્થો ધમ્મો નોગન્થસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… અરિયા મગ્ગા…પે… ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું નોગન્થે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોગન્થાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નોગન્થો ધમ્મો ગન્થસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ …પે… ઝાના…પે… ચક્ખું…પે… વત્થું નોગન્થે ખન્ધે ગરું કત્વા તં અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોગન્થાધિપતિ ગન્થાનં અધિપતિપચ્ચયેન પચ્ચયો. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… નોગન્થે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા ગન્થા ચ સમ્પયુત્તકા ચ ખન્ધા ઉપ્પજ્જન્તિ. સહજાતાધિપતિ – નોગન્થાધિપતિ સમ્પયુત્તકાનં ખન્ધાનં ગન્થાનઞ્ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૨૪. ગન્થો ચ નોગન્થો ચ ધમ્મા ગન્થસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ.

અનન્તરપચ્ચયો

૨૫. ગન્થો ધમ્મો ગન્થસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ગન્થા પચ્છિમાનં પચ્છિમાનં ગન્થાનં અનન્તરપચ્ચયેન પચ્ચયો. (૧)

ગન્થો ધમ્મો નોગન્થસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ગન્થા પચ્છિમાનં પચ્છિમાનં નોગન્થાનં ખન્ધાનં અનન્તરપચ્ચયેન પચ્ચયો; ગન્થા વુટ્ઠાનસ્સ અનન્તરપચ્ચયેન પચ્ચયો. (૨)

ગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા ગન્થા પચ્છિમાનં પચ્છિમાનં ગન્થાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૨૬. નોગન્થો ધમ્મો નોગન્થસ્સ ધમ્મસ્સ અનન્તરપચ્ચયેન પચ્ચયો… તીણિ (દ્વે આવજ્જના કાતબ્બા, પઠમો નત્થિ).

ગન્થો ચ નોગન્થો ચ ધમ્મા ગન્થસ્સ ધમ્મસ્સ અનન્તરપચ્ચયેન પચ્ચયો… તીણિ (એકમ્પિ વુટ્ઠાનં કાતબ્બં, મજ્ઝે).

સમનન્તરપચ્ચયાદિ

૨૭. ગન્થો ધમ્મો ગન્થસ્સ ધમ્મસ્સ સમનન્તરપચ્ચયેન પચ્ચયો… નવ… સહજાતપચ્ચયેન પચ્ચયો… નવ… અઞ્ઞમઞ્ઞપચ્ચયેન પચ્ચયો… નવ, નિસ્સયપચ્ચયેન પચ્ચયો… નવ.

ઉપનિસ્સયપચ્ચયો

૨૮. ગન્થો ધમ્મો ગન્થસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ગન્થા ગન્થાનં ઉપનિસ્સયપચ્ચયેન પચ્ચયો… તીણિ.

૨૯. નોગન્થો ધમ્મો નોગન્થસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો …પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

નોગન્થો ધમ્મો ગન્થસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ, સીલં…પે… સેનાસનં ઉપનિસ્સાય પાણં હનતિ …પે… સઙ્ઘં ભિન્દતિ, સદ્ધા…પે… સેનાસનં ગન્થાનં સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો. (૩)

ગન્થો ચ નોગન્થો ચ ધમ્મા ગન્થસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો… તીણિ (આરમ્મણનયેન કાતબ્બા).

પુરેજાતપચ્ચયાદિ

૩૦. નોગન્થો ધમ્મો નોગન્થસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નોગન્થાનં ખન્ધાનં પુરેજાતપચ્ચયેન પચ્ચયો. (૧)

નોગન્થો ધમ્મો ગન્થસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, દોમનસ્સં ઉપ્પજ્જતિ. વત્થુપુરેજાતં – વત્થુ ગન્થાનં પુરેજાતપચ્ચયેન પચ્ચયો. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ ગન્થા ચ સમ્પયુત્તકા ચ ખન્ધા ઉપ્પજ્જન્તિ. વત્થુપુરેજાતં – વત્થુ ગન્થાનં સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

પચ્છાજાતપચ્ચયેન પચ્ચયો… તીણિ, આસેવનપચ્ચયેન પચ્ચયો… નવ.

કમ્મપચ્ચયો

૩૧. નોગન્થો ધમ્મો નોગન્થસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોગન્થા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોગન્થા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

નોગન્થો ધમ્મો ગન્થસ્સ ધમ્મસ્સ કમ્મપચ્ચયેન પચ્ચયો – નોગન્થા ચેતના સમ્પયુત્તકાનં ગન્થાનં કમ્મપચ્ચયેન પચ્ચયો. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ કમ્મપચ્ચયેન પચ્ચયો – નોગન્થા ચેતના સમ્પયુત્તકાનં ખન્ધાનં ગન્થાનઞ્ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

વિપાકપચ્ચયાદિ

૩૨. નોગન્થો ધમ્મો નોગન્થસ્સ ધમ્મસ્સ વિપાકપચ્ચયેન પચ્ચયો… એકં… આહારપચ્ચયેન પચ્ચયો… તીણિ… ઇન્દ્રિયપચ્ચયેન પચ્ચયો… તીણિ… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… નવ… સમ્પયુત્તપચ્ચયેન પચ્ચયો… નવ.

વિપ્પયુત્તપચ્ચયો

૩૩. ગન્થો ધમ્મો નોગન્થસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

નોગન્થો ધમ્મો નોગન્થસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૧)

નોગન્થો ધમ્મો ગન્થસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ ગન્થાનં વિપ્પયુત્તપચ્ચયેન પચ્ચયો. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ ગન્થાનં સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

ગન્થો ચ નોગન્થો ચ ધમ્મા નોગન્થસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

અત્થિપચ્ચયો

૩૪. ગન્થો ધમ્મો ગન્થસ્સ ધમ્મસ્સ અત્થિપચ્ચયેન પચ્ચયો… એકં (પટિચ્ચસદિસં).

ગન્થો ધમ્મો નોગન્થસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – ગન્થા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પચ્છાજાતા – ગન્થા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

ગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ અત્થિપચ્ચયેન પચ્ચયો… એકં (પટિચ્ચસદિસં). (૩)

૩૫. નોગન્થો ધમ્મો નોગન્થસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)

નોગન્થો ધમ્મો ગન્થસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતા – નોગન્થા ખન્ધા ગન્થાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, દોમનસ્સં ઉપ્પજ્જતિ, વત્થુ ગન્થાનં અત્થિપચ્ચયેન પચ્ચયો. (૨)

નોગન્થો ધમ્મો ગન્થસ્સ ચ નોગન્થસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નોગન્થો એકો ખન્ધો તિણ્ણન્નં ખન્ધાનં ગન્થાનઞ્ચ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે…. પુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ ગન્થા ચ સમ્પયુત્તકા ચ ખન્ધા ઉપ્પજ્જન્તિ; વત્થુ ગન્થાનં સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો. (૩)

૩૬. ગન્થો ચ નોગન્થો ચ ધમ્મા ગન્થસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – સીલબ્બતપરામાસો કાયગન્થો ચ સમ્પયુત્તકા ચ ખન્ધા અભિજ્ઝાકાયગન્થસ્સ અત્થિપચ્ચયેન પચ્ચયો (ચક્કં). સહજાતો – સીલબ્બતપરામાસો કાયગન્થો ચ વત્થુ ચ અભિજ્ઝાકાયગન્થસ્સ અત્થિપચ્ચયેન પચ્ચયો. (ચક્કં). (૧)

ગન્થો ચ નોગન્થો ચ ધમ્મા નોગન્થસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નોગન્થો એકો ખન્ધો ચ ગન્થો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતા – ગન્થા ચ વત્થુ ચ નોગન્થાનં ખન્ધાનં અત્થિપચ્ચયેન પચ્ચયો. સહજાતા – ગન્થા ચ મહાભૂતા ચ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પચ્છાજાતા – ગન્થા ચ સમ્પયુત્તકા ચ ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – ગન્થા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – ગન્થા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

ગન્થો ચ નોગન્થો ચ ધમ્મા ગન્થસ્સ ચ નોગન્થસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નોગન્થો એકો ખન્ધો ચ સીલબ્બતપરામાસો કાયગન્થો ચ તિણ્ણન્નં ખન્ધાનં અભિજ્ઝાકાયગન્થસ્સ ચ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે…. સહજાતો – સીલબ્બતપરામાસો કાયગન્થો ચ વત્થુ ચ અભિજ્ઝાકાયગન્થસ્સ ચ સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો (ચક્કં). (૩)