૧. વિભઙ્ગવારો

હેતુપચ્ચયો

૧૧. ગન્થં ધમ્મં પચ્ચયા ગન્થો ધમ્મો ઉપ્પજ્જતિ હેતુપચ્ચયા… તીણિ (પટિચ્ચવારસદિસો).

નોગન્થં ધમ્મં પચ્ચયા નોગન્થો ધમ્મો ઉપ્પજ્જતિ હેતુપચ્ચયા – નોગન્થં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા. એકં મહાભૂતં…પે… વત્થું પચ્ચયા નોગન્થા ખન્ધા. (૧)

નોગન્થં ધમ્મં પચ્ચયા ગન્થો ધમ્મો ઉપ્પજ્જતિ હેતુપચ્ચયા – નોગન્થે ખન્ધે પચ્ચયા ગન્થા, વત્થું પચ્ચયા ગન્થા. (૨)

નોગન્થં ધમ્મં પચ્ચયા ગન્થો ચ નોગન્થો ચ ધમ્મા ઉપ્પજ્જન્તિ હેતુપચ્ચયા – નોગન્થં એકં ખન્ધં પચ્ચયા તયો ખન્ધા ગન્થા ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… વત્થું પચ્ચયા ગન્થા સમ્પયુત્તકા ચ ખન્ધા. (૩)

૧૨. ગન્થઞ્ચ નોગન્થઞ્ચ ધમ્મં પચ્ચયા ગન્થો ધમ્મો ઉપ્પજ્જતિ હેતુપચ્ચયા – સીલબ્બતપરામાસં કાયગન્થઞ્ચ સમ્પયુત્તકે ચ ખન્ધે પચ્ચયા અભિજ્ઝાકાયગન્થો (ચક્કં). સીલબ્બતપરામાસં કાયગન્થઞ્ચ વત્થુઞ્ચ પચ્ચયા અભિજ્ઝાકાયગન્થો (ચક્કં). (૧)

ગન્થઞ્ચ નોગન્થઞ્ચ ધમ્મં પચ્ચયા નોગન્થો ધમ્મો ઉપ્પજ્જતિ હેતુપચ્ચયા – નોગન્થં એકં ખન્ધઞ્ચ ગન્થે ચ પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… ગન્થે ચ વત્થુઞ્ચ પચ્ચયા નોગન્થા ખન્ધા. (૨)

ગન્થઞ્ચ નોગન્થઞ્ચ ધમ્મં પચ્ચયા ગન્થો ચ નોગન્થો ચ ધમ્મા ઉપ્પજ્જન્તિ હેતુપચ્ચયા – નોગન્થં એકં ખન્ધઞ્ચ સીલબ્બતપરામાસં કાયગન્થઞ્ચ પચ્ચયા તયો ખન્ધા અભિજ્ઝાકાયગન્થો ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… (ચક્કં). સીલબ્બતપરામાસં કાયગન્થઞ્ચ વત્થુઞ્ચ પચ્ચયા અભિજ્ઝાકાયગન્થો ચ સમ્પયુત્તકા ચ ખન્ધા (ચક્કં). (૩)