૧. વિભઙ્ગવારો

નહેતુપચ્ચયો

૧૦૪. રૂપિં ધમ્મં પચ્ચયા રૂપી ધમ્મો ઉપ્પજ્જતિ નહેતુપચ્ચયા – એકં મહાભૂતં…પે… અસઞ્ઞસત્તાનં એકં મહાભૂતં…પે…. (૧)

રૂપિં ધમ્મં પચ્ચયા અરૂપી ધમ્મો ઉપ્પજ્જતિ નહેતુપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા અરૂપિનો ખન્ધા; અહેતુકપટિસન્ધિક્ખણે…પે… વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

રૂપિં ધમ્મં પચ્ચયા રૂપી ચ અરૂપી ચ ધમ્મા ઉપ્પજ્જન્તિ નહેતુપચ્ચયા (પવત્તિપટિસન્ધિ કાતબ્બા). (૩)

૧૦૫. અરૂપિં ધમ્મં પચ્ચયા અરૂપી ધમ્મો ઉપ્પજ્જતિ નહેતુપચ્ચયા – અહેતુકં અરૂપિં એકં ખન્ધં…પે… પટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

અરૂપિં ધમ્મં પચ્ચયા રૂપી ધમ્મો ઉપ્પજ્જતિ નહેતુપચ્ચયા – અહેતુકે અરૂપિનો ખન્ધે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૨)

અરૂપિં ધમ્મં પચ્ચયા રૂપી ચ અરૂપી ચ ધમ્મા ઉપ્પજ્જન્તિ નહેતુપચ્ચયા – અહેતુકં અરૂપિં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૧૦૬. રૂપિઞ્ચ અરૂપિઞ્ચ ધમ્મં પચ્ચયા રૂપી ધમ્મો ઉપ્પજ્જતિ નહેતુપચ્ચયા – અહેતુકે અરૂપિનો ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૧)

રૂપિઞ્ચ અરૂપિઞ્ચ ધમ્મં પચ્ચયા અરૂપી ધમ્મો ઉપ્પજ્જતિ નહેતુપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા તયો ખન્ધા…પે… દ્વે ખન્ધે…પે… કાયવિઞ્ઞાણસહગતં…પે… અરૂપિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

રૂપિઞ્ચ અરૂપિઞ્ચ ધમ્મં પચ્ચયા રૂપી ચ અરૂપી ચ ધમ્મા ઉપ્પજ્જન્તિ નહેતુપચ્ચયા – અહેતુકં અરૂપિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… અરૂપિનો ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)