૧. વિભઙ્ગવારો

હેતુપચ્ચયો

૯૩. રૂપિં ધમ્મં પટિચ્ચ રૂપી ધમ્મો ઉપ્પજ્જતિ હેતુપચ્ચયા – એકં મહાભૂતં પટિચ્ચ તયો મહાભૂતા…પે… દ્વે મહાભૂતે…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

રૂપિં ધમ્મં પટિચ્ચ અરૂપી ધમ્મો ઉપ્પજ્જતિ હેતુપચ્ચયા – પટિસન્ધિક્ખણે વત્થું પટિચ્ચ અરૂપિનો ખન્ધા. (૨)

રૂપિં ધમ્મં પટિચ્ચ રૂપી ચ અરૂપી ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે વત્થું પટિચ્ચ અરૂપિનો ખન્ધા, મહાભૂતે પટિચ્ચ કટત્તારૂપં. (૩)

૯૪. અરૂપિં ધમ્મં પટિચ્ચ અરૂપી ધમ્મો ઉપ્પજ્જતિ હેતુપચ્ચયા – અરૂપિં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

અરૂપિં ધમ્મં પટિચ્ચ રૂપી ધમ્મો ઉપ્પજ્જતિ હેતુપચ્ચયા – અરૂપિનો ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

અરૂપિં ધમ્મં પટિચ્ચ રૂપી ચ અરૂપી ચ ધમ્મા ઉપ્પજ્જન્તિ હેતુપચ્ચયા – અરૂપિં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૯૫. રૂપિઞ્ચ અરૂપિઞ્ચ ધમ્મં પટિચ્ચ રૂપી ધમ્મો ઉપ્પજ્જતિ હેતુપચ્ચયા – અરૂપિનો ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૧)

રૂપિઞ્ચ અરૂપિઞ્ચ ધમ્મં પટિચ્ચ અરૂપી ધમ્મો ઉપ્પજ્જતિ હેતુપચ્ચયા – પટિસન્ધિક્ખણે અરૂપિં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૨)

રૂપિઞ્ચ અરૂપિઞ્ચ ધમ્મં પટિચ્ચ રૂપી ચ અરૂપી ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે અરૂપિં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… અરૂપિનો ખન્ધે ચ મહાભૂતે ચ પટિચ્ચ કટત્તારૂપં (સંખિત્તં). (૩)