૧. વિભઙ્ગવારો

હેતુપચ્ચયો

૩૪. અનિદસ્સનો ધમ્મો અનિદસ્સનસ્સ ધમ્મસ્સ હેતુપચ્ચયેન પચ્ચયો – અનિદસ્સના હેતૂ સમ્પયુત્તકાનં ખન્ધાનં અનિદસ્સનાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

અનિદસ્સનો ધમ્મો સનિદસ્સનસ્સ ધમ્મસ્સ હેતુપચ્ચયેન પચ્ચયો – અનિદસ્સના હેતૂ સનિદસ્સનાનં ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૨)

અનિદસ્સનો ધમ્મો સનિદસ્સનસ્સ ચ અનિદસ્સનસ્સ ચ ધમ્મસ્સ હેતુપચ્ચયેન પચ્ચયો – અનિદસ્સના હેતૂ સમ્પયુત્તકાનં ખન્ધાનં સનિદસ્સનાનઞ્ચ અનિદસ્સનાનઞ્ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

આરમ્મણપચ્ચયો

૩૫. સનિદસ્સનો ધમ્મો અનિદસ્સનસ્સ ધમ્મસ્સ આરમ્મણપચ્ચયેન પચ્ચયો – સનિદસ્સનં રૂપં અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, રૂપાયતનં ચક્ખુવિઞ્ઞાણસ્સ આરમ્મણપચ્ચયેન પચ્ચયો; સનિદસ્સના ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અનિદસ્સનો ધમ્મો અનિદસ્સનસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે…પે… પુબ્બે…પે… ચક્ખું…પે… કાયં… સદ્દે…પે… વત્થું અનિદસ્સને ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બાય સોતધાતુયા સદ્દં સુણાતિ, ચેતોપરિયઞાણેન અનિદસ્સનચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… સદ્દાયતનં સોતવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… અનિદસ્સના ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અધિપતિપચ્ચયો

૩૬. સનિદસ્સનો ધમ્મો અનિદસ્સનસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – સનિદસ્સનં રૂપં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

અનિદસ્સનો ધમ્મો અનિદસ્સનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ…પે… ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું અનિદસ્સને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અનિદસ્સનાધિપતિ સમ્પયુત્તકાનં ખન્ધાનં અનિદસ્સનાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અનિદસ્સનો ધમ્મો સનિદસ્સનસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – અનિદસ્સનાધિપતિ સનિદસ્સનાનં ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

અનિદસ્સનો ધમ્મો સનિદસ્સનસ્સ ચ અનિદસ્સનસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – અનિદસ્સનાધિપતિ સમ્પયુત્તકાનં ખન્ધાનં સનિદસ્સનાનઞ્ચ અનિદસ્સનાનઞ્ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

અનન્તરપચ્ચયો

૩૭. અનિદસ્સનો ધમ્મો અનિદસ્સનસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અનિદસ્સના ખન્ધા પચ્છિમાનં પચ્છિમાનં અનિદસ્સનાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… ગોત્રભુ મગ્ગસ્સ…પે… નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

સમનન્તરપચ્ચયાદિ

૩૮. અનિદસ્સનો ધમ્મો અનિદસ્સનસ્સ ધમ્મસ્સ સમનન્તરપચ્ચયેન પચ્ચયો… સહજાતપચ્ચયેન પચ્ચયો… તીણિ… અઞ્ઞમઞ્ઞપચ્ચયેન પચ્ચયો… એકં… નિસ્સયપચ્ચયેન પચ્ચયો… તીણિ.

ઉપનિસ્સયપચ્ચયો

૩૯. સનિદસ્સનો ધમ્મો અનિદસ્સનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – વણ્ણસમ્પદં પત્થયમાનો દાનં…પે… સીલં…પે… ઉપોસથકમ્મં કરોતિ, વણ્ણસમ્પદા સદ્ધાય…પે… પત્થનાય… કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

અનિદસ્સનો ધમ્મો અનિદસ્સનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

પુરેજાતપચ્ચયો

૪૦. સનિદસ્સનો ધમ્મો અનિદસ્સનસ્સ ધમ્મસ્સ પુરેજાતપચ્ચયેન પચ્ચયો – સનિદસ્સનં રૂપં અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, રૂપાયતનં ચક્ખુવિઞ્ઞાણસ્સ પુરેજાતપચ્ચયેન પચ્ચયો. (૧)

અનિદસ્સનો ધમ્મો અનિદસ્સનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બાય સોતધાતુયા સદ્દં સુણાતિ, સદ્દાયતનં સોતવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ અનિદસ્સનાનં ખન્ધાનં પુરેજાતપચ્ચયેન પચ્ચયો. (૧)

સનિદસ્સનો ચ અનિદસ્સનો ચ ધમ્મા અનિદસ્સનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. રૂપાયતનઞ્ચ વત્થુ ચ અનિદસ્સનાનં ખન્ધાનં પુરેજાતપચ્ચયેન પચ્ચયો; રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ પુરેજાતપચ્ચયેન પચ્ચયો. (૧)

પચ્છાજાતપચ્ચયો

૪૧. અનિદસ્સનો ધમ્મો અનિદસ્સનસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અનિદસ્સના ખન્ધા પુરેજાતસ્સ ઇમસ્સ અનિદસ્સનસ્સ કાયસ્સ પચ્છાજાતપચ્ચયેન પચ્ચયો. (૧)

અનિદસ્સનો ધમ્મો સનિદસ્સનસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અનિદસ્સના ખન્ધા પુરેજાતસ્સ ઇમસ્સ સનિદસ્સનસ્સ કાયસ્સ પચ્છાજાતપચ્ચયેન પચ્ચયો. (૨)

અનિદસ્સનો ધમ્મો સનિદસ્સનસ્સ ચ અનિદસ્સનસ્સ ચ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અનિદસ્સના ખન્ધા પુરેજાતસ્સ ઇમસ્સ સનિદસ્સનસ્સ ચ અનિદસ્સનસ્સ ચ કાયસ્સ પચ્છાજાતપચ્ચયેન પચ્ચયો. (૩)

આસેવનપચ્ચયો

૪૨. અનિદસ્સનો ધમ્મો અનિદસ્સનસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અનિદસ્સના ખન્ધા પચ્છિમાનં પચ્છિમાનં અનિદસ્સનાનં ખન્ધાનં…પે… અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

કમ્મપચ્ચયો

૪૩. અનિદસ્સનો ધમ્મો અનિદસ્સનસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અનિદસ્સના ચેતના સમ્પયુત્તકાનં ખન્ધાનં અનિદસ્સનાનઞ્ચ ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – અનિદસ્સના ચેતના વિપાકાનં ખન્ધાનં અનિદસ્સનાનઞ્ચ કટત્તારૂપાનં કમ્મપચ્ચયેન પચ્ચયો. (૧)

અનિદસ્સનો ધમ્મો સનિદસ્સનસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા (વિત્થારેતબ્બં). (૨)

અનિદસ્સનો ધમ્મો સનિદસ્સનસ્સ ચ અનિદસ્સનસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા (વિત્થારેતબ્બં). (૩)

વિપાકપચ્ચયાદિ

૪૪. અનિદસ્સનો ધમ્મો અનિદસ્સનસ્સ ધમ્મસ્સ વિપાકપચ્ચયેન પચ્ચયો… તીણિ… આહારપચ્ચયેન પચ્ચયો… તીણિ (તીસુપિ કબળીકારો આહારો કાતબ્બો)… ઇન્દ્રિયપચ્ચયેન પચ્ચયો… તીણિ (તીસુપિ રૂપજીવિતિન્દ્રિયં)… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… એકં.

વિપ્પયુત્તપચ્ચયો

૪૫. અનિદસ્સનો ધમ્મો અનિદસ્સનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – અનિદસ્સના ખન્ધા અનિદસ્સનાનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે અનિદસ્સના ખન્ધા અનિદસ્સનાનં કટત્તારૂપાનં વિપ્પયુત્તપચ્ચયેન પચ્ચયો; ખન્ધા વત્થુસ્સ વિપ્પયુત્તપચ્ચયેન પચ્ચયો, વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ અનિદસ્સનાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – અનિદસ્સના ખન્ધા પુરેજાતસ્સ ઇમસ્સ અનિદસ્સનસ્સ કાયસ્સ વિપ્પયુત્તપચ્ચયેન પચ્ચયો. (૧)

અનિદસ્સનો ધમ્મો સનિદસ્સનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – અનિદસ્સના ખન્ધા સનિદસ્સનાનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. પચ્છાજાતા – અનિદસ્સના ખન્ધા પુરેજાતસ્સ ઇમસ્સ સનિદસ્સનસ્સ કાયસ્સ વિપ્પયુત્તપચ્ચયેન પચ્ચયો. (૨)

અનિદસ્સનો ધમ્મો સનિદસ્સનસ્સ ચ અનિદસ્સનસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – અનિદસ્સના ખન્ધા સનિદસ્સનાનઞ્ચ અનિદસ્સનાનઞ્ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. પચ્છાજાતા – અનિદસ્સના ખન્ધા પુરેજાતસ્સ ઇમસ્સ સનિદસ્સનસ્સ ચ અનિદસ્સનસ્સ ચ કાયસ્સ વિપ્પયુત્તપચ્ચયેન પચ્ચયો. (૩)

અત્થિપચ્ચયાદિ

૪૬. સનિદસ્સનો ધમ્મો અનિદસ્સનસ્સ ધમ્મસ્સ અત્થિપચ્ચયેન પચ્ચયો – સનિદસ્સનં રૂપં અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, રૂપાયતનં ચક્ખુવિઞ્ઞાણસ્સ અત્થિપચ્ચયેન પચ્ચયો. (૧)

અનિદસ્સનો ધમ્મો અનિદસ્સનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – અનિદસ્સનો એકો ખન્ધો તિણ્ણન્નં ખન્ધાનં અનિદસ્સનાનઞ્ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો…પે… દ્વે ખન્ધે…પે… (સંખિત્તં. યાવ અસઞ્ઞસત્તા). પુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બાય સોતધાતુયા સદ્દં સુણાતિ, સદ્દાયતનં સોતવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ અનિદસ્સનાનં ખન્ધાનં અત્થિપચ્ચયેન પચ્ચયો. પચ્છાજાતા – અનિદસ્સના ખન્ધા પુરેજાતસ્સ ઇમસ્સ અનિદસ્સનસ્સ કાયસ્સ અત્થિપચ્ચયેન પચ્ચયો; કબળીકારો આહારો ઇમસ્સ અનિદસ્સનસ્સ કાયસ્સ અત્થિપચ્ચયેન પચ્ચયો; રૂપજીવિતિન્દ્રિયં અનિદસ્સનાનં કટત્તારૂપાનં અત્થિપચ્ચયેન પચ્ચયો. (૧)

અનિદસ્સનો ધમ્મો સનિદસ્સનસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – અનિદસ્સના ખન્ધા સનિદસ્સનાનં ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; પટિસન્ધિક્ખણે…પે… મહાભૂતા સનિદસ્સનાનં ચિત્તસમુટ્ઠાનાનં રૂપાનં કટત્તારૂપાનં ઉપાદારૂપાનં અત્થિપચ્ચયેન પચ્ચયો…પે… બાહિરા… આહારસમુટ્ઠાના… ઉતુસમુટ્ઠાના… અસઞ્ઞસત્તાનં મહાભૂતા સનિદસ્સનાનં કટત્તારૂપાનં, ઉપાદારૂપાનં અત્થિપચ્ચયેન પચ્ચયો. પચ્છાજાતા – અનિદસ્સના ખન્ધા પુરેજાતસ્સ ઇમસ્સ સનિદસ્સનસ્સ કાયસ્સ અત્થિપચ્ચયેન પચ્ચયો; કબળીકારો આહારો ઇમસ્સ સનિદસ્સનસ્સ કાયસ્સ અત્થિપચ્ચયેન પચ્ચયો; રૂપજીવિતિન્દ્રિયં સનિદસ્સનાનં કટત્તારૂપાનં અત્થિપચ્ચયેન પચ્ચયો. (૨)

અનિદસ્સનો ધમ્મો સનિદસ્સનસ્સ ચ અનિદસ્સનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતો – અનિદસ્સનો એકો ખન્ધો તિણ્ણન્નં ખન્ધાનં સનિદસ્સનાનઞ્ચ અનિદસ્સનાનઞ્ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે… મહાભૂતા સનિદસ્સનાનઞ્ચ અનિદસ્સનાનઞ્ચ ચિત્તસમુટ્ઠાનાનં રૂપાનં, કટત્તારૂપાનં, ઉપાદારૂપાનં અત્થિપચ્ચયેન પચ્ચયો; બાહિરા… આહારસમુટ્ઠાના… ઉતુસમુટ્ઠાના… અસઞ્ઞસત્તાનં મહાભૂતા સનિદસ્સનાનઞ્ચ અનિદસ્સનાનઞ્ચ કટત્તારૂપાનં ઉપાદારૂપાનં અત્થિપચ્ચયેન પચ્ચયો. (૩)

૪૭. સનિદસ્સનો ચ અનિદસ્સનો ચ ધમ્મા અનિદસ્સનસ્સ ધમ્મસ્સ અત્થિપચ્ચયેન પચ્ચયો. પુરેજાતં – રૂપાયતનઞ્ચ વત્થુ ચ અનિદસ્સનાનં ખન્ધાનં અત્થિપચ્ચયેન પચ્ચયો; રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ અત્થિપચ્ચયેન પચ્ચયો.

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.