૧. વિભઙ્ગવારો

નહેતુપચ્ચયો

૨૨. અનિદસ્સનં ધમ્મં પટિચ્ચ અનિદસ્સનો ધમ્મો ઉપ્પજ્જતિ નહેતુપચ્ચયા – અહેતુકં અનિદસ્સનં એકં ખન્ધં પટિચ્ચ તયો ખન્ધા અનિદસ્સનં ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… મહાભૂતે પટિચ્ચ અનિદસ્સનં ચિત્તસમુટ્ઠાનં રૂપં કટત્તારૂપં ઉપાદારૂપં… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

અનિદસ્સનં ધમ્મં પટિચ્ચ સનિદસ્સનો ધમ્મો ઉપ્પજ્જતિ નહેતુપચ્ચયા – અહેતુકે અનિદસ્સને ખન્ધે પટિચ્ચ સનિદસ્સનં ચિત્તસમુટ્ઠાનં રૂપં; પટિસન્ધિક્ખણે…પે… મહાભૂતે પટિચ્ચ સનિદસ્સનં ચિત્તસમુટ્ઠાનં રૂપં કટત્તારૂપં ઉપાદારૂપં… બાહિરે… આહારસમુટ્ઠાને… ઉતુસમુટ્ઠાને… અસઞ્ઞસત્તાનં મહાભૂતે પટિચ્ચ સનિદસ્સનં કટત્તારૂપં ઉપાદારૂપં. (૨)

અનિદસ્સનં ધમ્મં પટિચ્ચ સનિદસ્સનો ચ અનિદસ્સનો ચ ધમ્મા ઉપ્પજ્જન્તિ નહેતુપચ્ચયા – અહેતુકં અનિદસ્સનં એકં ખન્ધં પટિચ્ચ તયો ખન્ધા સનિદસ્સનઞ્ચ અનિદસ્સનઞ્ચ ચિત્તસમુટ્ઠાનં રૂપં…પે… દ્વે ખન્ધે…પે… પટિસન્ધિક્ખણે…પે… મહાભૂતે પટિચ્ચ…પે… બાહિરે… આહારસમુટ્ઠાને… ઉતુસમુટ્ઠાને… અસઞ્ઞસત્તાનં મહાભૂતે પટિચ્ચ સનિદસ્સનઞ્ચ અનિદસ્સનઞ્ચ કટત્તારૂપં, ઉપાદારૂપં. (૩) (એવં સબ્બે કાતબ્બા.)