૧. વિભઙ્ગવારો

હેતુપચ્ચયો

૧૮. અનિદસ્સનં ધમ્મં પટિચ્ચ અનિદસ્સનો ધમ્મો ઉપ્પજ્જતિ હેતુપચ્ચયા – અનિદસ્સનં એકં ખન્ધં પટિચ્ચ તયો ખન્ધા અનિદસ્સનં ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે અનિદસ્સનં એકં ખન્ધં પટિચ્ચ તયો ખન્ધા અનિદસ્સનં કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… મહાભૂતે પટિચ્ચ અનિદસ્સનં ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

અનિદસ્સનં ધમ્મં પટિચ્ચ સનિદસ્સનો ધમ્મો ઉપ્પજ્જતિ હેતુપચ્ચયા – અનિદસ્સને ખન્ધે પટિચ્ચ સનિદસ્સનં ચિત્તસમુટ્ઠાનં રૂપં; પટિસન્ધિક્ખણે…પે… મહાભૂતે પટિચ્ચ સનિદસ્સનં ચિત્તસમુટ્ઠાનં રૂપં કટત્તારૂપં ઉપાદારૂપં. (૨)

અનિદસ્સનં ધમ્મં પટિચ્ચ સનિદસ્સનો ચ અનિદસ્સનો ચ ધમ્મા ઉપ્પજ્જન્તિ હેતુપચ્ચયા – અનિદસ્સનં એકં ખન્ધં પટિચ્ચ તયો ખન્ધા સનિદસ્સનઞ્ચ અનિદસ્સનઞ્ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… મહાભૂતે પટિચ્ચ સનિદસ્સનઞ્ચ અનિદસ્સનઞ્ચ ચિત્તસમુટ્ઠાનઞ્ચ રૂપં કટત્તારૂપં ઉપાદારૂપં. (૩)

આરમ્મણપચ્ચયો

૧૯. અનિદસ્સનં ધમ્મં પટિચ્ચ અનિદસ્સનો ધમ્મો ઉપ્પજ્જતિ આરમ્મણપચ્ચયા – અનિદસ્સનં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

અધિપતિપચ્ચયો

૨૦. અનિદસ્સનં ધમ્મં પટિચ્ચ અનિદસ્સનો ધમ્મો ઉપ્પજ્જતિ અધિપતિપચ્ચયા – અનિદસ્સનં એકં ખન્ધં પટિચ્ચ તયો ખન્ધા અનિદસ્સનં ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં પટિચ્ચ તયો મહાભૂતા…પે… દ્વે મહાભૂતે…પે… મહાભૂતે પટિચ્ચ અનિદસ્સનં ચિત્તસમુટ્ઠાનં રૂપં ઉપાદારૂપં. (૧)

અનિદસ્સનં ધમ્મં પટિચ્ચ સનિદસ્સનો ધમ્મો ઉપ્પજ્જતિ અધિપતિપચ્ચયા – અનિદસ્સને ખન્ધે પટિચ્ચ સનિદસ્સનં ચિત્તસમુટ્ઠાનં રૂપં, મહાભૂતે પટિચ્ચ સનિદસ્સનં ચિત્તસમુટ્ઠાનં રૂપં. (૨)

અનિદસ્સનં ધમ્મં પટિચ્ચ સનિદસ્સનો ચ અનિદસ્સનો ચ ધમ્મા ઉપ્પજ્જન્તિ અધિપતિપચ્ચયા – અનિદસ્સનં એકં ખન્ધં પટિચ્ચ તયો ખન્ધા સનિદસ્સનઞ્ચ અનિદસ્સનઞ્ચ ચિત્તસમુટ્ઠાનં રૂપં…પે… દ્વે ખન્ધે…પે… મહાભૂતે પટિચ્ચ સનિદસ્સનઞ્ચ અનિદસ્સનઞ્ચ ચિત્તસમુટ્ઠાનં રૂપં ઉપાદારૂપં. (૩) (સંખિત્તં, સબ્બે કાતબ્બા.)