૧. વિભઙ્ગવારો

હેતુપચ્ચયો

૧૪૮. લોકિયો ધમ્મો લોકિયસ્સ ધમ્મસ્સ હેતુપચ્ચયેન પચ્ચયો – લોકિયા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

લોકુત્તરો ધમ્મો લોકુત્તરસ્સ ધમ્મસ્સ હેતુપચ્ચયેન પચ્ચયો… તીણિ.

આરમ્મણપચ્ચયો

૧૪૯. લોકિયો ધમ્મો લોકિયસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના…પે… અરિયા ગોત્રભું પચ્ચવેક્ખન્તિ, વોદાનં પચ્ચવેક્ખન્તિ, પહીને કિલેસે પચ્ચવેક્ખન્તિ, વિક્ખમ્ભિતે કિલેસે…પે… પુબ્બે સમુદાચિણ્ણે કિલેસે જાનન્તિ; ચક્ખું…પે… વત્થું લોકિયે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન લોકિયચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ, લોકિયા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

૧૫૦. લોકુત્તરો ધમ્મો લોકુત્તરસ્સ ધમ્મસ્સ આરમ્મણપચ્ચયેન પચ્ચયો – નિબ્બાનં મગ્ગસ્સ, ફલસ્સ આરમ્મણપચ્ચયેન પચ્ચયો. (૧)

લોકુત્તરો ધમ્મો લોકિયસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ, આવજ્જનાય આરમ્મણપચ્ચયેન પચ્ચયો; અરિયા ચેતોપરિયઞાણેન લોકુત્તરચિત્તસમઙ્ગિસ્સ ચિત્તં જાનન્તિ, લોકુત્તરા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

અધિપતિપચ્ચયો

૧૫૧. લોકિયો ધમ્મો લોકિયસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… ઉપોસથકમ્મં …પે… પુબ્બે…પે… ઝાના…પે… સેક્ખા ગોત્રભું ગરું કત્વા પચ્ચવેક્ખન્તિ, વોદાનં ગરું કત્વા પચ્ચવેક્ખન્તિ; ચક્ખું…પે… વત્થું લોકિયે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – લોકિયાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

૧૫૨. લોકુત્તરો ધમ્મો લોકુત્તરસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – નિબ્બાનં મગ્ગસ્સ, ફલસ્સ અધિપતિપચ્ચયેન પચ્ચયો. સહજાતાધિપતિ – લોકુત્તરાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

લોકુત્તરો ધમ્મો લોકિયસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ અધિપતિપચ્ચયેન પચ્ચયો. સહજાતાધિપતિ – લોકુત્તરાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

લોકુત્તરો ધમ્મો લોકિયસ્સ ચ લોકુત્તરસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – લોકુત્તરાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

અનન્તરપચ્ચયો

૧૫૩. લોકિયો ધમ્મો લોકિયસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા લોકિયા ખન્ધા પચ્છિમાનં પચ્છિમાનં લોકિયાનં ખન્ધાનં…પે… અનુલોમં ગોત્રભુસ્સ… અનુલોમં વોદાનસ્સ અનન્તરપચ્ચયેન પચ્ચયો. (૧)

લોકિયો ધમ્મો લોકુત્તરસ્સ ધમ્મસ્સ અનન્તરપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ… અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૨)

૧૫૪. લોકુત્તરો ધમ્મો લોકુત્તરસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા લોકુત્તરા ખન્ધા પચ્છિમાનં પચ્છિમાનં લોકુત્તરાનં ખન્ધાનં અનન્તરપચ્ચયેન પચ્ચયો; મગ્ગો ફલસ્સ, ફલં ફલસ્સ અનન્તરપચ્ચયેન પચ્ચયો. (૧)

લોકુત્તરો ધમ્મો લોકિયસ્સ ધમ્મસ્સ અનન્તરપચ્ચયેન પચ્ચયો – ફલં વુટ્ઠાનસ્સ અનન્તરપચ્ચયેન પચ્ચયો. (૨)

સમનન્તરપચ્ચયાદિ

૧૫૫. લોકિયો ધમ્મો લોકિયસ્સ ધમ્મસ્સ સમનન્તરપચ્ચયેન પચ્ચયો… સહજાતપચ્ચયેન પચ્ચયો (પઞ્ચ પઞ્હા, ઘટના નત્થિ) અઞ્ઞમઞ્ઞપચ્ચયેન પચ્ચયો… દ્વે… નિસ્સયપચ્ચયેન પચ્ચયો.

ઉપનિસ્સયપચ્ચયો

૧૫૬. લોકિયો ધમ્મો લોકિયસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – લોકિયં સદ્ધં ઉપનિસ્સાય દાનં દેતિ…પે… વિપસ્સનં ઉપ્પાદેતિ, અભિઞ્ઞં ઉપ્પાદેતિ, સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; લોકિયં સીલં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; લોકિયા સદ્ધા…પે… સેનાસનં લોકિયાય સદ્ધાય…પે… કાયિકસ્સ દુક્ખસ્સ ઉપનિસ્સયપચ્ચયેન પચ્ચયો; કુસલાકુસલં કમ્મં વિપાકસ્સ ઉપનિસ્સયપચ્ચયેન પચ્ચયો. (૧)

લોકિયો ધમ્મો લોકુત્તરસ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પઠમસ્સ મગ્ગસ્સ પરિકમ્મં પઠમસ્સ મગ્ગસ્સ ઉપનિસ્સયપચ્ચયેન પચ્ચયો…પે… ચતુત્થસ્સ મગ્ગસ્સ પરિકમ્મં ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. (૨)

૧૫૭. લોકુત્તરો ધમ્મો લોકુત્તરસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પઠમો મગ્ગો દુતિયસ્સ મગ્ગસ્સ ઉપનિસ્સયપચ્ચયેન પચ્ચયો…પે… તતિયો મગ્ગો ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. (૧)

લોકુત્તરો ધમ્મો લોકિયસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અરિયા મગ્ગં ઉપનિસ્સાય અનુપ્પન્નં સમાપત્તિં ઉપ્પાદેન્તિ, ઉપ્પન્નં સમાપજ્જન્તિ, સઙ્ખારે અનિચ્ચતો દુક્ખતો અનત્તતો વિપસ્સન્તિ, અરિયાનં મગ્ગો…પે… ઠાનાઠાનકોસલ્લસ્સ ઉપનિસ્સયપચ્ચયેન પચ્ચયો; ફલસમાપત્તિ કાયિકસ્સ સુખસ્સ ઉપનિસ્સયપચ્ચયેન પચ્ચયો. (૨)

પુરેજાતપચ્ચયો

૧૫૮. લોકિયો ધમ્મો લોકિયસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો દુક્ખતો અનત્તતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ લોકિયાનં ખન્ધાનં પુરેજાતપચ્ચયેન પચ્ચયો. (૧)

લોકિયો ધમ્મો લોકુત્તરસ્સ ધમ્મસ્સ પુરેજાતપચ્ચયેન પચ્ચયો. વત્થુપુરેજાતં – વત્થુ લોકુત્તરાનં ખન્ધાનં પુરેજાતપચ્ચયેન પચ્ચયો. (૨)

પચ્છાજાતપચ્ચયો

૧૫૯. લોકિયો ધમ્મો લોકિયસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા લોકિયા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

લોકુત્તરો ધમ્મો લોકિયસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા લોકુત્તરા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૧૬૦. લોકિયો ધમ્મો લોકિયસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા લોકિયા ખન્ધા પચ્છિમાનં પચ્છિમાનં લોકિયાનં ખન્ધાનં આસેવનપચ્ચયેન પચ્ચયો; અનુલોમં ગોત્રભુસ્સ… અનુલોમં વોદાનસ્સ આસેવનપચ્ચયેન પચ્ચયો. (૧)

લોકિયો ધમ્મો લોકુત્તરસ્સ ધમ્મસ્સ આસેવનપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૨)

કમ્મપચ્ચયો

૧૬૧. લોકિયો ધમ્મો લોકિયસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – લોકિયા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – લોકિયા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

લોકુત્તરો ધમ્મો લોકુત્તરસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – લોકુત્તરા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. નાનાક્ખણિકા – લોકુત્તરા ચેતના વિપાકાનં ખન્ધાનં કમ્મપચ્ચયેન પચ્ચયો. (૧)

લોકુત્તરો ધમ્મો લોકિયસ્સ ધમ્મસ્સ કમ્મપચ્ચયેન પચ્ચયો – લોકુત્તરા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. (૨)

લોકુત્તરો ધમ્મો લોકિયસ્સ ચ લોકુત્તરસ્સ ચ ધમ્મસ્સ કમ્મપચ્ચયેન પચ્ચયો – લોકુત્તરા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

વિપાકપચ્ચયો

૧૬૨. લોકિયો ધમ્મો લોકિયસ્સ ધમ્મસ્સ વિપાકપચ્ચયેન પચ્ચયો – વિપાકો લોકિયો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે…. (૧)

લોકુત્તરો ધમ્મો લોકુત્તરસ્સ ધમ્મસ્સ વિપાકપચ્ચયેન પચ્ચયો… તીણિ.

આહારપચ્ચયો

૧૬૩. લોકિયો ધમ્મો લોકિયસ્સ ધમ્મસ્સ આહારપચ્ચયેન પચ્ચયો – લોકિયા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે… કબળીકારો આહારો ઇમસ્સ કાયસ્સ આહારપચ્ચયેન પચ્ચયો. (૧)

લોકુત્તરો ધમ્મો લોકુત્તરસ્સ ધમ્મસ્સ આહારપચ્ચયેન પચ્ચયો… તીણિ.

ઇન્દ્રિયપચ્ચયો

૧૬૪. લોકિયો ધમ્મો લોકિયસ્સ ધમ્મસ્સ ઇન્દ્રિયપચ્ચયેન પચ્ચયો (પટિસન્ધિ કાતબ્બા); ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ ઇન્દ્રિયપચ્ચયેન પચ્ચયો; રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો. (૧)

લોકુત્તરો ધમ્મો લોકુત્તરસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ.

ઝાનપચ્ચયાદિ

૧૬૫. લોકિયો ધમ્મો લોકિયસ્સ ધમ્મસ્સ ઝાનપચ્ચયેન પચ્ચયો… એકં, લોકુત્તરો ધમ્મો…પે… તીણિ… મગ્ગપચ્ચયેન પચ્ચયો, લોકિયે એકં, લોકુત્તરે તીણિ.

લોકિયો ધમ્મો લોકિયસ્સ ધમ્મસ્સ સમ્પયુત્તપચ્ચયેન પચ્ચયો… એકં, લોકુત્તરો ધમ્મો…પે… એકં.

વિપ્પયુત્તપચ્ચયો

૧૬૬. લોકિયો ધમ્મો લોકિયસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – લોકિયા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે… ખન્ધા વત્થુસ્સ વિપ્પયુત્તપચ્ચયેન પચ્ચયો; વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ લોકિયાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – લોકિયા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

લોકિયો ધમ્મો લોકુત્તરસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ લોકુત્તરાનં ખન્ધાનં વિપ્પયુત્તપચ્ચયેન પચ્ચયો. (૨)

લોકુત્તરો ધમ્મો લોકિયસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – લોકુત્તરા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – લોકુત્તરા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયાદિ

૧૬૭. લોકિયો ધમ્મો લોકિયસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – લોકિયો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં…પે… (યાવ અસઞ્ઞસત્તા). પુરેજાતં – ચક્ખું…પે… વત્થું …પે… (પુરેજાતસદિસં). વત્થુ લોકિયાનં ખન્ધાનં અત્થિપચ્ચયેન પચ્ચયો. પચ્છાજાતા – લોકિયા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો; કબળીકારો આહારો ઇમસ્સ કાયસ્સ અત્થિપચ્ચયેન પચ્ચયો; રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)

લોકિયો ધમ્મો લોકુત્તરસ્સ ધમ્મસ્સ અત્થિપચ્ચયેન પચ્ચયો. પુરેજાતં – વત્થુ લોકુત્તરાનં ખન્ધાનં અત્થિપચ્ચયેન પચ્ચયો. (૨)

૧૬૮. લોકુત્તરો ધમ્મો લોકુત્તરસ્સ ધમ્મસ્સ અત્થિપચ્ચયેન પચ્ચયો – લોકુત્તરો એકો ખન્ધો તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા…પે…. (૧)

લોકુત્તરો ધમ્મો લોકિયસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – લોકુત્તરા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – લોકુત્તરા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

લોકુત્તરો ધમ્મો લોકિયસ્સ ચ લોકુત્તરસ્સ ચ ધમ્મસ્સ અત્થિપચ્ચયેન પચ્ચયો – લોકુત્તરો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે…. (૩)

૧૬૯. લોકિયો ચ લોકુત્તરો ચ ધમ્મા લોકિયસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – લોકુત્તરા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – લોકુત્તરા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – લોકુત્તરા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૧)

લોકિયો ચ લોકુત્તરો ચ ધમ્મા લોકુત્તરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – લોકુત્તરો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. (૨)

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો. (૨)