૧. વિભઙ્ગવારો

હેતુપચ્ચયો

૯૮. ઉપાદાનો ચેવ ઉપાદાનિયો ચ ધમ્મો ઉપાદાનસ્સ ચેવ ઉપાદાનિયસ્સ ચ ધમ્મસ્સ હેતુપચ્ચયેન પચ્ચયો – ઉપાદાના ચેવ ઉપાદાનિયા ચ હેતૂ સમ્પયુત્તકાનં ઉપાદાનાનં હેતુપચ્ચયેન પચ્ચયો. (૧)

ઉપાદાનો ચેવ ઉપાદાનિયો ચ ધમ્મો ઉપાદાનિયસ્સ ચેવ નો ચ ઉપાદાનસ્સ ધમ્મસ્સ હેતુપચ્ચયેન પચ્ચયો – ઉપાદાના ચેવ ઉપાદાનિયા ચ હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો (ઉપાદાનદુકસદિસા નિન્નાના, નવ પઞ્હા).

આરમ્મણપચ્ચયો

૯૯. ઉપાદાનો ચેવ ઉપાદાનિયો ચ ધમ્મો ઉપાદાનસ્સ ચેવ ઉપાદાનિયસ્સ ચ ધમ્મસ્સ આરમ્મણપચ્ચયેન પચ્ચયો – ઉપાદાને આરબ્ભ ઉપાદાના ઉપ્પજ્જન્તિ… તીણિ.

ઉપાદાનિયો ચેવ નો ચ ઉપાદાનો ધમ્મો ઉપાદાનિયસ્સ ચેવ નો ચ ઉપાદાનસ્સ ધમ્મસ્સ આરમ્મણપચ્ચયેન પચ્ચયો – દાનં…પે… ઝાના વુટ્ઠહિત્વા ઝાનં પચ્ચવેક્ખતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉદ્ધચ્ચં દોમનસ્સં ઉપ્પજ્જતિ; અરિયા ગોત્રભું પચ્ચવેક્ખન્તિ, વોદાનં પચ્ચવેક્ખન્તિ, પહીને કિલેસે…પે… વિક્ખમ્ભિતે કિલેસે…પે… પુબ્બે સમુદાચિણ્ણે…પે… ચક્ખું…પે… વત્થું…પે… (સંખિત્તં) અનાગતંસઞાણસ્સ આવજ્જનાય આરમ્મણપચ્ચયેન પચ્ચયો. (૧)

ઉપાદાનિયો ચેવ નો ચ ઉપાદાનો ધમ્મો ઉપાદાનસ્સ ચેવ ઉપાદાનિયસ્સ ચ ધમ્મસ્સ આરમ્મણપચ્ચયેન પચ્ચયો (સંખિત્તં, ઇતરે દ્વે ઉપાદાનદુકસદિસા). (૩)

ઉપાદાનો ચેવ ઉપાદાનિયો ચ ઉપાદાનિયો ચેવ નો ચ ઉપાદાનો ચ ધમ્મા ઉપાદાનસ્સ ચેવ ઉપાદાનિયસ્સ ચ ધમ્મસ્સ આરમ્મણપચ્ચયેન પચ્ચયો… તીણિ (હેટ્ઠા અધિપતિ તીણિ, ઉપાદાનદુકસદિસા).

અધિપતિપચ્ચયો

૧૦૦. ઉપાદાનિયો ચેવ નો ચ ઉપાદાનો ધમ્મો ઉપાદાનિયસ્સ ચેવ નો ચ ઉપાદાનસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… ઝાના વુટ્ઠહિત્વા ઝાનં ગરું કત્વા પચ્ચવેક્ખતિ, અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; સેક્ખા ગોત્રભું ગરું કત્વા…પે… વોદાનં…પે… ચક્ખું…પે… વત્થું ઉપાદાનિયે ચેવ નો ચ ઉપાદાને ખન્ધે ગરું કત્વા ઉપાદાનિયા ચેવ નો ચ ઉપાદાના ખન્ધા ઉપ્પજ્જન્તિ. સહજાતાધિપતિ – ઉપાદાનિયા ચેવ નો ચ ઉપાદાનાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો (અવસેસા દ્વેપિ આરમ્મણાધિપતિ સહજાતાધિપતિપિ ઉપાદાનદુકસદિસા). (૩)

(ઘટના અધિપતિ તીણિ, ઉપાદાનદુકસદિસા. સબ્બે પચ્ચયા ઉપાદાનદુકસદિસા. ઉપાદાનિયે લોકુત્તરં નત્થિ, પચ્ચનીયમ્પિ ઇતરે દ્વે ગણનાપિ ઉપાદાનદુકસદિસં.)

ઉપાદાનઉપાદાનિયદુકં નિટ્ઠિતં.