૧. વિભઙ્ગવારો

હેતુપચ્ચયો

૫૭. ઉપાદાનસમ્પયુત્તં ધમ્મં પચ્ચયા ઉપાદાનસમ્પયુત્તો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસં).

ઉપાદાનવિપ્પયુત્તં ધમ્મં પચ્ચયા ઉપાદાનવિપ્પયુત્તો ધમ્મો ઉપ્પજ્જતિ હેતુપચ્ચયા – ઉપાદાનવિપ્પયુત્તં એકં ખન્ધં પચ્ચયા…પે… (યાવ અજ્ઝત્તિકા મહાભૂતા) વત્થું પચ્ચયા ઉપાદાનવિપ્પયુત્તા ખન્ધા, વત્થું પચ્ચયા દિટ્ઠિગતવિપ્પયુત્તો લોભો. (૧)

ઉપાદાનવિપ્પયુત્તં ધમ્મં પચ્ચયા ઉપાદાનસમ્પયુત્તો ધમ્મો ઉપ્પજ્જતિ હેતુપચ્ચયા – વત્થું પચ્ચયા ઉપાદાનસમ્પયુત્તા ખન્ધા, દિટ્ઠિગતવિપ્પયુત્તં લોભં પચ્ચયા સમ્પયુત્તકા ખન્ધા. (૨)

ઉપાદાનવિપ્પયુત્તં ધમ્મં પચ્ચયા ઉપાદાનસમ્પયુત્તો ચ ઉપાદાનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા ઉપાદાનસમ્પયુત્તકા ખન્ધા, મહાભૂતે પચ્ચયા ચિત્તસમુટ્ઠાનં રૂપં; દિટ્ઠિગતવિપ્પયુત્તં લોભં પચ્ચયા સમ્પયુત્તકા ખન્ધા ચિત્તસમુટ્ઠાનઞ્ચ રૂપં, વત્થું પચ્ચયા દિટ્ઠિગતવિપ્પયુત્તલોભસહગતા ખન્ધા ચ લોભો ચ. (૩)

૫૮. ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પચ્ચયા ઉપાદાનસમ્પયુત્તો ધમ્મો ઉપ્પજ્જતિ હેતુપચ્ચયા – ઉપાદાનસમ્પયુત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પચ્ચયા ઉપાદાનવિપ્પયુત્તો ધમ્મો ઉપ્પજ્જતિ હેતુપચ્ચયા – ઉપાદાનસમ્પયુત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ પચ્ચયા ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે ચ વત્થુઞ્ચ પચ્ચયા લોભો. (૨)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પચ્ચયા ઉપાદાનસમ્પયુત્તો ચ ઉપાદાનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – ઉપાદાનસમ્પયુત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… ઉપાદાનસમ્પયુત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; દિટ્ઠિગતવિપ્પયુત્તલોભસહગતં એકં ખન્ધઞ્ચ વત્થુઞ્ચ પચ્ચયા તયો ખન્ધા લોભો ચ…પે… દ્વે ખન્ધે ચ…પે…. (૩) (સંખિત્તં. આરમ્મણપચ્ચયમ્હિ પઞ્ચ વિઞ્ઞાણા કાતબ્બા.)