૧. વિભઙ્ગવારો

નહેતુપચ્ચયો

૫૧. ઉપાદાનવિપ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નહેતુપચ્ચયા – અહેતુકં ઉપાદાનવિપ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… (યાવ અસઞ્ઞસત્તા) વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયાદિ

૫૨. ઉપાદાનસમ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નઆરમ્મણપચ્ચયા – ઉપાદાનસમ્પયુત્તે ખન્ધે પટિચ્ચ ચિત્તસમુટ્ઠાનં રૂપં. (૧)

ઉપાદાનવિપ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નઆરમ્મણપચ્ચયા – ઉપાદાનવિપ્પયુત્તે ખન્ધે પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તં લોભં પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (યાવ અસઞ્ઞસત્તા). (૧)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નઆરમ્મણપચ્ચયા – ઉપાદાનસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ પટિચ્ચ ચિત્તસમુટ્ઠાનં રૂપં. (૧)

નઅધિપતિપચ્ચયા… નઅનન્તરપચ્ચયા… નસમનન્તરપચ્ચયા… નઉપનિસ્સયપચ્ચયા.

નપુરેજાતપચ્ચયાદિ

૫૩. ઉપાદાનસમ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ નપુરેજાતપચ્ચયા – અરૂપે ઉપાદાનસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

ઉપાદાનસમ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નપુરેજાતપચ્ચયા – અરૂપે દિટ્ઠિગતવિપ્પયુત્તલોભસહગતે ખન્ધે પટિચ્ચ લોભો, ઉપાદાનસમ્પયુત્તે ખન્ધે પટિચ્ચ ચિત્તસમુટ્ઠાનં રૂપં. (૨)

ઉપાદાનસમ્પયુત્તં ધમ્મં પટિચ્ચ ઉપાદાનસમ્પયુત્તો ચ ઉપાદાનવિપ્પયુત્તો ચ ધમ્મા ઉપ્પજ્જન્તિ નપુરેજાતપચ્ચયા – અરૂપે દિટ્ઠિગતવિપ્પયુત્તલોભસહગતં એકં ખન્ધં પટિચ્ચ તયો ખન્ધા લોભો ચ…પે… દ્વે ખન્ધે…પે…. (૩)

૫૪. ઉપાદાનવિપ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નપુરેજાતપચ્ચયા – અરૂપે ઉપાદાનવિપ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… ઉપાદાનવિપ્પયુત્તે ખન્ધે પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તં લોભં પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (યાવ અસઞ્ઞસત્તા). (૧)

ઉપાદાનવિપ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ નપુરેજાતપચ્ચયા – અરૂપે દિટ્ઠિગતવિપ્પયુત્તં લોભં પટિચ્ચ સમ્પયુત્તકા ખન્ધા. (૨)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ નપુરેજાતપચ્ચયા – અરૂપે દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૧)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નપુરેજાતપચ્ચયા – ઉપાદાનસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ પટિચ્ચ ચિત્તસમુટ્ઠાનં રૂપં. (૨)

નપચ્છાજાતપચ્ચયા… નઆસેવનપચ્ચયા.

નકમ્મપચ્ચયો

૫૫. ઉપાદાનસમ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ નકમ્મપચ્ચયા – ઉપાદાનસમ્પયુત્તે ખન્ધે પટિચ્ચ સમ્પયુત્તકા ચેતના. (૧)

ઉપાદાનવિપ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ નકમ્મપચ્ચયા – ઉપાદાનવિપ્પયુત્તે ખન્ધે પટિચ્ચ સમ્પયુત્તકા ચેતના; બાહિરં… આહારસમુટ્ઠાનં… ઉતુસમુટ્ઠાનં…પે…. (૧)

ઉપાદાનવિપ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ નકમ્મપચ્ચયા – દિટ્ઠિગતવિપ્પયુત્તં લોભં પટિચ્ચ સમ્પયુત્તકા ચેતના. (૨)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ નકમ્મપચ્ચયા – દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ પટિચ્ચ સમ્પયુત્તકા ચેતના. (૧) (સંખિત્તં.)