૧. વિભઙ્ગવારો

હેતુપચ્ચયો

૪૫. ઉપાદાનસમ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ હેતુપચ્ચયા – ઉપાદાનસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

ઉપાદાનસમ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ હેતુપચ્ચયા – ઉપાદાનસમ્પયુત્તે ખન્ધે પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે પટિચ્ચ લોભો ચિત્તસમુટ્ઠાનઞ્ચ રૂપં. (૨)

ઉપાદાનસમ્પયુત્તં ધમ્મં પટિચ્ચ ઉપાદાનસમ્પયુત્તો ચ ઉપાદાનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – ઉપાદાનસમ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દિટ્ઠિગતવિપ્પયુત્તલોભસહગતં એકં ખન્ધં પટિચ્ચ તયો ખન્ધા લોભો ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૪૬. ઉપાદાનવિપ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ હેતુપચ્ચયા – ઉપાદાનવિપ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દિટ્ઠિગતવિપ્પયુત્તં લોભં પટિચ્ચ ચિત્તસમુટ્ઠાનં રૂપં; પટિસન્ધિક્ખણે ઉપાદાનવિપ્પયુત્તં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે…. (૧)

ઉપાદાનવિપ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ હેતુપચ્ચયા – દિટ્ઠિગતવિપ્પયુત્તં લોભં પટિચ્ચ સમ્પયુત્તકા ખન્ધા. (૨)

ઉપાદાનવિપ્પયુત્તં ધમ્મં પટિચ્ચ ઉપાદાનસમ્પયુત્તો ચ ઉપાદાનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – દિટ્ઠિગતવિપ્પયુત્તં લોભં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૩)

૪૭. ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ હેતુપચ્ચયા – દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૧)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ હેતુપચ્ચયા – ઉપાદાનસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, દિટ્ઠિગતવિપ્પયુત્તલોભસહગતે ખન્ધે ચ લોભઞ્ચ પટિચ્ચ ચિત્તસમુટ્ઠાનં રૂપં. (૨)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનસમ્પયુત્તો ચ ઉપાદાનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે…. (૩)

આરમ્મણપચ્ચયો

૪૮. ઉપાદાનસમ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ આરમ્મણપચ્ચયા – ઉપાદાનસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

ઉપાદાનસમ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ આરમ્મણપચ્ચયા – દિટ્ઠિગતવિપ્પયુત્તલોભસહગતે ખન્ધે પટિચ્ચ લોભો. (૨)

ઉપાદાનસમ્પયુત્તં ધમ્મં પટિચ્ચ ઉપાદાનસમ્પયુત્તો ચ ઉપાદાનવિપ્પયુત્તો ચ ધમ્મા ઉપ્પજ્જન્તિ આરમ્મણપચ્ચયા – દિટ્ઠિગતવિપ્પયુત્તલોભસહગતં એકં ખન્ધં પટિચ્ચ તયો ખન્ધા લોભો ચ…પે… દ્વે ખન્ધે…પે…. (૩)

૪૯. ઉપાદાનવિપ્પયુત્તં ધમ્મં પટિચ્ચ ઉપાદાનવિપ્પયુત્તો ધમ્મો ઉપ્પજ્જતિ આરમ્મણપચ્ચયા – ઉપાદાનવિપ્પયુત્તં એકં ખન્ધં…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

ઉપાદાનવિપ્પયુત્તં ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ આરમ્મણપચ્ચયા – દિટ્ઠિગતવિપ્પયુત્તં લોભં પટિચ્ચ સમ્પયુત્તકા ખન્ધા. (૨)

ઉપાદાનસમ્પયુત્તઞ્ચ ઉપાદાનવિપ્પયુત્તઞ્ચ ધમ્મં પટિચ્ચ ઉપાદાનસમ્પયુત્તો ધમ્મો ઉપ્પજ્જતિ આરમ્મણપચ્ચયા – દિટ્ઠિગતવિપ્પયુત્તલોભસહગતં એકં ખન્ધઞ્ચ લોભઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૩) (સંખિત્તં.)