૧. વિભઙ્ગવારો

નહેતુપચ્ચયો

૧૭. દસ્સનેન પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે પટિચ્ચ વિચિકિચ્છાસહગતો મોહો. (૧)

ભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – ઉદ્ધચ્ચસહગતે ખન્ધે પટિચ્ચ ઉદ્ધચ્ચસહગતો મોહો. (૧)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – અહેતુકં નેવદસ્સનેન નભાવનાય પહાતબ્બહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધા; અહેતુકપટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. (૧)

નઆરમ્મણપચ્ચયો

૧૮. દસ્સનેન પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બહેતુકે ખન્ધે પટિચ્ચ ચિત્તસમુટ્ઠાનં રૂપં. (૧)

ભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બહેતુકે ખન્ધે પટિચ્ચ ચિત્તસમુટ્ઠાનં રૂપં. (૧)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – નેવદસ્સનેન નભાવનાય પહાતબ્બહેતુકે ખન્ધે પટિચ્ચ ચિત્તસમુટ્ઠાનં રૂપં; વિચિકિચ્છાસહગતં ઉદ્ધચ્ચસહગતં મોહં પટિચ્ચ ચિત્તસમુટ્ઠાનં રૂપં. પટિસન્ધિક્ખણે નેવદસ્સનેન નભાવનાય પહાતબ્બહેતુકે ખન્ધે પટિચ્ચ કટત્તારૂપં, ખન્ધે પટિચ્ચ વત્થુ…પે… એકં મહાભૂતં…પે… અસઞ્ઞસત્તાનં…પે…. (૧)

૧૯. દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બહેતુકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; વિચિકિચ્છાસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં. (૧)

ભાવનાય પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બહેતુકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; ઉદ્ધચ્ચસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં. (૧)

નઅધિપતિપચ્ચયાદિ

૨૦. દસ્સનેન પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઅધિપતિપચ્ચયા… (સહજાતસદિસં) નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા.

નપુરેજાતપચ્ચયો

૨૧. દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા – અરૂપે દસ્સનેન પહાતબ્બહેતુકં એકં ખન્ધં પટિચ્ચ…પે…. (૧)

દસ્સનેન પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા – અરૂપે વિચિકિચ્છાસહગતે ખન્ધે પટિચ્ચ વિચિકિચ્છાસહગતો મોહો; દસ્સનેન પહાતબ્બહેતુકે ખન્ધે પટિચ્ચ ચિત્તસમુટ્ઠાનં રૂપં. (૨)

દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ઉપ્પજ્જન્તિ નપુરેજાતપચ્ચયા – અરૂપે વિચિકિચ્છાસહગતં એકં ખન્ધં પટિચ્ચ તયો ખન્ધા મોહો ચ…પે… દ્વે ખન્ધે…પે…. (૩)

ભાવનાય પહાતબ્બહેતુકં ધમ્મં… તીણિ (દસ્સનેન સદિસં).

૨૨. નેવદસ્સનેન નભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા – અરૂપે નેવદસ્સનેન નભાવનાય પહાતબ્બહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધા, નેવદસ્સનેન નભાવનાય પહાતબ્બહેતુકે ખન્ધે પટિચ્ચ ચિત્તસમુટ્ઠાનં રૂપં; વિચિકિચ્છાસહગતં ઉદ્ધચ્ચસહગતં મોહં પટિચ્ચ ચિત્તસમુટ્ઠાનં રૂપં. પટિસન્ધિક્ખણે…પે… અસઞ્ઞસત્તાનં…પે…. (૧)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા – અરૂપે વિચિકિચ્છાસહગતં મોહં પટિચ્ચ સમ્પયુત્તકા ખન્ધા. (૨)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા – અરૂપે ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા. (૩)

૨૩. દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા – અરૂપે વિચિકિચ્છાસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે…. (૧)

દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા – દસ્સનેન પહાતબ્બહેતુકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; વિચિકિચ્છાસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં. (૨)

ભાવનાય પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નપુરેજાતપચ્ચયા (ઇમેપિ દ્વે કાતબ્બા).

નપચ્છાજાતપચ્ચયાદિ

૨૪. દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા.

નકમ્મપચ્ચયો

૨૫. દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – દસ્સનેન પહાતબ્બહેતુકે ખન્ધે પટિચ્ચ દસ્સનેન પહાતબ્બહેતુકા ચેતના. (૧)

ભાવનાય પહાતબ્બહેતુકં ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – ભાવનાય પહાતબ્બહેતુકે ખન્ધે પટિચ્ચ ભાવનાય પહાતબ્બહેતુકા ચેતના. (૧)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – નેવદસ્સનેન નભાવનાય પહાતબ્બહેતુકે ખન્ધે પટિચ્ચ નેવદસ્સનેન નભાવનાય પહાતબ્બહેતુકા ચેતના; બાહિરં… આહારસમુટ્ઠાનં… ઉતુસમુટ્ઠાનં…પે…. (૧)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – વિચિકિચ્છાસહગતં મોહં પટિચ્ચ સમ્પયુત્તકા ચેતના. (૨)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – ઉદ્ધચ્ચસહગતં મોહં પટિચ્ચ સમ્પયુત્તકા ચેતના. (૩)

૨૬. દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – વિચિકિચ્છાસહગતે ખન્ધે ચ મોહઞ્ચ પટિચ્ચ સમ્પયુત્તકા ચેતના. (૧)

ભાવનાય પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – ઉદ્ધચ્ચસહગતે ખન્ધે ચ મોહઞ્ચ પટિચ્ચ સમ્પયુત્તકા ચેતના. (૧)

નવિપાકપચ્ચયો

૨૭. દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નવિપાકપચ્ચયા (પટિસન્ધિ નત્થિ).

નઆહારપચ્ચયાદિ

૨૮. નેવદસ્સનેન નભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં…પે… નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં, અસઞ્ઞસત્તાનં…પે… મહાભૂતે પટિચ્ચ રૂપજીવિતિન્દ્રિયં… નઝાનપચ્ચયા – પઞ્ચવિઞ્ઞાણં…પે… (મહાભૂતા કાતબ્બા) નમગ્ગપચ્ચયા – અહેતુકં નેવદસ્સનેન નભાવનાય પહાતબ્બહેતુકં એકં ખન્ધં…પે… અસઞ્ઞસત્તાનં…પે… નસમ્પયુત્તપચ્ચયા.

નવિપ્પયુત્તપચ્ચયાદિ

૨૯. દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે દસ્સનેન પહાતબ્બહેતુકં એકં ખન્ધં પટિચ્ચ તયો ખન્ધા…પે…. (૧)

દસ્સનેન પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે વિચિકિચ્છાસહગતે ખન્ધે પટિચ્ચ વિચિકિચ્છાસહગતો મોહો. (૨)

દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ઉપ્પજ્જન્તિ નવિપ્પયુત્તપચ્ચયા – અરૂપે વિચિકિચ્છાસહગતં એકં ખન્ધં પટિચ્ચ તયો ખન્ધા મોહો ચ…પે… દ્વે ખન્ધે…પે…. (૩)

ભાવનાય પહાતબ્બહેતુકં ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે ભાવનાય… તીણિ.

૩૦. નેવદસ્સનેન નભાવનાય પહાતબ્બહેતુકં ધમ્મં પટિચ્ચ નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે નેવદસ્સનેન નભાવનાય પહાતબ્બહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. (૧)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે વિચિકિચ્છાસહગતં મોહં પટિચ્ચ સમ્પયુત્તકા ખન્ધા. (૨)

નેવદસ્સનેન નભાવનાય પહાતબ્બહેતુકં ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા. (૩)

૩૧. દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે વિચિકિચ્છાસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધા. (૧)

ભાવનાય પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પટિચ્ચ ભાવનાય પહાતબ્બહેતુકો ધમ્મો ઉપ્પજ્જતિ નવિપ્પયુત્તપચ્ચયા – અરૂપે ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધા… નોનત્થિપચ્ચયા… નોવિગતપચ્ચયા.