૧. વિભઙ્ગવારો

હેતુપચ્ચયો

૭૫. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ હેતુપચ્ચયેન પચ્ચયો – દસ્સનેન પહાતબ્બહેતુકા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ હેતુપચ્ચયેન પચ્ચયો – દસ્સનેન પહાતબ્બહેતુકા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ હેતુપચ્ચયેન પચ્ચયો – દસ્સનેન પહાતબ્બહેતુકા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

ભાવનાય પહાતબ્બહેતુકો ધમ્મો… તીણિ.

૭૬. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ હેતુપચ્ચયેન પચ્ચયો…પે….

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ હેતુપચ્ચયેન પચ્ચયો – વિચિકિચ્છાસહગતો મોહો સમ્પયુત્તકાનં ખન્ધાનં હેતુપચ્ચયેન પચ્ચયો. (૨)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ હેતુપચ્ચયેન પચ્ચયો – ઉદ્ધચ્ચસહગતો મોહો સમ્પયુત્તકાનં ખન્ધાનં હેતુપચ્ચયેન પચ્ચયો. (૩)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ હેતુપચ્ચયેન પચ્ચયો – વિચિકિચ્છાસહગતો મોહો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૪)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ હેતુપચ્ચયેન પચ્ચયો – ઉદ્ધચ્ચસહગતો મોહો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૫)

આરમ્મણપચ્ચયો

૭૭. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – દસ્સનેન પહાતબ્બહેતુકં રાગં અસ્સાદેતિ અભિનન્દતિ; તં આરબ્ભ દસ્સનેન પહાતબ્બહેતુકો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, દસ્સનેન પહાતબ્બહેતુકં દોમનસ્સં ઉપ્પજ્જતિ. દિટ્ઠિં અસ્સાદેતિ અભિનન્દતિ; તં આરબ્ભ દસ્સનેન પહાતબ્બહેતુકો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, દસ્સનેન પહાતબ્બહેતુકં દોમનસ્સં ઉપ્પજ્જતિ. વિચિકિચ્છં આરબ્ભ વિચિકિચ્છા ઉપ્પજ્જતિ, દિટ્ઠિ ઉપ્પજ્જતિ, દસ્સનેન પહાતબ્બહેતુકં દોમનસ્સં ઉપ્પજ્જતિ. દસ્સનેન પહાતબ્બહેતુકં દોમનસ્સં આરબ્ભ દસ્સનેન પહાતબ્બહેતુકં દોમનસ્સં ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – અરિયા દસ્સનેન પહાતબ્બહેતુકે પહીને કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, દસ્સનેન પહાતબ્બહેતુકે ખન્ધે અનિચ્ચતો…પે… ચેતોપરિયઞાણેન…પે… દસ્સનેન પહાતબ્બહેતુકા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ અનાગતંસઞાણસ્સ, આવજ્જનાય મોહસ્સ ચ આરમ્મણપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – દસ્સનેન પહાતબ્બહેતુકે ખન્ધે આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ. (૩)

૭૮. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – ભાવનાય પહાતબ્બહેતુકં રાગં અસ્સાદેતિ અભિનન્દતિ; તં આરબ્ભ ભાવનાય પહાતબ્બહેતુકો રાગો ઉપ્પજ્જતિ, ઉદ્ધચ્ચં ઉપ્પજ્જતિ, ભાવનાય પહાતબ્બહેતુકં દોમનસ્સં ઉપ્પજ્જતિ. ઉદ્ધચ્ચં આરબ્ભ ઉદ્ધચ્ચં ઉપ્પજ્જતિ, ભાવનાય પહાતબ્બહેતુકં દોમનસ્સં ઉપ્પજ્જતિ. ભાવનાય પહાતબ્બહેતુકં દોમનસ્સં આરબ્ભ ભાવનાય પહાતબ્બહેતુકં દોમનસ્સં ઉપ્પજ્જતિ, ઉદ્ધચ્ચં ઉપ્પજ્જતિ. (૧)

ભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – ભાવનાય પહાતબ્બહેતુકં રાગં અસ્સાદેતિ અભિનન્દતિ; તં આરબ્ભ દસ્સનેન પહાતબ્બહેતુકો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, દસ્સનેન પહાતબ્બહેતુકં દોમનસ્સં ઉપ્પજ્જતિ. ઉદ્ધચ્ચં આરબ્ભ દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, દસ્સનેન પહાતબ્બહેતુકં દોમનસ્સં ઉપ્પજ્જતિ. ભાવનાય પહાતબ્બહેતુકં દોમનસ્સં આરબ્ભ દસ્સનેન પહાતબ્બહેતુકં દોમનસ્સં ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ. (૨)

ભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – અરિયા ભાવનાય પહાતબ્બહેતુકે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, ભાવનાય પહાતબ્બહેતુકે ખન્ધે અનિચ્ચતો…પે… ચેતોપરિયઞાણેન…પે… ભાવનાય પહાતબ્બહેતુકા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય મોહસ્સ ચ આરમ્મણપચ્ચયેન પચ્ચયો. (૩)

ભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – ભાવનાય પહાતબ્બહેતુકે ખન્ધે આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ. (૪)

ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – ભાવનાય પહાતબ્બહેતુકે ખન્ધે આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. (૫)

૭૯. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા…(વિત્થારેતબ્બં દસ્સનત્તિકસદિસં) આવજ્જનાય મોહસ્સ ચ આરમ્મણપચ્ચયેન પચ્ચયો. (૧)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા… (યથા દસ્સનત્તિકં). (૨)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા… (યથા દસ્સનત્તિકં). (૩)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – ચક્ખું આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ. સોતં…પે… વત્થું… નેવદસ્સનેન નભાવનાય પહાતબ્બહેતુકે ખન્ધે આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ. (૪)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – ચક્ખું…પે… વત્થું… નેવદસ્સનેન નભાવનાય પહાતબ્બહેતુકે ખન્ધે આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. (૫)

૮૦. દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – વિચિકિચ્છાસહગતે ખન્ધે ચ મોહઞ્ચ આરબ્ભ દસ્સનેન પહાતબ્બહેતુકા ખન્ધા ઉપ્પજ્જન્તિ. (૧)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – વિચિકિચ્છાસહગતે ખન્ધે ચ મોહઞ્ચ આરબ્ભ નેવદસ્સનેન નભાવનાય પહાતબ્બહેતુકા ખન્ધા ચ મોહો ચ ઉપ્પજ્જન્તિ. (૨)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – વિચિકિચ્છાસહગતે ખન્ધે ચ મોહઞ્ચ આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ. (૩)

૮૧. ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – ઉદ્ધચ્ચસહગતે ખન્ધે ચ મોહઞ્ચ આરબ્ભ દસ્સનેન પહાતબ્બહેતુકા ખન્ધા ઉપ્પજ્જન્તિ. (૧)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – ઉદ્ધચ્ચસહગતે ખન્ધે ચ મોહઞ્ચ આરબ્ભ ભાવનાય પહાતબ્બહેતુકા ખન્ધા ઉપ્પજ્જન્તિ. (૨)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – ઉદ્ધચ્ચસહગતે ખન્ધે ચ મોહઞ્ચ આરબ્ભ નેવદસ્સનેન નભાવનાય પહાતબ્બહેતુકા ખન્ધા ચ મોહો ચ ઉપ્પજ્જન્તિ. (૩)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – ઉદ્ધચ્ચસહગતે ખન્ધે ચ મોહઞ્ચ આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ. (૪)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – ઉદ્ધચ્ચસહગતે ખન્ધે ચ મોહઞ્ચ આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. (૫)

અધિપતિપચ્ચયો

૮૨. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ અધિપતિપચ્ચયેન પચ્ચયો (દસ્સનત્તિકસદિસં, દસ પઞ્હા).

અનન્તરપચ્ચયો

૮૩. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા દસ્સનેન પહાતબ્બહેતુકા ખન્ધા પચ્છિમાનં પચ્છિમાનં દસ્સનેન પહાતબ્બહેતુકાનં ખન્ધાનં અનન્તરપચ્ચયેન પચ્ચયો. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા વિચિકિચ્છાસહગતા ખન્ધા પચ્છિમસ્સ પચ્છિમસ્સ મોહસ્સ અનન્તરપચ્ચયેન પચ્ચયો; દસ્સનેન પહાતબ્બહેતુકા ખન્ધા વુટ્ઠાનસ્સ અનન્તરપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા વિચિકિચ્છાસહગતા ખન્ધા પચ્છિમાનં પચ્છિમાનં વિચિકિચ્છાસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૩)

૮૪. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ભાવનાય પહાતબ્બહેતુકા ખન્ધા પચ્છિમાનં પચ્છિમાનં ભાવનાય પહાતબ્બહેતુકાનં ખન્ધાનં અનન્તરપચ્ચયેન પચ્ચયો. (૧)

ભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉદ્ધચ્ચસહગતા ખન્ધા પચ્છિમસ્સ પચ્છિમસ્સ મોહસ્સ અનન્તરપચ્ચયેન પચ્ચયો; ભાવનાય પહાતબ્બહેતુકા ખન્ધા વુટ્ઠાનસ્સ અનન્તરપચ્ચયેન પચ્ચયો. (૨)

ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉદ્ધચ્ચસહગતા ખન્ધા પચ્છિમાનં પચ્છિમાનં ઉદ્ધચ્ચસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૩)

૮૫. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિચિકિચ્છાસહગતો ઉદ્ધચ્ચસહગતો મોહો પચ્છિમસ્સ પચ્છિમસ્સ વિચિકિચ્છાસહગતસ્સ ઉદ્ધચ્ચસહગતસ્સ મોહસ્સ અનન્તરપચ્ચયેન પચ્ચયો; પુરિમા પુરિમા નેવદસ્સનેન નભાવનાય પહાતબ્બહેતુકા ખન્ધા પચ્છિમાનં પચ્છિમાનં નેવદસ્સનેન નભાવનાય પહાતબ્બહેતુકાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ… અનુલોમં વોદાનસ્સ…પે… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિચિકિચ્છાસહગતો મોહો પચ્છિમાનં પચ્છિમાનં વિચિકિચ્છાસહગતાનં ખન્ધાનં અનન્તરપચ્ચયેન પચ્ચયો; આવજ્જના દસ્સનેન પહાતબ્બહેતુકાનં ખન્ધાનં અનન્તરપચ્ચયેન પચ્ચયો. (૨)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો ઉદ્ધચ્ચસહગતો મોહો પચ્છિમાનં પચ્છિમાનં ઉદ્ધચ્ચસહગતાનં ખન્ધાનં અનન્તરપચ્ચયેન પચ્ચયો; આવજ્જના ભાવનાય પહાતબ્બહેતુકાનં ખન્ધાનં અનન્તરપચ્ચયેન પચ્ચયો. (૩)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિચિકિચ્છાસહગતો મોહો પચ્છિમાનં પચ્છિમાનં વિચિકિચ્છાસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો; આવજ્જના વિચિકિચ્છાસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૪)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમો પુરિમો ઉદ્ધચ્ચસહગતો મોહો પચ્છિમાનં પચ્છિમાનં ઉદ્ધચ્ચસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો; આવજ્જના ઉદ્ધચ્ચસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૫)

૮૬. દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા વિચિકિચ્છાસહગતા ખન્ધા ચ મોહો ચ પચ્છિમાનં પચ્છિમાનં વિચિકિચ્છાસહગતાનં ખન્ધાનં અનન્તરપચ્ચયેન પચ્ચયો. (૧)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા વિચિકિચ્છાસહગતા ખન્ધા ચ મોહો ચ પચ્છિમસ્સ પચ્છિમસ્સ મોહસ્સ અનન્તરપચ્ચયેન પચ્ચયો; વિચિકિચ્છાસહગતા ખન્ધા ચ મોહો ચ વુટ્ઠાનસ્સ અનન્તરપચ્ચયેન પચ્ચયો. (૨)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા વિચિકિચ્છાસહગતા ખન્ધા ચ મોહો ચ પચ્છિમાનં પચ્છિમાનં વિચિકિચ્છાસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૩)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ભાવનાય પહાતબ્બહેતુકસ્સ ધમ્મસ્સ અનન્તરપચ્ચયેન પચ્ચયો… તીણિ (દસ્સનેન સદિસં ગમનં).

સમનન્તરપચ્ચયાદિ

૮૭. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ સમનન્તરપચ્ચયેન પચ્ચયો… (અનન્તરસદિસં) સહજાતપચ્ચયેન પચ્ચયો… (સંખિત્તં. પટિચ્ચવારે સહજાતસદિસં) અઞ્ઞમઞ્ઞપચ્ચયેન પચ્ચયો… (સંખિત્તં. પટિચ્ચવારે અઞ્ઞમઞ્ઞસદિસં) નિસ્સયપચ્ચયેન પચ્ચયો… (સંખિત્તં. પચ્ચયવારે નિસ્સયવારસદિસં. વિસું ઘટના નત્થિ).

ઉપનિસ્સયપચ્ચયો

૮૮. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, ૫૧અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – દસ્સનેન પહાતબ્બહેતુકં રાગં ઉપનિસ્સાય પાણં હનતિ…પે… સઙ્ઘં ભિન્દતિ. દસ્સનેન પહાતબ્બહેતુકં દોસં… મોહં… દિટ્ઠિં… પત્થનં ઉપનિસ્સાય પાણં હનતિ…પે… સઙ્ઘં ભિન્દતિ. દસ્સનેન પહાતબ્બહેતુકો રાગો… દોસો… મોહો… દિટ્ઠિ… પત્થના દસ્સનેન પહાતબ્બહેતુકસ્સ રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – દસ્સનેન પહાતબ્બહેતુકં રાગં ઉપનિસ્સાય દાનં દેતિ…પે… સમાપત્તિં ઉપ્પાદેતિ. દસ્સનેન પહાતબ્બહેતુકં દોસં… મોહં… દિટ્ઠિં… પત્થનં ઉપનિસ્સાય દાનં દેતિ…પે… સમાપત્તિં ઉપ્પાદેતિ. દસ્સનેન પહાતબ્બહેતુકો રાગો…પે… પત્થના… સદ્ધાય…પે… પઞ્ઞાય… કાયિકસ્સ સુખસ્સ, કાયિકસ્સ દુક્ખસ્સ ફલસમાપત્તિયા મોહસ્સ ચ ઉપનિસ્સયપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – દસ્સનેન પહાતબ્બહેતુકો રાગો… દોસો… મોહો… દિટ્ઠિ… પત્થના વિચિકિચ્છાસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૩)

૮૯. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ભાવનાય પહાતબ્બહેતુકો રાગો… દોસો… મોહો… માનો… પત્થના ભાવનાય પહાતબ્બહેતુકસ્સ રાગસ્સ… દોસસ્સ… મોહસ્સ… માનસ્સ… પત્થનાય ઉપનિસ્સયપચ્ચયેન પચ્ચયો. (૧)

ભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – ભાવનાય પહાતબ્બહેતુકં રાગં ઉપનિસ્સાય પાણં હનતિ…પે… સઙ્ઘં ભિન્દતિ. ભાવનાય પહાતબ્બહેતુકં દોસં… મોહં… માનં… પત્થનં ઉપનિસ્સાય પાણં હનતિ…પે… સઙ્ઘં ભિન્દતિ. ભાવનાય પહાતબ્બહેતુકો રાગો…પે… પત્થના દસ્સનેન પહાતબ્બહેતુકસ્સ રાગસ્સ… દોસસ્સ… મોહસ્સ… દિટ્ઠિયા… પત્થનાય ઉપનિસ્સયપચ્ચયેન પચ્ચયો. સકભણ્ડે છન્દરાગો પરભણ્ડે છન્દરાગસ્સ ઉપનિસ્સયપચ્ચયેન પચ્ચયો. સકપરિગ્ગહે છન્દરાગો પરપરિગ્ગહે છન્દરાગસ્સ ઉપનિસ્સયપચ્ચયેન પચ્ચયો. (૨)

ભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ભાવનાય પહાતબ્બહેતુકં રાગં ઉપનિસ્સાય દાનં દેતિ…પે… સમાપત્તિં ઉપ્પાદેતિ. ભાવનાય પહાતબ્બહેતુકં દોસં… મોહં… માનં… પત્થનં ઉપનિસ્સાય દાનં દેતિ…પે… સમાપત્તિં ઉપ્પાદેતિ. ભાવનાય પહાતબ્બહેતુકો રાગો…પે… પત્થના સદ્ધાય…પે… પઞ્ઞાય… કાયિકસ્સ સુખસ્સ, કાયિકસ્સ દુક્ખસ્સ ફલસમાપત્તિયા મોહસ્સ ચ ઉપનિસ્સયપચ્ચયેન પચ્ચયો. (૩)

ભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો…. પકતૂપનિસ્સયો – ભાવનાય પહાતબ્બહેતુકો રાગો…પે… પત્થના વિચિકિચ્છાસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૪)

ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ભાવનાય પહાતબ્બહેતુકો રાગો…પે… પત્થના ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૫)

૯૦. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ. સીલં…પે… પઞ્ઞં… કાયિકં સુખં… કાયિકં દુક્ખં… ઉતું… ભોજનં… સેનાસનં… મોહં ઉપનિસ્સાય દાનં દેતિ…પે… સદ્ધા…પે… મોહો સદ્ધાય…પે… ફલસમાપત્તિયા મોહસ્સ ચ ઉપનિસ્સયપચ્ચયેન પચ્ચયો. (૧)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દિટ્ઠિં ગણ્હાતિ. સીલં…પે… પઞ્ઞં… કાયિકં સુખં… કાયિકં દુક્ખં…પે… સેનાસનં… મોહં ઉપનિસ્સાય પાણં હનતિ…પે… સઙ્ઘં ભિન્દતિ. સદ્ધા…પે… સેનાસનં મોહો ચ દસ્સનેન પહાતબ્બહેતુકસ્સ રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ…પે… મોહં ઉપનિસ્સાય માનં જપ્પેતિ. સદ્ધા…પે… સેનાસનં મોહો ચ ભાવનાય પહાતબ્બહેતુકસ્સ રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૩)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધા…પે… પઞ્ઞા… કાયિકં સુખં… કાયિકં દુક્ખં…પે… સેનાસનં મોહો ચ વિચિકિચ્છાસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૪)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધા…પે… સેનાસનં મોહો ચ ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૫)

૯૧. દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – વિચિકિચ્છાસહગતા ખન્ધા ચ મોહો ચ દસ્સનેન પહાતબ્બહેતુકસ્સ રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૧)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – વિચિકિચ્છાસહગતા ખન્ધા ચ મોહો ચ સદ્ધાય…પે… પઞ્ઞાય… કાયિકસ્સ સુખસ્સ, કાયિકસ્સ દુક્ખસ્સ ફલસમાપત્તિયા મોહસ્સ ચ ઉપનિસ્સયપચ્ચયેન પચ્ચયો. (૨)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – વિચિકિચ્છાસહગતા ખન્ધા ચ મોહો ચ વિચિકિચ્છાસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૩)

૯૨. ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ દસ્સનેન પહાતબ્બહેતુકસ્સ રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૧)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ ભાવનાય પહાતબ્બહેતુકસ્સ રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ સદ્ધાય…પે… ફલસમાપત્તિયા મોહસ્સ ચ ઉપનિસ્સયપચ્ચયેન પચ્ચયો. (૩)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ વિચિકિચ્છાસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૪)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૫)

પુરેજાતપચ્ચયો

૯૩. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું અનિચ્ચતો…પે… વિપસ્સતિ, સોતં…પે… વત્થું અનિચ્ચતો…પે… વિપસ્સતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નેવદસ્સનેન નભાવનાય પહાતબ્બહેતુકાનં ખન્ધાનં મોહસ્સ ચ પુરેજાતપચ્ચયેન પચ્ચયો. (૧)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ; તં આરબ્ભ દસ્સનેન પહાતબ્બહેતુકો રાગો…પે… દિટ્ઠિ…પે… વિચિકિચ્છા…પે… દસ્સનેન પહાતબ્બહેતુકં દોમનસ્સં ઉપ્પજ્જતિ. વત્થુપુરેજાતં – વત્થુ દસ્સનેન પહાતબ્બહેતુકાનં ખન્ધાનં પુરેજાતપચ્ચયેન પચ્ચયો. (૨)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ; તં આરબ્ભ ભાવનાય પહાતબ્બહેતુકો રાગો ઉપ્પજ્જતિ, ઉદ્ધચ્ચં ઉપ્પજ્જતિ, ભાવનાય પહાતબ્બહેતુકં દોમનસ્સં ઉપ્પજ્જતિ. વત્થુપુરેજાતં – વત્થુ ભાવનાય પહાતબ્બહેતુકાનં ખન્ધાનં પુરેજાતપચ્ચયેન પચ્ચયો. (૩)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ. વત્થુપુરેજાતં – વત્થુ વિચિકિચ્છાસહગતાનં ખન્ધાનં મોહસ્સ ચ પુરેજાતપચ્ચયેન પચ્ચયો. (૪)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. વત્થુપુરેજાતં – વત્થુ ઉદ્ધચ્ચસહગતાનં ખન્ધાનં મોહસ્સ ચ પુરેજાતપચ્ચયેન પચ્ચયો. (૫)

પચ્છાજાતપચ્ચયો

૯૪. દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા દસ્સનેન પહાતબ્બહેતુકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

ભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ભાવનાય પહાતબ્બહેતુકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા નેવદસ્સનેન નભાવનાય પહાતબ્બહેતુકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા વિચિકિચ્છાસહગતા ખન્ધા ચ મોહો ચ પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ઉદ્ધચ્ચસહગતા ખન્ધા ચ મોહો ચ પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૯૫. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા દસ્સનેન પહાતબ્બહેતુકા ખન્ધા પચ્છિમાનં પચ્છિમાનં દસ્સનેન પહાતબ્બહેતુકાનં ખન્ધાનં આસેવનપચ્ચયેન પચ્ચયો. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા વિચિકિચ્છાસહગતા ખન્ધા પચ્છિમસ્સ પચ્છિમસ્સ મોહસ્સ આસેવનપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આસેવનપચ્ચયેન પચ્ચયો – પુરિમા પુરિમા વિચિકિચ્છાસહગતા ખન્ધા પચ્છિમાનં પચ્છિમાનં વિચિકિચ્છાસહગતાનં ખન્ધાનં મોહસ્સ ચ આસેવનપચ્ચયેન પચ્ચયો.

ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ (સંખિત્તં) તીણિ.

નેવદસ્સનેન નભાવનાય પહાતબ્બહેતુકો ધમ્મો…પે…. (આસેવનમૂલકે વુટ્ઠાનસ્સપિ આવજ્જનાયપિ પહાતબ્બં, સત્તરસ પઞ્હા પરિપુણ્ણા, અનન્તરસદિસા).

કમ્મપચ્ચયો

૯૬. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ કમ્મપચ્ચયેન પચ્ચયો – દસ્સનેન પહાતબ્બહેતુકા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા દસ્સનેન પહાતબ્બહેતુકા ચેતના મોહસ્સ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. નાનાક્ખણિકા – દસ્સનેન પહાતબ્બહેતુકા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ કમ્મપચ્ચયેન પચ્ચયો – દસ્સનેન પહાતબ્બહેતુકા ચેતના સમ્પયુત્તકાનં ખન્ધાનં મોહસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

૯૭. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ કમ્મપચ્ચયેન પચ્ચયો – ભાવનાય પહાતબ્બહેતુકા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

ભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ કમ્મપચ્ચયેન પચ્ચયો – ભાવનાય પહાતબ્બહેતુકા ચેતના મોહસ્સ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૨)

ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ કમ્મપચ્ચયેન પચ્ચયો – ભાવનાય પહાતબ્બહેતુકા ચેતના સમ્પયુત્તકાનં ખન્ધાનં મોહસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

૯૮. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નેવદસ્સનેન નભાવનાય પહાતબ્બહેતુકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – નેવદસ્સનેન નભાવનાય પહાતબ્બહેતુકા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

વિપાકપચ્ચયો

૯૯. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ વિપાકપચ્ચયેન પચ્ચયો (પવત્તિપટિસન્ધિ) વિપાકા ખન્ધા વત્થુસ્સ…પે….

આહારપચ્ચયો

૧૦૦. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ આહારપચ્ચયેન પચ્ચયો – દસ્સનેન પહાતબ્બહેતુકા આહારા સમ્પયુત્તકાનં ખન્ધાનં આહારપચ્ચયેન પચ્ચયો. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ આહારપચ્ચયેન પચ્ચયો – દસ્સનેન પહાતબ્બહેતુકા આહારા મોહસ્સ ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ આહારપચ્ચયેન પચ્ચયો – દસ્સનેન પહાતબ્બહેતુકા આહારા સમ્પયુત્તકાનં ખન્ધાનં મોહસ્સ ચ ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. (૩)

ભાવનાય પહાતબ્બહેતુકો ધમ્મો… તીણિ (દસ્સનેન સદિસં).

નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ આહારપચ્ચયેન પચ્ચયો – નેવદસ્સનેન નભાવનાય પહાતબ્બહેતુકા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. પટિસન્ધિક્ખણે…પે… કબળીકારો આહારો ઇમસ્સ કાયસ્સ આહારપચ્ચયેન પચ્ચયો.

ઇન્દ્રિયપચ્ચયાદિ

૧૦૧. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ (આહારસદિસં. મોહો કાતબ્બો).

ભાવનાય પહાતબ્બહેતુકો ધમ્મો… તીણિ.

નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ ઇન્દ્રિયપચ્ચયેન પચ્ચયો – નેવદસ્સનેન નભાવનાય પહાતબ્બહેતુકા ઇન્દ્રિયા સમ્પયુત્તકાનં ખન્ધાનં…પે… ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ…પે… રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો… મગ્ગપચ્ચયેન પચ્ચયો… (ઇમે સહેતુકા કાતબ્બા) સમ્પયુત્તપચ્ચયેન પચ્ચયો (પટિચ્ચવારે સમ્પયુત્તવારસદિસં).

વિપ્પયુત્તપચ્ચયો

૧૦૨. દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (દસ્સનત્તિકસદિસં).

ભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (દસ્સનત્તિકસદિસં).

નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (દસ્સનત્તિકસદિસં). પચ્છાજાતા – નેવદસ્સનેન નભાવનાય પહાતબ્બહેતુકા ખન્ધા ચ મોહો ચ પુરેજાતસ્સ ઇમસ્સ કાયસ્સ…પે…. (૧)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ દસ્સનેન પહાતબ્બહેતુકાનં ખન્ધાનં…પે…. (૨)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ ભાવનાય પહાતબ્બહેતુકાનં ખન્ધાનં…પે…. (૩)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ વિચિકિચ્છાસહગતાનં ખન્ધાનં મોહસ્સ ચ વિપ્પયુત્તપચ્ચયેન પચ્ચયો. (૪)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ ઉદ્ધચ્ચસહગતાનં ખન્ધાનં મોહસ્સ ચ વિપ્પયુત્તપચ્ચયેન પચ્ચયો. (૫)

૧૦૩. દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – વિચિકિચ્છાસહગતા ખન્ધા ચ મોહો ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – વિચિકિચ્છાસહગતા ખન્ધા ચ મોહો ચ પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – ઉદ્ધચ્ચસહગતા ખન્ધા ચ મોહો ચ ચિત્તસમુટ્ઠાનાનં રૂપાનં…પે…. પચ્છાજાતા – ઉદ્ધચ્ચસહગતા ખન્ધા ચ મોહો ચ પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયાદિ

૧૦૪. દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો – દસ્સનેન પહાતબ્બહેતુકો એકો ખન્ધો તિણ્ણન્નં ખન્ધાનં…પે…. (૧)

દસ્સનેન પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – દસ્સનેન પહાતબ્બહેતુકા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – વિચિકિચ્છાસહગતા ખન્ધા મોહસ્સ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પચ્છાજાતા – દસ્સનેન પહાતબ્બહેતુકા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

દસ્સનેન પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અત્થિપચ્ચયેન પચ્ચયો – દસ્સનેન પહાતબ્બહેતુકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. વિચિકિચ્છાસહગતો એકો ખન્ધો તિણ્ણન્નં ખન્ધાનં મોહસ્સ ચ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે…. (૩)

ભાવનાય પહાતબ્બહેતુકો ધમ્મો… તીણિ.

૧૦૫. નેવદસ્સનેન નભાવનાય પહાતબ્બહેતુકો ધમ્મો નેવદસ્સનેન નભાવનાય પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નેવદસ્સનેન નભાવનાય પહાતબ્બહેતુકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… વિચિકિચ્છાસહગતો ઉદ્ધચ્ચસહગતો મોહો ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પટિસન્ધિક્ખણે…પે… અસઞ્ઞસત્તાનં…પે…. પુરેજાતં – ચક્ખું…પે… વત્થું અનિચ્ચતો…પે… દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… ચક્ખાયતનં…પે… કાયાયતનં…પે… વત્થુ નેવદસ્સનેન નભાવનાય પહાતબ્બહેતુકાનં ખન્ધાનં મોહસ્સ ચ અત્થિપચ્ચયેન પચ્ચયો. પચ્છાજાતા – નેવદસ્સનેન નભાવનાય પહાતબ્બહેતુકા ખન્ધા ચ મોહો ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો; કબળીકારો આહારો ઇમસ્સ કાયસ્સ…પે… રૂપજીવિતિન્દ્રિયં કટત્તારૂપાનં…પે…. (૧)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – વિચિકિચ્છાસહગતો મોહો સમ્પયુત્તકાનં ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ; તં આરબ્ભ દસ્સનેન પહાતબ્બહેતુકો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, દસ્સનેન પહાતબ્બહેતુકં દોમનસ્સં ઉપ્પજ્જતિ, વત્થુ દસ્સનેન પહાતબ્બહેતુકાનં ખન્ધાનં અત્થિપચ્ચયેન પચ્ચયો. (૨)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ઉદ્ધચ્ચસહગતો મોહો સમ્પયુત્તકાનં ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ…પે… વત્થુ ભાવનાય પહાતબ્બહેતુકાનં ખન્ધાનં અત્થિપચ્ચયેન પચ્ચયો. (૩)

નેવદસ્સનેન નભાવનાય પહાતબ્બહેતુકો ધમ્મો દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – વિચિકિચ્છાસહગતો મોહો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પુરેજાતં – ચક્ખું આરબ્ભ વિચિકિચ્છાસહગતા ખન્ધા ચ મોહો ચ ઉપ્પજ્જન્તિ…પે… વત્થું આરબ્ભ…પે… વત્થુ વિચિકિચ્છાસહગતાનં ખન્ધાનં મોહસ્સ ચ અત્થિપચ્ચયેન પચ્ચયો. (૪)

નેવદસ્સનેન નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ઉદ્ધચ્ચસહગતો મોહો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પુરેજાતં – ચક્ખું આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ…પે… વત્થું આરબ્ભ…પે… વત્થુ ઉદ્ધચ્ચસહગતાનં ખન્ધાનં મોહસ્સ ચ અત્થિપચ્ચયેન પચ્ચયો. (૫)

૧૦૬. દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – દસ્સનેન પહાતબ્બહેતુકો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો …પે… દ્વે ખન્ધા…પે… વિચિકિચ્છાસહગતો એકો ખન્ધો ચ મોહો ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા…પે…. (૧)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા નેવદસ્સનેન નભાવનાય પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – દસ્સનેન પહાતબ્બહેતુકા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – વિચિકિચ્છાસહગતા ખન્ધા ચ મોહો ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – વિચિકિચ્છાસહગતા ખન્ધા ચ વત્થુ ચ મોહસ્સ અત્થિપચ્ચયેન પચ્ચયો. પચ્છાજાતા – વિચિકિચ્છાસહગતા ખન્ધા ચ મોહો ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – દસ્સનેન પહાતબ્બહેતુકા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – દસ્સનેન પહાતબ્બહેતુકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

દસ્સનેન પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા દસ્સનેન પહાતબ્બહેતુકસ્સ ચ નેવદસ્સનેન નભાવનાય પહાતબ્બહેતુકસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – વિચિકિચ્છાસહગતો એકો ખન્ધો ચ વત્થુ ચ તિણ્ણન્નં ખન્ધાનં મોહસ્સ ચ અત્થિપચ્ચયેન પચ્ચયો…પે… દ્વે ખન્ધા…પે… વિચિકિચ્છાસહગતો એકો ખન્ધો ચ મોહો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા ચ મોહો ચ…પે…. (૩)

ભાવનાય પહાતબ્બહેતુકો ચ નેવદસ્સનેન નભાવનાય પહાતબ્બહેતુકો ચ ધમ્મા ભાવનાય પહાતબ્બહેતુકસ્સ ધમ્મસ્સ અત્થિપચ્ચયેન પચ્ચયો (સંખિત્તં. તિસ્સો પઞ્હા, દસ્સનેન નયેન વિભજિતબ્બા, ‘‘ઉદ્ધચ્ચ’’ન્તિ નિયામેતબ્બં) નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો….