૧. વિભઙ્ગવારો

નહેતુપચ્ચયો

૫૨. દસ્સનેન પહાતબ્બહેતુકં ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે પચ્ચયા વિચિકિચ્છાસહગતો મોહો. (૧)

ભાવનાય પહાતબ્બહેતુકં ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – ઉદ્ધચ્ચસહગતે ખન્ધે પચ્ચયા ઉદ્ધચ્ચસહગતો મોહો. (૧)

નેવદસ્સનેન નભાવનાય પહાતબ્બહેતુકં ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – અહેતુકં નેવદસ્સનેન નભાવનાય પહાતબ્બહેતુકં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… અહેતુકપટિસન્ધિક્ખણે (પરિપુણ્ણં) ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં; વત્થું પચ્ચયા અહેતુકા નેવદસ્સનેન નભાવનાય પહાતબ્બહેતુકા ખન્ધા; વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

૫૩. દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો મોહો. (૧)

ભાવનાય પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નહેતુપચ્ચયા – ઉદ્ધચ્ચસહગતે ખન્ધે ચ વત્થુઞ્ચ પચ્ચયા ઉદ્ધચ્ચસહગતો મોહો. (૧)

નઆરમ્મણપચ્ચયો

૫૪. દસ્સનેન પહાતબ્બહેતુકં ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બહેતુકે ખન્ધે પચ્ચયા ચિત્તસમુટ્ઠાનં રૂપં. (૧)

ભાવનાય પહાતબ્બહેતુકં ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બહેતુકે ખન્ધે પચ્ચયા ચિત્તસમુટ્ઠાનં રૂપં. (૧)

નેવદસ્સનેન નભાવનાય પહાતબ્બહેતુકં ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – નેવદસ્સનેન નભાવનાય પહાતબ્બહેતુકે ખન્ધે પચ્ચયા ચિત્તસમુટ્ઠાનં રૂપં. પટિસન્ધિક્ખણે નેવદસ્સનેન નભાવનાય પહાતબ્બહેતુકે ખન્ધે પચ્ચયા કટત્તારૂપં; ખન્ધે પચ્ચયા વત્થુ…પે… એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. (૧)

૫૫. દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બહેતુકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; વિચિકિચ્છાસહગતે ખન્ધે ચ મોહઞ્ચ પચ્ચયા ચિત્તસમુટ્ઠાનં રૂપં. (૧)

ભાવનાય પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બહેતુકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; ઉદ્ધચ્ચસહગતે ખન્ધે ચ મોહઞ્ચ પચ્ચયા ચિત્તસમુટ્ઠાનં રૂપં. (૧)

નઅધિપતિપચ્ચયાદિ

૫૬. દસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ નઅધિપતિપચ્ચયા (સહજાતસદિસં)… નઅનન્તરપચ્ચયા … નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા… નપુરેજાતપચ્ચયા (પટિચ્ચવારે પચ્ચનીયસદિસં, તેરસ પઞ્હા. નિન્નાનં)… નપચ્છાજાતપચ્ચયા… નઆસેવનપચ્ચયા.

નકમ્મપચ્ચયો

૫૭. દસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – દસ્સનેન પહાતબ્બહેતુકે ખન્ધે પચ્ચયા દસ્સનેન પહાતબ્બહેતુકા ચેતના. (૧)

ભાવનાય પહાતબ્બહેતુકં ધમ્મં પચ્ચયા ભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – ભાવનાય પહાતબ્બહેતુકે ખન્ધે પચ્ચયા ભાવનાય પહાતબ્બહેતુકા ચેતના. (૧)

નેવદસ્સનેન નભાવનાય પહાતબ્બહેતુકં ધમ્મં પચ્ચયા નેવદસ્સનેન નભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – નેવદસ્સનેન નભાવનાય પહાતબ્બહેતુકે ખન્ધે પચ્ચયા નેવદસ્સનેન નભાવનાય પહાતબ્બહેતુકા ચેતના; બાહિરં… આહારસમુટ્ઠાનં… ઉતુસમુટ્ઠાનં…પે… વત્થું પચ્ચયા નેવદસ્સનેન નભાવનાય પહાતબ્બહેતુકા ચેતના. (૧)

નેવદસ્સનેન નભાવનાય પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – વત્થું પચ્ચયા દસ્સનેન પહાતબ્બહેતુકા ચેતના; વિચિકિચ્છાસહગતં મોહં પચ્ચયા સમ્પયુત્તકા ચેતના. (૨)

નેવદસ્સનેન નભાવનાય પહાતબ્બહેતુકં ધમ્મં પચ્ચયા ભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – વત્થું પચ્ચયા ભાવનાય પહાતબ્બહેતુકા ચેતના; ઉદ્ધચ્ચસહગતં મોહં પચ્ચયા સમ્પયુત્તકા ચેતના. (૩)

૫૮. દસ્સનેન પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – દસ્સનેન પહાતબ્બહેતુકે ખન્ધે ચ વત્થુઞ્ચ પચ્ચયા દસ્સનેન પહાતબ્બહેતુકા ચેતના; વિચિકિચ્છાસહગતે ખન્ધે ચ મોહઞ્ચ પચ્ચયા સમ્પયુત્તકા ચેતના. (૧)

ભાવનાય પહાતબ્બહેતુકઞ્ચ નેવદસ્સનેન નભાવનાય પહાતબ્બહેતુકઞ્ચ ધમ્મં પચ્ચયા ભાવનાય પહાતબ્બહેતુકો ધમ્મો ઉપ્પજ્જતિ નકમ્મપચ્ચયા – ભાવનાય પહાતબ્બહેતુકે ખન્ધે ચ વત્થુઞ્ચ પચ્ચયા ભાવનાય પહાતબ્બહેતુકા ચેતના; ઉદ્ધચ્ચસહગતે ખન્ધે ચ મોહઞ્ચ પચ્ચયા સમ્પયુત્તકા ચેતના. (૧)

નવિપાકપચ્ચયાદિ

૫૯. દસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ નવિપાકપચ્ચયા (પરિપુણ્ણં, પટિસન્ધિ નત્થિ), નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં…પે… નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… મહાભૂતે પચ્ચયા રૂપજીવિતિન્દ્રિયં… નઝાનપચ્ચયા – પઞ્ચવિઞ્ઞાણસહગતં એકં ખન્ધં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… નમગ્ગપચ્ચયા – અહેતુકં એકં…પે… નસમ્પયુત્તપચ્ચયા… નવિપ્પયુત્તપચ્ચયા… (પટિચ્ચવારપચ્ચનીયે નવિપ્પયુત્તસદિસં, નિન્નાનં. એકાદસ). નોનત્થિપચ્ચયા… નોવિગતપચ્ચયા.