૧. વિભઙ્ગવારો

નહેતુપચ્ચયો

૧૬. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે પટિચ્ચ વિચિકિચ્છાસહગતો મોહો. (૧)

ભાવનાય પહાતબ્બં ધમ્મં પટિચ્ચ ભાવનાય પહાતબ્બો ધમ્મો ઉપ્પજ્જતિ નહેતુપચ્ચયા – ઉદ્ધચ્ચસહગતે ખન્ધે પટિચ્ચ ઉદ્ધચ્ચસહગતો મોહો. (૧)

નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નહેતુપચ્ચયા – અહેતુકં નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ…પે… અહેતુકપટિસન્ધિક્ખણે નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે પટિચ્ચ દ્વે ખન્ધા…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં. (૧)

નઆરમ્મણપચ્ચયો

૧૭. દસ્સનેન પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બે ખન્ધે પટિચ્ચ ચિત્તસમુટ્ઠાનં રૂપં. (૧)

ભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બે ખન્ધે પટિચ્ચ ચિત્તસમુટ્ઠાનં રૂપં. (૧)

નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – નેવદસ્સનેન નભાવનાય પહાતબ્બે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે નેવદસ્સનેન નભાવનાય પહાતબ્બે ખન્ધે પટિચ્ચ કટત્તારૂપં, ખન્ધે પટિચ્ચ વત્થુ; એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

૧૮. દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઅધિપતિપચ્ચયાદિ

૧૯. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ નઅધિપતિપચ્ચયા… (પરિપુણ્ણં હેતુપચ્ચયસદિસં) નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા.

નપુરેજાતપચ્ચયો

૨૦. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ નપુરેજાતપચ્ચયા – અરૂપે દસ્સનેન પહાતબ્બં એકં ખન્ધં પટિચ્ચ તયો ખન્ધા…પે…. (૧)

દસ્સનેન પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – દસ્સનેન પહાતબ્બે ખન્ધે પટિચ્ચ ચિત્તસમુટ્ઠાનં રૂપં. (૨)

ભાવનાય પહાતબ્બં ધમ્મં પટિચ્ચ ભાવનાય પહાતબ્બો…પે… અરૂપે ભાવનાય પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

ભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો…પે… ભાવનાય પહાતબ્બે ખન્ધે પટિચ્ચ ચિત્તસમુટ્ઠાનં રૂપં. (૨)

૨૧. નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – અરૂપે નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા, નેવદસ્સનેન નભાવનાય પહાતબ્બે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે પટિચ્ચ દ્વે ખન્ધા કટત્તા ચ રૂપં, ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો…પે… દસ્સનેન પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – ભાવનાય પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નપચ્છાજાતપચ્ચયાદિ

૨૨. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા.

નકમ્મપચ્ચયો

૨૩. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ નકમ્મપચ્ચયા – દસ્સનેન પહાતબ્બે ખન્ધે પટિચ્ચ દસ્સનેન પહાતબ્બા ચેતના. (૧)

ભાવનાય પહાતબ્બં ધમ્મં પટિચ્ચ ભાવનાય પહાતબ્બો ધમ્મો ઉપ્પજ્જતિ નકમ્મપચ્ચયા – ભાવનાય પહાતબ્બે ખન્ધે પટિચ્ચ ભાવનાય પહાતબ્બા ચેતના. (૧)

નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નકમ્મપચ્ચયા – નેવદસ્સનેન નભાવનાય પહાતબ્બે ખન્ધે પટિચ્ચ નેવદસ્સનેન નભાવનાય પહાતબ્બા ચેતના; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

નવિપાકપચ્ચયો

૨૪. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ નવિપાકપચ્ચયા (નઅધિપતિપચ્ચયસદિસં, પટિસન્ધિ નત્થિ).

નઆહારપચ્ચયો

૨૫. નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે….

નઇન્દ્રિયપચ્ચયો

૨૬. નેવદસ્સનેન નભાવનાય પહાતબ્બં…પે… નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાન… એકં મહાભૂતં…પે… અસઞ્ઞસત્તાનં મહાભૂતે પટિચ્ચ રૂપજીવિતિન્દ્રિયં.

નઝાનપચ્ચયો

૨૭. નેવદસ્સનેન નભાવનાય પહાતબ્બં ધમ્મં…પે… નઝાનપચ્ચયા – પઞ્ચવિઞ્ઞાણસહગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. ઉતુસમુટ્ઠાનં, અસઞ્ઞસત્તાનં એકં મહાભૂતં…પે….

નમગ્ગપચ્ચયો

૨૮. નેવદસ્સનેન નભાવનાય પહાતબ્બં…પે… નમગ્ગપચ્ચયા – અહેતુકં નેવદસ્સનેન નભાવનાય પહાતબ્બં…પે… અહેતુકપટિસન્ધિક્ખણે…પે… એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે….

નસમ્પયુત્તપચ્ચયો

૨૯. દસ્સનેન પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ નસમ્પયુત્તપચ્ચયા (નઆરમ્મણસદિસં).

નવિપ્પયુત્તપચ્ચયો

૩૦. દસ્સનેન પહાતબ્બં…પે… નવિપ્પયુત્તપચ્ચયા – અરૂપે દસ્સનેન પહાતબ્બં એકં ખન્ધં પટિચ્ચ…પે…. (૧)

ભાવનાય પહાતબ્બં…પે… નવિપ્પયુત્તપચ્ચયા – અરૂપે ભાવનાય પહાતબ્બં એકં ખન્ધં…પે…. (૧)

નેવદસ્સનેન નભાવનાય પહાતબ્બં…પે… નવિપ્પયુત્તપચ્ચયા – અરૂપે નેવદસ્સનેન નભાવનાય પહાતબ્બં એકં ખન્ધં પટિચ્ચ…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. (૧)

નોનત્થિ-નોવિગતપચ્ચયા

૩૧. દસ્સનેન પહાતબ્બં ધમ્મં પટિચ્ચ નેવદસ્સનેન નભાવનાય…પે… નોનત્થિપચ્ચયા… નોવિગતપચ્ચયા (નઆરમ્મણસદિસં).