૧. પચ્ચયાનુલોમં

૨. સઙ્ખ્યાવારો

૯૭. હેતુયા સત્ત, આરમ્મણે અટ્ઠ, અધિપતિયા દસ, અનન્તરે સત્ત, સમનન્તરે સત્ત, સહજાતે નવ, અઞ્ઞમઞ્ઞે તીણિ, નિસ્સયે તેરસ, ઉપનિસ્સયે અટ્ઠ, પુરેજાતે તીણિ, પચ્છાજાતે તીણિ, આસેવને તીણિ, કમ્મે સત્ત, વિપાકે એકં, આહારે સત્ત, ઇન્દ્રિયે સત્ત, ઝાને સત્ત, મગ્ગે સત્ત, સમ્પયુત્તે તીણિ, વિપ્પયુત્તે પઞ્ચ, અત્થિયા તેરસ, નત્થિયા સત્ત, વિગતે સત્ત, અવિગતે તેરસ (એવં ગણેતબ્બં).

અનુલોમં.

પચ્ચનીયુદ્ધારો

૯૮. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

દસ્સનેન પહાતબ્બો ધમ્મો નેવદસ્સનેન નભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૨)

દસ્સનેન પહાતબ્બો ધમ્મો દસ્સનેન પહાતબ્બસ્સ ચ નેવદસ્સનેન નભાવનાય પહાતબ્બસ્સ ચ ધમ્મસ્સ સહજાતપચ્ચયેન પચ્ચયો. (૩)

૯૯. ભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

ભાવનાય પહાતબ્બો ધમ્મો દસ્સનેન પહાતબ્બસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો. (૨)

ભાવનાય પહાતબ્બો ધમ્મો નેવદસ્સનેન નભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો. (૩)

ભાવનાય પહાતબ્બો ધમ્મો ભાવનાય પહાતબ્બસ્સ ચ નેવદસ્સનેન નભાવનાય પહાતબ્બસ્સ ચ ધમ્મસ્સ સહજાતપચ્ચયેન પચ્ચયો. (૪)

૧૦૦. નેવદસ્સનેન નભાવનાય પહાતબ્બો ધમ્મો નેવદસ્સનેન નભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)

નેવદસ્સનેન નભાવનાય પહાતબ્બો ધમ્મો દસ્સનેન પહાતબ્બસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)

નેવદસ્સનેન નભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૩)

૧૦૧. દસ્સનેન પહાતબ્બો ચ નેવદસ્સનેન નભાવનાય પહાતબ્બો ચ ધમ્મા દસ્સનેન પહાતબ્બસ્સ ધમ્મસ્સ સહજાતં, પુરેજાતં. (૧)

દસ્સનેન પહાતબ્બો ચ નેવદસ્સનેન નભાવનાય પહાતબ્બો ચ ધમ્મા નેવદસ્સનેન નભાવનાય પહાતબ્બસ્સ ધમ્મસ્સ સહજાતં, પચ્છાજાતં, આહારં, ઇન્દ્રિયં. (૨)

ભાવનાય પહાતબ્બો ચ નેવદસ્સનેન નભાવનાય પહાતબ્બો ચ ધમ્મા ભાવનાય પહાતબ્બસ્સ ધમ્મસ્સ સહજાતં, પુરેજાતં. (૧)

ભાવનાય પહાતબ્બો ચ નેવદસ્સનેન નભાવનાય પહાતબ્બો ચ ધમ્મા નેવદસ્સનેન નભાવનાય પહાતબ્બસ્સ ધમ્મસ્સ સહજાતં, પચ્છાજાતં, આહારં, ઇન્દ્રિયં. (૨)