૧. વિભઙ્ગવારો

હેતુપચ્ચયો

૧. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

દસ્સનેન પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બે ખન્ધે પટિચ્ચ ચિત્તસમુટ્ઠાનં રૂપં. (૨)

દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ચ નેવદસ્સનેન નભાવનાય પહાતબ્બો ચ ધમ્મા ઉપ્પજ્જન્તિ હેતુપચ્ચયા – દસ્સનેન પહાતબ્બં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

૨. ભાવનાય પહાતબ્બં ધમ્મં પટિચ્ચ ભાવનાય પહાતબ્બો ધમ્મો ઉપ્પજ્જતિ હેતુપચ્ચયા – ભાવનાય પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

ભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ હેતુપચ્ચયા – ભાવનાય પહાતબ્બે ખન્ધે પટિચ્ચ ચિત્તસમુટ્ઠાનં રૂપં. (૨)

ભાવનાય પહાતબ્બં ધમ્મં પટિચ્ચ ભાવનાય પહાતબ્બો ચ નેવદસ્સનેન નભાવનાય પહાતબ્બો ચ ધમ્મા ઉપ્પજ્જન્તિ હેતુપચ્ચયા – ભાવનાય પહાતબ્બં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

૩. નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ હેતુપચ્ચયા – નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. પટિસન્ધિક્ખણે નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે પટિચ્ચ દ્વે ખન્ધા કટત્તા ચ રૂપં, ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે… દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

૪. દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ હેતુપચ્ચયા – ભાવનાય પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

આરમ્મણપચ્ચયો

૫. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ આરમ્મણપચ્ચયા – દસ્સનેન પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

ભાવનાય પહાતબ્બં ધમ્મં પટિચ્ચ ભાવનાય પહાતબ્બો ધમ્મો ઉપ્પજ્જતિ આરમ્મણપચ્ચયા – ભાવનાય પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ આરમ્મણપચ્ચયા – નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. પટિસન્ધિક્ખણે નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. વત્થું પટિચ્ચ ખન્ધા. (૧)

અધિપતિપચ્ચયો

૬. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ અધિપતિપચ્ચયા… તીણિ.

ભાવનાય પહાતબ્બં ધમ્મં પટિચ્ચ ભાવનાય પહાતબ્બો ધમ્મો ઉપ્પજ્જતિ અધિપતિપચ્ચયા… તીણિ.

નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ અધિપતિપચ્ચયા – નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; એકં મહાભૂતં પટિચ્ચ તયો મહાભૂતા…પે… દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

૭. દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ અધિપતિપચ્ચયા – દસ્સનેન પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ અધિપતિપચ્ચયા – ભાવનાય પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અનન્તર-સમનન્તરપચ્ચયા

૮. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા (આરમ્મણસદિસં).

સહજાતપચ્ચયો

૯. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ સહજાતપચ્ચયા… તીણિ.

ભાવનાય પહાતબ્બં ધમ્મં પટિચ્ચ ભાવનાય પહાતબ્બો ધમ્મો ઉપ્પજ્જતિ સહજાતપચ્ચયા… તીણિ.

નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ સહજાતપચ્ચયા…પે… એકં મહાભૂતં પટિચ્ચ…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

૧૦. દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ સહજાતપચ્ચયા – દસ્સનેન પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં.

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ સહજાતપચ્ચયા – ભાવનાય પહાતબ્બે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અઞ્ઞમઞ્ઞપચ્ચયો

૧૧. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ અઞ્ઞમઞ્ઞપચ્ચયા… એકં.

ભાવનાય પહાતબ્બં ધમ્મં પટિચ્ચ ભાવનાય પહાતબ્બો ધમ્મો ઉપ્પજ્જતિ સહજાતપચ્ચયા… એકં.

નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ અઞ્ઞમઞ્ઞપચ્ચયા – નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. પટિસન્ધિક્ખણે નેવદસ્સનેન નભાવનાય પહાતબ્બં એકં ખન્ધં પટિચ્ચ તયો ખન્ધા વત્થુ ચ…પે… દ્વે ખન્ધે પટિચ્ચ દ્વે ખન્ધા વત્થુ ચ, ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે… દ્વે મહાભૂતે પટિચ્ચ દ્વે મહાભૂતા; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… દ્વે મહાભૂતે પટિચ્ચ દ્વે મહાભૂતા.

નિસ્સયપચ્ચયાદિ

૧૨. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ નિસ્સયપચ્ચયા… (હેતુપચ્ચયસદિસં) ઉપનિસ્સયપચ્ચયા… તીણિ… પુરેજાતપચ્ચયા… તીણિ (પટિસન્ધિ નત્થિ)… આસેવનપચ્ચયા… (વિપાકપટિસન્ધિ નત્થિ) કમ્મપચ્ચયા (પરિપુણ્ણં. અજ્ઝત્તિકા ચ અસઞ્ઞસત્તાનઞ્ચ મહાભૂતા).

વિપાકપચ્ચયો

૧૩. નેવદસ્સનેન નભાવનાય પહાતબ્બં ધમ્મં પટિચ્ચ નેવદસ્સનેન નભાવનાય પહાતબ્બો ધમ્મો ઉપ્પજ્જતિ વિપાકપચ્ચયા – વિપાકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

આહારપચ્ચયાદિ

૧૪. દસ્સનેન પહાતબ્બં ધમ્મં પટિચ્ચ દસ્સનેન પહાતબ્બો ધમ્મો ઉપ્પજ્જતિ આહારપચ્ચયા (પરિપુણ્ણં, અજ્ઝત્તિકા મહાભૂતા ચ આહારસમુટ્ઠાનઞ્ચ)… ઇન્દ્રિયપચ્ચયા (કમ્મપચ્ચયસદિસં)… ઝાનપચ્ચયા… મગ્ગપચ્ચયા (હેતુપચ્ચયસદિસં)… સમ્પયુત્તપચ્ચયા (આરમ્મણપચ્ચયસદિસં)… વિપ્પયુત્તપચ્ચયા (કુસલત્તિકે વિપ્પયુત્તપચ્ચયસદિસં)… અત્થિપચ્ચયા (સહજાતપચ્ચયસદિસં)… નત્થિપચ્ચયા… વિગતપચ્ચયા… અવિગતપચ્ચયા.