૧. વિભઙ્ગવારો

નહેતુપચ્ચયો

૪૬. દસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે પચ્ચયા વિચિકિચ્છાસહગતો મોહો. (૧)

ભાવનાય પહાતબ્બં ધમ્મં પચ્ચયા ભાવનાય પહાતબ્બો ધમ્મો ઉપ્પજ્જતિ નહેતુપચ્ચયા – ઉદ્ધચ્ચસહગતે ખન્ધે પચ્ચયા ઉદ્ધચ્ચસહગતો મોહો. (૧)

નેવદસ્સનેન નભાવનાય પહાતબ્બં ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નહેતુપચ્ચયા – અહેતુકં નેવદસ્સનેન નભાવનાય પહાતબ્બં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા નેવદસ્સનેન નભાવનાય પહાતબ્બા ખન્ધા. (૧)

નેવદસ્સનેન નભાવનાય પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નહેતુપચ્ચયા – વત્થું પચ્ચયા વિચિકિચ્છાસહગતો મોહો. (૨)

નેવદસ્સનેન નભાવનાય પહાતબ્બં ધમ્મં પચ્ચયા ભાવનાય પહાતબ્બો ધમ્મો ઉપ્પજ્જતિ નહેતુપચ્ચયા – વત્થું પચ્ચયા ઉદ્ધચ્ચસહગતો મોહો. (૩)

૪૭. દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો મોહો. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા ભાવનાય પહાતબ્બો ધમ્મો ઉપ્પજ્જતિ નહેતુપચ્ચયા – ઉદ્ધચ્ચસહગતે ખન્ધે ચ વત્થુઞ્ચ પચ્ચયા ઉદ્ધચ્ચસહગતો મોહો. (૧)

નઆરમ્મણપચ્ચયો

૪૮. દસ્સનેન પહાતબ્બં ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બે ખન્ધે પચ્ચયા ચિત્તસમુટ્ઠાનં રૂપં. (૧)

ભાવનાય પહાતબ્બં ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બે ખન્ધે પચ્ચયા ચિત્તસમુટ્ઠાનં રૂપં. (૧)

નેવદસ્સનેન નભાવનાય પહાતબ્બં ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – નેવદસ્સનેન નભાવનાય પહાતબ્બે ખન્ધે પચ્ચયા ચિત્તસમુટ્ઠાનં રૂપં. પટિસન્ધિક્ખણે નેવદસ્સનેન નભાવનાય પહાતબ્બે ખન્ધે પચ્ચયા કટત્તારૂપં, ખન્ધે પચ્ચયા વત્થુ; એકં મહાભૂતં પચ્ચયા…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. (૧)

૪૯. દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નઆરમ્મણપચ્ચયા – દસ્સનેન પહાતબ્બે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નઆરમ્મણપચ્ચયા – ભાવનાય પહાતબ્બે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

નઅધિપતિપચ્ચયાદિ

૫૦. દસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નઅધિપતિપચ્ચયા (સહજાતસદિસં)… નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા.

નપુરેજાતપચ્ચયો

૫૧. દસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નપુરેજાતપચ્ચયા – અરૂપે દસ્સનેન પહાતબ્બં એકં ખન્ધં પચ્ચયા…પે…. (૧)

દસ્સનેન પહાતબ્બં ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – દસ્સનેન પહાતબ્બે ખન્ધે પચ્ચયા ચિત્તસમુટ્ઠાનં રૂપં. (૨)

ભાવનાય પહાતબ્બં ધમ્મં પચ્ચયા ભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – અરૂપે ભાવનાય પહાતબ્બં એકં ખન્ધં પચ્ચયા…પે…. (૧)

ભાવનાય પહાતબ્બં ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – ભાવનાય પહાતબ્બે ખન્ધે પચ્ચયા ચિત્તસમુટ્ઠાનં રૂપં. (૨)

૫૨. નેવદસ્સનેન નભાવનાય પહાતબ્બં ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – અરૂપે નેવદસ્સનેન નભાવનાય પહાતબ્બં એકં ખન્ધં પચ્ચયા તયો ખન્ધા…પે… નેવદસ્સનેન નભાવનાય પહાતબ્બે ખન્ધે પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે… ખન્ધે પચ્ચયા કટત્તારૂપં, ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં, અસઞ્ઞસત્તાનં…પે…. (૧)

દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – દસ્સનેન પહાતબ્બે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા નેવદસ્સનેન નભાવનાય પહાતબ્બો ધમ્મો ઉપ્પજ્જતિ નપુરેજાતપચ્ચયા – ભાવનાય પહાતબ્બે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

નપચ્છાજાતપચ્ચયાદિ

૫૩. દસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા.

નકમ્મપચ્ચયો

૫૪. દસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નકમ્મપચ્ચયા – દસ્સનેન પહાતબ્બે ખન્ધે પચ્ચયા દસ્સનેન પહાતબ્બા ચેતના. (૧)

ભાવનાય પહાતબ્બં ધમ્મં…પે… નકમ્મપચ્ચયા – ભાવનાય પહાતબ્બે ખન્ધે પચ્ચયા ભાવનાય પહાતબ્બા ચેતના. (૧)

નેવદસ્સનેન નભાવનાય પહાતબ્બં ધમ્મં…પે… નકમ્મપચ્ચયા – નેવદસ્સનેન નભાવનાય પહાતબ્બે ખન્ધે પચ્ચયા નેવદસ્સનેન નભાવનાય પહાતબ્બા ચેતના; બાહિરં… આહારસમુટ્ઠાનં… ઉતુસમુટ્ઠાનં…પે…. (૧)

નેવદસ્સનેન નભાવનાય પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નકમ્મપચ્ચયા – વત્થું પચ્ચયા દસ્સનેન પહાતબ્બા ચેતના. (૨)

નેવદસ્સનેન નભાવનાય પહાતબ્બં ધમ્મં પચ્ચયા ભાવનાય પહાતબ્બો ધમ્મો ઉપ્પજ્જતિ નકમ્મપચ્ચયા – વત્થું પચ્ચયા ભાવનાય પહાતબ્બા ચેતના. (૩)

૫૫. દસ્સનેન પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નકમ્મપચ્ચયા – દસ્સનેન પહાતબ્બે ખન્ધે ચ વત્થુઞ્ચ પચ્ચયા દસ્સનેન પહાતબ્બા ચેતના. (૧)

ભાવનાય પહાતબ્બઞ્ચ નેવદસ્સનેન નભાવનાય પહાતબ્બઞ્ચ ધમ્મં પચ્ચયા ભાવનાય પહાતબ્બો ધમ્મો ઉપ્પજ્જતિ નકમ્મપચ્ચયા – ભાવનાય પહાતબ્બે ખન્ધે ચ વત્થુઞ્ચ પચ્ચયા ભાવનાય પહાતબ્બા ચેતના. (૧)

નવિપાકપચ્ચયાદિ

૫૬. દસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ નવિપાકપચ્ચયા (પરિપુણ્ણં, પટિસન્ધિ નત્થિ), નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં…પે… નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… મહાભૂતે પચ્ચયા રૂપજીવિતિન્દ્રિયં… નઝાનપચ્ચયા – પઞ્ચવિઞ્ઞાણં…પે… બાહિરં…પે… અસઞ્ઞસત્તાનં…પે… નમગ્ગપચ્ચયા – અહેતુકં નેવદસ્સનેન નભાવનાય પહાતબ્બં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… અહેતુકપટિસન્ધિક્ખણે…પે… એકં મહાભૂતં…પે… અસઞ્ઞસત્તાનં…પે… નસમ્પયુત્તપચ્ચયા, નવિપ્પયુત્તપચ્ચયા – અરૂપે દસ્સનેન પહાતબ્બં એકં ખન્ધં પચ્ચયા…પે… અરૂપે ભાવનાય પહાતબ્બં એકં ખન્ધં પચ્ચયા તયો ખન્ધા…પે… નેવદસ્સનેન નભાવનાય પહાતબ્બં ધમ્મં પચ્ચયા નેવદસ્સનેન…પે… અરૂપે નેવદસ્સનેન નભાવનાય પહાતબ્બં એકં ખન્ધં પચ્ચયા તયો ખન્ધા…પે… દ્વે ખન્ધે…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… નોનત્થિપચ્ચયા… નોવિગતપચ્ચયા.