૧. વિભઙ્ગવારો

નહેતુપચ્ચયો

૬. પીતિસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ નહેતુપચ્ચયા – અહેતુકં પીતિસહગતં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

પીતિસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ નહેતુપચ્ચયા – અહેતુકં પીતિસહગતં એકં ખન્ધં પટિચ્ચ સુખસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૨)

પીતિસહગતં ધમ્મં પટિચ્ચ પીતિસહગતો ચ સુખસહગતો ચ ધમ્મા ઉપ્પજ્જન્તિ નહેતુપચ્ચયા – અહેતુકં પીતિસહગતં એકં ખન્ધં પટિચ્ચ પીતિસહગતા ચ સુખસહગતા ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૩)

૭. સુખસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ નહેતુપચ્ચયા – અહેતુકં સુખસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૧)

સુખસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ નહેતુપચ્ચયા – અહેતુકં સુખસહગતં એકં ખન્ધં પટિચ્ચ પીતિસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૨)

સુખસહગતં ધમ્મં પટિચ્ચ પીતિસહગતો ચ સુખસહગતો ચ ધમ્મા ઉપ્પજ્જન્તિ નહેતુપચ્ચયા – અહેતુકં સુખસહગતં એકં ખન્ધં પટિચ્ચ પીતિસહગતા ચ સુખસહગતા ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૩)

૮. ઉપેક્ખાસહગતં ધમ્મં પટિચ્ચ ઉપેક્ખાસહગતો ધમ્મો ઉપ્પજ્જતિ નહેતુપચ્ચયા – અહેતુકં ઉપેક્ખાસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. અહેતુકપટિસન્ધિક્ખણે ઉપેક્ખાસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

૯. પીતિસહગતઞ્ચ સુખસહગતઞ્ચ ધમ્મં પટિચ્ચ પીતિસહગતો ધમ્મો ઉપ્પજ્જતિ નહેતુપચ્ચયા – અહેતુકં પીતિસહગતઞ્ચ સુખસહગતઞ્ચ એકં ખન્ધં પટિચ્ચ પીતિસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

પીતિસહગતઞ્ચ સુખસહગતઞ્ચ ધમ્મં પટિચ્ચ સુખસહગતો ધમ્મો ઉપ્પજ્જતિ નહેતુપચ્ચયા – અહેતુકં પીતિસહગતઞ્ચ સુખસહગતઞ્ચ એકં ખન્ધં પટિચ્ચ સુખસહગતા દ્વે ખન્ધા, દ્વે ખન્ધે પટિચ્ચ એકો ખન્ધો. (૨)

પીતિસહગતઞ્ચ સુખસહગતઞ્ચ ધમ્મં પટિચ્ચ પીતિસહગતો ચ સુખસહગતો ચ ધમ્મા ઉપ્પજ્જન્તિ નહેતુપચ્ચયા – અહેતુકં પીતિસહગતઞ્ચ સુખસહગતઞ્ચ એકં ખન્ધં પટિચ્ચ પીતિસહગતા ચ સુખસહગતા ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૩)

નઅધિપતિ-નઆસેવનપચ્ચયા

૧૦. પીતિસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ નઅધિપતિપચ્ચયા (નઅધિપતિપટિસન્ધિક્ખણે પરિપુણ્ણં)… નપુરેજાતપચ્ચયા… (‘‘અરૂપે’’તિ નિયામેતબ્બં ‘‘પટિસન્ધિક્ખણે’’તિ ચ) નપચ્છાજાતપચ્ચયા… નઆસેવનપચ્ચયા.

નકમ્મપચ્ચયો

૧૧. પીતિસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ નકમ્મપચ્ચયા – પીતિસહગતે ખન્ધે પટિચ્ચ પીતિસહગતા ચેતના.

પીતિસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ નકમ્મપચ્ચયા – પીતિસહગતે ખન્ધે પટિચ્ચ સુખસહગતા ચેતના.

(ઇમિના કારણેન દસ પઞ્હા વિત્થારેતબ્બા.)

નવિપાકપચ્ચયો

૧૨. પીતિસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ નવિપાકપચ્ચયા…પે… (પરિપુણ્ણં, પટિસન્ધિ નત્થિ).

નઝાનપચ્ચયાદિ

૧૩. સુખસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ નઝાનપચ્ચયા – સુખસહગતં કાયવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૧)

ઉપેક્ખાસહગતં ધમ્મં પટિચ્ચ ઉપેક્ખાસહગતો ધમ્મો ઉપ્પજ્જતિ નઝાનપચ્ચયા – ચતુવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૧)

(નમગ્ગપચ્ચયા નહેતુપચ્ચયસદિસં. મોહો નત્થિ. નવિપ્પયુત્તપચ્ચયા પરિપુણ્ણં અરૂપપઞ્હમેવ.)