૧. વિભઙ્ગવારો

હેતુપચ્ચયો

૧. પીતિસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ હેતુપચ્ચયા – પીતિસહગતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. પટિસન્ધિક્ખણે પીતિસહગતં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

પીતિસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ હેતુપચ્ચયા – પીતિસહગતં એકં ખન્ધં પટિચ્ચ સુખસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. પટિસન્ધિક્ખણે પીતિસહગતં એકં ખન્ધં પટિચ્ચ સુખસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૨)

પીતિસહગતં ધમ્મં પટિચ્ચ પીતિસહગતો ચ સુખસહગતો ચ ધમ્મા ઉપ્પજ્જન્તિ હેતુપચ્ચયા – પીતિસહગતં એકં ખન્ધં પટિચ્ચ પીતિસહગતા ચ સુખસહગતા ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. પટિસન્ધિક્ખણે પીતિસહગતં એકં ખન્ધં પટિચ્ચ પીતિસહગતા ચ સુખસહગતા ચ તયો ખન્ધા …પે… દ્વે ખન્ધે પટિચ્ચ દ્વે ખન્ધા. (૩)

૨. સુખસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ હેતુપચ્ચયા – સુખસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. પટિસન્ધિક્ખણે સુખસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૧)

સુખસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ હેતુપચ્ચયા – સુખસહગતં એકં ખન્ધં પટિચ્ચ પીતિસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. પટિસન્ધિક્ખણે સુખસહગતં એકં ખન્ધં પટિચ્ચ પીતિસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૨)

સુખસહગતં ધમ્મં પટિચ્ચ પીતિસહગતો ચ સુખસહગતો ચ ધમ્મા ઉપ્પજ્જન્તિ હેતુપચ્ચયા – સુખસહગતં એકં ખન્ધં પટિચ્ચ પીતિસહગતા ચ સુખસહગતા ચ દ્વે ખન્ધા, દ્વે ખન્ધે પટિચ્ચ એકો ખન્ધો. પટિસન્ધિક્ખણે સુખસહગતં એકં ખન્ધં પટિચ્ચ પીતિસહગતા ચ સુખસહગતા ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૩)

૩. ઉપેક્ખાસહગતં ધમ્મં પટિચ્ચ ઉપેક્ખાસહગતો ધમ્મો ઉપ્પજ્જતિ હેતુપચ્ચયા – ઉપેક્ખાસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. પટિસન્ધિક્ખણે…પે…. (૧)

પીતિસહગતઞ્ચ સુખસહગતઞ્ચ ધમ્મં પટિચ્ચ પીતિસહગતો ધમ્મો ઉપ્પજ્જતિ હેતુપચ્ચયા – પીતિસહગતઞ્ચ સુખસહગતઞ્ચ એકં ખન્ધં પટિચ્ચ પીતિસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. પટિસન્ધિક્ખણે પીતિસહગતઞ્ચ સુખસહગતઞ્ચ એકં ખન્ધં પટિચ્ચ પીતિસહગતા તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

પીતિસહગતઞ્ચ સુખસહગતઞ્ચ ધમ્મં પટિચ્ચ સુખસહગતો ધમ્મો ઉપ્પજ્જતિ હેતુપચ્ચયા – પીતિસહગતઞ્ચ સુખસહગતઞ્ચ એકં ખન્ધં પટિચ્ચ સુખસહગતા દ્વે ખન્ધા, દ્વે ખન્ધે પટિચ્ચ એકો ખન્ધો. પટિસન્ધિક્ખણે પીતિસહગતઞ્ચ સુખસહગતઞ્ચ એકં ખન્ધં પટિચ્ચ સુખસહગતા દ્વે ખન્ધા, દ્વે ખન્ધે પટિચ્ચ એકો ખન્ધો. (૨)

પીતિસહગતઞ્ચ સુખસહગતઞ્ચ ધમ્મં પટિચ્ચ પીતિસહગતો ચ સુખસહગતો ચ ધમ્મા ઉપ્પજ્જન્તિ હેતુપચ્ચયા – પીતિસહગતઞ્ચ સુખસહગતઞ્ચ એકં ખન્ધં પટિચ્ચ પીતિસહગતા ચ સુખસહગતા ચ દ્વે ખન્ધા, દ્વે ખન્ધે પટિચ્ચ એકો ખન્ધો. પટિસન્ધિક્ખણે પીતિસહગતઞ્ચ સુખસહગતઞ્ચ એકં ખન્ધં પટિચ્ચ પીતિસહગતા ચ સુખસહગતા ચ દ્વે ખન્ધા, દ્વે ખન્ધે પટિચ્ચ એકો ખન્ધો. (૩)

આરમ્મણપચ્ચયાદિ

૪. પીતિસહગતં ધમ્મં પટિચ્ચ પીતિસહગતો ધમ્મો ઉપ્પજ્જતિ આરમ્મણપચ્ચયા… અધિપતિપચ્ચયા… (પટિસન્ધિક્ખણે નત્થિ) અનન્તરપચ્ચયા… સમનન્તરપચ્ચયા… સહજાતપચ્ચયા… અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… (પુરેજાતે પટિસન્ધિક્ખણે નત્થિ) આસેવનપચ્ચયા… (આસેવને વિપાકં નત્થિ) કમ્મપચ્ચયા… વિપાકપચ્ચયા… આહાર…પે… ઇન્દ્રિય… ઝાન… મગ્ગ… સમ્પયુત્ત… વિપ્પયુત્ત… અત્થિ… નત્થિ… વિગત… અવિગતપચ્ચયા.