૧. વિભઙ્ગવારો

હેતુપચ્ચયો

૧૭. પીતિસહગતો ધમ્મો પીતિસહગતસ્સ ધમ્મસ્સ હેતુપચ્ચયેન પચ્ચયો – પીતિસહગતા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. પટિસન્ધિક્ખણે પીતિસહગતા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

પીતિસહગતો ધમ્મો સુખસહગતસ્સ ધમ્મસ્સ હેતુપચ્ચયેન પચ્ચયો – પીતિસહગતા હેતૂ સમ્પયુત્તકાનં સુખસહગતાનં ખન્ધાનં હેતુપચ્ચયેન પચ્ચયો. પટિસન્ધિક્ખણે…પે…. (૨)

પીતિસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ હેતુપચ્ચયેન પચ્ચયો – પીતિસહગતા હેતૂ સમ્પયુત્તકાનં પીતિસહગતાનઞ્ચ સુખસહગતાનઞ્ચ ખન્ધાનં હેતુપચ્ચયેન પચ્ચયો. પટિસન્ધિક્ખણે…પે…. (૩)

૧૮. સુખસહગતો ધમ્મો સુખસહગતસ્સ ધમ્મસ્સ…પે… પીતિસહગતસ્સ ધમ્મસ્સ…પે… પીતિસહગતસ્સ ચ સુખસહગતસ્સ ચ ધમ્મસ્સ…પે… (સુખમૂલે તીણિ).

ઉપેક્ખાસહગતો ધમ્મો ઉપેક્ખાસહગતસ્સ ધમ્મસ્સ હેતુપચ્ચયેન પચ્ચયો – ઉપેક્ખાસહગતા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. પટિસન્ધિક્ખણે…પે…. (૧)

પીતિસહગતો ચ સુખસહગતો ચ ધમ્મા પીતિસહગતસ્સ ધમ્મસ્સ…પે… સુખસહગતસ્સ ધમ્મસ્સ…પે… પીતિસહગતસ્સ ચ સુખસહગતસ્સ ચ ધમ્મસ્સ હેતુપચ્ચયેન પચ્ચયો – પીતિસહગતા ચ સુખસહગતા ચ હેતૂ સમ્પયુત્તકાનં પીતિસહગતાનઞ્ચ સુખસહગતાનઞ્ચ ખન્ધાનં હેતુપચ્ચયેન પચ્ચયો. પટિસન્ધિક્ખણે…પે…. (૨)

આરમ્મણપચ્ચયો

૧૯. પીતિસહગતો ધમ્મો પીતિસહગતસ્સ ધમ્મસ્સ આરમ્મણપચ્ચયેન પચ્ચયો – પીતિસહગતેન ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા તં પીતિસહગતેન ચિત્તેન પચ્ચવેક્ખતિ, પીતિસહગતા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા તં પીતિસહગતેન ચિત્તેન પચ્ચવેક્ખતિ. અરિયા પીતિસહગતેન ચિત્તેન પીતિસહગતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. પીતિસહગતે ખન્ધે પીતિસહગતેન ચિત્તેન અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ પીતિસહગતો રાગો ઉપ્પજ્જતિ, દિટ્ઠિ ઉપ્પજ્જતિ. પીતિસહગતે ખન્ધે આરબ્ભ પીતિસહગતા ખન્ધા ઉપ્પજ્જન્તિ. (૧)

પીતિસહગતો ધમ્મો સુખસહગતસ્સ ધમ્મસ્સ આરમ્મણપચ્ચયેન પચ્ચયો – પીતિસહગતેન ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા તં સુખસહગતેન ચિત્તેન પચ્ચવેક્ખતિ, પીતિસહગતા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા તં સુખસહગતેન ચિત્તેન પચ્ચવેક્ખતિ. અરિયા સુખસહગતેન ચિત્તેન પીતિસહગતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. પીતિસહગતે ખન્ધે સુખસહગતેન ચિત્તેન અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ સુખસહગતો રાગો ઉપ્પજ્જતિ, દિટ્ઠિ ઉપ્પજ્જતિ. પીતિસહગતે ખન્ધે આરબ્ભ સુખસહગતા ખન્ધા ઉપ્પજ્જન્તિ. (૨)

પીતિસહગતો ધમ્મો ઉપેક્ખાસહગતસ્સ ધમ્મસ્સ આરમ્મણપચ્ચયેન પચ્ચયો – પીતિસહગતેન ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા તં ઉપેક્ખાસહગતેન ચિત્તેન પચ્ચવેક્ખતિ, પીતિસહગતા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા તં ઉપેક્ખાસહગતેન ચિત્તેન પચ્ચવેક્ખતિ. અરિયા ઉપેક્ખાસહગતેન ચિત્તેન પીતિસહગતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. પીતિસહગતે ખન્ધે ઉપેક્ખાસહગતેન ચિત્તેન અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ ઉપેક્ખાસહગતો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ. ચેતોપરિયઞાણેન પીતિસહગતચિત્તસમઙ્ગિસ્સ ચિત્તં જાનન્તિ, પીતિસહગતા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. પીતિસહગતે ખન્ધે આરબ્ભ ઉપેક્ખાસહગતા ખન્ધા ઉપ્પજ્જન્તિ. (૩)

પીતિસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ આરમ્મણપચ્ચયેન પચ્ચયો – પીતિસહગતેન ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા તં પીતિસહગતેન ચ સુખસહગતેન ચ ચિત્તેન પચ્ચવેક્ખતિ, પીતિસહગતા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા તં પીતિસહગતેન ચ સુખસહગતેન ચ ચિત્તેન પચ્ચવેક્ખતિ. અરિયા પીતિસહગતેન ચ સુખસહગતેન ચ ચિત્તેન પીતિસહગતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. પીતિસહગતે ખન્ધે પીતિસહગતેન ચ સુખસહગતેન ચ ચિત્તેન અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ પીતિસહગતો ચ સુખસહગતો ચ રાગો ઉપ્પજ્જતિ, દિટ્ઠિ ઉપ્પજ્જતિ. પીતિસહગતે ખન્ધે આરબ્ભ પીતિસહગતા ચ સુખસહગતા ચ ખન્ધા ઉપ્પજ્જન્તિ. (૪)

૨૦. સુખસહગતો ધમ્મો સુખસહગતસ્સ ધમ્મસ્સ આરમ્મણપચ્ચયેન પચ્ચયો… સુખસહગતો ધમ્મો પીતિસહગતસ્સ ધમ્મસ્સ…પે… ઉપેક્ખાસહગતસ્સ ધમ્મસ્સ…પે… પીતિસહગતસ્સ ચ સુખસહગતસ્સ ચ ધમ્મસ્સ આરમ્મણપચ્ચયેન પચ્ચયો – સુખસહગતે ખન્ધે આરબ્ભ પીતિસહગતા ચ સુખસહગતા ચ ખન્ધા ઉપ્પજ્જન્તિ. (૪)

ઉપેક્ખાસહગતો ધમ્મો ઉપેક્ખાસહગતસ્સ ધમ્મસ્સ આરમ્મણપચ્ચયેન પચ્ચયો – ઉપેક્ખાસહગતેન ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા તં ઉપેક્ખાસહગતેન ચિત્તેન પચ્ચવેક્ખતિ, ઉપેક્ખાસહગતા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા તં ઉપેક્ખાસહગતેન ચિત્તેન પચ્ચવેક્ખતિ. અરિયા ઉપેક્ખાસહગતેન ચિત્તેન ઉપેક્ખાસહગતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. ઉપેક્ખાસહગતે ખન્ધે ઉપેક્ખાસહગતેન ચિત્તેન અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ ઉપેક્ખાસહગતો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ. ચેતોપરિયઞાણેન ઉપેક્ખાસહગતચિત્તસમઙ્ગિસ્સ ચિત્તં જાનાતિ. આકાસાનઞ્ચાયતનં વિઞ્ઞાણઞ્ચાયતનસ્સ આરમ્મણપચ્ચયેન પચ્ચયો…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. ઉપેક્ખાસહગતા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આવજ્જનાય આરમ્મણપચ્ચયેન પચ્ચયો. ઉપેક્ખાસહગતે ખન્ધે આરબ્ભ ઉપેક્ખાસહગતા ખન્ધા ઉપ્પજ્જન્તિ. (૧)

ઉપેક્ખાસહગતો ધમ્મો પીતિસહગતસ્સ ધમ્મસ્સ…પે… સુખસહગતસ્સ ધમ્મસ્સ…પે… પીતિસહગતસ્સ ચ સુખસહગતસ્સ ચ ધમ્મસ્સ આરમ્મણપચ્ચયેન પચ્ચયો – ઉપેક્ખાસહગતેન ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા તં પીતિસહગતેન ચ સુખસહગતેન ચ ચિત્તેન પચ્ચવેક્ખતિ, ઉપેક્ખાસહગતા ઝાના વુટ્ઠહિત્વા, મગ્ગા વુટ્ઠહિત્વા ફલા વુટ્ઠહિત્વા, તં પીતિસહગતેન ચ સુખસહગતેન ચ ચિત્તેન પચ્ચવેક્ખતિ. અરિયા પીતિસહગતેન ચ સુખસહગતેન ચ ચિત્તેન ઉપેક્ખાસહગતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. ઉપેક્ખાસહગતે ખન્ધે પીતિસહગતેન ચ સુખસહગતેન ચ ચિત્તેન અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ પીતિસહગતો ચ સુખસહગતો ચ રાગો ઉપ્પજ્જતિ, દિટ્ઠિ ઉપ્પજ્જતિ. ઉપેક્ખાસહગતે ખન્ધે આરબ્ભ પીતિસહગતા ચ સુખસહગતા ચ ખન્ધા ઉપ્પજ્જન્તિ. (૩)

૨૧. પીતિસહગતો ચ સુખસહગતો ચ ધમ્મા પીતિસહગતસ્સ ધમ્મસ્સ…પે… સુખસહગતસ્સ ધમ્મસ્સ…પે… ઉપેક્ખાસહગતસ્સ ધમ્મસ્સ આરમ્મણપચ્ચયેન પચ્ચયો – પીતિસહગતેન ચ સુખસહગતેન ચ ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા…પે… પીતિસહગતે ચ સુખસહગતે ચ ખન્ધે ઉપેક્ખાસહગતેન ચિત્તેન અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ ઉપેક્ખાસહગતો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ. ચેતોપરિયઞાણેન પીતિસહગતસુખસહગતચિત્તસમઙ્ગિસ્સ ચિત્તં જાનાતિ. પીતિસહગતા ચ સુખસહગતા ચ ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. પીતિસહગતે ચ સુખસહગતે ચ ખન્ધે આરબ્ભ ઉપેક્ખાસહગતા ખન્ધા ઉપ્પજ્જન્તિ. (૩)

પીતિસહગતો ચ સુખસહગતો ચ ધમ્મા પીતિસહગતસ્સ ચ સુખસહગતસ્સ ચ ધમ્મસ્સ આરમ્મણપચ્ચયેન પચ્ચયો (સંખિત્તં). (૪)

અધિપતિપચ્ચયો

૨૨. પીતિસહગતો ધમ્મો પીતિસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – પીતિસહગતેન ચિત્તેન દાનં દત્વા સીલં સમાદિયિત્વા ઉપોસથકમ્મં કત્વા પીતિસહગતેન ચિત્તેન તં ગરું કત્વા પચ્ચવેક્ખતિ, પીતિસહગતા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા પીતિસહગતેન ચિત્તેન તં ગરું કત્વા પચ્ચવેક્ખતિ. પીતિસહગતે ખન્ધે પીતિસહગતેન ચિત્તેન ગરું કત્વા અસ્સાદેતિ અભિનન્દતિ; તં ગરું કત્વા પીતિસહગતો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – પીતિસહગતાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

પીતિસહગતો ધમ્મો સુખસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – પીતિસહગતેન ચિત્તેન દાનં દત્વા…પે…. સહજાતાધિપતિ – પીતિસહગતાધિપતિ સમ્પયુત્તકાનં સુખસહગતાનં ખન્ધાનં અધિપતિપચ્ચયેન પચ્ચયો. (૨)

પીતિસહગતો ધમ્મો ઉપેક્ખાસહગતસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – પીતિસહગતેન ચિત્તેન દાનં દત્વા…પે… ઉપેક્ખાસહગતેન ચિત્તેન (સંખિત્તં). (૩)

પીતિસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – પીતિસહગતેન ચિત્તેન દાનં દત્વા…પે…. સહજાતાધિપતિ – પીતિસહગતાધિપતિ સમ્પયુત્તકાનં પીતિસહગતાનઞ્ચ સુખસહગતાનઞ્ચ ખન્ધાનં અધિપતિપચ્ચયેન પચ્ચયો. (૪)

૨૩. સુખસહગતો ધમ્મો સુખસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – સુખસહગતેન ચિત્તેન દાનં દત્વા…પે…. સહજાતાધિપતિ – સુખસહગતાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સુખસહગતો ધમ્મો પીતિસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ…પે…. સહજાતાધિપતિ – સુખસહગતાધિપતિ સમ્પયુત્તકાનં પીતિસહગતાનં ખન્ધાનં અધિપતિપચ્ચયેન પચ્ચયો. (૨)

સુખસહગતો ધમ્મો ઉપેક્ખાસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ (સંખિત્તં). (૩)

સુખસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ…પે…. સહજાતાધિપતિ – સુખસહગતાધિપતિ સમ્પયુત્તકાનં પીતિસહગતાનઞ્ચ સુખસહગતાનઞ્ચ ખન્ધાનં અધિપતિપચ્ચયેન પચ્ચયો. (૪)

૨૪. ઉપેક્ખાસહગતો ધમ્મો ઉપેક્ખાસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ…પે…. સહજાતાધિપતિ – ઉપેક્ખાસહગતાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

ઉપેક્ખાસહગતો ધમ્મો પીતિસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ (સંખિત્તં). (૨)

ઉપેક્ખાસહગતો ધમ્મો સુખસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ (સંખિત્તં). (૩)

ઉપેક્ખાસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ (સંખિત્તં). (૪)

૨૫. પીતિસહગતો ચ સુખસહગતો ચ ધમ્મા પીતિસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ…પે…. સહજાતાધિપતિ – પીતિસહગતા ચ સુખસહગતા ચ અધિપતિ સમ્પયુત્તકાનં પીતિસહગતાનં ખન્ધાનં અધિપતિપચ્ચયેન પચ્ચયો. (૧)

પીતિસહગતો ચ સુખસહગતો ચ ધમ્મા સુખસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ…પે…. સહજાતાધિપતિ – પીતિસહગતા ચ સુખસહગતા ચ અધિપતિ સમ્પયુત્તકાનં સુખસહગતાનં ખન્ધાનં અધિપતિપચ્ચયેન પચ્ચયો. (૨)

પીતિસહગતો ચ સુખસહગતો ચ ધમ્મા ઉપેક્ખાસહગતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ (સંખિત્તં). (૩)

પીતિસહગતો ચ સુખસહગતો ચ ધમ્મા પીતિસહગતસ્સ ચ સુખસહગતસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ …પે…. સહજાતાધિપતિ – પીતિસહગતા ચ સુખસહગતા ચ અધિપતિ સમ્પયુત્તકાનં પીતિસહગતાનઞ્ચ સુખસહગતાનઞ્ચ ખન્ધાનં અધિપતિપચ્ચયેન પચ્ચયો. (૪)

અનન્તરપચ્ચયો

૨૬. પીતિસહગતો ધમ્મો પીતિસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા પીતિસહગતા ખન્ધા પચ્છિમાનં પચ્છિમાનં પીતિસહગતાનં ખન્ધાનં અનન્તરપચ્ચયેન પચ્ચયો. પીતિસહગતં અનુલોમં ગોત્રભુસ્સ અનન્તરપચ્ચયેન પચ્ચયો. (ઇમિના કારણેન સબ્બેસં પદાનં પચ્ચયોતિ દીપેતબ્બો). અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ… મગ્ગો ફલસ્સ… ફલં ફલસ્સ… અનુલોમં પીતિસહગતાય ફલસમાપત્તિયા અનન્તરપચ્ચયેન પચ્ચયો. (૧)

પીતિસહગતો ધમ્મો સુખસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા પીતિસહગતા ખન્ધા પચ્છિમાનં પચ્છિમાનં સુખસહગતાનં ખન્ધાનં અનન્તરપચ્ચયેન પચ્ચયો. પીતિસહગતં અનુલોમં સુખસહગતસ્સ ગોત્રભુસ્સ અનન્તરપચ્ચયેન પચ્ચયો. પીતિસહગતં અનુલોમં સુખસહગતસ્સ વોદાનસ્સ અનન્તરપચ્ચયેન પચ્ચયો. પીતિસહગતં અનુલોમં સુખસહગતાય ફલસમાપત્તિયા અનન્તરપચ્ચયેન પચ્ચયો. (૨)

પીતિસહગતો ધમ્મો ઉપેક્ખાસહગતસ્સ ધમ્મસ્સ અનન્તરપચ્ચયેન પચ્ચયો – પીતિસહગતં ચુતિચિત્તં ઉપેક્ખાસહગતસ્સ ઉપપત્તિચિત્તસ્સ અનન્તરપચ્ચયેન પચ્ચયો. પીતિસહગતં ભવઙ્ગં આવજ્જનાય અનન્તરપચ્ચયેન પચ્ચયો. પીતિસહગતા વિપાકમનોવિઞ્ઞાણધાતુ કિરિયમનોવિઞ્ઞાણધાતુયા અનન્તરપચ્ચયેન પચ્ચયો. પીતિસહગતં ભવઙ્ગં ઉપેક્ખાસહગતસ્સ ભવઙ્ગસ્સ અનન્તરપચ્ચયેન પચ્ચયો. પીતિસહગતં કુસલાકુસલં ઉપેક્ખાસહગતસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ અનન્તરપચ્ચયેન પચ્ચયો. (૩)

પીતિસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા પીતિસહગતા ખન્ધા પચ્છિમાનં પચ્છિમાનં પીતિસહગતાનઞ્ચ સુખસહગતાનઞ્ચ ખન્ધાનં અનન્તરપચ્ચયેન પચ્ચયો. પીતિસહગતં અનુલોમં પીતિસહગતસ્સ ચ સુખસહગતસ્સ ચ ગોત્રભુસ્સ અનન્તરપચ્ચયેન પચ્ચયો…પે… પીતિસહગતં અનુલોમં પીતિસહગતાય ચ સુખસહગતાય ચ ફલસમાપત્તિયા અનન્તરપચ્ચયેન પચ્ચયો. (૪)

૨૭. સુખસહગતો ધમ્મો સુખસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સુખસહગતા ખન્ધા પચ્છિમાનં પચ્છિમાનં સુખસહગતાનં ખન્ધાનં અનન્તરપચ્ચયેન પચ્ચયો. સુખસહગતં અનુલોમં સુખસહગતસ્સ ગોત્રભુસ્સ અનન્તરપચ્ચયેન પચ્ચયો…પે… સુખસહગતં અનુલોમં સુખસહગતાય ફલસમાપત્તિયા અનન્તરપચ્ચયેન પચ્ચયો. (૧)

સુખસહગતો ધમ્મો પીતિસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સુખસહગતા ખન્ધા પચ્છિમાનં પચ્છિમાનં પીતિસહગતાનં ખન્ધાનં અનન્તરપચ્ચયેન પચ્ચયો…પે… સુખસહગતં અનુલોમં પીતિસહગતાય ફલસમાપત્તિયા અનન્તરપચ્ચયેન પચ્ચયો. (૨)

સુખસહગતો ધમ્મો ઉપેક્ખાસહગતસ્સ ધમ્મસ્સ અનન્તરપચ્ચયેન પચ્ચયો – સુખસહગતં ચુતિચિત્તં ઉપેક્ખાસહગતસ્સ ઉપપત્તિચિત્તસ્સ અનન્તરપચ્ચયેન પચ્ચયો. સુખસહગતં ભવઙ્ગં આવજ્જનાય અનન્તરપચ્ચયેન પચ્ચયો. સુખસહગતં કાયવિઞ્ઞાણં વિપાકમનોધાતુયા અનન્તરપચ્ચયેન પચ્ચયો. સુખસહગતા વિપાકમનોવિઞ્ઞાણધાતુ કિરિયમનોવિઞ્ઞાણધાતુયા અનન્તરપચ્ચયેન પચ્ચયો સુખસહગતં ભવઙ્ગં ઉપેક્ખાસહગતસ્સ ભવઙ્ગસ્સ અનન્તરપચ્ચયેન પચ્ચયો. સુખસહગતં કુસલાકુસલં ઉપેક્ખાસહગતસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ અનન્તરપચ્ચયેન પચ્ચયો. (૩)

સુખસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સુખસહગતા ખન્ધા પચ્છિમાનં પચ્છિમાનં પીતિસહગતાનઞ્ચ સુખસહગતાનઞ્ચ ખન્ધાનં અનન્તરપચ્ચયેન પચ્ચયો…પે… સુખસહગતં અનુલોમં પીતિસહગતાય ચ સુખસહગતાય ચ ફલસમાપત્તિયા અનન્તરપચ્ચયેન પચ્ચયો. (૪)

૨૮. ઉપેક્ખાસહગતો ધમ્મો ઉપેક્ખાસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉપેક્ખાસહગતા ખન્ધા પચ્છિમાનં પચ્છિમાનં ઉપેક્ખાસહગતાનં ખન્ધાનં…પે… આવજ્જના પઞ્ચન્નં વિઞ્ઞાણાનં અનન્તરપચ્ચયેન પચ્ચયો. ઉપેક્ખાસહગતં અનુલોમં ઉપેક્ખાસહગતાય ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ઉપેક્ખાસહગતાય ફલસમાપત્તિયા અનન્તરપચ્ચયેન પચ્ચયો. (૧)

ઉપેક્ખાસહગતો ધમ્મો પીતિસહગતસ્સ ધમ્મસ્સ અનન્તરપચ્ચયેન પચ્ચયો – ઉપેક્ખાસહગતં ચુતિચિત્તં પીતિસહગતસ્સ ઉપપત્તિચિત્તસ્સ…પે… આવજ્જના પીતિસહગતાનં ખન્ધાનં…પે… વિપાકમનોધાતુ પીતિસહગતાય વિપાકમનોવિઞ્ઞાણધાતુયા…પે… ઉપેક્ખાસહગતં ભવઙ્ગં પીતિસહગતસ્સ ભવઙ્ગસ્સ…પે… ઉપેક્ખાસહગતં કુસલાકુસલં પીતિસહગતસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં પીતિસહગતાય ફલસમાપત્તિયા અનન્તરપચ્ચયેન પચ્ચયો. (૨)

ઉપેક્ખાસહગતો ધમ્મો સુખસહગતસ્સ ધમ્મસ્સ…પે… પીતિસહગતસ્સ ચ સુખસહગતસ્સ ચ ધમ્મસ્સ અનન્તરપચ્ચયેન પચ્ચયો. (૪)

(તાનિયેવ ચ ગમનાનિ નિયામેતબ્બાનિ.)

૨૯. પીતિસહગતો ચ સુખસહગતો ચ ધમ્મા પીતિસહગતસ્સ ધમ્મસ્સ…પે… સુખસહગતસ્સ ધમ્મસ્સ…પે… ઉપેક્ખાસહગતસ્સ ધમ્મસ્સ અનન્તરપચ્ચયેન પચ્ચયો – પીતિસહગતઞ્ચ સુખસહગતઞ્ચ ચુતિચિત્તં ઉપેક્ખાસહગતસ્સ ઉપપત્તિચિત્તસ્સ…પે… પીતિસહગતઞ્ચ સુખસહગતઞ્ચ ભવઙ્ગં આવજ્જનાય…પે… પીતિસહગતા ચ સુખસહગતા ચ વિપાકમનોવિઞ્ઞાણધાતુ કિરિયમનોવિઞ્ઞાણધાતુયા…પે… પીતિસહગતઞ્ચ સુખસહગતઞ્ચ ભવઙ્ગં ઉપેક્ખાસહગતસ્સ ભવઙ્ગસ્સ…પે… પીતિસહગતઞ્ચ સુખસહગતઞ્ચ કુસલાકુસલં ઉપેક્ખાસહગતસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ અનન્તરપચ્ચયેન પચ્ચયો. (૩)

પીતિસહગતો ચ સુખસહગતો ચ ધમ્મા પીતિસહગતસ્સ ચ સુખસહગતસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા પીતિસહગતા ચ સુખસહગતા ચ ખન્ધા પચ્છિમાનં પચ્છિમાનં પીતિસહગતાનઞ્ચ સુખસહગતાનઞ્ચ ખન્ધાનં…પે… પીતિસહગતઞ્ચ સુખસહગતઞ્ચ અનુલોમં પીતિસહગતાય ચ સુખસહગતાય ચ ફલસમાપત્તિયા અનન્તરપચ્ચયેન પચ્ચયો. (૪)

સમનન્તરપચ્ચયો

૩૦. પીતિસહગતો ધમ્મો પીતિસહગતસ્સ ધમ્મસ્સ સમનન્તરપચ્ચયેન પચ્ચયો (અનન્તરપચ્ચયસદિસં).

સહજાતપચ્ચયો

૩૧. પીતિસહગતો ધમ્મો પીતિસહગતસ્સ ધમ્મસ્સ સહજાતપચ્ચયેન પચ્ચયો – પીતિસહગતો એકો ખન્ધો તિણ્ણન્નં ખન્ધાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં સહજાતપચ્ચયેન પચ્ચયો…પે… (પટિચ્ચસદિસં સહજાતે દસ પઞ્હા).

અઞ્ઞમઞ્ઞ-નિસ્સયપચ્ચયા

૩૨. પીતિસહગતો ધમ્મો પીતિસહગતસ્સ ધમ્મસ્સ અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો (દસ પઞ્હા કાતબ્બા).

ઉપનિસ્સયપચ્ચયો

૩૩. પીતિસહગતો ધમ્મો પીતિસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતં સદ્ધં ઉપનિસ્સાય પીતિસહગતેન ચિત્તેન દાનં દેતિ, સીલં સમાદિયતિ, ઉપોસથકમ્મં કરોતિ, પીતિસહગતં ઝાનં ઉપ્પાદેતિ, વિપસ્સનં ઉપ્પાદેતિ, મગ્ગં ઉપ્પાદેતિ, સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. પીતિસહગતં સીલં… સુતં… ચાગં… પઞ્ઞં ઉપનિસ્સાય પીતિસહગતેન ચિત્તેન દાનં દેતિ, સીલં સમાદિયતિ…પે… માનં જપ્પેતિ, દિટ્ઠિં ગણ્હાતિ. પીતિસહગતં રાગં… મોહં… માનં… દિટ્ઠિં… પત્થનં ઉપનિસ્સાય પીતિસહગતેન ચિત્તેન દાનં દેતિ, સીલં સમાદિયતિ, ઉપોસથકમ્મં કરોતિ, પીતિસહગતં ઝાનં ઉપ્પાદેતિ…પે… સમાપત્તિં ઉપ્પાદેતિ. પીતિસહગતેન ચિત્તેન અદિન્નં આદિયતિ, મુસા ભણતિ, પિસુણં ભણતિ, સમ્ફં પલપતિ, સન્ધિં છિન્દતિ, નિલ્લોપં હરતિ, એકાગારિકં કરોતિ, પરિપન્થે તિટ્ઠતિ, પરદારં ગચ્છતિ, ગામઘાતં કરોતિ, નિગમઘાતં કરોતિ. પીતિસહગતા સદ્ધા… સીલં… સુતં… ચાગો… પઞ્ઞા… રાગો… મોહો… માનો… દિટ્ઠિ… પત્થના પીતિસહગતાય સદ્ધાય… સીલસ્સ… સુતસ્સ… ચાગસ્સ… પઞ્ઞાય… રાગસ્સ… મોહસ્સ… માનસ્સ… દિટ્ઠિયા… પત્થનાય ઉપનિસ્સયપચ્ચયેન પચ્ચયો. (૧)

પીતિસહગતો ધમ્મો સુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતં સદ્ધં ઉપનિસ્સાય સુખસહગતેન ચિત્તેન દાનં દેતિ…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. પીતિસહગતં સીલં… સુતં… ચાગં… પઞ્ઞં… રાગં… મોહં… માનં… દિટ્ઠિં… પત્થનં ઉપનિસ્સાય સુખસહગતેન ચિત્તેન દાનં દેતિ…પે… સમાપત્તિં ઉપ્પાદેતિ. સુખસહગતેન ચિત્તેન અદિન્નં આદિયતિ…પે… નિગમઘાતં કરોતિ. પીતિસહગતા સદ્ધા…પે… પત્થના સુખસહગતાય સદ્ધાય…પે… પત્થનાય સુખસહગતસ્સ કાયવિઞ્ઞાણસ્સ ઉપનિસ્સયપચ્ચયેન પચ્ચયો. (૨)

પીતિસહગતો ધમ્મો ઉપેક્ખાસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતં સદ્ધં ઉપનિસ્સાય ઉપેક્ખાસહગતેન ચિત્તેન દાનં દેતિ…પે… અભિઞ્ઞં ઉપ્પાદેતિ, સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. પીતિસહગતં સીલં…પે… પત્થનં ઉપનિસ્સાય ઉપેક્ખાસહગતેન ચિત્તેન દાનં દેતિ…પે… નિગમઘાતં કરોતિ. પીતિસહગતા સદ્ધા…પે… પત્થના ઉપેક્ખાસહગતાય સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૩)

પીતિસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતં સદ્ધં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ…પે… દિટ્ઠિં ગણ્હાતિ. પીતિસહગતં સીલં…પે… પત્થનં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ…પે… નિગમઘાતં કરોતિ. પીતિસહગતા સદ્ધા…પે… પત્થના પીતિસહગતાય ચ સુખસહગતાય ચ સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૪)

૩૪. સુખસહગતો ધમ્મો સુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સુખસહગતં સદ્ધં ઉપનિસ્સાય સુખસહગતેન ચિત્તેન દાનં દેતિ…પે… દિટ્ઠિં ગણ્હાતિ. સુખસહગતં સીલં…પે… પત્થનં સુખસહગતં કાયવિઞ્ઞાણં ઉપનિસ્સાય સુખસહગતેન ચિત્તેન દાનં દેતિ…પે… નિગમઘાતં કરોતિ. સુખસહગતા સદ્ધા…પે… પત્થના સુખસહગતં કાયવિઞ્ઞાણં સુખસહગતાય સદ્ધાય…પે… પત્થનાય સુખસહગતસ્સ કાયવિઞ્ઞાણસ્સ ઉપનિસ્સયપચ્ચયેન પચ્ચયો. (૧)

સુખસહગતો ધમ્મો પીતિસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સુખસહગતં સદ્ધં ઉપનિસ્સાય પીતિસહગતેન ચિત્તેન દાનં દેતિ…પે… દિટ્ઠિં ગણ્હાતિ. સુખસહગતં સીલં…પે… પત્થનં સુખસહગતં કાયવિઞ્ઞાણં ઉપનિસ્સાય પીતિસહગતેન ચિત્તેન દાનં દેતિ…પે… નિગમઘાતં કરોતિ. સુખસહગતા સદ્ધા…પે… પત્થના સુખસહગતં કાયવિઞ્ઞાણં પીતિસહગતાય સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૨)

સુખસહગતો ધમ્મો ઉપેક્ખાસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સુખસહગતં સદ્ધં ઉપનિસ્સાય ઉપેક્ખાસહગતેન ચિત્તેન દાનં દેતિ…પે… અભિઞ્ઞં ઉપ્પાદેતિ…પે… દિટ્ઠિં ગણ્હાતિ. સુખસહગતં સીલં…પે… પત્થનં સુખસહગતં કાયવિઞ્ઞાણં ઉપનિસ્સાય ઉપેક્ખાસહગતેન ચિત્તેન દાનં દેતિ…પે… નિગમઘાતં કરોતિ. સુખસહગતા સદ્ધા…પે… પત્થના સુખસહગતં કાયવિઞ્ઞાણં ઉપેક્ખાસહગતાય સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૩)

સુખસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો …પે…. પકતૂપનિસ્સયો – સુખસહગતં સદ્ધં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ…પે… દિટ્ઠિં ગણ્હાતિ. સુખસહગતં સીલં…પે… પત્થનં સુખસહગતં કાયવિઞ્ઞાણં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ…પે… નિગમઘાતં કરોતિ. સુખસહગતા સદ્ધા…પે… પત્થના સુખસહગતં કાયવિઞ્ઞાણં પીતિસહગતાય ચ સુખસહગતાય ચ સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૪)

૩૫. ઉપેક્ખાસહગતો ધમ્મો ઉપેક્ખાસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉપેક્ખાસહગતં સદ્ધં ઉપનિસ્સાય ઉપેક્ખાસહગતેન ચિત્તેન દાનં દેતિ…પે… અભિઞ્ઞં ઉપ્પાદેતિ…પે… દિટ્ઠિં ગણ્હાતિ. ઉપેક્ખાસહગતં સીલં…પે… પત્થનં ઉપનિસ્સાય ઉપેક્ખાસહગતેન ચિત્તેન દાનં દેતિ…પે… નિગમઘાતં કરોતિ. ઉપેક્ખાસહગતા સદ્ધા…પે… પત્થના ઉપેક્ખાસહગતાય સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૧)

ઉપેક્ખાસહગતો ધમ્મો પીતિસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉપેક્ખાસહગતં સદ્ધં ઉપનિસ્સાય પીતિસહગતેન ચિત્તેન દાનં દેતિ…પે… દિટ્ઠિં ગણ્હાતિ. ઉપેક્ખાસહગતં સીલં…પે… પત્થનં ઉપનિસ્સાય પીતિસહગતેન ચિત્તેન દાનં દેતિ…પે… નિગમઘાતં કરોતિ. ઉપેક્ખાસહગતા સદ્ધા…પે… પત્થના પીતિસહગતાય સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૨)

ઉપેક્ખાસહગતો ધમ્મો સુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉપેક્ખાસહગતં સદ્ધં ઉપનિસ્સાય સુખસહગતેન ચિત્તેન દાનં દેતિ…પે… દિટ્ઠિં ગણ્હાતિ. ઉપેક્ખાસહગતં સીલં…પે… પત્થનં ઉપનિસ્સાય સુખસહગતેન ચિત્તેન દાનં દેતિ…પે… નિગમઘાતં કરોતિ. ઉપેક્ખાસહગતા સદ્ધા…પે… પત્થના સુખસહગતાય સદ્ધાય…પે… પત્થનાય સુખસહગતસ્સ કાયવિઞ્ઞાણસ્સ ઉપનિસ્સયપચ્ચયેન પચ્ચયો. (૩)

ઉપેક્ખાસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉપેક્ખાસહગતં સદ્ધં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ…પે… દિટ્ઠિં ગણ્હાતિ. ઉપેક્ખાસહગતં સીલં…પે… પત્થનં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ…પે… નિગમઘાતં કરોતિ. ઉપેક્ખાસહગતા સદ્ધા…પે… પત્થના પીતિસહગતાય ચ સુખસહગતાય ચ સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૪)

૩૬. પીતિસહગતો ચ સુખસહગતો ચ ધમ્મા પીતિસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતઞ્ચ સુખસહગતઞ્ચ સદ્ધં ઉપનિસ્સાય પીતિસહગતેન ચિત્તેન દાનં દેતિ…પે… દિટ્ઠિં ગણ્હાતિ. પીતિસહગતઞ્ચ સુખસહગતઞ્ચ સીલં…પે… પત્થનં ઉપનિસ્સાય પીતિસહગતેન ચિત્તેન દાનં દેતિ…પે… નિગમઘાતં કરોતિ. પીતિસહગતા ચ સુખસહગતા ચ સદ્ધા…પે… પત્થના પીતિસહગતાય સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૧)

પીતિસહગતો ચ સુખસહગતો ચ ધમ્મા સુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતઞ્ચ સુખસહગતઞ્ચ સદ્ધં ઉપનિસ્સાય સુખસહગતેન ચિત્તેન દાનં દેતિ…પે… દિટ્ઠિં ગણ્હાતિ. પીતિસહગતઞ્ચ સુખસહગતઞ્ચ સીલં…પે… પત્થનં ઉપનિસ્સાય સુખસહગતેન ચિત્તેન દાનં દેતિ…પે… નિગમઘાતં કરોતિ. પીતિસહગતા ચ સુખસહગતા ચ સદ્ધા…પે… પત્થના સુખસહગતાય સદ્ધાય…પે… પત્થનાય સુખસહગતસ્સ કાયવિઞ્ઞાણસ્સ ઉપનિસ્સયપચ્ચયેન પચ્ચયો. (૨)

પીતિસહગતો ચ સુખસહગતો ચ ધમ્મા ઉપેક્ખાસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતઞ્ચ સુખસહગતઞ્ચ સદ્ધં ઉપનિસ્સાય ઉપેક્ખાસહગતેન ચિત્તેન દાનં દેતિ …પે… અભિઞ્ઞં ઉપ્પાદેતિ…પે… દિટ્ઠિં ગણ્હાતિ. પીતિસહગતઞ્ચ સુખસહગતઞ્ચ સીલં…પે… પત્થનં ઉપનિસ્સાય ઉપેક્ખાસહગતેન ચિત્તેન દાનં દેતિ…પે… નિગમઘાતં કરોતિ. પીતિસહગતા ચ સુખસહગતા ચ સદ્ધા…પે… પત્થના ઉપેક્ખાસહગતાય સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૩)

પીતિસહગતો ચ સુખસહગતો ચ ધમ્મા પીતિસહગતસ્સ ચ સુખસહગતસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પીતિસહગતઞ્ચ સુખસહગતઞ્ચ સદ્ધં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ, સીલં સમાદિયતિ, ઉપોસથકમ્મં કરોતિ. પીતિસહગતઞ્ચ સુખસહગતઞ્ચ ઝાનં ઉપ્પાદેતિ, વિપસ્સનં ઉપ્પાદેતિ, મગ્ગં ઉપ્પાદેતિ, સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. પીતિસહગતઞ્ચ સુખસહગતઞ્ચ સીલં… સુતં… ચાગં… પઞ્ઞં… રાગં… મોહં… માનં… દિટ્ઠિં… પત્થનં ઉપનિસ્સાય પીતિસહગતેન ચ સુખસહગતેન ચ ચિત્તેન દાનં દેતિ, સીલં સમાદિયતિ, ઉપોસથકમ્મં કરોતિ. પીતિસહગતઞ્ચ સુખસહગતઞ્ચ ઝાનં ઉપ્પાદેતિ…પે… સમાપત્તિં ઉપ્પાદેતિ. પીતિસહગતેન ચ સુખસહગતેન ચ ચિત્તેન અદિન્નં આદિયતિ, મુસા ભણતિ, પિસુણં ભણતિ, સમ્ફં પલપતિ, સન્ધિં છિન્દતિ, નિલ્લોપં હરતિ, એકાગારિકં કરોતિ, પરિપન્થે તિટ્ઠતિ, પરદારં ગચ્છતિ, ગામઘાતં કરોતિ, નિગમઘાતં કરોતિ. પીતિસહગતા ચ સુખસહગતા ચ સદ્ધા…પે… પત્થના પીતિસહગતાય ચ સુખસહગતાય ચ સદ્ધાય…પે… પત્થનાય ઉપનિસ્સયપચ્ચયેન પચ્ચયો. (૪)

આસેવનપચ્ચયો

૩૭. પીતિસહગતો ધમ્મો પીતિસહગતસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા પીતિસહગતા ખન્ધા પચ્છિમાનં પચ્છિમાનં પીતિસહગતાનં ખન્ધાનં આસેવનપચ્ચયેન પચ્ચયો. પીતિસહગતં અનુલોમં પીતિસહગતસ્સ ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

પીતિસહગતો ધમ્મો સુખસહગતસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા પીતિસહગતા ખન્ધા પચ્છિમાનં પચ્છિમાનં સુખસહગતાનં ખન્ધાનં આસેવનપચ્ચયેન પચ્ચયો. પીતિસહગતં અનુલોમં સુખસહગતસ્સ ગોત્રભુસ્સ આસેવનપચ્ચયેન પચ્ચયો. પીતિસહગતં અનુલોમં સુખસહગતસ્સ વોદાનસ્સ આસેવનપચ્ચયેન પચ્ચયો. પીતિસહગતં ગોત્રભુ સુખસહગતસ્સ મગ્ગસ્સ… પીતિસહગતં વોદાનં સુખસહગતસ્સ મગ્ગસ્સ આસેવનપચ્ચયેન પચ્ચયો. (૨)

પીતિસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ આસેવનપચ્ચયેન પચ્ચયો – પુરિમા પુરિમા પીતિસહગતા ખન્ધા પચ્છિમાનં પચ્છિમાનં પીતિસહગતાનઞ્ચ સુખસહગતાનઞ્ચ આસેવનપચ્ચયેન પચ્ચયો…પે… પીતિસહગતં વોદાનં પીતિસહગતસ્સ ચ સુખસહગતસ્સ ચ મગ્ગસ્સ આસેવનપચ્ચયેન પચ્ચયો. (૩)

૩૮. સુખસહગતો ધમ્મો સુખસહગતસ્સ ધમ્મસ્સ…પે… પીતિસહગતસ્સ ધમ્મસ્સ…પે… પીતિસહગતસ્સ ચ સુખસહગતસ્સ ચ ધમ્મસ્સ આસેવનપચ્ચયેન પચ્ચયો (સંખિત્તં. પીતિનયં પસ્સિત્વા કાતબ્બં).

ઉપેક્ખાસહગતો ધમ્મો ઉપેક્ખાસહગતસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા ઉપેક્ખાસહગતા ખન્ધા પચ્છિમાનં પચ્છિમાનં ઉપેક્ખાસહગતાનં ખન્ધાનં…પે… ઉપેક્ખાસહગતં વોદાનં ઉપેક્ખાસહગતસ્સ મગ્ગસ્સ આસેવનપચ્ચયેન પચ્ચયો. (૧)

૩૯. પીતિસહગતો ચ સુખસહગતો ચ ધમ્મા પીતિસહગતસ્સ ધમ્મસ્સ…પે… સુખસહગતસ્સ ધમ્મસ્સ…પે… પીતિસહગતસ્સ ચ સુખસહગતસ્સ ચ ધમ્મસ્સ આસેવનપચ્ચયેન પચ્ચયો – પુરિમા પુરિમા પીતિસહગતા ચ સુખસહગતા ચ ખન્ધા પચ્છિમાનં પચ્છિમાનં પીતિસહગતાનઞ્ચ સુખસહગતાનઞ્ચ ખન્ધાનં આસેવનપચ્ચયેન પચ્ચયો…પે… પીતિસહગતઞ્ચ સુખસહગતઞ્ચ વોદાનં પીતિસહગતસ્સ ચ સુખસહગતસ્સ ચ મગ્ગસ્સ આસેવનપચ્ચયેન પચ્ચયો. (૩)

કમ્મપચ્ચયો

૪૦. પીતિસહગતો ધમ્મો પીતિસહગતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા [નાનાખણિકા (સ્યા. ક.)]. સહજાતા – પીતિસહગતા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે પીતિસહગતા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. નાનાક્ખણિકા – પીતિસહગતા ચેતના વિપાકાનં પીતિસહગતાનં ખન્ધાનં કમ્મપચ્ચયેન પચ્ચયો. (૧)

પીતિસહગતો ધમ્મો સુખસહગતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – પીતિસહગતા ચેતના સમ્પયુત્તકાનં સુખસહગતાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે પીતિસહગતા ચેતના સમ્પયુત્તકાનં સુખસહગતાનં ખન્ધાનં કમ્મપચ્ચયેન પચ્ચયો. નાનાક્ખણિકા – પીતિસહગતા ચેતના વિપાકાનં સુખસહગતાનં ખન્ધાનં કમ્મપચ્ચયેન પચ્ચયો. (૨)

પીતિસહગતો ધમ્મો ઉપેક્ખાસહગતસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – પીતિસહગતા ચેતના વિપાકાનં ઉપેક્ખાસહગતાનં ખન્ધાનં કમ્મપચ્ચયેન પચ્ચયો. (૩)

પીતિસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – પીતિસહગતા ચેતના સમ્પયુત્તકાનં પીતિસહગતાનઞ્ચ સુખસહગતાનઞ્ચ ખન્ધાનં કમ્મપચ્ચયેન પચ્ચયો. પટિસન્ધિક્ખણે …પે…. નાનાક્ખણિકા – પીતિસહગતા ચેતના વિપાકાનં પીતિસહગતાનઞ્ચ સુખસહગતાનઞ્ચ ખન્ધાનં કમ્મપચ્ચયેન પચ્ચયો. (૪)

૪૧. સુખસહગતો ધમ્મો સુખસહગતસ્સ ધમ્મસ્સ (ચત્તારિપિ ગણનાનિ પસ્સિત્વા કાતબ્બાનિ).

૪૨. ઉપેક્ખાસહગતો ધમ્મો ઉપેક્ખાસહગતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા…પે….

ઉપેક્ખાસહગતો ધમ્મો પીતિસહગતસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – ઉપેક્ખાસહગતા ચેતના…પે….

ઉપેક્ખાસહગતો ધમ્મો સુખસહગતસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – ઉપેક્ખાસહગતા ચેતના…પે….

ઉપેક્ખાસહગતો ધમ્મો પીતિસહગતસ્સ ચ સુખસહગતસ્સ ચ ધમ્મસ્સ કમ્મપચ્ચયેન પચ્ચયો. નાનાક્ખણિકા – ઉપેક્ખાસહગતા ચેતના…પે…. (૪)

પીતિસહગતો ચ સુખસહગતો ચ ધમ્મા પીતિસહગતસ્સ ધમ્મસ્સ (ચત્તારિ કાતબ્બાનિ, પીતિસહગતં અનુમજ્જન્તેન વિભજિતબ્બં). (૪)

વિપાકપચ્ચયો

૪૩. પીતિસહગતો ધમ્મો પીતિસહગતસ્સ ધમ્મસ્સ વિપાકપચ્ચયેન પચ્ચયો – પીતિસહગતો વિપાકો એકો ખન્ધો તિણ્ણન્નં ખન્ધાનં વિપાકપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં…પે… પટિસન્ધિક્ખણે પીતિસહગતો એકો ખન્ધો તિણ્ણન્નં ખન્ધાનં…પે… દ્વે ખન્ધા દ્વિન્નં ખન્ધાનં…પે….

(યથા પટિચ્ચવારે હેતુપચ્ચયે એવં વિત્થારેતબ્બા દસ પઞ્હા.)

આહારપચ્ચયાદિ

૪૪. પીતિસહગતો ધમ્મો પીતિસહગતસ્સ ધમ્મસ્સ આહારપચ્ચયેન પચ્ચયો… ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… અત્થિપચ્ચયેન પચ્ચયો… (દસ પઞ્હા વિત્થારેતબ્બા) નત્થિપચ્ચયેન પચ્ચયો… વિગતપચ્ચયેન પચ્ચયો… (નત્થિપિ વિગતમ્પિ અનન્તરસદિસં) અવિગતપચ્ચયેન પચ્ચયો.