૧. વિભઙ્ગવારો

હેતુપચ્ચયો

૬૬. સવિતક્કસવિચારો ધમ્મો સવિતક્કસવિચારસ્સ ધમ્મસ્સ હેતુપચ્ચયેન પચ્ચયો – સવિતક્કસવિચારા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. પટિસન્ધિક્ખણે…પે…. (૧)

સવિતક્કસવિચારો ધમ્મો અવિતક્કવિચારમત્તસ્સ ધમ્મસ્સ હેતુપચ્ચયેન પચ્ચયો – સવિતક્કસવિચારા હેતૂ વિતક્કસ્સ હેતુપચ્ચયેન પચ્ચયો. પટિસન્ધિક્ખણે…પે…. (૨)

સવિતક્કસવિચારો ધમ્મો અવિતક્કઅવિચારસ્સ ધમ્મસ્સ હેતુપચ્ચયેન પચ્ચયો – સવિતક્કસવિચારા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. પટિસન્ધિક્ખણે સવિતક્કસવિચારા હેતૂ કટત્તારૂપાનં હેતુપચ્ચયેન પચ્ચયો. (૩)

સવિતક્કસવિચારો ધમ્મો સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ હેતુપચ્ચયેન પચ્ચયો – સવિતક્કસવિચારા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે સવિતક્કસવિચારા હેતૂ સમ્પયુત્તકાનં ખન્ધાનં કટત્તા ચ રૂપાનં હેતુપચ્ચયેન પચ્ચયો. (૪)

સવિતક્કસવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ હેતુપચ્ચયેન પચ્ચયો – સવિતક્કસવિચારા હેતૂ વિતક્કસ્સ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે સવિતક્કસવિચારા હેતૂ વિતક્કસ્સ કટત્તા ચ રૂપાનં હેતુપચ્ચયેન પચ્ચયો. (૫)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ હેતુપચ્ચયેન પચ્ચયો – સવિતક્કસવિચારા હેતૂ સમ્પયુત્તકાનં ખન્ધાનં વિતક્કસ્સ ચ હેતુપચ્ચયેન પચ્ચયો. પટિસન્ધિક્ખણે સવિતક્કસવિચારા હેતૂ સમ્પયુત્તકાનં ખન્ધાનં વિતક્કસ્સ ચ હેતુપચ્ચયેન પચ્ચયો. (૬)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ હેતુપચ્ચયેન પચ્ચયો – સવિતક્કસવિચારા હેતૂ સમ્પયુત્તકાનં ખન્ધાનં વિતક્કસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે સવિતક્કસવિચારા હેતૂ સમ્પયુત્તકાનં ખન્ધાનં વિતક્કસ્સ ચ કટત્તા ચ રૂપાનં હેતુપચ્ચયેન પચ્ચયો. (૭)

૬૭. અવિતક્કવિચારમત્તો ધમ્મો અવિતક્કવિચારમત્તસ્સ ધમ્મસ્સ હેતુપચ્ચયેન પચ્ચયો – અવિતક્કવિચારમત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. પટિસન્ધિક્ખણે અવિતક્કવિચારમત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

અવિતક્કવિચારમત્તો ધમ્મો અવિતક્કઅવિચારસ્સ ધમ્મસ્સ હેતુપચ્ચયેન પચ્ચયો – અવિતક્કવિચારમત્તા હેતૂ વિચારસ્સ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે અવિતક્કવિચારમત્તા હેતૂ વિચારસ્સ ચ કટત્તા ચ રૂપાનં હેતુપચ્ચયેન પચ્ચયો. (૨)

અવિતક્કવિચારમત્તો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ હેતુપચ્ચયેન પચ્ચયો – અવિતક્કવિચારમત્તા હેતૂ સમ્પયુત્તકાનં ખન્ધાનં વિચારસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે અવિતક્કવિચારમત્તા હેતૂ સમ્પયુત્તકાનં ખન્ધાનં વિચારસ્સ ચ કટત્તા ચ રૂપાનં હેતુપચ્ચયેન પચ્ચયો. (૩)

૬૮. અવિતક્કઅવિચારો ધમ્મો અવિતક્કઅવિચારસ્સ ધમ્મસ્સ હેતુપચ્ચયેન પચ્ચયો – અવિતક્કઅવિચારા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે અવિતક્કઅવિચારા હેતૂ સમ્પયુત્તકાનં ખન્ધાનં કટત્તા ચ રૂપાનં હેતુપચ્ચયેન પચ્ચયો. (૧)

આરમ્મણપચ્ચયો

૬૯. સવિતક્કસવિચારો ધમ્મો સવિતક્કસવિચારસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ; પુબ્બે સુચિણ્ણાનિ પચ્ચવેક્ખતિ; સવિતક્કસવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખતિ. અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. સવિતક્કસવિચારે ખન્ધે અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. સવિતક્કસવિચારે ખન્ધે આરબ્ભ સવિતક્કસવિચારા ખન્ધા ઉપ્પજ્જન્તિ. (૧)

સવિતક્કસવિચારો ધમ્મો અવિતક્કવિચારમત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ; તં આરબ્ભ વિતક્કો ઉપ્પજ્જતિ. પુબ્બે સુચિણ્ણાનિ પચ્ચવેક્ખતિ; સવિતક્કસવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખતિ; તં આરબ્ભ વિતક્કો ઉપ્પજ્જતિ. અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. સવિતક્કસવિચારે ખન્ધે અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ વિતક્કો ઉપ્પજ્જતિ. સવિતક્કસવિચારે ખન્ધે આરબ્ભ વિતક્કો ઉપ્પજ્જતિ. (૨)

સવિતક્કસવિચારો ધમ્મો અવિતક્કઅવિચારસ્સ ધમ્મસ્સ આરમ્મણપચ્ચયેન પચ્ચયો – ચેતોપરિયઞાણેન સવિતક્કસવિચારચિત્તસમઙ્ગિસ્સ ચિત્તં જાનાતિ; સવિતક્કસવિચારા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. સવિતક્કસવિચારે ખન્ધે આરબ્ભ અવિતક્કઅવિચારા ખન્ધા ઉપ્પજ્જન્તિ. (૩)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. પુબ્બે સુચિણ્ણાનિ પચ્ચવેક્ખતિ; સવિતક્કસવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખતિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. સવિતક્કસવિચારે ખન્ધે અનિચ્ચતો દુક્ખતો અનત્તતો વિપસ્સન્તિ અસ્સાદેન્તિ અભિનન્દન્તિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. સવિતક્કસવિચારે ખન્ધે આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૪)

૭૦. અવિતક્કવિચારમત્તો ધમ્મો અવિતક્કવિચારમત્તસ્સ ધમ્મસ્સ આરમ્મણપચ્ચયેન પચ્ચયો – અવિતક્કવિચારમત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખતિ; તં આરબ્ભ વિતક્કો ઉપ્પજ્જતિ. અવિતક્કવિચારમત્તે ખન્ધે ચ વિતક્કઞ્ચ અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ વિતક્કો ઉપ્પજ્જતિ. અવિતક્કવિચારમત્તે ખન્ધે ચ વિતક્કઞ્ચ આરબ્ભ વિતક્કો ઉપ્પજ્જતિ. (૧)

અવિતક્કવિચારમત્તો ધમ્મો સવિતક્કસવિચારસ્સ ધમ્મસ્સ આરમ્મણપચ્ચયેન પચ્ચયો – અવિતક્કવિચારમત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખન્તિ; તં આરબ્ભ સવિતક્કસવિચારા ખન્ધા ઉપ્પજ્જન્તિ. અવિતક્કવિચારમત્તે ખન્ધે ચ વિતક્કઞ્ચ અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. અવિતક્કવિચારમત્તે ખન્ધે ચ વિતક્કઞ્ચ આરબ્ભ સવિતક્કસવિચારા ખન્ધા ઉપ્પજ્જન્તિ. (૨)

અવિતક્કવિચારમત્તો ધમ્મો અવિતક્કઅવિચારસ્સ ધમ્મસ્સ આરમ્મણપચ્ચયેન પચ્ચયો – ચેતોપરિયઞાણેન અવિતક્કવિચારમત્તચિત્તસમઙ્ગિસ્સ ચિત્તં જાનાતિ. અવિતક્કવિચારમત્તા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. અવિતક્કવિચારમત્તે ખન્ધે ચ વિતક્કઞ્ચ આરબ્ભ અવિતક્કઅવિચારા ખન્ધા ઉપ્પજ્જન્તિ. (૩)

અવિતક્કવિચારમત્તો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ આરમ્મણપચ્ચયેન પચ્ચયો – અવિતક્કવિચારમત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખતિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. અવિતક્કવિચારમત્તે ખન્ધે ચ વિતક્કઞ્ચ અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. અવિતક્કવિચારમત્તે ખન્ધે ચ વિતક્કઞ્ચ આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૪)

૭૧. અવિતક્કઅવિચારો ધમ્મો અવિતક્કઅવિચારસ્સ ધમ્મસ્સ આરમ્મણપચ્ચયેન પચ્ચયો – નિબ્બાનં અવિતક્કઅવિચારસ્સ મગ્ગસ્સ ફલસ્સ વિચારસ્સ ચ આરમ્મણપચ્ચયેન પચ્ચયો. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન અવિતક્કઅવિચારચિત્તસમઙ્ગિસ્સ ચિત્તં જાનાતિ. આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. અવિતક્કઅવિચારા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. અવિતક્કઅવિચારે ખન્ધે ચ વિચારઞ્ચ આરબ્ભ અવિતક્કઅવિચારા ખન્ધા ઉપ્પજ્જન્તિ. (૧)

અવિતક્કઅવિચારો ધમ્મો સવિતક્કસવિચારસ્સ ધમ્મસ્સ આરમ્મણપચ્ચયેન પચ્ચયો – અરિયા અવિતક્કઅવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખન્તિ; તં આરબ્ભ સવિતક્કસવિચારા ખન્ધા ઉપ્પજ્જન્તિ. અરિયા નિબ્બાનં પચ્ચવેક્ખન્તિ, નિબ્બાનં ગોત્રભુસ્સ વોદાનસ્સ સવિતક્કસવિચારસ્સ મગ્ગસ્સ ફલસ્સ આવજ્જનાય આરમ્મણપચ્ચયેન પચ્ચયો. ચક્ખું અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. સોતં… ઘાનં … જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું… અવિતક્કઅવિચારે ખન્ધે ચ વિચારઞ્ચ અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. અવિતક્કઅવિચારે ખન્ધે ચ વિચારઞ્ચ આરબ્ભ સવિતક્કસવિચારા ખન્ધા ઉપ્પજ્જન્તિ. (૨)

અવિતક્કઅવિચારો ધમ્મો અવિતક્કવિચારમત્તસ્સ ધમ્મસ્સ આરમ્મણપચ્ચયેન પચ્ચયો – અરિયા અવિતક્કઅવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખન્તિ; તં આરબ્ભ વિતક્કો ઉપ્પજ્જતિ. અરિયા નિબ્બાનં પચ્ચવેક્ખન્તિ, નિબ્બાનં અવિતક્કવિચારમત્તસ્સ મગ્ગસ્સ ફલસ્સ વિતક્કસ્સ ચ આરમ્મણપચ્ચયેન પચ્ચયો. ચક્ખું અનિચ્ચતો દુક્ખતો અનત્તતો…પે… વત્થું… અવિતક્કઅવિચારે ખન્ધે ચ વિચારઞ્ચ અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ વિતક્કો ઉપ્પજ્જતિ. અવિતક્કઅવિચારે ખન્ધે ચ વિચારઞ્ચ આરબ્ભ વિતક્કો ઉપ્પજ્જતિ. (૩)

અવિતક્કઅવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ આરમ્મણપચ્ચયેન પચ્ચયો – નિબ્બાનં અવિતક્કવિચારમત્તસ્સ મગ્ગસ્સ ફલસ્સ વિચારસ્સ ચ આરમ્મણપચ્ચયેન પચ્ચયો. (૪)

અવિતક્કઅવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ આરમ્મણપચ્ચયેન પચ્ચયો – અરિયા અવિતક્કઅવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં પચ્ચવેક્ખન્તિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. અરિયા નિબ્બાનં પચ્ચવેક્ખન્તિ, નિબ્બાનં ગોત્રભુસ્સ વિતક્કસ્સ ચ વોદાનસ્સ વિતક્કસ્સ ચ સવિતક્કસવિચારસ્સ મગ્ગસ્સ વિતક્કસ્સ ચ સવિતક્કસવિચારસ્સ ફલસ્સ વિતક્કસ્સ ચ આવજ્જનાય વિતક્કસ્સ ચ આરમ્મણપચ્ચયેન પચ્ચયો. ચક્ખું અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. સોતં…પે… ફોટ્ઠબ્બં… વત્થું… અવિતક્કઅવિચારે ખન્ધે ચ વિચારઞ્ચ અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ; તં આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૫)

૭૨. અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ આરમ્મણપચ્ચયેન પચ્ચયો – અવિતક્કવિચારમત્તે ખન્ધે ચ વિચારઞ્ચ આરબ્ભ સવિતક્કસવિચારા ખન્ધા ઉપ્પજ્જન્તિ. (૧)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ આરમ્મણપચ્ચયેન પચ્ચયો – અવિતક્કવિચારમત્તે ખન્ધે ચ વિચારઞ્ચ આરબ્ભ વિતક્કો ઉપ્પજ્જતિ. (૨)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કઅવિચારસ્સ ધમ્મસ્સ આરમ્મણપચ્ચયેન પચ્ચયો – અવિતક્કવિચારમત્તા ખન્ધા ચ વિચારો ચ ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. અવિતક્કવિચારમત્તે ખન્ધે ચ વિચારઞ્ચ આરબ્ભ અવિતક્કઅવિચારા ખન્ધા ઉપ્પજ્જન્તિ. (૩)

અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ આરમ્મણપચ્ચયેન પચ્ચયો – અવિતક્કવિચારમત્તે ખન્ધે ચ વિચારઞ્ચ આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૪)

૭૩. સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ આરમ્મણપચ્ચયેન પચ્ચયો – સવિતક્કસવિચારે ખન્ધે ચ વિતક્કઞ્ચ આરબ્ભ સવિતક્કસવિચારા ખન્ધા ઉપ્પજ્જન્તિ. (૧)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કવિચારમત્તસ્સ આરમ્મણપચ્ચયેન પચ્ચયો – સવિતક્કસવિચારે ખન્ધે ચ વિતક્કઞ્ચ આરબ્ભ વિતક્કો ઉપ્પજ્જતિ. (૨)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કઅવિચારસ્સ ધમ્મસ્સ આરમ્મણપચ્ચયેન પચ્ચયો – સવિતક્કસવિચારા ખન્ધા ચ વિતક્કો ચ ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. સવિતક્કસવિચારે ખન્ધે ચ વિતક્કઞ્ચ આરબ્ભ અવિતક્કઅવિચારા ખન્ધા ઉપ્પજ્જન્તિ. (૩)

સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ આરમ્મણપચ્ચયેન પચ્ચયો – સવિતક્કસવિચારે ખન્ધે ચ વિતક્કઞ્ચ આરબ્ભ સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૪)

અધિપતિપચ્ચયો

૭૪. સવિતક્કસવિચારો ધમ્મો સવિતક્કસવિચારસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં સમાદિયિત્વા ઉપોસથકમ્મં કત્વા તં ગરું કત્વા પચ્ચવેક્ખતિ; પુબ્બે સુચિણ્ણાનિ ગરું કત્વા પચ્ચવેક્ખતિ. સવિતક્કસવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખતિ. સવિતક્કસવિચારે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – સવિતક્કસવિચારા અધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સવિતક્કસવિચારો ધમ્મો અવિતક્કવિચારમત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં સમાદિયિત્વા ઉપોસથકમ્મં કત્વા તં ગરું કત્વા પચ્ચવેક્ખતિ; તં ગરું કત્વા વિતક્કો ઉપ્પજ્જતિ. પુબ્બે સુચિણ્ણાનિ ગરું કત્વા પચ્ચવેક્ખતિ. સવિતક્કસવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખન્તિ; તં ગરું કત્વા વિતક્કો ઉપ્પજ્જતિ. સવિતક્કસવિચારે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા વિતક્કો ઉપ્પજ્જતિ. સહજાતાધિપતિ – સવિતક્કસવિચારા અધિપતિ વિતક્કસ્સ અધિપતિપચ્ચયેન પચ્ચયો. (૨)

સવિતક્કસવિચારો ધમ્મો અવિતક્કઅવિચારસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સવિતક્કસવિચારા અધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૩)

સવિતક્કસવિચારો ધમ્મો સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સવિતક્કસવિચારા અધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૪)

સવિતક્કસવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સવિતક્કસવિચારા અધિપતિ વિતક્કસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૫)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ સહજાતાધિપતિ. આરમ્મણાધિપતિ – દાનં દત્વા સીલં સમાદિયિત્વા, ઉપોસથકમ્મં કત્વા તં ગરું કત્વા પચ્ચવેક્ખતિ; તં ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. પુબ્બે સુચિણ્ણાનિ ગરું કત્વા પચ્ચવેક્ખતિ, સવિતક્કસવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખતિ; તં ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. સવિતક્કસવિચારે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. સહજાતાધિપતિ – સવિતક્કસવિચારા અધિપતિ સમ્પયુત્તકાનં ખન્ધાનં વિતક્કસ્સ ચ અધિપતિપચ્ચયેન પચ્ચયો. (૬)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સવિતક્કસવિચારા અધિપતિ સમ્પયુત્તકાનં ખન્ધાનં વિતક્કસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૭)

૭૫. અવિતક્કવિચારમત્તો ધમ્મો અવિતક્કવિચારમત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અવિતક્કવિચારમત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખતિ; તં ગરું કત્વા વિતક્કો ઉપ્પજ્જતિ. અવિતક્કવિચારમત્તે ખન્ધે ચ વિતક્કઞ્ચ ગરું કત્વા અસ્સાદેતિ અભિનન્દતિ; તં ગરું કત્વા વિતક્કો ઉપ્પજ્જતિ. સહજાતાધિપતિ – અવિતક્કવિચારમત્તા અધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

અવિતક્કવિચારમત્તો ધમ્મો સવિતક્કસવિચારસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અવિતક્કવિચારમત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખતિ; તં ગરું કત્વા સવિતક્કસવિચારા ખન્ધા ઉપ્પજ્જન્તિ. અવિતક્કવિચારમત્તે ખન્ધે ચ વિતક્કઞ્ચ ગરું કત્વા અસ્સાદેતિ અભિનન્દતિ; તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અવિતક્કવિચારમત્તો ધમ્મો અવિતક્કઅવિચારસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – અવિતક્કવિચારમત્તા અધિપતિ વિચારસ્સ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

અવિતક્કવિચારમત્તો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – અવિતક્કવિચારમત્તા અધિપતિ સમ્પયુત્તકાનં ખન્ધાનં વિચારસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૪)

અવિતક્કવિચારમત્તો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અવિતક્કવિચારમત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખતિ; તં ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. અવિતક્કવિચારમત્તે ખન્ધે ચ વિતક્કઞ્ચ ગરું કત્વા અસ્સાદેતિ અભિનન્દતિ; તં ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૫)

૭૬. અવિતક્કઅવિચારો ધમ્મો અવિતક્કઅવિચારસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – નિબ્બાનં અવિતક્કઅવિચારસ્સ મગ્ગસ્સ ફલસ્સ વિચારસ્સ ચ અધિપતિપચ્ચયેન પચ્ચયો. સહજાતાધિપતિ – અવિતક્કઅવિચારા અધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અવિતક્કઅવિચારો ધમ્મો સવિતક્કસવિચારસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા અવિતક્કઅવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખન્તિ; તં ગરું કત્વા સવિતક્કસવિચારા ખન્ધા ઉપ્પજ્જન્તિ, અરિયા નિબ્બાનં ગરું કત્વા પચ્ચવેક્ખન્તિ; નિબ્બાનં ગોત્રભુસ્સ વોદાનસ્સ સવિતક્કસવિચારસ્સ મગ્ગસ્સ ફલસ્સ અધિપતિપચ્ચયેન પચ્ચયો. ચક્ખું ગરું કત્વા અસ્સાદેતિ અભિનન્દતિ; તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સોતં… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું… અવિતક્કઅવિચારે ખન્ધે ચ વિચારઞ્ચ ગરું કત્વા અસ્સાદેતિ અભિનન્દતિ; તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અવિતક્કઅવિચારો ધમ્મો અવિતક્કવિચારમત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા અવિતક્કઅવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખન્તિ; તં ગરું કત્વા વિતક્કો ઉપ્પજ્જતિ, અરિયા નિબ્બાનં ગરું કત્વા પચ્ચવેક્ખન્તિ; નિબ્બાનં અવિતક્કવિચારમત્તસ્સ મગ્ગસ્સ ફલસ્સ વિતક્કસ્સ ચ અધિપતિપચ્ચયેન પચ્ચયો. ચક્ખું…પે… વત્થું… અવિતક્કઅવિચારે ખન્ધે ચ વિચારઞ્ચ ગરું કત્વા અસ્સાદેતિ અભિનન્દતિ; તં ગરું કત્વા વિતક્કો ઉપ્પજ્જતિ. (૩)

અવિતક્કઅવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – નિબ્બાનં અવિતક્કવિચારમત્તસ્સ મગ્ગસ્સ ફલસ્સ વિચારસ્સ ચ અધિપતિપચ્ચયેન પચ્ચયો. (૪)

અવિતક્કઅવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા અવિતક્કઅવિચારા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા ફલં ગરું કત્વા પચ્ચવેક્ખન્તિ; તં ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ, અરિયા નિબ્બાનં ગરું કત્વા પચ્ચવેક્ખન્તિ; નિબ્બાનં ગોત્રભુસ્સ વિતક્કસ્સ ચ વોદાનસ્સ વિતક્કસ્સ ચ સવિતક્કસવિચારસ્સ મગ્ગસ્સ વિતક્કસ્સ ચ સવિતક્કસવિચારસ્સ ફલસ્સ વિતક્કસ્સ ચ અધિપતિપચ્ચયેન પચ્ચયો. ચક્ખું ગરું કત્વા…પે… વત્થું… અવિતક્કઅવિચારે ખન્ધે ચ વિચારઞ્ચ ગરું કત્વા અસ્સાદેતિ અભિનન્દતિ; તં ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૫)

૭૭. અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અવિતક્કવિચારમત્તે ખન્ધે ચ વિચારઞ્ચ ગરું કત્વા સવિતક્કસવિચારા ખન્ધા ઉપ્પજ્જન્તિ. (૧)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અવિતક્કવિચારમત્તે ખન્ધે ચ વિચારઞ્ચ ગરું કત્વા વિતક્કો ઉપ્પજ્જતિ. (૨)

અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અવિતક્કવિચારમત્તે ખન્ધે ચ વિચારઞ્ચ ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૩)

૭૮. સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – સવિતક્કસવિચારે ખન્ધે ચ વિતક્કઞ્ચ ગરું કત્વા સવિતક્કસવિચારા ખન્ધા ઉપ્પજ્જન્તિ. (૧)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કવિચારમત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – સવિતક્કસવિચારે ખન્ધે ચ વિતક્કઞ્ચ ગરું કત્વા વિતક્કો ઉપ્પજ્જતિ. (૨)

સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – સવિતક્કસવિચારે ખન્ધે ચ વિતક્કઞ્ચ ગરું કત્વા સવિતક્કસવિચારા ખન્ધા ચ વિતક્કો ચ ઉપ્પજ્જન્તિ. (૩)

અનન્તરપચ્ચયો

૭૯. સવિતક્કસવિચારો ધમ્મો સવિતક્કસવિચારસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કસવિચારા ખન્ધા પચ્છિમાનં પચ્છિમાનં સવિતક્કસવિચારાનં ખન્ધાનં અનન્તરપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… ગોત્રભુ સવિતક્કસવિચારસ્સ મગ્ગસ્સ… વોદાનં સવિતક્કસવિચારસ્સ મગ્ગસ્સ… સવિતક્કસવિચારો મગ્ગો સવિતક્કસવિચારસ્સ ફલસ્સ… સવિતક્કસવિચારં ફલં સવિતક્કસવિચારસ્સ ફલસ્સ… અનુલોમં સવિતક્કસવિચારાય ફલસમાપત્તિયા અનન્તરપચ્ચયેન પચ્ચયો. (૧)

સવિતક્કસવિચારો ધમ્મો અવિતક્કવિચારમત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કસવિચારા ખન્ધા પચ્છિમસ્સ પચ્છિમસ્સ વિતક્કસ્સ અનન્તરપચ્ચયેન પચ્ચયો. સવિતક્કસવિચારં ચુતિચિત્તં અવિતક્કવિચારમત્તસ્સ ઉપપત્તિચિત્તસ્સ…પે… સવિતક્કસવિચારા ખન્ધા અવિતક્કવિચારમત્તસ્સ વુટ્ઠાનસ્સ વિતક્કસ્સ ચ…પે… અવિતક્કવિચારમત્તસ્સ ઝાનસ્સ પરિકમ્મં અવિતક્કવિચારમત્તસ્સ ઝાનસ્સ… ગોત્રભુ અવિતક્કવિચારમત્તસ્સ મગ્ગસ્સ… વોદાનં અવિતક્કવિચારમત્તસ્સ મગ્ગસ્સ… અનુલોમં અવિતક્કવિચારમત્તાય ફલસમાપત્તિયા વિતક્કસ્સ ચ અનન્તરપચ્ચયેન પચ્ચયો. (૨)

સવિતક્કસવિચારો ધમ્મો અવિતક્કઅવિચારસ્સ ધમ્મસ્સ અનન્તરપચ્ચયેન પચ્ચયો – સવિતક્કસવિચારં ચુતિચિત્તં અવિતક્કઅવિચારસ્સ ઉપપત્તિચિત્તસ્સ વિચારસ્સ ચ અનન્તરપચ્ચયેન પચ્ચયો – આવજ્જના પઞ્ચન્નં વિઞ્ઞાણાનં અનન્તરપચ્ચયેન પચ્ચયો. સવિતક્કસવિચારા ખન્ધા અવિતક્કઅવિચારસ્સ વુટ્ઠાનસ્સ વિચારસ્સ ચ…પે… દુતિયસ્સ ઝાનસ્સ પરિકમ્મં દુતિયે ઝાને વિચારસ્સ અનન્તરપચ્ચયેન પચ્ચયો. તતિયસ્સ ઝાનસ્સ પરિકમ્મં …પે… ચતુત્થસ્સ ઝાનસ્સ પરિકમ્મં…પે… આકાસાનઞ્ચાયતનસ્સ પરિકમ્મં…પે… વિઞ્ઞાણઞ્ચાયતનસ્સ પરિકમ્મં…પે… આકિઞ્ચઞ્ઞાયતનસ્સ પરિકમ્મં…પે… નેવસઞ્ઞાનાસઞ્ઞાયતનસ્સ પરિકમ્મં…પે… દિબ્બસ્સ ચક્ખુસ્સ પરિકમ્મં…પે… દિબ્બાય સોતધાતુયા પરિકમ્મં…પે… ઇદ્ધિવિધઞાણસ્સ પરિકમ્મં…પે… ચેતોપરિયઞાણસ્સ પરિકમ્મં…પે… પુબ્બેનિવાસાનુસ્સતિઞાણસ્સ પરિકમ્મં…પે… યથાકમ્મૂપગઞાણસ્સ પરિકમ્મં…પે… અનાગતંસઞાણસ્સ પરિકમ્મં…પે… ગોત્રભુ અવિતક્કઅવિચારસ્સ મગ્ગસ્સ વિચારસ્સ ચ… વોદાનં અવિતક્કઅવિચારસ્સ મગ્ગસ્સ વિચારસ્સ ચ… અનુલોમં અવિતક્કઅવિચારાય ફલસમાપત્તિયા વિચારસ્સ ચ અનન્તરપચ્ચયેન પચ્ચયો. (૩)

સવિતક્કસવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અનન્તરપચ્ચયેન પચ્ચયો – સવિતક્કસવિચારં ચુતિચિત્તં અવિતક્કવિચારમત્તસ્સ ઉપપત્તિચિત્તસ્સ વિચારસ્સ ચ અનન્તરપચ્ચયેન પચ્ચયો. સવિતક્કસવિચારા ખન્ધા અવિતક્કવિચારમત્તસ્સ વુટ્ઠાનસ્સ વિચારસ્સ ચ અનન્તરપચ્ચયેન પચ્ચયો. અવિતક્કવિચારમત્તસ્સ ઝાનસ્સ પરિકમ્મં અવિતક્કવિચારમત્તસ્સ ઝાનસ્સ વિચારસ્સ ચ અનન્તરપચ્ચયેન પચ્ચયો. ગોત્રભુ અવિતક્કવિચારમત્તસ્સ મગ્ગસ્સ વિચારસ્સ ચ… વોદાનં અવિતક્કવિચારમત્તસ્સ મગ્ગસ્સ વિચારસ્સ ચ… અનુલોમં અવિતક્કવિચારમત્તાય ફલસમાપત્તિયા વિચારસ્સ ચ અનન્તરપચ્ચયેન પચ્ચયો. (૪)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કસવિચારા ખન્ધા પચ્છિમાનં પચ્છિમાનં સવિતક્કસવિચારાનં ખન્ધાનં વિતક્કસ્સ ચ અનન્તરપચ્ચયેન પચ્ચયો. અનુલોમં ગોત્રભુસ્સ વિતક્કસ્સ ચ… અનુલોમં વોદાનસ્સ વિતક્કસ્સ ચ… ગોત્રભુ સવિતક્કસવિચારસ્સ મગ્ગસ્સ વિતક્કસ્સ ચ… વોદાનં સવિતક્કસવિચારસ્સ મગ્ગસ્સ વિતક્કસ્સ ચ… સવિતક્કસવિચારો મગ્ગો સવિતક્કસવિચારસ્સ ફલસ્સ વિતક્કસ્સ ચ… સવિતક્કસવિચારં ફલં સવિતક્કસવિચારસ્સ ફલસ્સ વિતક્કસ્સ ચ… અનુલોમં સવિતક્કસવિચારાય ફલસમાપત્તિયા વિતક્કસ્સ ચ અનન્તરપચ્ચયેન પચ્ચયો. (૫)

૮૦. અવિતક્કવિચારમત્તો ધમ્મો અવિતક્કવિચારમત્તસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિતક્કો પચ્છિમસ્સ પચ્છિમસ્સ વિતક્કસ્સ અનન્તરપચ્ચયેન પચ્ચયો. પુરિમા પુરિમા અવિતક્કવિચારમત્તા ખન્ધા પચ્છિમાનં પચ્છિમાનં અવિતક્કવિચારમત્તાનં ખન્ધાનં અનન્તરપચ્ચયેન પચ્ચયો. અવિતક્કવિચારમત્તો મગ્ગો અવિતક્કવિચારમત્તસ્સ ફલસ્સ… અવિતક્કવિચારમત્તં ફલં અવિતક્કવિચારમત્તસ્સ ફલસ્સ અનન્તરપચ્ચયેન પચ્ચયો. (૧)

અવિતક્કવિચારમત્તો ધમ્મો સવિતક્કસવિચારસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિતક્કો પચ્છિમાનં પચ્છિમાનં સવિતક્કસવિચારાનં ખન્ધાનં અનન્તરપચ્ચયેન પચ્ચયો. અવિતક્કવિચારમત્તં ચુતિચિત્તં સવિતક્કસવિચારસ્સ ઉપપત્તિચિત્તસ્સ અનન્તરપચ્ચયેન પચ્ચયો. અવિતક્કવિચારમત્તં ભવઙ્ગં આવજ્જનાય અનન્તરપચ્ચયેન પચ્ચયો. અવિતક્કવિચારમત્તા ખન્ધા સવિતક્કસવિચારસ્સ વુટ્ઠાનસ્સ અનન્તરપચ્ચયેન પચ્ચયો. (૨)

અવિતક્કવિચારમત્તો ધમ્મો અવિતક્કઅવિચારસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અવિતક્કવિચારમત્તા ખન્ધા પચ્છિમસ્સ પચ્છિમસ્સ વિચારસ્સ અનન્તરપચ્ચયેન પચ્ચયો. અવિતક્કવિચારમત્તં ચુતિચિત્તં વિતક્કો ચ અવિતક્કઅવિચારસ્સ ઉપપત્તિચિત્તસ્સ વિચારસ્સ ચ અનન્તરપચ્ચયેન પચ્ચયો. અવિતક્કવિચારમત્તા ખન્ધા વિતક્કો ચ અવિતક્કઅવિચારસ્સ વુટ્ઠાનસ્સ વિચારસ્સ ચ અનન્તરપચ્ચયેન પચ્ચયો. (૩)

અવિતક્કવિચારમત્તો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા અવિતક્કવિચારમત્તા ખન્ધા પચ્છિમાનં પચ્છિમાનં અવિતક્કવિચારમત્તાનં ખન્ધાનં વિચારસ્સ ચ અનન્તરપચ્ચયેન પચ્ચયો. અવિતક્કવિચારમત્તો મગ્ગો અવિતક્કવિચારમત્તસ્સ ફલસ્સ વિચારસ્સ ચ… અવિતક્કવિચારમત્તં ફલં અવિતક્કવિચારમત્તસ્સ ફલસ્સ વિચારસ્સ ચ અનન્તરપચ્ચયેન પચ્ચયો. (૪)

અવિતક્કવિચારમત્તો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિતક્કો પચ્છિમાનં પચ્છિમાનં સવિતક્કસવિચારાનં ખન્ધાનં વિતક્કસ્સ ચ અનન્તરપચ્ચયેન પચ્ચયો. અવિતક્કવિચારમત્તં ચુતિચિત્તં સવિતક્કસવિચારસ્સ ઉપપત્તિચિત્તસ્સ વિતક્કસ્સ ચ અનન્તરપચ્ચયેન પચ્ચયો. અવિતક્કવિચારમત્તં ભવઙ્ગં આવજ્જનાય વિતક્કસ્સ ચ અનન્તરપચ્ચયેન પચ્ચયો. અવિતક્કવિચારમત્તા ખન્ધા સવિતક્કસવિચારસ્સ વુટ્ઠાનસ્સ વિતક્કસ્સ ચ અનન્તરપચ્ચયેન પચ્ચયો. (૫)

૮૧. અવિતક્કઅવિચારો ધમ્મો અવિતક્કઅવિચારસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિચારો પચ્છિમસ્સ પચ્છિમસ્સ વિચારસ્સ અનન્તરપચ્ચયેન પચ્ચયો. પુરિમા પુરિમા અવિતક્કઅવિચારા ખન્ધા પચ્છિમાનં પચ્છિમાનં અવિતક્કઅવિચારાનં ખન્ધાનં અનન્તરપચ્ચયેન પચ્ચયો. અવિતક્કઅવિચારો મગ્ગો અવિતક્કઅવિચારસ્સ ફલસ્સ… અવિતક્કઅવિચારં ફલં અવિતક્કઅવિચારસ્સ ફલસ્સ અનન્તરપચ્ચયેન પચ્ચયો. નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં અવિતક્કઅવિચારાય ફલસમાપત્તિયા વિચારસ્સ ચ અનન્તરપચ્ચયેન પચ્ચયો. (૧)

અવિતક્કઅવિચારો ધમ્મો સવિતક્કસવિચારસ્સ ધમ્મસ્સ અનન્તરપચ્ચયેન પચ્ચયો – અવિતક્કઅવિચારં ચુતિચિત્તં વિચારો ચ સવિતક્કસવિચારસ્સ ઉપપત્તિચિત્તસ્સ અનન્તરપચ્ચયેન પચ્ચયો. અવિતક્કઅવિચારં ભવઙ્ગં વિચારો ચ આવજ્જનાય અનન્તરપચ્ચયેન પચ્ચયો. અવિતક્કઅવિચારા ખન્ધા વિચારો ચ સવિતક્કસવિચારસ્સ વુટ્ઠાનસ્સ અનન્તરપચ્ચયેન પચ્ચયો. નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં સવિતક્કસવિચારાય ફલસમાપત્તિયા અનન્તરપચ્ચયેન પચ્ચયો. (૨)

અવિતક્કઅવિચારો ધમ્મો અવિતક્કવિચારમત્તસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિચારો પચ્છિમાનં પચ્છિમાનં અવિતક્કવિચારમત્તાનં ખન્ધાનં અનન્તરપચ્ચયેન પચ્ચયો. અવિતક્કઅવિચારં ચુતિચિત્તં વિચારો ચ અવિતક્કવિચારમત્તસ્સ ઉપપત્તિચિત્તસ્સ વિતક્કસ્સ ચ અનન્તરપચ્ચયેન પચ્ચયો. અવિતક્કઅવિચારા ખન્ધા વિચારો ચ અવિતક્કવિચારમત્તસ્સ વુટ્ઠાનસ્સ વિતક્કસ્સ ચ અનન્તરપચ્ચયેન પચ્ચયો. નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં અવિતક્કવિચારમત્તાય ફલસમાપત્તિયા વિતક્કસ્સ ચ અનન્તરપચ્ચયેન પચ્ચયો. (૩)

અવિતક્કઅવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિચારો પચ્છિમાનં પચ્છિમાનં અવિતક્કવિચારમત્તાનં ખન્ધાનં વિચારસ્સ ચ અનન્તરપચ્ચયેન પચ્ચયો. અવિતક્કઅવિચારં ચુતિચિત્તં અવિતક્કવિચારમત્તસ્સ ઉપપત્તિચિત્તસ્સ વિચારસ્સ ચ અનન્તરપચ્ચયેન પચ્ચયો. અવિતક્કઅવિચારા ખન્ધા અવિતક્કવિચારમત્તસ્સ વુટ્ઠાનસ્સ વિચારસ્સ ચ અનન્તરપચ્ચયેન પચ્ચયો. નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં અવિતક્કવિચારમત્તાય ફલસમાપત્તિયા વિચારસ્સ ચ અનન્તરપચ્ચયેન પચ્ચયો. (૪)

અવિતક્કઅવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અનન્તરપચ્ચયેન પચ્ચયો – અવિતક્કઅવિચારં ચુતિચિત્તં વિચારો ચ સવિતક્કસવિચારસ્સ ઉપપત્તિચિત્તસ્સ વિતક્કસ્સ ચ અનન્તરપચ્ચયેન પચ્ચયો. અવિતક્કઅવિચારં ભવઙ્ગઞ્ચ વિચારો ચ આવજ્જનાય વિતક્કસ્સ ચ અનન્તરપચ્ચયેન પચ્ચયો. અવિતક્કઅવિચારા ખન્ધા વિચારો ચ સવિતક્કસવિચારસ્સ વુટ્ઠાનસ્સ વિતક્કસ્સ ચ અનન્તરપચ્ચયેન પચ્ચયો. નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં સવિતક્કસવિચારાય ફલસમાપત્તિયા વિતક્કસ્સ ચ અનન્તરપચ્ચયેન પચ્ચયો. (૫)

૮૨. અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ અનન્તરપચ્ચયેન પચ્ચયો – અવિતક્કવિચારમત્તં ચુતિચિત્તઞ્ચ વિચારો ચ સવિતક્કસવિચારસ્સ ઉપપત્તિચિત્તસ્સ અનન્તરપચ્ચયેન પચ્ચયો. અવિતક્કવિચારમત્તં ભવઙ્ગઞ્ચ વિચારો ચ આવજ્જનાય અનન્તરપચ્ચયેન પચ્ચયો. અવિતક્કવિચારમત્તા ખન્ધા ચ વિચારો ચ સવિતક્કસવિચારસ્સ વુટ્ઠાનસ્સ અનન્તરપચ્ચયેન પચ્ચયો. (૧)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અવિતક્કવિચારમત્તા ખન્ધા ચ વિચારો ચ પચ્છિમાનં પચ્છિમાનં અવિતક્કવિચારમત્તાનં ખન્ધાનં અનન્તરપચ્ચયેન પચ્ચયો. અવિતક્કવિચારમત્તો મગ્ગો ચ વિચારો ચ અવિતક્કવિચારમત્તસ્સ ફલસ્સ અનન્તરપચ્ચયેન પચ્ચયો. અવિતક્કવિચારમત્તં ફલઞ્ચ વિચારો ચ અવિતક્કવિચારમત્તસ્સ ફલસ્સ અનન્તરપચ્ચયેન પચ્ચયો. (૨)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કઅવિચારસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અવિતક્કવિચારમત્તા ખન્ધા ચ વિચારો ચ પચ્છિમસ્સ પચ્છિમસ્સ વિચારસ્સ અનન્તરપચ્ચયેન પચ્ચયો. અવિતક્કવિચારમત્તં ચુતિચિત્તઞ્ચ વિચારો ચ અવિતક્કઅવિચારસ્સ ઉપપત્તિચિત્તસ્સ અનન્તરપચ્ચયેન પચ્ચયો. અવિતક્કવિચારમત્તા ખન્ધા ચ વિચારો ચ અવિતક્કઅવિચારસ્સ વુટ્ઠાનસ્સ અનન્તરપચ્ચયેન પચ્ચયો. (૩)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા અવિતક્કવિચારમત્તા ખન્ધા ચ વિચારો ચ પચ્છિમાનં પચ્છિમાનં અવિતક્કવિચારમત્તાનં ખન્ધાનં વિચારસ્સ ચ અનન્તરપચ્ચયેન પચ્ચયો. અવિતક્કવિચારમત્તો મગ્ગો ચ વિચારો ચ અવિતક્કવિચારમત્તસ્સ ફલસ્સ વિચારસ્સ ચ અનન્તરપચ્ચયેન પચ્ચયો. અવિતક્કવિચારમત્તં ફલઞ્ચ વિચારો ચ અવિતક્કવિચારમત્તસ્સ ફલસ્સ ચ વિચારસ્સ ચ અનન્તરપચ્ચયેન પચ્ચયો. (૪)

અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અનન્તરપચ્ચયેન પચ્ચયો – અવિતક્કવિચારમત્તં ચુતિચિત્તઞ્ચ વિચારો ચ સવિતક્કસવિચારસ્સ ઉપપત્તિચિત્તસ્સ વિતક્કસ્સ ચ અનન્તરપચ્ચયેન પચ્ચયો. અવિતક્કવિચારમત્તં ભવઙ્ગઞ્ચ વિચારો ચ આવજ્જનાય વિતક્કસ્સ ચ અનન્તરપચ્ચયેન પચ્ચયો. અવિતક્કવિચારમત્તા ખન્ધા ચ વિચારો ચ સવિતક્કસવિચારસ્સ વુટ્ઠાનસ્સ વિતક્કસ્સ ચ અનન્તરપચ્ચયેન પચ્ચયો. (૫)

૮૩. સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કસવિચારા ખન્ધા ચ વિતક્કો ચ પચ્છિમાનં પચ્છિમાનં સવિતક્કસવિચારાનં ખન્ધાનં અનન્તરપચ્ચયેન પચ્ચયો. અનુલોમઞ્ચ વિતક્કો ચ ગોત્રભુસ્સ… અનુલોમઞ્ચ વિતક્કો ચ વોદાનસ્સ… ગોત્રભુ ચ વિતક્કો ચ સવિતક્કસવિચારસ્સ મગ્ગસ્સ… વોદાનઞ્ચ વિતક્કો ચ સવિતક્કસવિચારસ્સ મગ્ગસ્સ… સવિતક્કસવિચારો મગ્ગો ચ વિતક્કો ચ સવિતક્કસવિચારસ્સ ફલસ્સ… સવિતક્કસવિચારં ફલઞ્ચ વિતક્કો ચ સવિતક્કસવિચારસ્સ ફલસ્સ… અનુલોમઞ્ચ વિતક્કો ચ સવિતક્કસવિચારાય ફલસમાપત્તિયા અનન્તરપચ્ચયેન પચ્ચયો. (૧)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કવિચારમત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કસવિચારા ખન્ધા ચ વિતક્કો ચ પચ્છિમસ્સ પચ્છિમસ્સ વિતક્કસ્સ અનન્તરપચ્ચયેન પચ્ચયો. સવિતક્કસવિચારં ચુતિચિત્તઞ્ચ વિતક્કો ચ અવિતક્કવિચારમત્તસ્સ ઉપપત્તિચિત્તસ્સ અનન્તરપચ્ચયેન પચ્ચયો. સવિતક્કસવિચારા ખન્ધા ચ વિતક્કો ચ અવિતક્કવિચારમત્તસ્સ વુટ્ઠાનસ્સ અનન્તરપચ્ચયેન પચ્ચયો. અવિતક્કવિચારમત્તસ્સ ઝાનસ્સ પરિકમ્મઞ્ચ વિતક્કો ચ અવિતક્કવિચારમત્તસ્સ ઝાનસ્સ અનન્તરપચ્ચયેન પચ્ચયો. ગોત્રભુ ચ વિતક્કો ચ અવિતક્કવિચારમત્તસ્સ મગ્ગસ્સ… વોદાનઞ્ચ વિતક્કો ચ અવિતક્કવિચારમત્તસ્સ મગ્ગસ્સ … અનુલોમઞ્ચ વિતક્કો ચ અવિતક્કવિચારમત્તાય ફલસમાપત્તિયા અનન્તરપચ્ચયેન પચ્ચયો. (૨)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કઅવિચારસ્સ ધમ્મસ્સ અનન્તરપચ્ચયેન પચ્ચયો – સવિતક્કસવિચારં ચુતિચિત્તઞ્ચ વિતક્કો ચ અવિતક્કઅવિચારસ્સ ઉપપત્તિચિત્તસ્સ વિચારસ્સ ચ અનન્તરપચ્ચયેન પચ્ચયો. આવજ્જના ચ વિતક્કો ચ પઞ્ચન્નં વિઞ્ઞાણાનં અનન્તરપચ્ચયેન પચ્ચયો. સવિતક્કસવિચારા ખન્ધા ચ વિતક્કો ચ અવિતક્કઅવિચારસ્સ વુટ્ઠાનસ્સ ચ વિચારસ્સ ચ અનન્તરપચ્ચયેન પચ્ચયો. દુતિયસ્સ ઝાનસ્સ પરિકમ્મઞ્ચ વિતક્કો ચ દુતિયે ઝાને વિચારસ્સ અનન્તરપચ્ચયેન પચ્ચયો. તતિયસ્સ ઝાનસ્સ પરિકમ્મઞ્ચ વિતક્કો ચ…પે… ચતુત્થસ્સ ઝાનસ્સ પરિકમ્મઞ્ચ વિતક્કો ચ…પે… આકાસાનઞ્ચાયતનસ્સ પરિકમ્મઞ્ચ વિતક્કો ચ…પે… વિઞ્ઞાણઞ્ચાયતનસ્સ પરિકમ્મઞ્ચ વિતક્કો ચ…પે… આકિઞ્ચઞ્ઞાયતનસ્સ પરિકમ્મઞ્ચ વિતક્કો ચ…પે… નેવસઞ્ઞાનાસઞ્ઞાયતનસ્સ પરિકમ્મઞ્ચ વિતક્કો ચ …પે… દિબ્બસ્સ ચક્ખુસ્સ પરિકમ્મઞ્ચ વિતક્કો ચ…પે… દિબ્બાય સોતધાતુયા પરિકમ્મઞ્ચ વિતક્કો ચ…પે… ઇદ્ધિવિધઞાણસ્સ પરિકમ્મઞ્ચ વિતક્કો ચ…પે… ચેતોપરિયઞાણસ્સ પરિકમ્મઞ્ચ વિતક્કો ચ…પે… પુબ્બેનિવાસાનુસ્સતિઞાણસ્સ પરિકમ્મઞ્ચ વિતક્કો ચ…પે… યથાકમ્મૂપગઞાણસ્સ પરિકમ્મઞ્ચ વિતક્કો ચ…પે… અનાગતંસઞાણસ્સ પરિકમ્મઞ્ચ વિતક્કો ચ…પે… ગોત્રભુ ચ વિતક્કો ચ અવિતક્કઅવિચારસ્સ મગ્ગસ્સ વિચારસ્સ ચ… વોદાનઞ્ચ વિતક્કો ચ અવિતક્કઅવિચારસ્સ મગ્ગસ્સ વિચારસ્સ ચ… અનુલોમઞ્ચ વિતક્કો ચ અવિતક્કઅવિચારાય ફલસમાપત્તિયા વિચારસ્સ ચ અનન્તરપચ્ચયેન પચ્ચયો. (૩)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અનન્તરપચ્ચયેન પચ્ચયો – સવિતક્કસવિચારં ચુતિચિત્તઞ્ચ વિતક્કો ચ અવિતક્કવિચારમત્તસ્સ ઉપપત્તિચિત્તસ્સ ચ વિચારસ્સ ચ અનન્તરપચ્ચયેન પચ્ચયો. સવિતક્કસવિચારા ખન્ધા ચ વિતક્કો ચ અવિતક્કવિચારમત્તસ્સ વુટ્ઠાનસ્સ ચ વિચારસ્સ ચ અનન્તરપચ્ચયેન પચ્ચયો. અવિતક્કવિચારમત્તસ્સ ઝાનસ્સ પરિકમ્મઞ્ચ વિતક્કો ચ અવિતક્કવિચારમત્તસ્સ ઝાનસ્સ ચ વિચારસ્સ ચ અનન્તરપચ્ચયેન પચ્ચયો. ગોત્રભુ ચ વિતક્કો ચ અવિતક્કવિચારમત્તસ્સ મગ્ગસ્સ ચ વિચારસ્સ ચ અનન્તરપચ્ચયેન પચ્ચયો. વોદાનઞ્ચ વિતક્કો ચ અવિતક્કવિચારમત્તસ્સ મગ્ગસ્સ ચ વિચારસ્સ ચ… અનુલોમઞ્ચ વિતક્કો ચ અવિતક્કવિચારમત્તાય ફલસમાપત્તિયા ચ વિચારસ્સ ચ અનન્તરપચ્ચયેન પચ્ચયો. (૪)

સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કસવિચારા ખન્ધા ચ વિતક્કો ચ પચ્છિમાનં પચ્છિમાનં સવિતક્કસવિચારાનં ખન્ધાનં વિતક્કસ્સ ચ અનન્તરપચ્ચયેન પચ્ચયો. અનુલોમઞ્ચ વિતક્કો ચ ગોત્રભુસ્સ ચ વિતક્કસ્સ ચ… અનુલોમઞ્ચ વિતક્કો ચ વોદાનસ્સ ચ વિતક્કસ્સ ચ… ગોત્રભુ ચ વિતક્કો ચ સવિતક્કસવિચારસ્સ ચ મગ્ગસ્સ ચ વિતક્કસ્સ ચ… વોદાનઞ્ચ વિતક્કો ચ સવિતક્કસવિચારસ્સ મગ્ગસ્સ ચ વિતક્કસ્સ ચ અનન્તરપચ્ચયેન પચ્ચયો. સવિતક્કસવિચારો મગ્ગો ચ વિતક્કો ચ સવિતક્કસવિચારસ્સ ફલસ્સ ચ વિતક્કસ્સ ચ … સવિતક્કસવિચારં ફલઞ્ચ વિતક્કો ચ સવિતક્કસવિચારસ્સ ફલસ્સ ચ વિતક્કસ્સ ચ… અનુલોમઞ્ચ વિતક્કો ચ સવિતક્કસવિચારાય ફલસમાપત્તિયા ચ વિતક્કસ્સ ચ અનન્તરપચ્ચયેન પચ્ચયો. (૫)

સમનન્તરપચ્ચયો

૮૪. સવિતક્કસવિચારો ધમ્મો સવિતક્કસવિચારસ્સ ધમ્મસ્સ સમનન્તરપચ્ચયેન પચ્ચયો (અનન્તરપચ્ચયોપિ સમનન્તરપચ્ચયોપિ સદિસો).

સહજાતપચ્ચયો

૮૫. સવિતક્કસવિચારો ધમ્મો સવિતક્કસવિચારસ્સ ધમ્મસ્સ સહજાતપચ્ચયેન પચ્ચયો – સવિતક્કસવિચારો એકો ખન્ધો તિણ્ણન્નં ખન્ધાનં સહજાતપચ્ચયેન પચ્ચયો. તયો ખન્ધા એકસ્સ ખન્ધસ્સ સહજાતપચ્ચયેન પચ્ચયો. દ્વે ખન્ધા દ્વિન્નં ખન્ધાનં સહજાતપચ્ચયેન પચ્ચયો. પટિસન્ધિક્ખણે સવિતક્કસવિચારો એકો ખન્ધો તિણ્ણન્નં ખન્ધાનં…પે… દ્વે ખન્ધા દ્વિન્નં ખન્ધાનં…પે…. (૧)

સવિતક્કસવિચારો ધમ્મો અવિતક્કવિચારમત્તસ્સ ધમ્મસ્સ સહજાતપચ્ચયેન પચ્ચયો – સવિતક્કસવિચારા ખન્ધા વિતક્કસ્સ સહજાતપચ્ચયેન પચ્ચયો. પટિસન્ધિક્ખણે…પે…. (૨)

સવિતક્કસવિચારો ધમ્મો અવિતક્કઅવિચારસ્સ ધમ્મસ્સ સહજાતપચ્ચયેન પચ્ચયો – સવિતક્કસવિચારા ખન્ધા ચિત્તસમુટ્ઠાનાનં રૂપાનં સહજાતપચ્ચયેન પચ્ચયો. પટિસન્ધિક્ખણે…પે… કટત્તારૂપાનં…પે…. (૩)

સવિતક્કસવિચારો ધમ્મો સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – સવિતક્કસવિચારો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. પટિસન્ધિક્ખણે…પે…. (૪)

સવિતક્કસવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – સવિતક્કસવિચારા ખન્ધા વિતક્કસ્સ ચ ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. પટિસન્ધિક્ખણે…પે…. (૫)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ સહજાતપચ્ચયેન પચ્ચયો – સવિતક્કસવિચારો એકો ખન્ધો તિણ્ણન્નં ખન્ધાનં વિતક્કસ્સ ચ સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વિતક્કસ્સ ચ સહજાતપચ્ચયેન પચ્ચયો. પટિસન્ધિક્ખણે…પે…. (૬)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – સવિતક્કસવિચારો એકો ખન્ધો તિણ્ણન્નં ખન્ધાનં વિતક્કસ્સ ચ ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વિતક્કસ્સ ચ ચિત્તસમુટ્ઠાનાનઞ્ચ રૂપાનં…પે… પટિસન્ધિક્ખણે…પે…. (૭)

૮૬. અવિતક્કવિચારમત્તો ધમ્મો અવિતક્કવિચારમત્તસ્સ ધમ્મસ્સ સહજાતપચ્ચયેન પચ્ચયો – અવિતક્કવિચારમત્તો એકો ખન્ધો તિણ્ણન્નં ખન્ધાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં…પે… પટિસન્ધિક્ખણે…પે…. (૧)

અવિતક્કવિચારમત્તો ધમ્મો સવિતક્કસવિચારસ્સ ધમ્મસ્સ સહજાતપચ્ચયેન પચ્ચયો – વિતક્કો સવિતક્કસવિચારાનં ખન્ધાનં સહજાતપચ્ચયેન પચ્ચયો. પટિસન્ધિક્ખણે…પે…. (૨)

અવિતક્કવિચારમત્તો ધમ્મો અવિતક્કઅવિચારસ્સ ધમ્મસ્સ સહજાતપચ્ચયેન પચ્ચયો – અવિતક્કવિચારમત્તા ખન્ધા વિચારસ્સ ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો, વિતક્કો ચિત્તસમુટ્ઠાનાનં રૂપાનં સહજાતપચ્ચયેન પચ્ચયો. પટિસન્ધિક્ખણે…પે…. (૩)

અવિતક્કવિચારમત્તો ધમ્મો સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – વિતક્કો સવિતક્કસવિચારાનં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. પટિસન્ધિક્ખણે…પે…. (૪)

અવિતક્કવિચારમત્તો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – અવિતક્કવિચારમત્તો એકો ખન્ધો તિણ્ણન્નં ખન્ધાનં વિચારસ્સ ચ ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વિચારસ્સ ચ ચિત્તસમુટ્ઠાનાનઞ્ચ રૂપાનં…પે… પટિસન્ધિક્ખણે…પે…. (૫)

૮૭. અવિતક્કઅવિચારો ધમ્મો અવિતક્કઅવિચારસ્સ ધમ્મસ્સ સહજાતપચ્ચયેન પચ્ચયો – અવિતક્કઅવિચારો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. વિચારો ચિત્તસમુટ્ઠાનાનં રૂપાનં…પે… પટિસન્ધિક્ખણે અવિતક્કઅવિચારો એકો ખન્ધો તિણ્ણન્નં ખન્ધાનં કટત્તા ચ રૂપાનં…પે… દ્વે ખન્ધા દ્વિન્નં ખન્ધાનં કટત્તા ચ રૂપાનં…પે… વિચારો કટત્તારૂપાનં…પે… ખન્ધા વત્થુસ્સ…પે… વત્થુ ખન્ધાનં…પે… વિચારો વત્થુસ્સ…પે… વત્થુ વિચારસ્સ…પે… એકં મહાભૂતં તિણ્ણન્નં મહાભૂતાનં…પે… મહાભૂતા ચિત્તસમુટ્ઠાનાનં રૂપાનં કટત્તારૂપાનં ઉપાદારૂપાનં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે… મહાભૂતા કટત્તારૂપાનં ઉપાદારૂપાનં સહજાતપચ્ચયેન પચ્ચયો. (૧)

અવિતક્કઅવિચારો ધમ્મો સવિતક્કસવિચારસ્સ ધમ્મસ્સ સહજાતપચ્ચયેન પચ્ચયો – પટિસન્ધિક્ખણે વત્થુ સવિતક્કસવિચારાનં ખન્ધાનં સહજાતપચ્ચયેન પચ્ચયો. (૨)

અવિતક્કઅવિચારો ધમ્મો અવિતક્કવિચારમત્તસ્સ ધમ્મસ્સ સહજાતપચ્ચયેન પચ્ચયો – વિચારો અવિતક્કવિચારમત્તાનં ખન્ધાનં સહજાતપચ્ચયેન પચ્ચયો. પટિસન્ધિક્ખણે વિચારો અવિતક્કવિચારમત્તાનં ખન્ધાનં સહજાતપચ્ચયેન પચ્ચયો. પટિસન્ધિક્ખણે વત્થુ અવિતક્કવિચારમત્તાનં ખન્ધાનં સહજાતપચ્ચયેન પચ્ચયો. પટિસન્ધિક્ખણે વત્થુ વિતક્કસ્સ સહજાતપચ્ચયેન પચ્ચયો. (૩)

અવિતક્કઅવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – વિચારો અવિતક્કવિચારમત્તાનં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. પટિસન્ધિક્ખણે વિચારો અવિતક્કવિચારમત્તાનં ખન્ધાનં કટત્તા ચ રૂપાનં…પે… પટિસન્ધિક્ખણે વત્થુ અવિતક્કવિચારમત્તાનં ખન્ધાનં વિચારસ્સ ચ સહજાતપચ્ચયેન પચ્ચયો. (૪)

અવિતક્કઅવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ સહજાતપચ્ચયેન પચ્ચયો – પટિસન્ધિક્ખણે વત્થુ સવિતક્કસવિચારાનં ખન્ધાનં વિતક્કસ્સ ચ સહજાતપચ્ચયેન પચ્ચયો. (૫)

૮૮. સવિતક્કસવિચારો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ સહજાતપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો ચ વત્થુ ચ તિણ્ણન્નં ખન્ધાનં સહજાતપચ્ચયેન પચ્ચયો…પે… દ્વે ખન્ધા ચ વત્થુ ચ દ્વિન્નં ખન્ધાનં સહજાતપચ્ચયેન પચ્ચયો. (૧)

સવિતક્કસવિચારો ચ અવિતક્કઅવિચારો ચ ધમ્મા અવિતક્કવિચારમત્તસ્સ ધમ્મસ્સ સહજાતપચ્ચયેન પચ્ચયો – પટિસન્ધિક્ખણે સવિતક્કસવિચારા ખન્ધા ચ વત્થુ ચ વિતક્કસ્સ સહજાતપચ્ચયેન પચ્ચયો. (૨)

સવિતક્કસવિચારો ચ અવિતક્કઅવિચારો ચ ધમ્મા અવિતક્કઅવિચારસ્સ ધમ્મસ્સ સહજાતપચ્ચયેન પચ્ચયો – સવિતક્કસવિચારા ખન્ધા ચ મહાભૂતા ચ ચિત્તસમુટ્ઠાનાનં રૂપાનં સહજાતપચ્ચયેન પચ્ચયો. પટિસન્ધિક્ખણે સવિતક્કસવિચારા ખન્ધા ચ મહાભૂતા ચ કટત્તારૂપાનં સહજાતપચ્ચયેન પચ્ચયો. (૩)

સવિતક્કસવિચારો ચ અવિતક્કઅવિચારો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ સહજાતપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો ચ વત્થુ ચ તિણ્ણન્નં ખન્ધાનં વિતક્કસ્સ ચ…પે… દ્વે ખન્ધા ચ વત્થુ ચ દ્વિન્નં ખન્ધાનં વિતક્કસ્સ ચ સહજાતપચ્ચયેન પચ્ચયો. (૪)

૮૯. અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ સહજાતપચ્ચયેન પચ્ચયો – પટિસન્ધિક્ખણે વિતક્કો ચ વત્થુ ચ સવિતક્કસવિચારાનં ખન્ધાનં સહજાતપચ્ચયેન પચ્ચયો. (૧)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ ધમ્મસ્સ સહજાતપચ્ચયેન પચ્ચયો – અવિતક્કવિચારમત્તો એકો ખન્ધો ચ વિચારો ચ તિણ્ણન્નં ખન્ધાનં…પે… દ્વે ખન્ધા ચ વિચારો ચ દ્વિન્નં ખન્ધાનં સહજાતપચ્ચયેન પચ્ચયો. પટિસન્ધિક્ખણે અવિતક્કવિચારમત્તો એકો ખન્ધો ચ વિચારો ચ તિણ્ણન્નં ખન્ધાનં…પે… દ્વે ખન્ધા ચ વિચારો ચ દ્વિન્નં ખન્ધાનં…પે… પટિસન્ધિક્ખણે અવિતક્કવિચારમત્તો એકો ખન્ધો ચ વત્થુ ચ તિણ્ણન્નં ખન્ધાનં સહજાતપચ્ચયેન પચ્ચયો. (૨)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કઅવિચારસ્સ ધમ્મસ્સ સહજાતપચ્ચયેન પચ્ચયો – અવિતક્કવિચારમત્તા ખન્ધા ચ વિચારો ચ ચિત્તસમુટ્ઠાનાનં રૂપાનં સહજાતપચ્ચયેન પચ્ચયો. અવિતક્કવિચારમત્તા ખન્ધા ચ મહાભૂતા ચ ચિત્તસમુટ્ઠાનાનં રૂપાનં…પે… વિતક્કો ચ મહાભૂતા ચ ચિત્તસમુટ્ઠાનાનં રૂપાનં…પે… પટિસન્ધિક્ખણે અવિતક્કવિચારમત્તા ખન્ધા ચ વિચારો ચ કટત્તારૂપાનં…પે… પટિસન્ધિક્ખણે અવિતક્કવિચારમત્તા ખન્ધા ચ મહાભૂતા ચ કટત્તારૂપાનં…પે… પટિસન્ધિક્ખણે વિતક્કો ચ મહાભૂતા ચ કટત્તારૂપાનં…પે… પટિસન્ધિક્ખણે અવિતક્કવિચારમત્તા ખન્ધા ચ વત્થુ ચ વિચારસ્સ સહજાતપચ્ચયેન પચ્ચયો. (૩)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – અવિતક્કવિચારમત્તો એકો ખન્ધો ચ વિચારો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. તયો ખન્ધા ચ વિચારો ચ એકસ્સ ખન્ધસ્સ ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. દ્વે ખન્ધા ચ વિચારો ચ દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. પટિસન્ધિક્ખણે અવિતક્કવિચારમત્તો એકો ખન્ધો ચ વિચારો ચ તિણ્ણન્નં ખન્ધાનં કટત્તા ચ રૂપાનં સહજાતપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે અવિતક્કવિચારમત્તો એકો ખન્ધો ચ વત્થુ ચ તિણ્ણન્નં ખન્ધાનં વિચારસ્સ ચ સહજાતપચ્ચયેન પચ્ચયો…પે… દ્વે ખન્ધા ચ વત્થુ ચ દ્વિન્નં ખન્ધાનં વિચારસ્સ ચ સહજાતપચ્ચયેન પચ્ચયો. (૪)

૯૦. સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ધમ્મસ્સ સહજાતપચ્ચયેન પચ્ચયો – સવિતક્કસવિચારો એકો ખન્ધો ચ વિતક્કો ચ તિણ્ણન્નં ખન્ધાનં સહજાતપચ્ચયેન પચ્ચયો…પે… દ્વે ખન્ધા ચ વિતક્કો ચ દ્વિન્નં ખન્ધાનં સહજાતપચ્ચયેન પચ્ચયો. પટિસન્ધિક્ખણે…પે…. (૧)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કઅવિચારસ્સ ધમ્મસ્સ સહજાતપચ્ચયેન પચ્ચયો – સવિતક્કસવિચારા ખન્ધા ચ વિતક્કો ચ ચિત્તસમુટ્ઠાનાનં રૂપાનં સહજાતપચ્ચયેન પચ્ચયો. પટિસન્ધિક્ખણે…પે…. (૨)

સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ સહજાતપચ્ચયેન પચ્ચયો – સવિતક્કસવિચારો એકો ખન્ધો ચ વિતક્કો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો…પે… દ્વે ખન્ધા ચ વિતક્કો ચ દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. પટિસન્ધિક્ખણે…પે…. (૩)

૯૧. સવિતક્કસવિચારો ચ અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ સહજાતપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો ચ વિતક્કો ચ વત્થુ ચ તિણ્ણન્નં ખન્ધાનં સહજાતપચ્ચયેન પચ્ચયો…પે… દ્વે ખન્ધા ચ વિતક્કો ચ વત્થુ ચ દ્વિન્નં ખન્ધાનં સહજાતપચ્ચયેન પચ્ચયો. (૧)

સવિતક્કસવિચારો ચ અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કઅવિચારસ્સ ધમ્મસ્સ સહજાતપચ્ચયેન પચ્ચયો – સવિતક્કસવિચારા ખન્ધા ચ વિતક્કો ચ મહાભૂતા ચ ચિત્તસમુટ્ઠાનાનં રૂપાનં સહજાતપચ્ચયેન પચ્ચયો. પટિસન્ધિક્ખણે સવિતક્કસવિચારા ખન્ધા ચ વિતક્કો ચ મહાભૂતા ચ કટત્તારૂપાનં સહજાતપચ્ચયેન પચ્ચયો. (૨)

અઞ્ઞમઞ્ઞપચ્ચયો

૯૨. સવિતક્કસવિચારો ધમ્મો સવિતક્કસવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – સવિતક્કસવિચારો એકો ખન્ધો તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… પટિસન્ધિક્ખણે સવિતક્કસવિચારો એકો ખન્ધો તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. (૧)

સવિતક્કસવિચારો ધમ્મો અવિતક્કવિચારમત્તસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – સવિતક્કસવિચારા ખન્ધા વિતક્કસ્સ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે…પે…. (૨)

સવિતક્કસવિચારો ધમ્મો અવિતક્કઅવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારા ખન્ધા વત્થુસ્સ અઞ્ઞમઞ્ઞપચ્ચયેન પચ્ચયો. (૩)

સવિતક્કસવિચારો ધમ્મો સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો તિણ્ણન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો. (૪)

સવિતક્કસવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારા ખન્ધા વિતક્કસ્સ ચ વત્થુસ્સ ચ અઞ્ઞમઞ્ઞપચ્ચયેન પચ્ચયો. (૫)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – સવિતક્કસવિચારો એકો ખન્ધો તિણ્ણન્નં ખન્ધાનં વિતક્કસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વિતક્કસ્સ ચ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે…પે…. (૬)

સવિતક્કસવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો તિણ્ણન્નં ખન્ધાનં વિતક્કસ્સ ચ વત્થુસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વિતક્કસ્સ ચ વત્થુસ્સ ચ અઞ્ઞમઞ્ઞપચ્ચયેન પચ્ચયો. (૭)

૯૩. અવિતક્કવિચારમત્તો ધમ્મો અવિતક્કવિચારમત્તસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – અવિતક્કવિચારમત્તો એકો ખન્ધો તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે…પે…. (૧)

અવિતક્કવિચારમત્તો ધમ્મો સવિતક્કસવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – વિતક્કો સવિતક્કસવિચારાનં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે…પે…. (૨)

અવિતક્કવિચારમત્તો ધમ્મો અવિતક્કઅવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – અવિતક્કવિચારમત્તા ખન્ધા વિચારસ્સ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે અવિતક્કવિચારમત્તા ખન્ધા વિચારસ્સ ચ વત્થુસ્સ ચ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે વિતક્કો વત્થુસ્સ અઞ્ઞમઞ્ઞપચ્ચયેન પચ્ચયો. (૩)

અવિતક્કવિચારમત્તો ધમ્મો સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે વિતક્કો સવિતક્કસવિચારાનં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો. (૪)

અવિતક્કવિચારમત્તો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – અવિતક્કવિચારમત્તો એકો ખન્ધો તિણ્ણન્નં ખન્ધાનં વિચારસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વિચારસ્સ ચ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે અવિતક્કવિચારમત્તો એકો ખન્ધો તિણ્ણન્નં ખન્ધાનં વિચારસ્સ ચ વત્થુસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વિચારસ્સ ચ વત્થુસ્સ ચ અઞ્ઞમઞ્ઞપચ્ચયેન પચ્ચયો. (૫)

૯૪. અવિતક્કઅવિચારો ધમ્મો અવિતક્કઅવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – અવિતક્કઅવિચારો એકો ખન્ધો તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે અવિતક્કઅવિચારો એકો ખન્ધો તિણ્ણન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો. ખન્ધા વત્થુસ્સ…પે… વત્થુ ખન્ધાનં…પે… વિચારો વત્થુસ્સ…પે… વત્થુ વિચારસ્સ…પે… એકં મહાભૂતં તિણ્ણન્નં મહાભૂતાનં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

અવિતક્કઅવિચારો ધમ્મો સવિતક્કસવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે વત્થુ સવિતક્કસવિચારાનં ખન્ધાનં અઞ્ઞમઞ્ઞપચ્ચયેન પચ્ચયો. (૨)

અવિતક્કઅવિચારો ધમ્મો અવિતક્કવિચારમત્તસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – વિચારો અવિતક્કવિચારમત્તાનં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે વિચારો અવિતક્કવિચારમત્તાનં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે વત્થુ અવિતક્કવિચારમત્તાનં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે વત્થુ વિતક્કસ્સ અઞ્ઞમઞ્ઞપચ્ચયેન પચ્ચયો. (૩)

અવિતક્કઅવિચારો ધમ્મો અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે વિચારો અવિતક્કવિચારમત્તાનં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે વત્થુ અવિતક્કવિચારમત્તાનં ખન્ધાનં વિચારસ્સ ચ અઞ્ઞમઞ્ઞપચ્ચયેન પચ્ચયો. (૪)

અવિતક્કઅવિચારો ધમ્મો સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે વત્થુ સવિતક્કસવિચારાનં ખન્ધાનં વિતક્કસ્સ ચ અઞ્ઞમઞ્ઞપચ્ચયેન પચ્ચયો. (૫)

૯૫. સવિતક્કસવિચારો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો ચ વત્થુ ચ તિણ્ણન્નં ખન્ધાનં…પે… દ્વે ખન્ધા ચ વત્થુ ચ દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. (૧)

સવિતક્કસવિચારો ચ અવિતક્કઅવિચારો ચ ધમ્મા અવિતક્કવિચારમત્તસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારા ખન્ધા ચ વત્થુ ચ વિતક્કસ્સ અઞ્ઞમઞ્ઞપચ્ચયેન પચ્ચયો. (૨)

સવિતક્કસવિચારો ચ અવિતક્કઅવિચારો ચ ધમ્મા સવિતક્કસવિચારસ્સ ચ અવિતક્કવિચારમત્તસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો ચ વત્થુ ચ તિણ્ણન્નં ખન્ધાનં વિતક્કસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા ચ વત્થુ ચ દ્વિન્નં ખન્ધાનં વિતક્કસ્સ ચ અઞ્ઞમઞ્ઞપચ્ચયેન પચ્ચયો. (૩)

૯૬. અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે વિતક્કો ચ વત્થુ ચ સવિતક્કસવિચારાનં ખન્ધાનં અઞ્ઞમઞ્ઞપચ્ચયેન પચ્ચયો. (૧)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – અવિતક્કવિચારમત્તો એકો ખન્ધો ચ વિચારો ચ તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… દ્વે ખન્ધા ચ વિચારો ચ દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે અવિતક્કવિચારમત્તો એકો ખન્ધો ચ વિચારો ચ વત્થુ ચ તિણ્ણન્નં ખન્ધાનં…પે… દ્વે ખન્ધા ચ વિચારો ચ વત્થુ ચ દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. (૨)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કઅવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે અવિતક્કવિચારમત્તા ખન્ધા ચ વિચારો ચ વત્થુસ્સ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે અવિતક્કવિચારમત્તા ખન્ધા ચ વત્થુ ચ વિચારસ્સ અઞ્ઞમઞ્ઞપચ્ચયેન પચ્ચયો. (૩)

અવિતક્કવિચારમત્તો ચ અવિતક્કઅવિચારો ચ ધમ્મા અવિતક્કવિચારમત્તસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે અવિતક્કવિચારમત્તો એકો ખન્ધો ચ વિચારો ચ તિણ્ણન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા ચ વિચારો ચ દ્વિન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો. પટિસન્ધિક્ખણે અવિતક્કવિચારમત્તો એકો ખન્ધો ચ વત્થુ ચ તિણ્ણન્નં ખન્ધાનં વિચારસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા ચ વત્થુ ચ દ્વિન્નં ખન્ધાનં વિચારસ્સ ચ અઞ્ઞમઞ્ઞપચ્ચયેન પચ્ચયો. (૪)

૯૭. સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – સવિતક્કસવિચારો એકો ખન્ધો ચ વિતક્કો ચ તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… દ્વે ખન્ધા ચ વિતક્કો ચ દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. પટિસન્ધિક્ખણે…પે…. (૧)

સવિતક્કસવિચારો ચ અવિતક્કવિચારમત્તો ચ ધમ્મા અવિતક્કઅવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારા ખન્ધા ચ વિતક્કો ચ વત્થુસ્સ અઞ્ઞમઞ્ઞપચ્ચયેન પચ્ચયો. (૨)

સવિતક્કસવિચારો ચ અવિતક્કવિચારમત્તો ચ ધમ્મા સવિતક્કસવિચારસ્સ ચ અવિતક્કઅવિચારસ્સ ચ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો ચ વિતક્કો ચ તિણ્ણન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો…પે… દ્વે ખન્ધા ચ વિતક્કો ચ દ્વિન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો. (૩)

સવિતક્કસવિચારો ચ અવિતક્કવિચારમત્તો ચ અવિતક્કઅવિચારો ચ ધમ્મા સવિતક્કસવિચારસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – પટિસન્ધિક્ખણે સવિતક્કસવિચારો એકો ખન્ધો ચ વિતક્કો ચ વત્થુ ચ તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… દ્વે ખન્ધા ચ વિતક્કો ચ વત્થુ ચ દ્વિન્નં ખન્ધાનં અઞ્ઞમઞ્ઞપચ્ચયેન પચ્ચયો. (૧)

નિસ્સયપચ્ચયો

૯૮. સવિતક્કસવિચારો ધમ્મો સવિતક્કસવિચારસ્સ ધમ્મસ્સ નિસ્સયપચ્ચયેન પચ્ચયો – સવિતક્કસવિચારો એકો ખન્ધો તિણ્ણન્નં ખન્ધાનં (સંખિત્તં) સત્ત.

અવિતક્કવિચારમત્તો ધમ્મો અવિતક્કવિચારમત્તસ્સ ધમ્મસ્સ નિસ્સયપચ્ચયેન પચ્ચયો (સંખિત્તં) પઞ્ચ.