૧. પચ્ચયાનુલોમં

હેતુપચ્ચયો

૫૯. સવિતક્કસવિચારં ધમ્મં સંસટ્ઠો સવિતક્કસવિચારો ધમ્મો ઉપ્પજ્જતિ હેતુપચ્ચયા – સવિતક્કસવિચારં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

સવિતક્કસવિચારં ધમ્મં સંસટ્ઠો અવિતક્કવિચારમત્તો ધમ્મો…પે… સવિતક્કસવિચારે ખન્ધે સંસટ્ઠો વિતક્કો. પટિસન્ધિક્ખણે…પે…. (૨)

સવિતક્કસવિચારં ધમ્મં સંસટ્ઠો સવિતક્કસવિચારો ચ અવિતક્કવિચારમત્તો ચ ધમ્મા…પે… સવિતક્કસવિચારં એકં ખન્ધં સંસટ્ઠા તયો ખન્ધા વિતક્કો ચ…પે… દ્વે ખન્ધે…પે… પટિસન્ધિક્ખણે…પે…. (૩)

૬૦. અવિતક્કવિચારમત્તં ધમ્મં સંસટ્ઠો અવિતક્કવિચારમત્તો ધમ્મો ઉપ્પજ્જતિ હેતુપચ્ચયા – અવિતક્કવિચારમત્તં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

અવિતક્કવિચારમત્તં ધમ્મં સંસટ્ઠો સવિતક્કસવિચારો ધમ્મો…પે… વિતક્કં સંસટ્ઠા સવિતક્કસવિચારા ખન્ધા. પટિસન્ધિક્ખણે…પે…. (૨)

અવિતક્કવિચારમત્તં ધમ્મં સંસટ્ઠો અવિતક્કઅવિચારો ધમ્મો…પે… અવિતક્કવિચારમત્તે ખન્ધે સંસટ્ઠો વિચારો. પટિસન્ધિક્ખણે અવિતક્કવિચારમત્તે ખન્ધે સંસટ્ઠો વિચારો. (૩)

અવિતક્કવિચારમત્તં ધમ્મં સંસટ્ઠો અવિતક્કવિચારમત્તો ચ અવિતક્કઅવિચારો ચ ધમ્મા …પે… અવિતક્કવિચારમત્તં એકં ખન્ધં સંસટ્ઠા તયો ખન્ધા વિચારો ચ…પે… દ્વે ખન્ધે…પે… પટિસન્ધિક્ખણે…પે…. (૪)

૬૧. અવિતક્કઅવિચારં ધમ્મં સંસટ્ઠો અવિતક્કઅવિચારો ધમ્મો ઉપ્પજ્જતિ હેતુપચ્ચયા – અવિતક્કઅવિચારં એકં ખન્ધં સંસટ્ઠા તયો ખન્ધા…પે… દ્વે ખન્ધે સંસટ્ઠા…પે… પટિસન્ધિક્ખણે…પે…. (૧)

અવિતક્કઅવિચારં ધમ્મં સંસટ્ઠો અવિતક્કવિચારમત્તો ધમ્મો…પે… વિચારં સંસટ્ઠા અવિતક્કવિચારમત્તા ખન્ધા. પટિસન્ધિક્ખણે વિચારં સંસટ્ઠા…પે…. (૨)

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં સંસટ્ઠો અવિતક્કવિચારમત્તો ધમ્મો…પે… અવિતક્કવિચારમત્તં એકં ખન્ધઞ્ચ વિચારઞ્ચ સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

સવિતક્કસવિચારઞ્ચ અવિતક્કવિચારમત્તઞ્ચ ધમ્મં સંસટ્ઠો સવિતક્કસવિચારો ધમ્મો ઉપ્પજ્જતિ હેતુપચ્ચયા – સવિતક્કસવિચારં એકં ખન્ધઞ્ચ વિતક્કઞ્ચ સંસટ્ઠા તયો ખન્ધા…પે… દ્વે ખન્ધે ચ વિતક્કઞ્ચ…પે… પટિસન્ધિક્ખણે…પે…. (૧)

(હેતુપચ્ચયં અનુમજ્જન્તેન સબ્બે પચ્ચયા વિત્થારેતબ્બા).

સુદ્ધં

૬૨. હેતુયા એકાદસ, આરમ્મણે અધિપતિયા અનન્તરે સમનન્તરે સહજાતે અઞ્ઞમઞ્ઞે નિસ્સયે ઉપનિસ્સયે પુરેજાતે આસેવને કમ્મે વિપાકે આહારે ઇન્દ્રિયે ઝાને મગ્ગે સમ્પયુત્તે વિપ્પયુત્તે અત્થિયા નત્થિયા વિગતે અવિગતે સબ્બત્થ એકાદસ.

અનુલોમં.