૧. વિભઙ્ગવારો

હેતુપચ્ચયો

૧. અજ્ઝત્તં ધમ્મં પટિચ્ચ અજ્ઝત્તો ધમ્મો ઉપ્પજ્જતિ હેતુપચ્ચયા – અજ્ઝત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે અજ્ઝત્તં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા. એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

બહિદ્ધા ધમ્મં પટિચ્ચ બહિદ્ધા ધમ્મો ઉપ્પજ્જતિ હેતુપચ્ચયા – બહિદ્ધા એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે બહિદ્ધા એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે પટિચ્ચ દ્વે ખન્ધા…પે… ખન્ધે પટિચ્ચ વત્થુ, વત્થું પટિચ્ચ ખન્ધા. એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

આરમ્મણપચ્ચયો

૨. અજ્ઝત્તં ધમ્મં પટિચ્ચ અજ્ઝત્તો ધમ્મો ઉપ્પજ્જતિ આરમ્મણપચ્ચયા – અજ્ઝત્તં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ…પે… પટિસન્ધિક્ખણે અજ્ઝત્તં એકં ખન્ધં પટિચ્ચ તયો ખન્ધા…પે… વત્થું પટિચ્ચ ખન્ધા. (૧)

બહિદ્ધા ધમ્મં પટિચ્ચ બહિદ્ધા ધમ્મો ઉપ્પજ્જતિ આરમ્મણપચ્ચયા – બહિદ્ધા એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

અધિપતિપચ્ચયો

૩. અજ્ઝત્તં ધમ્મં પટિચ્ચ અજ્ઝત્તો ધમ્મો ઉપ્પજ્જતિ અધિપતિપચ્ચયા – અજ્ઝત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

બહિદ્ધા ધમ્મં પટિચ્ચ બહિદ્ધા ધમ્મો ઉપ્પજ્જતિ અધિપતિપચ્ચયા – બહિદ્ધા એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

અનન્તરપચ્ચયાદિ

૪. અજ્ઝત્તં ધમ્મં પટિચ્ચ અજ્ઝત્તો ધમ્મો ઉપ્પજ્જતિ અનન્તરપચ્ચયા, સમનન્તરપચ્ચયા, સહજાતપચ્ચયા – અજ્ઝત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે અજ્ઝત્તં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા. એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ…પે… મહાભૂતે પટિચ્ચ કટત્તારૂપં ઉપાદારૂપં. (૧)

બહિદ્ધા ધમ્મં પટિચ્ચ બહિદ્ધા ધમ્મો ઉપ્પજ્જતિ સહજાતપચ્ચયા – બહિદ્ધા એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે બહિદ્ધા એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા. એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ…પે… મહાભૂતે પટિચ્ચ કટત્તારૂપં ઉપાદારૂપં. (૧)

અઞ્ઞમઞ્ઞપચ્ચયાદિ

૫. અજ્ઝત્તં ધમ્મં પટિચ્ચ અજ્ઝત્તો ધમ્મો ઉપ્પજ્જતિ અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… આસેવનપચ્ચયા (પુરેજાતેપિ આસેવનેપિ પટિસન્ધિ નત્થિ)… કમ્મપચ્ચયા… વિપાકપચ્ચયા… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.