૧. વિભઙ્ગવારો

હેતુપચ્ચયો

૨૭. અજ્ઝત્તો ધમ્મો અજ્ઝત્તસ્સ ધમ્મસ્સ હેતુપચ્ચયેન પચ્ચયો – અજ્ઝત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે…પે…. (૧)

બહિદ્ધા ધમ્મો બહિદ્ધા ધમ્મસ્સ હેતુપચ્ચયેન પચ્ચયો – બહિદ્ધા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે…પે…. (૧)

આરમ્મણપચ્ચયો

૨૮. અજ્ઝત્તો ધમ્મો અજ્ઝત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ…પે… ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. અજ્ઝત્તં ચક્ખું…પે… કાયં… રૂપે…પે… ફોટ્ઠબ્બે… વત્થું… અજ્ઝત્તે ખન્ધે અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતુધાતુયા સદ્દં સુણાતિ, આકાસાનઞ્ચાયતનં વિઞ્ઞાણઞ્ચાયતનસ્સ આરમ્મણપચ્ચયેન પચ્ચયો. આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. રૂપાયતનં…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. અજ્ઝત્તા ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અજ્ઝત્તો ધમ્મો બહિદ્ધા ધમ્મસ્સ આરમ્મણપચ્ચયેન પચ્ચયો – પરો અજ્ઝત્તં ચક્ખું…પે… વત્થું… અજ્ઝત્તે ખન્ધે અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન અજ્ઝત્તચિત્તસમઙ્ગિસ્સ ચિત્તં જાનાતિ. અજ્ઝત્તં રૂપાયતનં બહિદ્ધા ચક્ખુવિઞ્ઞાણસ્સ…પે… અજ્ઝત્તં ફોટ્ઠબ્બાયતનં બહિદ્ધા કાયવિઞ્ઞાણસ્સ આરમ્મણપચ્ચયેન પચ્ચયો. અજ્ઝત્તા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

૨૯. બહિદ્ધા ધમ્મો બહિદ્ધા ધમ્મસ્સ આરમ્મણપચ્ચયેન પચ્ચયો – પરો દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ… નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો. અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે…પે… પરો બહિદ્ધા ચક્ખું…પે… વત્થું… બહિદ્ધા ખન્ધે અનિચ્ચતો…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન બહિદ્ધા ચિત્તસમઙ્ગિસ્સ…પે… આકાસાનઞ્ચાયતનં વિઞ્ઞાણઞ્ચાયતનસ્સ આરમ્મણપચ્ચયેન પચ્ચયો. આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. બહિદ્ધા રૂપાયતનં બહિદ્ધા ચક્ખુવિઞ્ઞાણસ્સ…પે… બહિદ્ધા ફોટ્ઠબ્બાયતનં બહિદ્ધા કાયવિઞ્ઞાણસ્સ…પે… બહિદ્ધા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

બહિદ્ધા ધમ્મો અજ્ઝત્તસ્સ ધમ્મસ્સ આરમ્મણપચ્ચયેન પચ્ચયો – અરિયા નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો. બહિદ્ધા ચક્ખું…પે… વત્થું… બહિદ્ધા ખન્ધે અનિચ્ચતો…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન બહિદ્ધા ચિત્તસમઙ્ગિસ્સ ચિત્તં જાનાતિ. બહિદ્ધા રૂપાયતનં અજ્ઝત્તં ચક્ખુવિઞ્ઞાણસ્સ…પે… બહિદ્ધા ફોટ્ઠબ્બાયતનં અજ્ઝત્તં કાયવિઞ્ઞાણસ્સ…પે… બહિદ્ધા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

અધિપતિપચ્ચયો

૩૦. અજ્ઝત્તો ધમ્મો અજ્ઝત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં સમાદિયિત્વા ઉપોસથકમ્મં કત્વા, તં ગરું કત્વા પચ્ચવેક્ખતિ, પુબ્બે સુચિણ્ણાનિ ગરું કત્વા…પે… ઝાના વુટ્ઠહિત્વા ઝાનં ગરું કત્વા…પે… અરિયા મગ્ગા વુટ્ઠહિત્વા મગ્ગં ગરું કત્વા…પે… ફલં ગરું કત્વા પચ્ચવેક્ખન્તિ. અજ્ઝત્તં ચક્ખું…પે… વત્થું… અજ્ઝત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અજ્ઝત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અજ્ઝત્તો ધમ્મો બહિદ્ધા ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – પરો અજ્ઝત્તં ચક્ખું…પે… વત્થું… અજ્ઝત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૨)

૩૧. બહિદ્ધા ધમ્મો બહિદ્ધા ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – પરો દાનં દત્વા સીલં સમાદિયિત્વા ઉપોસથકમ્મં કત્વા, તં ગરું કત્વા પચ્ચવેક્ખતિ, પુબ્બે સુચિણ્ણાનિ ગરું કત્વા…પે… ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં ગરું કત્વા…પે… ફલં ગરું કત્વા…પે… નિબ્બાનં ગરું કત્વા પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો. બહિદ્ધા ચક્ખું…પે… વત્થું… બહિદ્ધા ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – બહિદ્ધાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

બહિદ્ધા ધમ્મો અજ્ઝત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા નિબ્બાનં ગરું કત્વા પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, અધિપતિપચ્ચયેન પચ્ચયો. બહિદ્ધા ચક્ખું…પે… વત્થું… બહિદ્ધા ખન્ધે ગરું કત્વા અસ્સાદેતિ, અભિનન્દતિ, તં ગરું કત્વા રાગો…પે… દિટ્ઠિ ઉપ્પજ્જતિ. (૨)

અનન્તરપચ્ચયો

૩૨. અજ્ઝત્તો ધમ્મો અજ્ઝત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અજ્ઝત્તા ખન્ધા પચ્છિમાનં પચ્છિમાનં અજ્ઝત્તાનં ખન્ધાનં અનન્તરપચ્ચયેન પચ્ચયો. અનુલોમં ગોત્રભુસ્સ, અનુલોમં વોદાનસ્સ, ગોત્રભુ મગ્ગસ્સ, વોદાનં મગ્ગસ્સ, મગ્ગો ફલસ્સ, ફલં ફલસ્સ, અનુલોમં ફલસમાપત્તિયા, નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

બહિદ્ધા ધમ્મો બહિદ્ધા ધમ્મસ્સ અનન્તરપચ્ચયેન પચ્ચયો (પુરિમા પુરિમા બહિદ્ધાતિ નાનાકરણં, તંયેવ ગમનં). (૧)

સમનન્તરપચ્ચયાદિ

૩૩. અજ્ઝત્તો ધમ્મો અજ્ઝત્તસ્સ ધમ્મસ્સ સમનન્તરપચ્ચયેન પચ્ચયો…પે… (અનન્તરસદિસં)… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો.

ઉપનિસ્સયપચ્ચયો

૩૪. અજ્ઝત્તો ધમ્મો અજ્ઝત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અજ્ઝત્તં સદ્ધં ઉપનિસ્સાય દાનં દેતિ, સીલં સમાદિયતિ, ઉપોસથકમ્મં…પે… ઝાનં…પે… વિપસ્સનં…પે… મગ્ગં…પે… અભિઞ્ઞં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. અજ્ઝત્તં સીલં…પે… પઞ્ઞં… રાગં…પે… પત્થનં… કાયિકં સુખં… કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ. અજ્ઝત્તા સદ્ધા…પે… પઞ્ઞા, રાગો…પે… પત્થના, કાયિકં સુખં… કાયિકં દુક્ખં… સેનાસનં અજ્ઝત્તાય સદ્ધાય…પે… પઞ્ઞાય, રાગસ્સ…પે… પત્થનાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૧)

અજ્ઝત્તો ધમ્મો બહિદ્ધા ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – પરો અજ્ઝત્તં સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ. પરો અજ્ઝત્તં સીલં…પે… સેનાસનં ઉપનિસ્સાય દાનં દેતિ, પાણં હનતિ…પે… સઙ્ઘં ભિન્દતિ. અજ્ઝત્તા સદ્ધા…પે… સેનાસનં બહિદ્ધા સદ્ધાય…પે… મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૨)

૩૫. બહિદ્ધા ધમ્મો બહિદ્ધા ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પરો બહિદ્ધા સદ્ધં…પે… પત્થનં, કાયિકં સુખં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ બહિદ્ધા સદ્ધા…પે… સેનાસનં બહિદ્ધા સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

બહિદ્ધા ધમ્મો અજ્ઝત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – બહિદ્ધા સદ્ધં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ. બહિદ્ધા સદ્ધા…પે… સેનાસનં અજ્ઝત્તાય સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૨)

પુરેજાતપચ્ચયો

૩૬. અજ્ઝત્તો ધમ્મો અજ્ઝત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – અજ્ઝત્તં ચક્ખું…પે… વત્થું અનિચ્ચતો દુક્ખતો અનત્તતો વિપસ્સતિ…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ અજ્ઝત્તાનં ખન્ધાનં પુરેજાતપચ્ચયેન પચ્ચયો. (૧)

અજ્ઝત્તો ધમ્મો બહિદ્ધા ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – પરો અજ્ઝત્તં ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. અજ્ઝત્તં રૂપાયતનં બહિદ્ધા ચક્ખુવિઞ્ઞાણસ્સ…પે… અજ્ઝત્તં ફોટ્ઠબ્બાયતનં બહિદ્ધા કાયવિઞ્ઞાણસ્સ પુરેજાતપચ્ચયેન પચ્ચયો. (૨)

૩૭. બહિદ્ધા ધમ્મો બહિદ્ધા ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – પરો બહિદ્ધા ચક્ખું…પે… વત્થું અનિચ્ચતો…પે… દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. બહિદ્ધા રૂપાયતનં બહિદ્ધા ચક્ખુવિઞ્ઞાણસ્સ…પે… બહિદ્ધા ફોટ્ઠબ્બાયતનં બહિદ્ધા કાયવિઞ્ઞાણસ્સ…પે…. વત્થુપુરેજાતં – બહિદ્ધા ચક્ખાયતનં…પે… કાયાયતનં…પે… વત્થુ બહિદ્ધા ખન્ધાનં પુરેજાતપચ્ચયેન પચ્ચયો. (૧)

બહિદ્ધા ધમ્મો અજ્ઝત્તસ્સ ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – બહિદ્ધા ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. બહિદ્ધા રૂપાયતનં અજ્ઝત્તસ્સ ચક્ખુવિઞ્ઞાણસ્સ…પે… બહિદ્ધા ફોટ્ઠબ્બાયતનં અજ્ઝત્તસ્સ કાયવિઞ્ઞાણસ્સ પુરેજાતપચ્ચયેન પચ્ચયો. (૨)

૩૮. અજ્ઝત્તો ચ બહિદ્ધા ચ ધમ્મા અજ્ઝત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. બહિદ્ધા રૂપાયતનઞ્ચ અજ્ઝત્તં ચક્ખાયતનઞ્ચ અજ્ઝત્તસ્સ ચક્ખુવિઞ્ઞાણસ્સ પુરેજાતપચ્ચયેન પચ્ચયો…પે… બહિદ્ધા ફોટ્ઠબ્બાયતનઞ્ચ અજ્ઝત્તં કાયાયતનઞ્ચ અજ્ઝત્તસ્સ કાયવિઞ્ઞાણસ્સ…પે… બહિદ્ધા રૂપાયતનઞ્ચ અજ્ઝત્તં વત્થુ ચ…પે… બહિદ્ધા ફોટ્ઠબ્બાયતનઞ્ચ અજ્ઝત્તં વત્થુ ચ અજ્ઝત્તાનં ખન્ધાનં પુરેજાતપચ્ચયેન પચ્ચયો. (૧)

અજ્ઝત્તો ચ બહિદ્ધા ચ ધમ્મા બહિદ્ધા ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. અજ્ઝત્તં રૂપાયતનઞ્ચ બહિદ્ધા ચક્ખાયતનઞ્ચ બહિદ્ધા ચક્ખુવિઞ્ઞાણસ્સ પુરેજાતપચ્ચયેન પચ્ચયો…પે… અજ્ઝત્તં ફોટ્ઠબ્બાયતનઞ્ચ બહિદ્ધા કાયાયતનઞ્ચ બહિદ્ધા કાયવિઞ્ઞાણસ્સ પુરેજાતપચ્ચયેન પચ્ચયો. અજ્ઝત્તં રૂપાયતનઞ્ચ બહિદ્ધા વત્થુ ચ…પે… અજ્ઝત્તં ફોટ્ઠબ્બાયતનઞ્ચ બહિદ્ધા વત્થુ ચ બહિદ્ધા ખન્ધાનં પુરેજાતપચ્ચયેન પચ્ચયો. (૨)

પચ્છાજાતપચ્ચયો

૩૯. અજ્ઝત્તો ધમ્મો અજ્ઝત્તસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અજ્ઝત્તા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

બહિદ્ધા ધમ્મો બહિદ્ધા ધમ્મસ્સ પચ્છાજાતપચ્ચયેન પચ્ચયો – પચ્છાજાતા બહિદ્ધા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૪૦. અજ્ઝત્તો ધમ્મો અજ્ઝત્તસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અજ્ઝત્તા ખન્ધા પચ્છિમાનં પચ્છિમાનં અજ્ઝત્તાનં ખન્ધાનં આસેવનપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

બહિદ્ધા ધમ્મો બહિદ્ધા ધમ્મસ્સ આસેવનપચ્ચયેન પચ્ચયો – પુરિમા પુરિમા…પે… (અજ્ઝત્તસદિસંયેવ).

કમ્મપચ્ચયો

૪૧. અજ્ઝત્તો ધમ્મો અજ્ઝત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અજ્ઝત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. નાનાક્ખણિકા – અજ્ઝત્તા ચેતના વિપાકાનં અજ્ઝત્તાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

બહિદ્ધા ધમ્મો બહિદ્ધા ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – બહિદ્ધા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. નાનાક્ખણિકા – બહિદ્ધા ચેતના વિપાકાનં બહિદ્ધા ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

વિપાકપચ્ચયો

૪૨. અજ્ઝત્તો ધમ્મો અજ્ઝત્તસ્સ ધમ્મસ્સ વિપાકપચ્ચયેન પચ્ચયો…પે… (પરિપુણ્ણં, પટિચ્ચવારસદિસં).

આહારપચ્ચયો

૪૩. અજ્ઝત્તો ધમ્મો અજ્ઝત્તસ્સ ધમ્મસ્સ આહારપચ્ચયેન પચ્ચયો – અજ્ઝત્તા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. પટિસન્ધિક્ખણે…પે… અજ્ઝત્તો કબળીકારો આહારો અજ્ઝત્તસ્સ કાયસ્સ આહારપચ્ચયેન પચ્ચયો. (૧)

અજ્ઝત્તો ધમ્મો બહિદ્ધા ધમ્મસ્સ આહારપચ્ચયેન પચ્ચયો – અજ્ઝત્તો કબળીકારો આહારો બહિદ્ધા કાયસ્સ આહારપચ્ચયેન પચ્ચયો. (૨)

બહિદ્ધા ધમ્મો બહિદ્ધા ધમ્મસ્સ આહારપચ્ચયેન પચ્ચયો (પવત્તિપટિસન્ધિ) બહિદ્ધા કબળીકારો આહારો બહિદ્ધા કાયસ્સ આહારપચ્ચયેન પચ્ચયો. (૧)

બહિદ્ધા ધમ્મો અજ્ઝત્તસ્સ ધમ્મસ્સ આહારપચ્ચયેન પચ્ચયો – બહિદ્ધા કબળીકારો આહારો અજ્ઝત્તસ્સ કાયસ્સ આહારપચ્ચયેન પચ્ચયો. (૨)

૪૪. અજ્ઝત્તો ધમ્મો ચ બહિદ્ધા ધમ્મો ચ અજ્ઝત્તસ્સ ધમ્મસ્સ આહારપચ્ચયેન પચ્ચયો – અજ્ઝત્તો કબળીકારો આહારો ચ બહિદ્ધા કબળીકારો આહારો ચ અજ્ઝત્તસ્સ કાયસ્સ આહારપચ્ચયેન પચ્ચયો. (૧)

અજ્ઝત્તો ધમ્મો ચ બહિદ્ધા ધમ્મો ચ બહિદ્ધા ધમ્મસ્સ આહારપચ્ચયેન પચ્ચયો – અજ્ઝત્તો કબળીકારો આહારો ચ બહિદ્ધા કબળીકારો આહારો ચ બહિદ્ધા કાયસ્સ આહારપચ્ચયેન પચ્ચયો. (૨)

ઇન્દ્રિયપચ્ચયાદિ

૪૫. અજ્ઝત્તો ધમ્મો અજ્ઝત્તસ્સ ધમ્મસ્સ ઇન્દ્રિયપચ્ચયેન પચ્ચયો, અજ્ઝત્તિકા ઇન્દ્રિયા (રૂપજીવિતિન્દ્રિયમ્પિ વિત્થારેતબ્બં)… ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (માતિકાપદાનિ અનુમજ્જન્તેન વિત્થારેતબ્બાનિ).

બહિદ્ધા ધમ્મો બહિદ્ધા ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં).

અત્થિપચ્ચયો

૪૬. અજ્ઝત્તો ધમ્મો અજ્ઝત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – અજ્ઝત્તો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં…પે… દ્વે ખન્ધે…પે… પટિસન્ધિક્ખણે…પે… ખન્ધા વત્થુસ્સ …પે… વત્થુ ખન્ધાનં…પે… એકં મહાભૂતં…પે… અસઞ્ઞસત્તાનં એકં મહાભૂતં તિણ્ણન્નં મહાભૂતાનં…પે…. પુરેજાતં – ચક્ખું…પે… વત્થું (પુરેજાતસદિસં), વત્થુ અજ્ઝત્તાનં ખન્ધાનં અત્થિપચ્ચયેન પચ્ચયો. પચ્છાજાતા – અજ્ઝત્તા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. અજ્ઝત્તો કબળીકારો આહારો અજ્ઝત્તસ્સ કાયસ્સ…પે… રૂપજીવિતિન્દ્રિયં કટત્તારૂપાનં…પે…. (૧)

અજ્ઝત્તો ધમ્મો બહિદ્ધા ધમ્મસ્સ અત્થિપચ્ચયેન પચ્ચયો – પુરેજાતં, આહારં. પુરેજાતં – પરો અજ્ઝત્તં ચક્ખું…પે… વત્થું અનિચ્ચતો…પે… વિપસ્સતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, અજ્ઝત્તં રૂપાયતનં…પે… ફોટ્ઠબ્બાયતનં બહિદ્ધા કાયવિઞ્ઞાણસ્સ અત્થિપચ્ચયેન પચ્ચયો. અજ્ઝત્તો કબળીકારો આહારો બહિદ્ધા કાયસ્સ અત્થિપચ્ચયેન પચ્ચયો. (૨)

૪૭. બહિદ્ધા ધમ્મો બહિદ્ધા ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (બહિદ્ધા નિન્નાનાકરણં, માતિકાપદાનિ વિત્થારેતબ્બાનિ). (૧)

બહિદ્ધા ધમ્મો અજ્ઝત્તસ્સ ધમ્મસ્સ અત્થિપચ્ચયેન પચ્ચયો – પુરેજાતં, આહારં. પુરેજાતં – બહિદ્ધા ચક્ખું…પે… વત્થું…પે… દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, બહિદ્ધા રૂપાયતનં…પે… ફોટ્ઠબ્બાયતનં અજ્ઝત્તસ્સ કાયવિઞ્ઞાણસ્સ અત્થિપચ્ચયેન પચ્ચયો. બહિદ્ધા કબળીકારો આહારો અજ્ઝત્તસ્સ કાયસ્સ અત્થિપચ્ચયેન પચ્ચયો. (૨)

૪૮. અજ્ઝત્તો ધમ્મો ચ બહિદ્ધા ધમ્મો ચ અજ્ઝત્તસ્સ ધમ્મસ્સ અત્થિપચ્ચયેન પચ્ચયો – પુરેજાતં, આહારં. પુરેજાતં – બહિદ્ધા રૂપાયતનઞ્ચ અજ્ઝત્તં ચક્ખુ ચ અજ્ઝત્તસ્સ ચક્ખુવિઞ્ઞાણસ્સ…પે… બહિદ્ધા ફોટ્ઠબ્બાયતનઞ્ચ અજ્ઝત્તં કાયાયતનઞ્ચ અજ્ઝત્તસ્સ કાયવિઞ્ઞાણસ્સ અત્થિપચ્ચયેન પચ્ચયો. બહિદ્ધા રૂપાયતનઞ્ચ અજ્ઝત્તં વત્થુ ચ…પે… બહિદ્ધા ફોટ્ઠબ્બાયતનઞ્ચ અજ્ઝત્તં વત્થુ ચ અજ્ઝત્તાનં ખન્ધાનં અત્થિપચ્ચયેન પચ્ચયો. આહારં – અજ્ઝત્તો કબળીકારો આહારો ચ બહિદ્ધા કબળીકારો આહારો ચ અજ્ઝત્તસ્સ કાયસ્સ અત્થિપચ્ચયેન પચ્ચયો. (૧)

અજ્ઝત્તો ધમ્મો ચ બહિદ્ધા ધમ્મો ચ બહિદ્ધા ધમ્મસ્સ અત્થિપચ્ચયેન પચ્ચયો – પુરેજાતં, આહારં. પુરેજાતં – અજ્ઝત્તં રૂપાયતનઞ્ચ બહિદ્ધા ચક્ખાયતનઞ્ચ બહિદ્ધા ચક્ખુવિઞ્ઞાણસ્સ અત્થિપચ્ચયેન પચ્ચયો…પે… અજ્ઝત્તં ફોટ્ઠબ્બાયતનઞ્ચ બહિદ્ધા કાયાયતનઞ્ચ બહિદ્ધા કાયવિઞ્ઞાણસ્સ અત્થિપચ્ચયેન પચ્ચયો. અજ્ઝત્તં રૂપાયતનઞ્ચ બહિદ્ધા વત્થુ ચ બહિદ્ધા ખન્ધાનં અત્થિપચ્ચયેન પચ્ચયો…પે… અજ્ઝત્તં ફોટ્ઠબ્બાયતનઞ્ચ બહિદ્ધા વત્થુ ચ બહિદ્ધા ખન્ધાનં અત્થિપચ્ચયેન પચ્ચયો. આહારં – અજ્ઝત્તો કબળીકારો આહારો ચ બહિદ્ધા કબળીકારો આહારો ચ બહિદ્ધા કાયસ્સ અત્થિપચ્ચયેન પચ્ચયો. (૨)

નત્થિવિગતાવિગતપચ્ચયા

૪૯. અજ્ઝત્તો ધમ્મો અજ્ઝત્તસ્સ ધમ્મસ્સ નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.