૧. વિભઙ્ગવારો

નહેતુપચ્ચયો

૨૨. અજ્ઝત્તં ધમ્મં પચ્ચયા અજ્ઝત્તો ધમ્મો ઉપ્પજ્જતિ નહેતુપચ્ચયા – અહેતુકં અજ્ઝત્તં એકં ખન્ધં પચ્ચયા તયો ખન્ધા…પે… અહેતુકપટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા. એકં મહાભૂતં…પે… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… ચક્ખાયતનં…પે… કાયાયતનં…પે… વત્થું પચ્ચયા અહેતુકા અજ્ઝત્તા ખન્ધા. વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

બહિદ્ધા ધમ્મં પચ્ચયા બહિદ્ધા ધમ્મો ઉપ્પજ્જતિ નહેતુપચ્ચયા (પવત્તિપટિસન્ધિપિ મહાભૂતાપિ કાતબ્બા) – ચક્ખાયતનં…પે… કાયાયતનં…પે… વત્થું પચ્ચયા અહેતુકા બહિદ્ધા ખન્ધા. વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયાદિ

૨૩. નઆરમ્મણપચ્ચયા… નઅધિપતિપચ્ચયા (સહજાતસદિસં)… નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા… નપુરેજાતપચ્ચયા (પટિચ્ચવારસદિસં)… નપચ્છાજાતપચ્ચયા… નઆસેવનપચ્ચયા… નકમ્મપચ્ચયા…પે… નવિપ્પયુત્તપચ્ચયા (પટિચ્ચવારપચ્ચનીયે વિપ્પયુત્તસદિસં)… નોનત્થિપચ્ચયા… નોવિગતપચ્ચયા….