૧. વિભઙ્ગવારો

નહેતુપચ્ચયો

૬. અતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ નહેતુપચ્ચયા – અહેતુકં અતીતારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે …પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

૭. અનાગતારમ્મણં ધમ્મં પટિચ્ચ અનાગતારમ્મણો ધમ્મો ઉપ્પજ્જતિ નહેતુપચ્ચયા – અહેતુકં અનાગતારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

૮. પચ્ચુપ્પન્નારમ્મણં ધમ્મં પટિચ્ચ પચ્ચુપ્પન્નારમ્મણો ધમ્મો ઉપ્પજ્જતિ નહેતુપચ્ચયા – અહેતુકં પચ્ચુપ્પન્નારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

નઅધિપતિપચ્ચયો

૯. અતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ નઅધિપતિપચ્ચયા (અનુલોમસહજાતસદિસં).

નપુરેજાતપચ્ચયો

૧૦. અતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ નપુરેજાતપચ્ચયા – અરૂપે અતીતારમ્મણં એકં ખન્ધં પટિચ્ચ…પે… દ્વે ખન્ધે…પે… પટિસન્ધિક્ખણે…પે…. (૧)

અનાગતારમ્મણં ધમ્મં પટિચ્ચ અનાગતારમ્મણો ધમ્મો ઉપ્પજ્જતિ નપુરેજાતપચ્ચયા – અરૂપે અનાગતારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

પચ્ચુપ્પન્નારમ્મણં ધમ્મં પટિચ્ચ પચ્ચુપ્પન્નારમ્મણો ધમ્મો ઉપ્પજ્જતિ નપુરેજાતપચ્ચયા – પટિસન્ધિક્ખણે પચ્ચુપ્પન્નારમ્મણં એકં ખન્ધં પટિચ્ચ…પે… દ્વે ખન્ધે…પે…. (૧)

નપચ્છાજાતપચ્ચયાદિ

૧૧. અતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા (નઅધિપતિસદિસા)… નકમ્મપચ્ચયા – અતીતારમ્મણે ખન્ધે પટિચ્ચ અતીતારમ્મણા ચેતના. (૧)

અનાગતારમ્મણં ધમ્મં પટિચ્ચ અનાગતારમ્મણો ધમ્મો ઉપ્પજ્જતિ નકમ્મપચ્ચયા – અનાગતારમ્મણે ખન્ધે પટિચ્ચ અનાગતારમ્મણા ચેતના. (૧)

પચ્ચુપ્પન્નારમ્મણં ધમ્મં પટિચ્ચ પચ્ચુપ્પન્નારમ્મણો ધમ્મો ઉપ્પજ્જતિ નકમ્મપચ્ચયા – પચ્ચુપ્પન્નારમ્મણે ખન્ધે પટિચ્ચ પચ્ચુપ્પન્નારમ્મણા ચેતના. (૧)

નવિપાકપચ્ચયો

૧૨. અતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ નવિપાકપચ્ચયા…પે… (નવિપાકે પટિસન્ધિ નત્થિ).

નઝાનપચ્ચયો

૧૩. પચ્ચુપ્પન્નારમ્મણં ધમ્મં પટિચ્ચ પચ્ચુપ્પન્નારમ્મણો ધમ્મો ઉપ્પજ્જતિ નઝાનપચ્ચયા – પઞ્ચવિઞ્ઞાણસહગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

નમગ્ગપચ્ચયો

૧૪. અતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ નમગ્ગપચ્ચયા – અહેતુકં અતીતારમ્મણં એકં ખન્ધં પટિચ્ચ તયો ખન્ધા…પે… (નહેતુસદિસા તિસ્સો પઞ્હા, મોહો નત્થિ ).

નવિપ્પયુત્તપચ્ચયો

૧૫. અતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અતીતારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

અનાગતારમ્મણં ધમ્મં પટિચ્ચ અનાગતારમ્મણો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અનાગતારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)