૧. વિભઙ્ગવારો

હેતુપચ્ચયો

૧૯. અતીતારમ્મણો ધમ્મો અતીતારમ્મણસ્સ ધમ્મસ્સ હેતુપચ્ચયેન પચ્ચયો – અતીતારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. પટિસન્ધિક્ખણે અતીતારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

અનાગતારમ્મણો ધમ્મો અનાગતારમ્મણસ્સ ધમ્મસ્સ હેતુપચ્ચયેન પચ્ચયો – અનાગતારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

પચ્ચુપ્પન્નારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ હેતુપચ્ચયેન પચ્ચયો – પચ્ચુપ્પન્નારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. પટિસન્ધિક્ખણે પચ્ચુપ્પન્નારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

આરમ્મણપચ્ચયો

૨૦. અતીતારમ્મણો ધમ્મો અતીતારમ્મણસ્સ ધમ્મસ્સ આરમ્મણપચ્ચયેન પચ્ચયો – અતીતં વિઞ્ઞાણઞ્ચાયતનં પચ્ચવેક્ખતિ, નેવસઞ્ઞાનાસઞ્ઞાયતનં પચ્ચવેક્ખતિ. અતીતારમ્મણં અતીતં ઇદ્ધિવિધઞાણં પચ્ચવેક્ખતિ, ચેતોપરિયઞાણં… પુબ્બેનિવાસાનુસ્સતિઞાણં… યથાકમ્મૂપગઞાણં પચ્ચવેક્ખતિ. અરિયા અતીતારમ્મણે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. અતીતારમ્મણે અતીતે ખન્ધે અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ; તં આરબ્ભ અતીતારમ્મણો રાગો ઉપ્પજ્જતિ, દિટ્ઠિ…પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ. અતીતારમ્મણા અતીતા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અતીતારમ્મણો ધમ્મો અનાગતારમ્મણસ્સ ધમ્મસ્સ આરમ્મણપચ્ચયેન પચ્ચયો – અનાગતં વિઞ્ઞાણઞ્ચાયતનં પચ્ચવેક્ખતિ, નેવસઞ્ઞાનાસઞ્ઞાયતનં પચ્ચવેક્ખતિ. અતીતારમ્મણં અનાગતં ઇદ્ધિવિધઞાણં પચ્ચવેક્ખતિ, ચેતોપરિયઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં પચ્ચવેક્ખતિ. અતીતારમ્મણે અનાગતે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ; તં આરબ્ભ અનાગતારમ્મણો રાગો ઉપ્પજ્જતિ…પે… દોમનસ્સં ઉપ્પજ્જતિ. અતીતારમ્મણા અનાગતા ખન્ધા ચેતોપરિયઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

અતીતારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ આરમ્મણપચ્ચયેન પચ્ચયો – ચેતોપરિયઞાણેન અતીતારમ્મણપચ્ચુપ્પન્નચિત્તસમઙ્ગિસ્સ ચિત્તં જાનાતિ. અતીતારમ્મણા પચ્ચુપ્પન્ના ખન્ધા ચેતોપરિયઞાણસ્સ, આવજ્જનાય આરમ્મણપચ્ચયેન પચ્ચયો. (૩)

૨૧. અનાગતારમ્મણો ધમ્મો અનાગતારમ્મણસ્સ ધમ્મસ્સ આરમ્મણપચ્ચયેન પચ્ચયો – અનાગતારમ્મણં અનાગતં ઇદ્ધિવિધઞાણં પચ્ચવેક્ખતિ, ચેતોપરિયઞાણં…પે… અનાગતંસઞાણં…પે… અનાગતારમ્મણે અનાગતે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ; તં આરબ્ભ અનાગતારમ્મણો રાગો ઉપ્પજ્જતિ…પે… દોમનસ્સં ઉપ્પજ્જતિ. અનાગતારમ્મણા અનાગતા ખન્ધા ચેતોપરિયઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અનાગતારમ્મણો ધમ્મો અતીતારમ્મણસ્સ ધમ્મસ્સ આરમ્મણપચ્ચયેન પચ્ચયો – અનાગતારમ્મણં અતીતં ઇદ્ધિવિધઞાણં પચ્ચવેક્ખતિ, ચેતોપરિયઞાણં… અનાગતંસઞાણં…પે… અરિયા અનાગતારમ્મણે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ. પુબ્બે સમુદાચિણ્ણે કિલેસે જાનન્તિ. અનાગતારમ્મણે અતીતે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ; તં આરબ્ભ અતીતારમ્મણો રાગો ઉપ્પજ્જતિ…પે… દોમનસ્સં ઉપ્પજ્જતિ. અનાગતારમ્મણા અતીતા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, આવજ્જનાય આરમ્મણપચ્ચયેન પચ્ચયો. (૨)

અનાગતારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ આરમ્મણપચ્ચયેન પચ્ચયો – ચેતોપરિયઞાણેન અનાગતારમ્મણપચ્ચુપ્પન્નચિત્તસમઙ્ગિસ્સ ચિત્તં જાનાતિ. અનાગતારમ્મણા પચ્ચુપ્પન્ના ખન્ધા ચેતોપરિયઞાણસ્સ, આવજ્જનાય આરમ્મણપચ્ચયેન પચ્ચયો. (૩)

૨૨. પચ્ચુપ્પન્નારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ આરમ્મણપચ્ચયેન પચ્ચયો – ચેતોપરિયઞાણેન પચ્ચુપ્પન્નારમ્મણપચ્ચુપ્પન્નચિત્તસમઙ્ગિસ્સ ચિત્તં જાનાતિ. પચ્ચુપ્પન્નારમ્મણા પચ્ચુપ્પન્ના ખન્ધા ચેતોપરિયઞાણસ્સ, આવજ્જનાય આરમ્મણપચ્ચયેન પચ્ચયો. (૧)

પચ્ચુપ્પન્નારમ્મણો ધમ્મો અતીતારમ્મણસ્સ ધમ્મસ્સ આરમ્મણપચ્ચયેન પચ્ચયો – અતીતં દિબ્બં ચક્ખું પચ્ચવેક્ખતિ, દિબ્બં સોતધાતું પચ્ચવેક્ખતિ, પચ્ચુપ્પન્નારમ્મણં અતીતં ઇદ્ધિવિધઞાણં પચ્ચવેક્ખતિ, ચેતોપરિયઞાણં પચ્ચવેક્ખતિ. અરિયા પચ્ચુપ્પન્નારમ્મણે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. પચ્ચુપ્પન્નારમ્મણે અતીતે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ; તં આરબ્ભ અતીતારમ્મણો રાગો ઉપ્પજ્જતિ…પે… દોમનસ્સં ઉપ્પજ્જતિ. પચ્ચુપ્પન્નારમ્મણા અતીતા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, આવજ્જનાય આરમ્મણપચ્ચયેન પચ્ચયો. (૨)

પચ્ચુપ્પન્નારમ્મણો ધમ્મો અનાગતારમ્મણસ્સ ધમ્મસ્સ આરમ્મણપચ્ચયેન પચ્ચયો – અનાગતં દિબ્બં ચક્ખું પચ્ચવેક્ખતિ, દિબ્બં સોતધાતું પચ્ચવેક્ખતિ, પચ્ચુપ્પન્નારમ્મણં અનાગતં ઇદ્ધિવિધઞાણં પચ્ચવેક્ખતિ, ચેતોપરિયઞાણં…પે… પચ્ચુપ્પન્નારમ્મણે અનાગતે ખન્ધે અનિચ્ચતો…પે… વિપસ્સતિ…પે… તં આરબ્ભ અનાગતારમ્મણો રાગો ઉપ્પજ્જતિ…પે… દોમનસ્સં ઉપ્પજ્જતિ. પચ્ચુપ્પન્નારમ્મણા અનાગતા ખન્ધા ચેતોપરિયઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૩)

અધિપતિપચ્ચયો

૨૩. અતીતારમ્મણો ધમ્મો અતીતારમ્મણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અતીતં વિઞ્ઞાણઞ્ચાયતનં ગરું કત્વા પચ્ચવેક્ખતિ, નેવસઞ્ઞાનાસઞ્ઞાયતનં ગરું કત્વા પચ્ચવેક્ખતિ. અતીતારમ્મણં અતીતં ઇદ્ધિવિધઞાણં ગરું કત્વા પચ્ચવેક્ખતિ, ચેતોપરિયઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં ગરું કત્વા પચ્ચવેક્ખતિ. અતીતારમ્મણે અતીતે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા અતીતારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અતીતારમ્મણાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

અતીતારમ્મણો ધમ્મો અનાગતારમ્મણસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અનાગતં વિઞ્ઞાણઞ્ચાયતનં ગરું કત્વા…પે… નેવસઞ્ઞાનાસઞ્ઞાયતનં …પે… અતીતારમ્મણં અનાગતં ઇદ્ધિવિધઞાણં ગરું કત્વા…પે… ચેતોપરિયઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં…પે… અતીતારમ્મણે અનાગતે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા અનાગતારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. (૨)

૨૪. અનાગતારમ્મણો ધમ્મો અનાગતારમ્મણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અનાગતારમ્મણં અનાગતં ઇદ્ધિવિધઞાણં ગરું કત્વા…પે… ચેતોપરિયઞાણં…પે… અનાગતંસઞાણં ગરું કત્વા પચ્ચવેક્ખતિ. અનાગતારમ્મણે અનાગતે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા અનાગતારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અનાગતારમ્મણાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

અનાગતારમ્મણો ધમ્મો અતીતારમ્મણસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અનાગતારમ્મણં અતીતં ઇદ્ધિવિધઞાણં ગરું કત્વા…પે… ચેતોપરિયઞાણં…પે… અનાગતંસઞાણં ગરું કત્વા…પે… અનાગતારમ્મણે અતીતે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા અતીતારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. (૨)

૨૫. પચ્ચુપ્પન્નારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – પચ્ચુપ્પન્નારમ્મણાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

પચ્ચુપ્પન્નારમ્મણો ધમ્મો અતીતારમ્મણસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અતીતં દિબ્બં ચક્ખું ગરું કત્વા પચ્ચવેક્ખતિ, દિબ્બં સોતધાતું ગરું કત્વા પચ્ચવેક્ખતિ, પચ્ચુપ્પન્નારમ્મણં અતીતં ઇદ્ધિવિધઞાણં ગરું કત્વા…પે… ચેતોપરિયઞાણં ગરું કત્વા…પે… પચ્ચુપ્પન્નારમ્મણે અતીતે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા અતીતારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. (૨)

પચ્ચુપ્પન્નારમ્મણો ધમ્મો અનાગતારમ્મણસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અનાગતં દિબ્બં ચક્ખું ગરું કત્વા પચ્ચવેક્ખતિ, દિબ્બં સોતધાતું ગરું કત્વા …પે… પચ્ચુપ્પન્નારમ્મણં અનાગતં ઇદ્ધિવિધઞાણં ગરું કત્વા…પે… ચેતોપરિયઞાણં ગરું કત્વા…પે… પચ્ચુપ્પન્નારમ્મણે અનાગતે ખન્ધે ગરું કત્વા અસ્સાદેતિ અભિનન્દતિ; તં ગરું કત્વા અનાગતારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. (૩)

અનન્તરપચ્ચયો

૨૬. અતીતારમ્મણો ધમ્મો અતીતારમ્મણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અતીતારમ્મણા ખન્ધા પચ્છિમાનં પચ્છિમાનં અતીતારમ્મણાનં ખન્ધાનં અનન્તરપચ્ચયેન પચ્ચયો. (૧)

અતીતારમ્મણો ધમ્મો અનાગતારમ્મણસ્સ ધમ્મસ્સ અનન્તરપચ્ચયેન પચ્ચયો – અતીતારમ્મણં ભવઙ્ગં અનાગતારમ્મણાય આવજ્જનાય અનન્તરપચ્ચયેન પચ્ચયો. (૨)

અતીતારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ અનન્તરપચ્ચયેન પચ્ચયો – અતીતારમ્મણં ચુતિચિત્તં પચ્ચુપ્પન્નારમ્મણસ્સ પટિસન્ધિચિત્તસ્સ અનન્તરપચ્ચયેન પચ્ચયો. અતીતારમ્મણં ભવઙ્ગં પચ્ચુપ્પન્નારમ્મણાય આવજ્જનાય અનન્તરપચ્ચયેન પચ્ચયો. (૩)

૨૭. અનાગતારમ્મણો ધમ્મો અનાગતારમ્મણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અનાગતારમ્મણા ખન્ધા પચ્છિમાનં પચ્છિમાનં અનાગતારમ્મણાનં ખન્ધાનં અનન્તરપચ્ચયેન પચ્ચયો. (૧)

અનાગતારમ્મણો ધમ્મો અતીતારમ્મણસ્સ ધમ્મસ્સ અનન્તરપચ્ચયેન પચ્ચયો – અનાગતારમ્મણં ઇદ્ધિવિધઞાણં અતીતારમ્મણસ્સ વુટ્ઠાનસ્સ…પે… ચેતોપરિયઞાણં અતીતારમ્મણસ્સ વુટ્ઠાનસ્સ…પે… અનાગતંસઞાણં અતીતારમ્મણસ્સ વુટ્ઠાનસ્સ…પે… અનાગતારમ્મણા ખન્ધા અતીતારમ્મણસ્સ વુટ્ઠાનસ્સ અનન્તરપચ્ચયેન પચ્ચયો. (૨)

૨૮. પચ્ચુપ્પન્નારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા પચ્ચુપ્પન્નારમ્મણા ખન્ધા પચ્છિમાનં પચ્છિમાનં પચ્ચુપ્પન્નારમ્મણાનં ખન્ધાનં અનન્તરપચ્ચયેન પચ્ચયો. પચ્ચુપ્પન્નારમ્મણં પટિસન્ધિચિત્તં પચ્ચુપ્પન્નારમ્મણસ્સ ભવઙ્ગસ્સ…પે… પચ્ચુપ્પન્નારમ્મણં ભવઙ્ગં પચ્ચુપ્પન્નારમ્મણસ્સ ભવઙ્ગસ્સ અનન્તરપચ્ચયેન પચ્ચયો. (૧)

પચ્ચુપ્પન્નારમ્મણો ધમ્મો અતીતારમ્મણસ્સ ધમ્મસ્સ અનન્તરપચ્ચયેન પચ્ચયો – પચ્ચુપ્પન્નારમ્મણં પટિસન્ધિચિત્તં અતીતારમ્મણસ્સ ભવઙ્ગસ્સ…પે… પચ્ચુપ્પન્નારમ્મણં ભવઙ્ગં અતીતારમ્મણસ્સ ભવઙ્ગસ્સ…પે… પચ્ચુપ્પન્નારમ્મણા ખન્ધા અતીતારમ્મણસ્સ વુટ્ઠાનસ્સ અનન્તરપચ્ચયેન પચ્ચયો. (૨)

સમનન્તરપચ્ચયો

૨૯. અતીતારમ્મણો ધમ્મો અતીતારમ્મણસ્સ ધમ્મસ્સ સમનન્તરપચ્ચયેન પચ્ચયો (અનન્તરસદિસં).

સહજાતપચ્ચયાદિ

૩૦. અતીતારમ્મણો ધમ્મો અતીતારમ્મણસ્સ ધમ્મસ્સ સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો…(તયોપિ પચ્ચયા પટિચ્ચવારસદિસા).

ઉપનિસ્સયપચ્ચયો

૩૧. અતીતારમ્મણો ધમ્મો અતીતારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અતીતારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના અતીતારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૧)

અતીતારમ્મણો ધમ્મો અનાગતારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અતીતારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના અનાગતારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૨)

અતીતારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અતીતારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના પચ્ચુપ્પન્નારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૩)

૩૨. અનાગતારમ્મણો ધમ્મો અનાગતારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અનાગતારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના અનાગતારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૧)

અનાગતારમ્મણો ધમ્મો અતીતારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અનાગતારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના અતીતારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૨)

અનાગતારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – અનાગતારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના પચ્ચુપ્પન્નારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૩)

૩૩. પચ્ચુપ્પન્નારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પચ્ચુપ્પન્નારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના પચ્ચુપ્પન્નારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૧)

પચ્ચુપ્પન્નારમ્મણો ધમ્મો અતીતારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પચ્ચુપ્પન્નારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના અતીતારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૨)

પચ્ચુપ્પન્નારમ્મણો ધમ્મો અનાગતારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – પચ્ચુપ્પન્નારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના અનાગતારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૩)

આસેવનપચ્ચયો

૩૪. અતીતારમ્મણો ધમ્મો અતીતારમ્મણસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અતીતારમ્મણા ખન્ધા પચ્છિમાનં પચ્છિમાનં અતીતારમ્મણાનં ખન્ધાનં આસેવનપચ્ચયેન પચ્ચયો. (૧)

અનાગતારમ્મણો ધમ્મો અનાગતારમ્મણસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અનાગતારમ્મણા ખન્ધા પચ્છિમાનં પચ્છિમાનં અનાગતારમ્મણાનં ખન્ધાનં આસેવનપચ્ચયેન પચ્ચયો. (૧)

પચ્ચુપ્પન્નારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા પચ્ચુપ્પન્નારમ્મણા ખન્ધા પચ્છિમાનં પચ્છિમાનં પચ્ચુપ્પન્નારમ્મણાનં ખન્ધાનં આસેવનપચ્ચયેન પચ્ચયો. (૧)

કમ્મપચ્ચયો

૩૫. અતીતારમ્મણો ધમ્મો અતીતારમ્મણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અતીતારમ્મણા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – અતીતારમ્મણા ચેતના વિપાકાનં અતીતારમ્મણાનં ખન્ધાનં કમ્મપચ્ચયેન પચ્ચયો. (૧)

અતીતારમ્મણો ધમ્મો અનાગતારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અતીતારમ્મણા ચેતના વિપાકાનં અનાગતારમ્મણાનં ખન્ધાનં કમ્મપચ્ચયેન પચ્ચયો. (૨)

અતીતારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અતીતારમ્મણા ચેતના વિપાકાનં પચ્ચુપ્પન્નારમ્મણાનં ખન્ધાનં કમ્મપચ્ચયેન પચ્ચયો. (૩)

૩૬. અનાગતારમ્મણો ધમ્મો અનાગતારમ્મણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અનાગતારમ્મણા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. નાનાક્ખણિકા – અનાગતારમ્મણા ચેતના વિપાકાનં અનાગતારમ્મણાનં ખન્ધાનં કમ્મપચ્ચયેન પચ્ચયો. (૧)

અનાગતારમ્મણો ધમ્મો અતીતારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અનાગતારમ્મણા ચેતના વિપાકાનં અતીતારમ્મણાનં ખન્ધાનં કમ્મપચ્ચયેન પચ્ચયો. (૨)

અનાગતારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અનાગતારમ્મણા ચેતના વિપાકાનં પચ્ચુપ્પન્નારમ્મણાનં ખન્ધાનં કમ્મપચ્ચયેન પચ્ચયો. (૩)

૩૭. પચ્ચુપ્પન્નારમ્મણો ધમ્મો પચ્ચુપ્પન્નારમ્મણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – પચ્ચુપ્પન્નારમ્મણા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે…પે… નાનાક્ખણિકા – પચ્ચુપ્પન્નારમ્મણા ચેતના વિપાકાનં પચ્ચુપ્પન્નારમ્મણાનં ખન્ધાનં કમ્મપચ્ચયેન પચ્ચયો. (૧)

પચ્ચુપ્પન્નારમ્મણો ધમ્મો અતીતારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – પચ્ચુપ્પન્નારમ્મણા ચેતના વિપાકાનં અતીતારમ્મણાનં ખન્ધાનં કમ્મપચ્ચયેન પચ્ચયો. (૨)

પચ્ચુપ્પન્નારમ્મણો ધમ્મો અનાગતારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – પચ્ચુપ્પન્નારમ્મણા ચેતના વિપાકાનં અનાગતારમ્મણાનં ખન્ધાનં કમ્મપચ્ચયેન પચ્ચયો. (૩)

વિપાકપચ્ચયાદિ

૩૮. અતીતારમ્મણો ધમ્મો અતીતારમ્મણસ્સ ધમ્મસ્સ વિપાકપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… અત્થિપચ્ચયેન પચ્ચયો… નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.