૧. વિભઙ્ગવારો

હેતુપચ્ચયો

૧. પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ હેતુપચ્ચયેન પચ્ચયો – પચ્ચુપ્પન્ના હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે…પે…. (૧)

આરમ્મણપચ્ચયો

૨. અતીતો ધમ્મો પચ્ચુપ્પન્નસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં…પે… પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના વુટ્ઠહિત્વા ઝાનં પચ્ચવેક્ખતિ. અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. અતીતં ચક્ખું અનિચ્ચતો દુક્ખતો અનત્તતો વિપસ્સતિ…પે… દોમનસ્સં ઉપ્પજ્જતિ. અતીતં સોતં…પે… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું… અતીતે ખન્ધે અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા… ઉદ્ધચ્ચં… દોમનસ્સં ઉપ્પજ્જતિ, આકાસાનઞ્ચાયતનં વિઞ્ઞાણઞ્ચાયતનસ્સ આરમ્મણપચ્ચયેન પચ્ચયો. આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. અતીતા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, આવજ્જનાય આરમ્મણપચ્ચયેન પચ્ચયો. (૧)

૩. અનાગતો ધમ્મો પચ્ચુપ્પન્નસ્સ ધમ્મસ્સ આરમ્મણપચ્ચયેન પચ્ચયો – અનાગતં ચક્ખું…પે… વત્થું… અનાગતે ખન્ધે અનિચ્ચતો…પે… દોમનસ્સં ઉપ્પજ્જતિ. અનાગતા ખન્ધા ઇદ્ધિવિધઞાણસ્સ, ચેતોપરિયઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ આરમ્મણપચ્ચયેન પચ્ચયો – પચ્ચુપ્પન્નં ચક્ખું…પે… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું… પચ્ચુપ્પન્ને ખન્ધે અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… પચ્ચુપ્પન્ના ખન્ધા ઇદ્ધિવિધઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અધિપતિપચ્ચયો

૪. અતીતો ધમ્મો પચ્ચુપ્પન્નસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં દત્વા સીલં સમાદિયિત્વા…પે… પુબ્બે સુચિણ્ણાનિ ગરું કત્વા પચ્ચવેક્ખતિ, ઝાના વુટ્ઠહિત્વા ઝાનં ગરું કત્વા પચ્ચવેક્ખતિ. અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ. અતીતં ચક્ખું…પે… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું… અતીતે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧) અનાગતો ધમ્મો પચ્ચુપ્પન્નસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અનાગતં ચક્ખું…પે… વત્થું… અનાગતે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – પચ્ચુપ્પન્નં ચક્ખું…પે… વત્થું… પચ્ચુપ્પન્ને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – પચ્ચુપ્પન્નાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અનન્તરપચ્ચયો

૫. અતીતો ધમ્મો પચ્ચુપ્પન્નસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અતીતા ખન્ધા પચ્છિમાનં પચ્છિમાનં પચ્ચુપ્પન્નાનં ખન્ધાનં અનન્તરપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ… મગ્ગો ફલસ્સ… ફલં ફલસ્સ… અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

સમનન્તરપચ્ચયો

૬. અતીતો ધમ્મો પચ્ચુપ્પન્નસ્સ ધમ્મસ્સ સમનન્તરપચ્ચયેન પચ્ચયો (અનન્તરસદિસં). (૧)

સહજાતપચ્ચયાદિ

૭. પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો (સંખિત્તં). (૧)

ઉપનિસ્સયપચ્ચયો

૮. અતીતો ધમ્મો પચ્ચુપ્પન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અતીતં સદ્ધં ઉપનિસ્સાય દાનં દેતિ, સીલં સમાદિયતિ, ઉપોસથકમ્મં કરોતિ, ઝાનં ઉપ્પાદેતિ, વિપસ્સનં… મગ્ગં… અભિઞ્ઞં… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. અતીતં સીલં…પે… પઞ્ઞં… રાગં…પે… પત્થનં… કાયિકં સુખં… કાયિકં દુક્ખં ઉપનિસ્સાય દાનં દેતિ સીલં સમાદિયતિ, ઉપોસથકમ્મં…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ. અતીતા સદ્ધા…પે… પઞ્ઞા, રાગો…પે… પત્થના, કાયિકં સુખં… કાયિકં દુક્ખં… પચ્ચુપ્પન્નાય સદ્ધાય…પે… પઞ્ઞાય, રાગસ્સ…પે… પત્થનાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

અનાગતો ધમ્મો પચ્ચુપ્પન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – અનાગતં ચક્ખુસમ્પદં પત્થયમાનો…પે… સોતસમ્પદં… ઘાનસમ્પદં જિવ્હાસમ્પદં… કાયસમ્પદં… વણ્ણસમ્પદં… સદ્દસમ્પદં… ગન્ધસમ્પદં… રસસમ્પદં… ફોટ્ઠબ્બસમ્પદં…પત્થયમાનો…પે… અનાગતે ખન્ધે પત્થયમાનો દાનં દેતિ, સીલં સમાદિયતિ, ઉપોસથકમ્મં… અનાગતા ચક્ખુસમ્પદા…પે… વણ્ણસમ્પદા…પે… ફોટ્ઠબ્બસમ્પદા… અનાગતા ખન્ધા પચ્ચુપ્પન્નાય સદ્ધાય…પે… પઞ્ઞાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – પચ્ચુપ્પન્નં ઉતું ઉપનિસ્સાય ઝાનં ઉપ્પાદેતિ, વિપસ્સનં…પે… પચ્ચુપ્પન્નં ભોજનં સેનાસનં ઉપનિસ્સાય ઝાનં ઉપ્પાદેતિ…પે… સમાપત્તિં ઉપ્પાદેતિ. પચ્ચુપ્પન્નં ઉતુ… ભોજનં… સેનાસનં પચ્ચુપ્પન્નાય સદ્ધાય…પે… પઞ્ઞાય કાયિકસ્સ…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

પુરેજાતપચ્ચયો

૯. પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ… વત્થુ પચ્ચુપ્પન્નાનં ખન્ધાનં પુરેજાતપચ્ચયેન પચ્ચયો. (૧)

પચ્છાજાતપચ્ચયો

૧૦. પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા પચ્ચુપ્પન્ના ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૧૧. અતીતો ધમ્મો પચ્ચુપ્પન્નસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અતીતા ખન્ધા પચ્છિમાનં પચ્છિમાનં પચ્ચુપ્પન્નાનં ખન્ધાનં આસેવનપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

કમ્મપચ્ચયો

૧૨. અતીતો ધમ્મો પચ્ચુપ્પન્નસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અતીતા ચેતના પચ્ચુપ્પન્નાનં વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ કમ્મપચ્ચયેન પચ્ચયો – પચ્ચુપ્પન્ના ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. પટિસન્ધિક્ખણે પચ્ચુપ્પન્ના ચેતના સમ્પયુત્તકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

વિપાકપચ્ચયો

૧૩. પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ વિપાકપચ્ચયેન પચ્ચયો – વિપાકો પચ્ચુપ્પનો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે… ખન્ધા વત્થુસ્સ વિપાકપચ્ચયેન પચ્ચયો. (૧)

આહારપચ્ચયાદિ

૧૪. પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ આહારપચ્ચયેન પચ્ચયો… ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – પચ્ચુપ્પન્ના ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પટિસન્ધિક્ખણે પચ્ચુપ્પન્ના ખન્ધા કટત્તારૂપાનં વિપ્પયુત્તપચ્ચયેન પચ્ચયો, ખન્ધા વત્થુસ્સ વિપ્પયુત્તપચ્ચયેન પચ્ચયો, વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ… વત્થુ પચ્ચુપ્પન્નાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – પચ્ચુપ્પન્ના ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયો

૧૫. પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ અત્થિપચ્ચયેન પચ્ચયો (ઉપ્પન્નત્તિકે અત્થિસદિસં). (૧)

નત્થિવિગતાવિગતપચ્ચયા

૧૬. અતીતો ધમ્મો પચ્ચુપ્પન્નસ્સ ધમ્મસ્સ નત્થિપચ્ચયેન પચ્ચયો… વિગતપચ્ચયેન પચ્ચયો.

પચ્ચુપ્પન્નો ધમ્મો પચ્ચુપ્પન્નસ્સ ધમ્મસ્સ અવિગતપચ્ચયેન પચ્ચયો…પે….