૧. વિભઙ્ગવારો

હેતુપચ્ચયો

૧. ઉપ્પન્નો ધમ્મો ઉપ્પન્નસ્સ ધમ્મસ્સ હેતુપચ્ચયેન પચ્ચયો – ઉપ્પન્ના હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે ઉપ્પન્ના હેતૂ સમ્પયુત્તકાનં ખન્ધાનં કટત્તા ચ રૂપાનં હેતુપચ્ચયેન પચ્ચયો. (૧)

આરમ્મણપચ્ચયો

૨. ઉપ્પન્નો ધમ્મો ઉપ્પન્નસ્સ ધમ્મસ્સ આરમ્મણપચ્ચયેન પચ્ચયો – ઉપ્પન્નં ચક્ખું અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ. ઉપ્પન્નં સોતં… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું… ઉપ્પન્ને ખન્ધે અનિચ્ચતો દુક્ખતો અનત્તતો વિપસ્સતિ…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ …પે… ફોટ્ઠબ્બાયતનં કાયવિઞ્ઞાણસ્સ…પે… ઉપ્પન્ના ખન્ધા ઇદ્ધિવિધઞાણસ્સ આવજ્જનાય આરમ્મણપચ્ચયેન પચ્ચયો. (૧)

૩. અનુપ્પન્નો ધમ્મો ઉપ્પન્નસ્સ ધમ્મસ્સ આરમ્મણપચ્ચયેન પચ્ચયો – અનુપ્પન્ને રૂપે… સદ્દે… ગન્ધે… રસે… ફોટ્ઠબ્બે… અનુપ્પન્ને ખન્ધે અનિચ્ચતો દુક્ખતો અનત્તતો વિપસ્સતિ…પે… દોમનસ્સં ઉપ્પજ્જતિ. અનુપ્પન્ના ખન્ધા ઇદ્ધિવિધઞાણસ્સ, ચેતોપરિયઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

૪. ઉપ્પાદી ધમ્મો ઉપ્પન્નસ્સ ધમ્મસ્સ આરમ્મણપચ્ચયેન પચ્ચયો – ઉપ્પાદિં ચક્ખું…પે… કાયં… રૂપે… ગન્ધે… રસે… ફોટ્ઠબ્બે… વત્થું… ઉપ્પાદી ખન્ધે અનિચ્ચતો દુક્ખતો અનત્તતો…પે… દોમનસ્સં ઉપ્પજ્જતિ. ઉપ્પાદી ખન્ધા ઇદ્ધિવિધઞાણસ્સ, ચેતોપરિયઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અધિપતિપચ્ચયો

૫. ઉપ્પન્નો ધમ્મો ઉપ્પન્નસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ઉપ્પન્નં ચક્ખું ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. ઉપ્પન્નં સોતં… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું… ઉપ્પન્ને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ…પે…. સહજાતાધિપતિ – ઉપ્પન્ના અધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અનુપ્પન્નો ધમ્મો ઉપ્પન્નસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અનુપ્પન્ને રૂપે… સદ્દે… ગન્ધે… રસે… ફોટ્ઠબ્બે… અનુપ્પન્ને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

ઉપ્પાદી ધમ્મો ઉપ્પન્નસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ઉપ્પાદિં ચક્ખું…પે… કાયં… રૂપે…પે… ફોટ્ઠબ્બે… વત્થું… ઉપ્પાદી ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

સહજાતપચ્ચયો

૬. ઉપ્પન્નો ધમ્મો ઉપ્પન્નસ્સ ધમ્મસ્સ સહજાતપચ્ચયેન પચ્ચયો – ઉપ્પન્નો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં સહજાતપચ્ચયેન પચ્ચયો. પટિસન્ધિક્ખણે ઉપ્પન્નો એકો ખન્ધો તિણ્ણન્નં ખન્ધાનં કટત્તા ચ રૂપાનં સહજાતપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં કટત્તા ચ રૂપાનં સહજાતપચ્ચયેન પચ્ચયો. ખન્ધા વત્થુસ્સ સહજાતપચ્ચયેન પચ્ચયો. વત્થુ ખન્ધાનં સહજાતપચ્ચયેન પચ્ચયો. એકં મહાભૂતં તિણ્ણન્નં મહાભૂતાનં સહજાતપચ્ચયેન પચ્ચયો…પે… દ્વે મહાભૂતા…પે… મહાભૂતા ચિત્તસમુટ્ઠાનાનં રૂપાનં કટત્તારૂપાનં ઉપાદારૂપાનં સહજાતપચ્ચયેન પચ્ચયો. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે… દ્વે મહાભૂતા…પે… મહાભૂતા કટત્તારૂપાનં ઉપાદારૂપાનં સહજાતપચ્ચયેન પચ્ચયો. (૧)

અઞ્ઞમઞ્ઞપચ્ચયો

૭. ઉપ્પન્નો ધમ્મો ઉપ્પન્નસ્સ ધમ્મસ્સ અઞ્ઞમઞ્ઞપચ્ચયેન પચ્ચયો – ઉપ્પન્નો એકો ખન્ધો તિણ્ણન્નં ખન્ધાનં અઞ્ઞમઞ્ઞપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે ઉપ્પન્નો એકો ખન્ધો તિણ્ણન્નં ખન્ધાનં વત્થુસ્સ ચ અઞ્ઞમઞ્ઞપચ્ચયેન પચ્ચયો. દ્વે ખન્ધા…પે… ખન્ધા વત્થુસ્સ અઞ્ઞમઞ્ઞપચ્ચયેન પચ્ચયો. વત્થુ ખન્ધાનં અઞ્ઞમઞ્ઞપચ્ચયેન પચ્ચયો. એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં તિણ્ણન્નં મહાભૂતાનં અઞ્ઞમઞ્ઞપચ્ચયેન પચ્ચયો…પે… દ્વે મહાભૂતા…પે…. (૧)

નિસ્સયપચ્ચયો

૮. ઉપ્પન્નો ધમ્મો ઉપ્પન્નસ્સ ધમ્મસ્સ નિસ્સયપચ્ચયેન પચ્ચયો – ઉપ્પન્નો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં નિસ્સયપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે… ખન્ધા વત્થુસ્સ…પે… વત્થુ ખન્ધાનં…પે… એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે… મહાભૂતા ચિત્તસમુટ્ઠાનાનં રૂપાનં કટત્તારૂપાનં ઉપાદારૂપાનં ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ ઉપ્પન્નાનં ખન્ધાનં નિસ્સયપચ્ચયેન પચ્ચયો. (૧)

ઉપનિસ્સયપચ્ચયો

૯. ઉપ્પન્નો ધમ્મો ઉપ્પન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે… પકતૂપનિસ્સયો – ઉપ્પન્નં ઉતું ઉપનિસ્સાય ઝાનં ઉપ્પાદેતિ, વિપસ્સનં…પે… મગ્ગં…પે… અભિઞ્ઞં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. ઉપ્પન્નં ભોજનં…પે… સેનાસનં ઉપનિસ્સાય ઝાનં ઉપ્પાદેતિ વિપસ્સનં…પે… મગ્ગં…પે… અભિઞ્ઞં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. ઉપ્પન્નં ઉતુ… ભોજનં… સેનાસનં ઉપ્પન્નાય સદ્ધાય…પે… પઞ્ઞાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

અનુપ્પન્નો ધમ્મો ઉપ્પન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – અનુપ્પન્નં વણ્ણસમ્પદં પત્થયમાનો દાનં દેતિ, સીલં સમાદિયતિ, ઉપોસથકમ્મં કરોતિ. અનુપ્પન્નં સદ્દસમ્પદં… ગન્ધસમ્પદં… રસસમ્પદં… ફોટ્ઠબ્બસમ્પદં… અનુપ્પન્ને ખન્ધે પત્થયમાનો દાનં દેતિ, સીલં સમાદિયતિ, ઉપોસથકમ્મં કરોતિ. અનુપ્પન્ના વણ્ણસમ્પદા…પે… અનુપ્પન્ના ખન્ધા ઉપ્પન્નાય સદ્ધાય…પે… પઞ્ઞાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

ઉપ્પાદી ધમ્મો ઉપ્પન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – ઉપ્પાદિં ચક્ખુસમ્પદં પત્થયમાનો દાનં દેતિ, સીલં સમાદિયતિ, ઉપોસથકમ્મં કરોતિ. ઉપ્પાદિં સોતસમ્પદં…પે… કાયસમ્પદં…પે… વણ્ણસમ્પદં … ગન્ધસમ્પદં… રસસમ્પદં… ફોટ્ઠબ્બસમ્પદં… ઉપ્પાદી ખન્ધે પત્થયમાનો દાનં દેતિ, સીલં સમાદિયતિ, ઉપોસથકમ્મં કરોતિ. ઉપ્પાદી ચક્ખુસમ્પદા…પે… કાયસમ્પદા… વણ્ણસમ્પદા…પે… ફોટ્ઠબ્બસમ્પદા… ઉપ્પાદી ખન્ધા ઉપ્પન્નાય સદ્ધાય…પે… પઞ્ઞાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

પુરેજાતપચ્ચયો

૧૦. ઉપ્પન્નો ધમ્મો ઉપ્પન્નસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… વત્થુ ઉપ્પન્નાનં ખન્ધાનં પુરેજાતપચ્ચયેન પચ્ચયો. (૧)

પચ્છાજાતપચ્ચયો

૧૧. ઉપ્પન્નો ધમ્મો ઉપ્પન્નસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ઉપ્પન્ના ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

કમ્મપચ્ચયો

૧૨. ઉપ્પન્નો ધમ્મો ઉપ્પન્નસ્સ ધમ્મસ્સ કમ્મપચ્ચયેન પચ્ચયો – ઉપ્પન્ના ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. પટિસન્ધિક્ખણે ઉપ્પન્ના ચેતના સમ્પયુત્તકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

વિપાકપચ્ચયો

૧૩. ઉપ્પન્નો ધમ્મો ઉપ્પન્નસ્સ ધમ્મસ્સ વિપાકપચ્ચયેન પચ્ચયો – વિપાકો ઉપ્પન્નો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે ઉપ્પન્નો એકો ખન્ધો તિણ્ણન્નં ખન્ધાનં કટત્તા ચ રૂપાનં…પે… દ્વે ખન્ધા…પે… ખન્ધા વત્થુસ્સ વિપાકપચ્ચયેન પચ્ચયો. (૧)

આહારપચ્ચયો

૧૪. ઉપ્પન્નો ધમ્મો ઉપ્પન્નસ્સ ધમ્મસ્સ આહારપચ્ચયેન પચ્ચયો – ઉપ્પન્ના આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. પટિસન્ધિક્ખણે…પે… કબળીકારો આહારો ઇમસ્સ કાયસ્સ આહારપચ્ચયેન પચ્ચયો. (૧)

ઇન્દ્રિયપચ્ચયો

૧૫. ઉપ્પન્નો ધમ્મો ઉપ્પન્નસ્સ ધમ્મસ્સ ઇન્દ્રિયપચ્ચયેન પચ્ચયો – ઉપ્પન્ના ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો. પટિસન્ધિક્ખણે…પે… ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ…પે… રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો. (૧)

ઝાનપચ્ચયાદિ

૧૬. ઉપ્પન્નો ધમ્મો ઉપ્પન્નસ્સ ધમ્મસ્સ ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – ઉપ્પન્ના ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પટિસન્ધિક્ખણે ઉપ્પન્ના ખન્ધા કટત્તારૂપાનં વિપ્પયુત્તપચ્ચયેન પચ્ચયો. ખન્ધા વત્થુસ્સ, વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ …પે… કાયાયતનં કાયવિઞ્ઞાણસ્સ… વત્થુ ઉપ્પન્નાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – ઉપ્પન્ના ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયો

૧૭. ઉપ્પન્નો ધમ્મો ઉપ્પન્નસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – ઉપ્પન્નો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે… એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. પુરેજાતં – ચક્ખું અનિચ્ચતો…પે… વત્થું અનિચ્ચતો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતુધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ અત્થિપચ્ચયેન પચ્ચયો. ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ ઉપ્પન્નાનં ખન્ધાનં અત્થિપચ્ચયેન પચ્ચયો. પચ્છાજાતા – ઉપ્પન્ના ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. કબળીકારો આહારો ઇમસ્સ કાયસ્સ અત્થિપચ્ચયેન પચ્ચયો. રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)

અવિગતપચ્ચયો

૧૮. ઉપ્પન્નો ધમ્મો ઉપ્પન્નસ્સ ધમ્મસ્સ અવિગતપચ્ચયેન પચ્ચયો…પે….