૧. વિભઙ્ગવારો

હેતુપચ્ચયો

૧. મગ્ગારમ્મણં ધમ્મં પટિચ્ચ મગ્ગારમ્મણો ધમ્મો ઉપ્પજ્જતિ હેતુપચ્ચયા – મગ્ગારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

મગ્ગારમ્મણં ધમ્મં પટિચ્ચ મગ્ગાધિપતિ ધમ્મો ઉપ્પજ્જતિ હેતુપચ્ચયા – મગ્ગારમ્મણં એકં ખન્ધં પટિચ્ચ મગ્ગાધિપતી તયો ખન્ધા, તયો ખન્ધે પટિચ્ચ એકો ખન્ધો. દ્વે ખન્ધે…પે…. (૨)

મગ્ગારમ્મણં ધમ્મં પટિચ્ચ મગ્ગારમ્મણો ચ મગ્ગાધિપતિ ચ ધમ્મા ઉપ્પજ્જન્તિ હેતુપચ્ચયા – મગ્ગારમ્મણં એકં ખન્ધં પટિચ્ચ મગ્ગારમ્મણા ચ મગ્ગાધિપતી ચ તયો ખન્ધા…પે… દ્વે ખન્ધે…પે…. (૩)

૨. મગ્ગહેતુકં ધમ્મં પટિચ્ચ મગ્ગહેતુકો ધમ્મો ઉપ્પજ્જતિ હેતુપચ્ચયા – મગ્ગહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

મગ્ગહેતુકં ધમ્મં પટિચ્ચ મગ્ગાધિપતિ ધમ્મો ઉપ્પજ્જતિ હેતુપચ્ચયા – મગ્ગહેતુકં એકં ખન્ધં પટિચ્ચ મગ્ગાધિપતી તયો ખન્ધા…પે… દ્વે ખન્ધે…પે…. (૨)

મગ્ગહેતુકં ધમ્મં પટિચ્ચ મગ્ગહેતુકો ચ મગ્ગાધિપતિ ચ ધમ્મા ઉપ્પજ્જન્તિ હેતુપચ્ચયા – મગ્ગહેતુકં એકં ખન્ધં પટિચ્ચ મગ્ગહેતુકા ચ મગ્ગાધિપતી ચ તયો ખન્ધા…પે… દ્વે ખન્ધે…પે…. (૩)

૩. મગ્ગાધિપતિં ધમ્મં પટિચ્ચ મગ્ગાધિપતિ ધમ્મો ઉપ્પજ્જતિ હેતુપચ્ચયા – મગ્ગાધિપતિં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

મગ્ગાધિપતિં ધમ્મં પટિચ્ચ મગ્ગારમ્મણો ધમ્મો ઉપ્પજ્જતિ હેતુપચ્ચયા – મગ્ગાધિપતિં એકં ખન્ધં પટિચ્ચ મગ્ગારમ્મણા તયો ખન્ધા…પે… દ્વે ખન્ધે…પે…. (૨)

મગ્ગાધિપતિં ધમ્મં પટિચ્ચ મગ્ગહેતુકો ધમ્મો ઉપ્પજ્જતિ હેતુપચ્ચયા – મગ્ગાધિપતિં એકં ખન્ધં પટિચ્ચ મગ્ગહેતુકા તયો ખન્ધા…પે… દ્વે ખન્ધે…પે…. (૩)

મગ્ગાધિપતિં ધમ્મં પટિચ્ચ મગ્ગારમ્મણો ચ મગ્ગાધિપતિ ચ ધમ્મા ઉપ્પજ્જન્તિ હેતુપચ્ચયા – મગ્ગાધિપતિં એકં ખન્ધં પટિચ્ચ મગ્ગારમ્મણા ચ મગ્ગાધિપતી ચ તયો ખન્ધા…પે… દ્વે ખન્ધે…પે…. (૪)

મગ્ગાધિપતિં ધમ્મં પટિચ્ચ મગ્ગહેતુકો ચ મગ્ગાધિપતિ ચ ધમ્મા ઉપ્પજ્જન્તિ હેતુપચ્ચયા – મગ્ગાધિપતિં એકં ખન્ધં પટિચ્ચ મગ્ગહેતુકા ચ મગ્ગાધિપતી ચ તયો ખન્ધા…પે… દ્વે ખન્ધે…પે…. (૫)

૪. મગ્ગારમ્મણઞ્ચ મગ્ગાધિપતિઞ્ચ ધમ્મં પટિચ્ચ મગ્ગારમ્મણો ધમ્મો ઉપ્પજ્જતિ હેતુપચ્ચયા – મગ્ગારમ્મણઞ્ચ મગ્ગાધિપતિઞ્ચ એકં ખન્ધં પટિચ્ચ મગ્ગારમ્મણા તયો ખન્ધા…પે… દ્વે ખન્ધે…પે…. (૧)

મગ્ગારમ્મણઞ્ચ મગ્ગાધિપતિઞ્ચ ધમ્મં પટિચ્ચ મગ્ગાધિપતિ ધમ્મો ઉપ્પજ્જતિ હેતુપચ્ચયા – મગ્ગારમ્મણઞ્ચ મગ્ગાધિપતિઞ્ચ એકં ખન્ધં પટિચ્ચ મગ્ગાધિપતી તયો ખન્ધા…પે… દ્વે ખન્ધે…પે…. (૨)

મગ્ગારમ્મણઞ્ચ મગ્ગાધિપતિઞ્ચ ધમ્મં પટિચ્ચ મગ્ગારમ્મણો ચ મગ્ગાધિપતિ ચ ધમ્મા ઉપ્પજ્જન્તિ હેતુપચ્ચયા – મગ્ગારમ્મણઞ્ચ મગ્ગાધિપતિઞ્ચ એકં ખન્ધં પટિચ્ચ મગ્ગારમ્મણા ચ મગ્ગાધિપતી ચ તયો ખન્ધા…પે… દ્વે ખન્ધે…પે…. (૩)

૫. મગ્ગહેતુકઞ્ચ મગ્ગાધિપતિઞ્ચ ધમ્મં પટિચ્ચ મગ્ગહેતુકો ધમ્મો ઉપ્પજ્જતિ હેતુપચ્ચયા – મગ્ગહેતુકઞ્ચ મગ્ગાધિપતિઞ્ચ એકં ખન્ધં પટિચ્ચ મગ્ગહેતુકા તયો ખન્ધા…પે… દ્વે ખન્ધે…પે…. (૧)

મગ્ગહેતુકઞ્ચ મગ્ગાધિપતિઞ્ચ ધમ્મં પટિચ્ચ મગ્ગાધિપતિ ધમ્મો ઉપ્પજ્જતિ હેતુપચ્ચયા – મગ્ગહેતુકઞ્ચ મગ્ગાધિપતિઞ્ચ એકં ખન્ધં પટિચ્ચ મગ્ગાધિપતી તયો ખન્ધા…પે… દ્વે ખન્ધે…પે…. (૨)

મગ્ગહેતુકઞ્ચ મગ્ગાધિપતિઞ્ચ ધમ્મં પટિચ્ચ મગ્ગહેતુકો ચ મગ્ગાધિપતિ ચ ધમ્મા ઉપ્પજ્જન્તિ હેતુપચ્ચયા – મગ્ગહેતુકઞ્ચ મગ્ગાધિપતિઞ્ચ એકં ખન્ધં પટિચ્ચ મગ્ગહેતુકા ચ મગ્ગાધિપતી ચ તયો ખન્ધા…પે… દ્વે ખન્ધે…પે…. (૩)

આરમ્મણપચ્ચયાદિ

૬. મગ્ગારમ્મણં ધમ્મં પટિચ્ચ મગ્ગારમ્મણો ધમ્મો ઉપ્પજ્જતિ આરમ્મણપચ્ચયા… અધિપતિપચ્ચયા… અનન્તરપચ્ચયા… સમનન્તરપચ્ચયા… સહજાતપચ્ચયા… અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… આસેવનપચ્ચયા… કમ્મપચ્ચયા… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.