૧. વિભઙ્ગવારો

હેતુપચ્ચયો

૧૮. સેક્ખં ધમ્મં પચ્ચયા સેક્ખો ધમ્મો ઉપ્પજ્જતિ હેતુપચ્ચયા… તીણિ (પટિચ્ચવારસદિસં).

અસેક્ખં ધમ્મં પચ્ચયા અસેક્ખો ધમ્મો ઉપ્પજ્જતિ હેતુપચ્ચયા… તીણિ (પટિચ્ચવારસદિસં).

૧૯. નેવસેક્ખનાસેક્ખં ધમ્મં પચ્ચયા નેવસેક્ખનાસેક્ખો ધમ્મો ઉપ્પજ્જતિ હેતુપચ્ચયા (પરિપુણ્ણં), મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં, વત્થું પચ્ચયા નેવસેક્ખનાસેક્ખા ખન્ધા. (૧)

નેવસેક્ખનાસેક્ખં ધમ્મં પચ્ચયા સેક્ખો ધમ્મો ઉપ્પજ્જતિ હેતુપચ્ચયા – વત્થું પચ્ચયા સેક્ખા ખન્ધા. (૨)

નેવસેક્ખનાસેક્ખં ધમ્મં પચ્ચયા અસેક્ખો ધમ્મો ઉપ્પજ્જતિ હેતુપચ્ચયા – વત્થું પચ્ચયા અસેક્ખા ખન્ધા. (૩)

નેવસેક્ખનાસેક્ખં ધમ્મં પચ્ચયા સેક્ખો ચ નેવસેક્ખનાસેક્ખો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા સેક્ખા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૪)

નેવસેક્ખનાસેક્ખં ધમ્મં પચ્ચયા અસેક્ખો ચ નેવસેક્ખનાસેક્ખો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા અસેક્ખા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૫)

૨૦. સેક્ખઞ્ચ નેવસેક્ખનાસેક્ખઞ્ચ ધમ્મં પચ્ચયા સેક્ખો ધમ્મો ઉપ્પજ્જતિ હેતુપચ્ચયા – સેક્ખં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધા. (૧)

સેક્ખઞ્ચ નેવસેક્ખનાસેક્ખઞ્ચ ધમ્મં પચ્ચયા નેવસેક્ખનાસેક્ખો ધમ્મો ઉપ્પજ્જતિ હેતુપચ્ચયા – સેક્ખે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

સેક્ખઞ્ચ નેવસેક્ખનાસેક્ખઞ્ચ ધમ્મં પચ્ચયા સેક્ખો ચ નેવસેક્ખનાસેક્ખો ચ ધમ્મા ઉપ્પજ્જન્તિ હેતુપચ્ચયા – સેક્ખં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધા. સેક્ખે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

અસેક્ખઞ્ચ નેવસેક્ખનાસેક્ખઞ્ચ ધમ્મં પચ્ચયા… તીણિ (સેક્ખસદિસા).

આરમ્મણપચ્ચયો

૨૧. સેક્ખં ધમ્મં પચ્ચયા સેક્ખો ધમ્મો ઉપ્પજ્જતિ આરમ્મણપચ્ચયા… એકં.

અસેક્ખં ધમ્મં પચ્ચયા અસેક્ખો ધમ્મો… એકં.

નેવસેક્ખનાસેક્ખં ધમ્મં પચ્ચયા નેવસેક્ખનાસેક્ખો ધમ્મો ઉપ્પજ્જતિ આરમ્મણપચ્ચયા… એકં, વત્થું પચ્ચયા નેવસેક્ખનાસેક્ખા ખન્ધા, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા નેવસેક્ખનાસેક્ખા ખન્ધા. (૧)

નેવસેક્ખનાસેક્ખં ધમ્મં પચ્ચયા સેક્ખો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા સેક્ખા ખન્ધા. (૨)

નેવસેક્ખનાસેક્ખં ધમ્મં પચ્ચયા અસેક્ખો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અસેક્ખા ખન્ધા. (૩)

સેક્ખઞ્ચ નેવસેક્ખનાસેક્ખઞ્ચ ધમ્મં પચ્ચયા સેક્ખો ધમ્મો ઉપ્પજ્જતિ આરમ્મણપચ્ચયા – સેક્ખં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધા. (૧)

અસેક્ખઞ્ચ નેવસેક્ખનાસેક્ખઞ્ચ ધમ્મં પચ્ચયા અસેક્ખો ધમ્મો ઉપ્પજ્જતિ આરમ્મણપચ્ચયા – અસેક્ખં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધા. (૧)

અધિપતિપચ્ચયાદિ

૨૨. સેક્ખં ધમ્મં પચ્ચયા સેક્ખો ધમ્મો ઉપ્પજ્જતિ અધિપતિપચ્ચયા… અનન્તરપચ્ચયા… સમનન્તરપચ્ચયા… સહજાતપચ્ચયા… અઞ્ઞમઞ્ઞપચ્ચય… નિસ્સયપચ્ચયા … ઉપનિસ્સયપચ્ચયા… પુરેજાતપચ્ચયા… આસેવનપચ્ચયા – સેક્ખં એકં ખન્ધં પચ્ચયા તયો ખન્ધા…પે…

નેવસેક્ખનાસેક્ખં ધમ્મં પચ્ચયા નેવસેક્ખનાસેક્ખો ધમ્મો ઉપ્પજ્જતિ આસેવનપચ્ચયા – નેવસેક્ખનાસેક્ખં એકં ખન્ધં પચ્ચયા…પે… વત્થું પચ્ચયા નેવસેક્ખનાસેક્ખા ખન્ધા. (૧)

નેવસેક્ખનાસેક્ખં ધમ્મં પચ્ચયા સેક્ખો ધમ્મો ઉપ્પજ્જતિ આસેવનપચ્ચયા – વત્થું પચ્ચયા સેક્ખા ખન્ધા. (૨)

સેક્ખઞ્ચ નેવસેક્ખનાસેક્ખઞ્ચ ધમ્મં પચ્ચયા સેક્ખો ધમ્મો ઉપ્પજ્જતિ આસેવનપચ્ચયા – સેક્ખં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધા. (૧)

કમ્મપચ્ચયાદિ

૨૩. સેક્ખં ધમ્મં પચ્ચયા સેક્ખો ધમ્મો ઉપ્પજ્જતિ કમ્મપચ્ચયા… વિપાકપચ્ચયા – વિપાકં સેક્ખં એકં ખન્ધં…પે… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.