૧. વિભઙ્ગવારો

હેતુપચ્ચયો

૧. આચયગામિં ધમ્મં પટિચ્ચ આચયગામી ધમ્મો ઉપ્પજ્જતિ હેતુપચ્ચયા – આચયગામિં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

આચયગામિં ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – આચયગામી ખન્ધે પટિચ્ચ ચિત્તસમુટ્ઠાનં રૂપં. (૨)

આચયગામિં ધમ્મં પટિચ્ચ આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ હેતુપચ્ચયા – આચયગામિં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

૨. અપચયગામિં ધમ્મં પટિચ્ચ અપચયગામી ધમ્મો ઉપ્પજ્જતિ હેતુપચ્ચયા – અપચયગામિં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

અપચયગામિં ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – અપચયગામી ખન્ધે પટિચ્ચ ચિત્તસમુટ્ઠાનં રૂપં. (૨)

અપચયગામિં ધમ્મં પટિચ્ચ અપચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ હેતુપચ્ચયા – અપચયગામિં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

૩. નેવાચયગામિનાપચયગામિં ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – નેવાચયગામિનાપચયગામિં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે નેવાચયગામિનાપચયગામિં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે… દ્વે મહાભૂતે પટિચ્ચ દ્વે મહાભૂતા; મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

આચયગામિઞ્ચ નેવાચયગામિનાપચયગામિઞ્ચ ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – આચયગામી ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અપચયગામિઞ્ચ નેવાચયગામિનાપચયગામિઞ્ચ ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – અપચયગામી ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

આરમ્મણપચ્ચયો

૪. આચયગામિં ધમ્મં પટિચ્ચ આચયગામી ધમ્મો ઉપ્પજ્જતિ આરમ્મણપચ્ચયા – આચયગામિં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

અપચયગામિં ધમ્મં પટિચ્ચ અપચયગામી ધમ્મો ઉપ્પજ્જતિ આરમ્મણપચ્ચયા – અપચયગામિં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

નેવાચયગામિનાપચયગામિં ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ આરમ્મણપચ્ચયા – નેવાચયગામિનાપચયગામિં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. પટિસન્ધિક્ખણે…પે… વત્થું પટિચ્ચ ખન્ધા. (૧)

અધિપતિપચ્ચયો

૫. આચયગામિં ધમ્મં પટિચ્ચ આચયગામી ધમ્મો ઉપ્પજ્જતિ અધિપતિપચ્ચયા… તીણિ.

અપચયગામિં ધમ્મં પટિચ્ચ અપચયગામી ધમ્મો ઉપ્પજ્જતિ અધિપતિપચ્ચયા… તીણિ.

નેવાચયગામિનાપચયગામિં ધમ્મં પટિચ્ચ નેવાચયગામિનાપચયગામી ધમ્મો… એકં (પટિસન્ધિ નત્થિ); એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

આચયગામિઞ્ચ નેવાચયગામિનાપચયગામિઞ્ચ ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ અધિપતિપચ્ચયા – આચયગામી ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અપચયગામિઞ્ચ નેવાચયગામિનાપચયગામિઞ્ચ ધમ્મં પટિચ્ચ નેવાચયગામિનાપચયગામી ધમ્મો ઉપ્પજ્જતિ અધિપતિપચ્ચયા – અપચયગામી ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અનન્તરપચ્ચયાદિ

૬. આચયગામિં ધમ્મં પટિચ્ચ, આચયગામી ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા … સહજાતપચ્ચયા (સબ્બેપિ મહાભૂતા કાતબ્બા)… અઞ્ઞમઞ્ઞપચ્ચયા (ચિત્તસમુટ્ઠાનમ્પિ કટત્તારૂપમ્પિ ઉપાદારૂપમ્પિ નત્થિ)… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… આસેવનપચ્ચયા… કમ્મપચ્ચયા… વિપાકપચ્ચયા… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા….