૧. વિભઙ્ગવારો

નહેતુપચ્ચયો

૨૬. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નહેતુપચ્ચયા – અહેતુકં નેવાચયગામિનાપચયગામિં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… અસઞ્ઞસત્તાનં એકં મહાભૂતં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા અહેતુકા નેવાચયગામિનાપચયગામી ખન્ધા. (૧)

નેવાચયગામિનાપચયગામિં ધમ્મં પચ્ચયા આચયગામી ધમ્મો ઉપ્પજ્જતિ નહેતુપચ્ચયા – વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયો

૨૭. આચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઆરમ્મણપચ્ચયા (સંખિત્તં. પટિચ્ચવારસદિસં).

નઅધિપતિપચ્ચયો

૨૮. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ નઅધિપતિપચ્ચયા… તીણિ.

અપચયગામિં ધમ્મં પચ્ચયા અપચયગામી ધમ્મો ઉપ્પજ્જતિ નઅધિપતિપચ્ચયા – અપચયગામી ખન્ધે પચ્ચયા અપચયગામી અધિપતિ. (૧)

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઅધિપતિપચ્ચયા…પે… અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા નેવાચયગામિનાપચયગામી ખન્ધા. (૧)

નેવાચયગામિનાપચયગામિં ધમ્મં પચ્ચયા આચયગામી ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા આચયગામી ખન્ધા. (૨)

નેવાચયગામિનાપચયગામિં ધમ્મં પચ્ચયા અપચયગામી ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા અપચયગામી અધિપતિ. (૩)

નેવાચયગામિનાપચયગામિં ધમ્મં પચ્ચયા આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ નઅધિપતિપચ્ચયા – વત્થું પચ્ચયા આચયગામી ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૪)

૨૯. આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ધમ્મો ઉપ્પજ્જતિ નઅધિપતિપચ્ચયા – આચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે…. (૧)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઅધિપતિપચ્ચયા – આચયગામી ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ નઅધિપતિપચ્ચયા – આચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… આચયગામી ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

અપચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા અપચયગામી ધમ્મો ઉપ્પજ્જતિ નઅધિપતિપચ્ચયા – અપચયગામી ખન્ધે ચ વત્થુઞ્ચ પચ્ચયા અપચયગામી અધિપતિ. (૧)

નઅનન્તરપચ્ચયાદિ

૩૦. નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા… નપુરેજાતપચ્ચયા (પટિચ્ચવારસદિસા, સત્ત પઞ્હા)… નપચ્છાજાતપચ્ચયા (પરિપુણ્ણં).

નઆસેવનપચ્ચયો

૩૧. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ નઆસેવનપચ્ચયા… તીણિ.

અપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઆસેવનપચ્ચયા – અપચયગામી ખન્ધે પચ્ચયા ચિત્તસમુટ્ઠાનં રૂપં. (૧)

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઆસેવનપચ્ચયા – અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા નેવાચયગામિનાપચયગામી ખન્ધા. (૧)

નેવાચયગામિનાપચયગામિં ધમ્મં પચ્ચયા આચયગામી ધમ્મો ઉપ્પજ્જતિ નઆસેવનપચ્ચયા – વત્થું પચ્ચયા આચયગામી ખન્ધા. (૨)

નેવાચયગામિનાપચયગામિં ધમ્મં પચ્ચયા આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ નઆસેવનપચ્ચયા – વત્થું પચ્ચયા આચયગામી ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૩)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ધમ્મો ઉપ્પજ્જતિ નઆસેવનપચ્ચયા – આચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે…. (૧)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઆસેવનપચ્ચયા – આચયગામી ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ નઆસેવનપચ્ચયા – આચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… આચયગામી ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

અપચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઆસેવનપચ્ચયા – અપચયગામી ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

નકમ્મપચ્ચયો

૩૨. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ નકમ્મપચ્ચયા – આચયગામી ખન્ધે પચ્ચયા આચયગામી ચેતના. (૧)

અપચયગામિં ધમ્મં પચ્ચયા અપચયગામી ધમ્મો ઉપ્પજ્જતિ નકમ્મપચ્ચયા – અપચયગામી ખન્ધે પચ્ચયા અપચયગામી ચેતના. (૧)

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નકમ્મપચ્ચયા – નેવાચયગામિનાપચયગામી ખન્ધે પચ્ચયા નેવાચયગામિનાપચયગામી ચેતના; બાહિરં… આહારસમુટ્ઠાનં… ઉતુસમુટ્ઠાનં…પે… વત્થું પચ્ચયા નેવાચયગામિનાપચયગામી ચેતના. (૧)

નેવાચયગામિનાપચયગામિં ધમ્મં પચ્ચયા આચયગામી ધમ્મો ઉપ્પજ્જતિ નકમ્મપચ્ચયા – વત્થું પચ્ચયા આચયગામી ચેતના. (૨)

નેવાચયગામિનાપચયગામિં ધમ્મં પચ્ચયા અપચયગામી ધમ્મો ઉપ્પજ્જતિ નકમ્મપચ્ચયા – વત્થું પચ્ચયા અપચયગામી ચેતના. (૩)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ધમ્મો ઉપ્પજ્જતિ નકમ્મપચ્ચયા – આચયગામી ખન્ધે ચ વત્થુઞ્ચ પચ્ચયા આચયગામી ચેતના. (૧)

અપચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા અપચયગામી ધમ્મો ઉપ્પજ્જતિ નકમ્મપચ્ચયા – અપચયગામી ખન્ધે ચ વત્થુઞ્ચ પચ્ચયા અપચયગામી ચેતના. (૧)

નવિપાકપચ્ચયાદિ

૩૩. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ નવિપાકપચ્ચયા (પરિપુણ્ણં કાતબ્બં, પટિસન્ધિક્ખણે નત્થિ).

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં…પે… નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… મહાભૂતે પચ્ચયા રૂપજીવિતિન્દ્રિયં… નઝાનપચ્ચયા – પઞ્ચવિઞ્ઞાણં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં…પે… નમગ્ગપચ્ચયા – અહેતુકા નેવાચયગામિનાપચયગામી…પે… અસઞ્ઞસત્તાનં એકં મહાભૂતં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા નેવાચયગામિનાપચયગામી…પે… નસમ્પયુત્તપચ્ચયા… નવિપ્પયુત્તપચ્ચયા (પટિચ્ચવારસદિસં, તીણિ)… નોનત્થિપચ્ચયા… નોવિગતપચ્ચયા.