૧. વિભઙ્ગવારો

હેતુપચ્ચયો

૧૮. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ હેતુપચ્ચયા – આચયગામિં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. (૧)

આચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – આચયગામી ખન્ધે પચ્ચયા ચિત્તસમુટ્ઠાનં રૂપં. (૨)

આચયગામિં ધમ્મં પચ્ચયા આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ હેતુપચ્ચયા – આચયગામિં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

અપચયગામિં ધમ્મં પચ્ચયા અપચયગામી ધમ્મો… તીણિ.

૧૯. નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – નેવાચયગામિનાપચયગામિં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા…પે… વત્થું પચ્ચયા નેવાચયગામિનાપચયગામી ખન્ધા. (૧)

નેવાચયગામિનાપચયગામિં ધમ્મં પચ્ચયા આચયગામી ધમ્મો ઉપ્પજ્જતિ હેતુપચ્ચયા – વત્થું પચ્ચયા આચયગામી ખન્ધા. (૨)

નેવાચયગામિનાપચયગામિં ધમ્મં પચ્ચયા અપચયગામી ધમ્મો ઉપ્પજ્જતિ હેતુપચ્ચયા – વત્થું પચ્ચયા અપચયગામી ખન્ધા. (૩)

નેવાચયગામિનાપચયગામિં ધમ્મં પચ્ચયા આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા આચયગામી ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૪)

નેવાચયગામિનાપચયગામિં ધમ્મં પચ્ચયા અપચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા અપચયગામી ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૫)

૨૦. આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ધમ્મો ઉપ્પજ્જતિ હેતુપચ્ચયા – આચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે…. (૧)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા – આચયગામી ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ચ નેવાચયગામિનાપચયગામી ચ ધમ્મા ઉપ્પજ્જન્તિ હેતુપચ્ચયા – આચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… આચયગામી ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

અપચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા અપચયગામી ધમ્મો… તીણિ.

આરમ્મણપચ્ચયો

૨૧. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ આરમ્મણપચ્ચયા – આચયગામિં એકં ખન્ધં પચ્ચયા…પે…. (૧)

અપચયગામિં ધમ્મં પચ્ચયા અપચયગામી ધમ્મો… એકં.

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ આરમ્મણપચ્ચયા… નેવાચયગામિનાપચયગામિં એકં ખન્ધં પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પચ્ચયા ખન્ધા, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા નેવાચયગામિનાપચયગામી ખન્ધા. (૧)

નેવાચયગામિનાપચયગામિં ધમ્મં પચ્ચયા આચયગામી ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા આચયગામી ખન્ધા. (૨)

નેવાચયગામિનાપચયગામિં ધમ્મં પચ્ચયા અપચયગામી ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અપચયગામી ખન્ધા. (૩)

આચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા આચયગામી ધમ્મો ઉપ્પજ્જતિ આરમ્મણપચ્ચયા – આચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે…. (૧)

અપચયગામિઞ્ચ નેવાચયગામિનાપચયગામિઞ્ચ ધમ્મં પચ્ચયા અપચયગામી ધમ્મો ઉપ્પજ્જતિ આરમ્મણપચ્ચયા – અપચયગામિં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે…. (૧)

અધિપતિપચ્ચયો

૨૨. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ અધિપતિપચ્ચયા… તીણિ.

અપચયગામિં ધમ્મં પચ્ચયા અપચયગામી ધમ્મો… તીણિ.

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો… એકં…પે… વત્થું પચ્ચયા નેવાચયગામિનાપચયગામી ખન્ધા.

નેવાચયગામિનાપચયગામિં ધમ્મં પચ્ચયા આચયગામી ધમ્મો…પે… (ઇધાપિ ઘટના હેતુસદિસા).

અનન્તરપચ્ચયાદિ

૨૩. આચયગામિં ધમ્મં પચ્ચયા આચયગામી ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા… સહજાતપચ્ચયા… તીણિ.

અપચયગામિં ધમ્મં પચ્ચયા અપચયગામી ધમ્મો… તીણિ.

નેવાચયગામિનાપચયગામિં ધમ્મં પચ્ચયા નેવાચયગામિનાપચયગામી ધમ્મો ઉપ્પજ્જતિ સહજાતપચ્ચયા – નેવાચયગામિનાપચયગામિં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… અસઞ્ઞસત્તાનં એકં મહાભૂતં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા…પે…. (૧)

નેવાચયગામિનાપચયગામિં ધમ્મં પચ્ચયા આચયગામી ધમ્મો ઉપ્પજ્જતિ સહજાતપચ્ચયા (સંખિત્તં, સબ્બે ઘટના કાતબ્બા).

અઞ્ઞમઞ્ઞપચ્ચયાદિ

૨૪. અપચયગામિં ધમ્મં પચ્ચયા અપચયગામી ધમ્મો ઉપ્પજ્જતિ અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… આસેવનપચ્ચયા… કમ્મપચ્ચયા… વિપાકપચ્ચયા… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.