૧. ખન્ધો

૨૨૮. રૂપક્ખન્ધો કતિહિ ખન્ધેહિ કતિહાયતનેહિ કતિહિ ધાતૂહિ સમ્પયુત્તોતિ? નત્થિ. કતિહિ વિપ્પયુત્તો? ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૨૯. વેદનાક્ખન્ધો… સઞ્ઞાક્ખન્ધો… સઙ્ખારક્ખન્ધો તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તો; એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ દસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૩૦. વિઞ્ઞાણક્ખન્ધો તીહિ ખન્ધેહિ સમ્પયુત્તો; એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ દસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.