૧૪. ચુદ્દસમનયો

૧૪. વિપ્પયુત્તેનસઙ્ગહિતાસઙ્ગહિતપદનિદ્દેસો

૧. ખન્ધાદિ

૪૫૬. રૂપક્ખન્ધેન યે ધમ્મા વિપ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતા? તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૫૭. વેદનાક્ખન્ધેન યે ધમ્મા… સઞ્ઞાક્ખન્ધેન યે ધમ્મા… સઙ્ખારક્ખન્ધેન યે ધમ્મા… વિઞ્ઞાણક્ખન્ધેન યે ધમ્મા… મનાયતનેન યે ધમ્મા… મનિન્દ્રિયેન યે ધમ્મા વિપ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતા? તે ધમ્મા અસઙ્ખતં ખન્ધતો ઠપેત્વા એકેન ખન્ધેન એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકેનાયતનેન સત્તહિ ધાતૂહિ અસઙ્ગહિતા.

૪૫૮. ચક્ખાયતનેન યે ધમ્મા…પે… ફોટ્ઠબ્બાયતનેન યે ધમ્મા… ચક્ખુધાતુયા યે ધમ્મા…પે… ફોટ્ઠબ્બધાતુયા યે ધમ્મા વિપ્પયુત્તા…પે… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૫૯. ચક્ખુવિઞ્ઞાણધાતુયા યે ધમ્મા… સોતવિઞ્ઞાણધાતુયા યે ધમ્મા… ઘાનવિઞ્ઞાણધાતુયા યે ધમ્મા… જિવ્હાવિઞ્ઞાણધાતુયા યે ધમ્મા… કાયવિઞ્ઞાણધાતુયા યે ધમ્મા… મનોધાતુયા યે ધમ્મા… મનોવિઞ્ઞાણધાતુયા યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ સત્તરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ, એકાય ધાતુયા અસઙ્ગહિતા.

૨. સચ્ચાદિ

૪૬૦. દુક્ખસચ્ચેન યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૪૬૧. સમુદયસચ્ચેન યે ધમ્મા… મગ્ગસચ્ચેન યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૬૨. નિરોધસચ્ચેન યે ધમ્મા… ચક્ખુન્દ્રિયેન યે ધમ્મા … કાયિન્દ્રિયેન યે ધમ્મા… ઇત્થિન્દ્રિયેન યે ધમ્મા… પુરિસિન્દ્રિયેન યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૬૩. સુખિન્દ્રિયેન યે ધમ્મા… દુક્ખિન્દ્રિયેન યે ધમ્મા… સોમનસ્સિન્દ્રિયેન યે ધમ્મા… દોમનસ્સિન્દ્રિયેન યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૬૪. ઉપેક્ખિન્દ્રિયેન યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ તેરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ અસઙ્ગહિતા.

૪૬૫. સદ્ધિન્દ્રિયેન યે ધમ્મા… વીરિયિન્દ્રિયેન યે ધમ્મા… સતિન્દ્રિયેન યે ધમ્મા… સમાધિન્દ્રિયેન યે ધમ્મા… પઞ્ઞિન્દ્રિયેન યે ધમ્મા… અનઞ્ઞાતઞ્ઞસ્સામીતિન્દ્રિયેન યે ધમ્મા… અઞ્ઞિન્દ્રિયેન યે ધમ્મા… અઞ્ઞાતાવિન્દ્રિયેન યે ધમ્મા… અવિજ્જાય યે ધમ્મા… અવિજ્જાપચ્ચયા સઙ્ખારેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૬૬. સઙ્ખારપચ્ચયા વિઞ્ઞાણેન યે ધમ્મા… સળાયતનપચ્ચયા ફસ્સેન યે ધમ્મા… ફસ્સપચ્ચયા વેદનાય યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા એકેન ખન્ધેન એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકેનાયતનેન સત્તહિ ધાતૂહિ અસઙ્ગહિતા.

૪૬૭. વેદનાપચ્ચયા તણ્હાય યે ધમ્મા… તણ્હાપચ્ચયા ઉપાદાનેન યે ધમ્મા… કમ્મભવેન યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૬૮. ઉપપત્તિભવેન યે ધમ્મા… સઞ્ઞાભવેન યે ધમ્મા… પઞ્ચવોકારભવેન યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ તીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ પન્નરસહિ ધાતૂહિ અસઙ્ગહિતા.

૪૬૯. કામભવેન યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ પઞ્ચહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ તેરસહિ ધાતૂહિ અસઙ્ગહિતા.

૪૭૦. રૂપભવેન યે ધમ્મા… અસઞ્ઞાભવેન યે ધમ્મા… એકવોકારભવેન યે ધમ્મા… પરિદેવેન યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૭૧. અરૂપભવેન યે ધમ્મા… નેવસઞ્ઞાનાસઞ્ઞાભવેન યે ધમ્મા… ચતુવોકારભવેન યે ધમ્મા… સોકેન યે ધમ્મા… દુક્ખેન યે ધમ્મા… દોમનસ્સેન યે ધમ્મા… ઉપાયાસેન યે ધમ્મા… સતિપટ્ઠાનેન યે ધમ્મા… સમ્મપ્પધાનેન યે ધમ્મા… ઇદ્ધિપાદેન યે ધમ્મા… ઝાનેન યે ધમ્મા… અપ્પમઞ્ઞાય યે ધમ્મા… પઞ્ચહિ ઇન્દ્રિયેહિ યે ધમ્મા… પઞ્ચહિ બલેહિ યે ધમ્મા … સત્તહિ બોજ્ઝઙ્ગેહિ યે ધમ્મા… અરિયેન અટ્ઠઙ્ગિકેન મગ્ગેન યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૩. ફસ્સાદિસત્તકં

૪૭૨. ફસ્સેન યે ધમ્મા… વેદનાય યે ધમ્મા… સઞ્ઞાય યે ધમ્મા… ચેતનાય યે ધમ્મા… ચિત્તેન યે ધમ્મા… મનસિકારેન યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા એકેન ખન્ધેન એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકેનાયતનેન સત્તહિ ધાતૂહિ અસઙ્ગહિતા.

૪૭૩. અધિમોક્ખેન યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ સત્તરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ એકાય ધાતુયા અસઙ્ગહિતા.

૪. તિકં

૪૭૪. કુસલેહિ ધમ્મેહિ યે ધમ્મા… અકુસલેહિ ધમ્મેહિ યે ધમ્મા… સુખાય વેદનાય સમ્પયુત્તેહિ ધમ્મેહિ યે ધમ્મા… દુક્ખાય વેદનાય સમ્પયુત્તેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૭૫. અબ્યાકતેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૪૭૬. અદુક્ખમસુખાય વેદનાય સમ્પયુત્તેહિ ધમ્મેહિ યે ધમ્મા… વિપાકેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ તેરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ અસઙ્ગહિતા.

૪૭૭. વિપાકધમ્મધમ્મેહિ યે ધમ્મા… સંકિલિટ્ઠસંકિલેસિકેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૭૮. નેવવિપાકનવિપાકધમ્મધમ્મેહિ યે ધમ્મા… અનુપાદિન્નુપાદાનિયેહિ ધમ્મેહિ યે ધમ્મા… અનુપાદિન્નઅનુપાદાનિયેહિ ધમ્મેહિ યે ધમ્મા… અસંકિલિટ્ઠઅસંકિલેસિકેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૭૯. ઉપાદિન્નુપાદાનિયેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ તીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ પન્નરસહિ ધાતૂહિ અસઙ્ગહિતા.

૪૮૦. અસંકિલિટ્ઠસંકિલેસિકેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૪૮૧. સવિતક્કસવિચારેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ સત્તરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ એકાય ધાતુયા અસઙ્ગહિતા.

૪૮૨. અવિતક્કવિચારમત્તેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા… સુખસહગતેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૮૩. અવિતક્કઅવિચારેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ તીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ પન્નરસહિ ધાતૂહિ અસઙ્ગહિતા.

૪૮૪. ઉપેક્ખાસહગતેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ તેરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ અસઙ્ગહિતા.

૪૮૫. દસ્સનેન પહાતબ્બેહિ ધમ્મેહિ યે ધમ્મા… ભાવનાય પહાતબ્બેહિ ધમ્મેહિ યે ધમ્મા… દસ્સનેન પહાતબ્બહેતુકેહિ ધમ્મેહિ યે ધમ્મા… ભાવનાય પહાતબ્બહેતુકેહિ ધમ્મેહિ યે ધમ્મા… આચયગામીહિ ધમ્મેહિ યે ધમ્મા… અપચયગામીહિ ધમ્મેહિ યે ધમ્મા… સેક્ખેહિ ધમ્મેહિ યે ધમ્મા… અસેક્ખેહિ ધમ્મેહિ યે ધમ્મા… મહગ્ગતેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૮૬. નેવ દસ્સનેન ન ભાવનાય પહાતબ્બેહિ ધમ્મેહિ યે ધમ્મા… નેવ દસ્સનેન ન ભાવનાય પહાતબ્બહેતુકેહિ ધમ્મેહિ યે ધમ્મા… નેવાચયગામિનાપચયગામીહિ ધમ્મેહિ યે ધમ્મા… નેવસેક્ખનાસેક્ખેહિ ધમ્મેહિ યે ધમ્મા… પરિત્તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૪૮૭. અપ્પમાણેહિ ધમ્મેહિ યે ધમ્મા… પણીતેહિ ધમ્મેહિ યે વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૮૮. પરિત્તારમ્મણેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ દ્વાદસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ અસઙ્ગહિતા.

૪૮૯. મહગ્ગતારમ્મણેહિ ધમ્મેહિ યે ધમ્મા… અપ્પમાણારમ્મણેહિ ધમ્મેહિ યે ધમ્મા… હીનેહિ ધમ્મેહિ યે ધમ્મા… મિચ્છત્તનિયતેહિ ધમ્મેહિ યે ધમ્મા… સમ્મત્તનિયતેહિ ધમ્મેહિ યે ધમ્મા… મગ્ગારમ્મણેહિ ધમ્મેહિ યે ધમ્મા… મગ્ગહેતુકેહિ ધમ્મેહિ યે ધમ્મા… મગ્ગાધિપતીહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૯૦. મજ્ઝિમેહિ ધમ્મેહિ યે ધમ્મા… અનિયતેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૪૯૧. ઉપ્પન્નેહિ ધમ્મેહિ યે ધમ્મા… અનુપ્પન્નેહિ ધમ્મેહિ યે ધમ્મા… ઉપ્પાદીહિ ધમ્મેહિ યે ધમ્મા… અતીતેહિ ધમ્મેહિ યે ધમ્મા… અનાગતેહિ ધમ્મેહિ યે ધમ્મા… પચ્ચુપ્પન્નેહિ ધમ્મેહિ યે ધમ્મા… અજ્ઝત્તેહિ ધમ્મેહિ યે ધમ્મા… બહિદ્ધાહિ ધમ્મેહિ યે ધમ્મા… સનિદસ્સનસપ્પટિઘેહિ ધમ્મેહિ યે ધમ્મા… અનિદસ્સનસપ્પટિઘેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૯૨. અતીતારમ્મણેહિ ધમ્મેહિ યે ધમ્મા… અનાગતારમ્મણેહિ ધમ્મેહિ યે ધમ્મા… અજ્ઝત્તારમ્મણેહિ ધમ્મેહિ યે ધમ્મા… બહિદ્ધારમ્મણેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૯૩. પચ્ચુપ્પન્નારમ્મણેહિ ધમ્મેહિ યે ધમ્મા… અજ્ઝત્તબહિદ્ધારમ્મણેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ દ્વાદસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ અસઙ્ગહિતા.

૫. દુકં

૪૯૪. હેતૂહિ ધમ્મેહિ યે ધમ્મા… સહેતુકેહિ ધમ્મેહિ યે ધમ્મા… હેતુસમ્પયુત્તેહિ ધમ્મેહિ યે ધમ્મા… હેતૂહિ ચેવ સહેતુકેહિ ચ ધમ્મેહિ યે ધમ્મા… સહેતુકેહિ ચેવ ન ચ હેતૂહિ ધમ્મેહિ યે ધમ્મા… હેતૂહિ ચેવ હેતુસમ્પયુત્તેહિ ચ ધમ્મેહિ યે ધમ્મા… હેતુસમ્પયુત્તેહિ ચેવ ન ચ હેતૂહિ ધમ્મેહિ યે ધમ્મા… ન હેતુસહેતુકેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૯૫. અહેતુકેહિ ધમ્મેહિ યે ધમ્મા… હેતુવિપ્પયુત્તેહિ ધમ્મેહિ યે ધમ્મા… ન હેતુઅહેતુકેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૪૯૬. અપ્પચ્ચયેહિ ધમ્મેહિ યે ધમ્મા… અસઙ્ખતેહિ ધમ્મેહિ યે ધમ્મા… સનિદસ્સનેહિ ધમ્મેહિ યે ધમ્મા… સપ્પટિઘેહિ ધમ્મેહિ યે ધમ્મા… રૂપીહિ ધમ્મેહિ યે ધમ્મા… લોકુત્તરેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૪૯૭. લોકિયેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૪૯૮. આસવેહિ ધમ્મેહિ યે ધમ્મા… આસવસમ્પયુત્તેહિ ધમ્મેહિ યે ધમ્મા… આસવેહિ ચેવ સાસવેહિ ચ ધમ્મેહિ યે ધમ્મા… આસવેહિ ચેવ આસવસમ્પયુત્તેહિ ચ ધમ્મેહિ યે ધમ્મા… આસવસમ્પયુત્તેહિ ચેવ નો ચ આસવેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૯૯. સાસવેહિ ધમ્મેહિ યે ધમ્મા… આસવવિપ્પયુત્તેહિ ધમ્મેહિ યે ધમ્મા… સાસવેહિ ચેવ નો ચ આસવેહિ ધમ્મેહિ યે ધમ્મા… આસવવિપ્પયુત્તેહિ સાસવેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૫૦૦. અનાસવેહિ ધમ્મેહિ યે ધમ્મા… આસવવિપ્પયુત્તેહિ અનાસવેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૫૦૧. સંયોજનેહિ ધમ્મેહિ યે ધમ્મા… ગન્થેહિ ધમ્મેહિ યે ધમ્મા… ઓઘેહિ ધમ્મેહિ યે ધમ્મા… યોગેહિ ધમ્મેહિ યે ધમ્મા… નીવરણેહિ ધમ્મેહિ યે ધમ્મા… પરામાસેહિ ધમ્મેહિ યે ધમ્મા… પરામાસસમ્પયુત્તેહિ ધમ્મેહિ યે ધમ્મા… પરામાસેહિ ચેવ પરામટ્ઠેહિ ચ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૫૦૨. પરામટ્ઠેહિ ધમ્મેહિ યે ધમ્મા… પરામાસવિપ્પયુત્તેહિ ધમ્મેહિ યે ધમ્મા… પરામટ્ઠેહિ ચેવ નો ચ પરામાસેહિ ધમ્મેહિ યે ધમ્મા… પરામાસવિપ્પયુત્તેહિ પરામટ્ઠેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૫૦૩. અપરામટ્ઠેહિ ધમ્મેહિ યે ધમ્મા… પરામાસવિપ્પયુત્તેહિ અપરામટ્ઠેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૫૦૪. સારમ્મણેહિ ધમ્મેહિ યે ધમ્મા… ચિત્તેહિ ધમ્મેહિ યે ધમ્મા… ચેતસિકેહિ ધમ્મેહિ યે ધમ્મા… ચિત્તસમ્પયુત્તેહિ ધમ્મેહિ યે ધમ્મા… ચિત્તસંસટ્ઠેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનસહભૂહિ ધમ્મેહિ યે ધમ્મા… ચિત્તસંસટ્ઠસમુટ્ઠાનાનુપરિવત્તીહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા એકેન ખન્ધેન એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકેનાયતનેન સત્તહિ ધાતૂહિ અસઙ્ગહિતા.

૫૦૫. અનારમ્મણેહિ ધમ્મેહિ યે ધમ્મા… ચિત્તવિપ્પયુત્તેહિ ધમ્મેહિ યે ધમ્મા… ચિત્તસંસટ્ઠેહિ ધમ્મેહિ યે ધમ્મા… ઉપાદાધમ્મેહિ યે ધમ્મા… અનુપાદિન્નેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૫૦૬. ઉપાદિન્નેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ તીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ પન્નરસહિ ધાતૂહિ અસઙ્ગહિતા.

૫૦૭. ઉપાદાનેહિ ધમ્મેહિ યે ધમ્મા… કિલેસેહિ ધમ્મેહિ યે ધમ્મા… સંકિલિટ્ઠેહિ ધમ્મેહિ યે ધમ્મા… કિલેસસમ્પયુત્તેહિ ધમ્મેહિ યે ધમ્મા… કિલેસેહિ ચેવ સંકિલેસિકેહિ ચ ધમ્મેહિ યે ધમ્મા… કિલેસેહિ ચેવ સંકિલિટ્ઠેહિ ચ ધમ્મેહિ યે ધમ્મા… સંકિલિટ્ઠેહિ ચેવ નો ચ કિલેસેહિ ધમ્મેહિ યે ધમ્મા… કિલેસેહિ ચેવ કિલેસસમ્પયુત્તેહિ ચ ધમ્મેહિ યે ધમ્મા… કિલેસસમ્પયુત્તેહિ ચેવ નો ચ કિલેસેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૫૦૮. સંકિલેસિકેહિ ધમ્મેહિ યે ધમ્મા… અસંકિલિટ્ઠેહિ ધમ્મેહિ યે ધમ્મા… કિલેસવિપ્પયુત્તેહિ ધમ્મેહિ યે ધમ્મા… સંકિલેસિકેહિ ચેવ નો ચ કિલેસેહિ ધમ્મેહિ યે ધમ્મા… કિલેસવિપ્પયુત્તેહિ સંકિલેસિકેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૫૦૯. અસંકિલેસિકેહિ ધમ્મેહિ યે ધમ્મા… કિલેસવિપ્પયુત્તેહિ અસંકિલેસિકેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૫૧૦. દસ્સનેન પહાતબ્બેહિ ધમ્મેહિ યે ધમ્મા… ભાવનાય પહાતબ્બેહિ ધમ્મેહિ યે ધમ્મા… દસ્સનેન પહાતબ્બહેતુકેહિ ધમ્મેહિ યે ધમ્મા… ભાવનાય પહાતબ્બહેતુકેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૫૧૧. ન દસ્સનેન પહાતબ્બેહિ ધમ્મેહિ યે ધમ્મા… ન ભાવનાય પહાતબ્બેહિ ધમ્મેહિ યે ધમ્મા… ન દસ્સનેન પહાતબ્બહેતુકેહિ ધમ્મેહિ યે ધમ્મા… ન ભાવનાય પહાતબ્બહેતુકેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૫૧૨. સવિતક્કેહિ ધમ્મેહિ યે ધમ્મા… સવિચારેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ સત્તરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ એકાય ધાતુયા અસઙ્ગહિતા.

૫૧૩. સપ્પીતિકેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા… સુખસહગતેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૫૧૪. ઉપેક્ખાસહગતેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ તેરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ અસઙ્ગહિતા.

૫૧૫. કામાવચરેહિ ધમ્મેહિ યે ધમ્મા… પરિયાપન્નેહિ ધમ્મેહિ યે ધમ્મા… સઉત્તરેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૫૧૬. ન કામાવચરેહિ ધમ્મેહિ યે ધમ્મા… અપરિયાપન્નેહિ ધમ્મેહિ યે ધમ્મા… અનુત્તરેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૫૧૭. રૂપાવચરેહિ ધમ્મેહિ યે ધમ્મા… અરૂપાવચરેહિ ધમ્મેહિ યે ધમ્મા… નિય્યાનિકેહિ ધમ્મેહિ યે ધમ્મા… નિયતેહિ ધમ્મેહિ યે ધમ્મા … સરણેહિ ધમ્મેહિ યે ધમ્મા વિપ્પયુત્તા… તે ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૫૧૮. ન રૂપાવચરેહિ ધમ્મેહિ યે ધમ્મા… ન અરૂપાવચરેહિ ધમ્મેહિ યે ધમ્મા… અનિય્યાનિકેહિ ધમ્મેહિ યે ધમ્મા… અનિયતેહિ ધમ્મેહિ યે ધમ્મા… અરણેહિ ધમ્મેહિ યે ધમ્મા વિપ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતા? તે ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

ધમ્માયતનં ધમ્મધાતુ, અથ જીવિતં નામરૂપં;

સળાયતનં જાતિજરામતં, દ્વે ચ તિકે ન લબ્ભરે.

પઠમન્તરે સત્ત ચ, ગોચ્છકે દસ અપરન્તે;

ચુદ્દસ છ ચ મત્થકે, ઇચ્ચેતે સત્તચત્તાલીસ ધમ્મા;

સમુચ્છેદે ન લબ્ભન્તિ, મોઘપુચ્છકેન ચાતિ.

વિપ્પયુત્તેનસઙ્ગહિતાસઙ્ગહિતપદનિદ્દેસો ચુદ્દસમો.

ધાતુકથાપકરણં નિટ્ઠિતં.