૮. દુકં

૧૧૧. હેતૂ ધમ્મા… હેતૂ ચેવ સહેતુકા ચ ધમ્મા… હેતૂ ચેવ હેતુસમ્પયુત્તા ચ ધમ્મા એકેન ખન્ધેન એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૧૨. ન હેતૂ ધમ્મા… અહેતુકા ધમ્મા… હેતુવિપ્પયુત્તા ધમ્મા… ન હેતૂ અહેતુકા [ન હેતૂ અહેતુકા (સ્યા. ક.) વિભ. દુકપઞ્હાપુચ્છકેપિ] ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૧૩. સહેતુકા ધમ્મા… હેતુસમ્પયુત્તા ધમ્મા… સહેતુકા ચેવ ન ચ હેતૂ ધમ્મા… હેતુસમ્પયુત્તા ચેવ ન ચ હેતૂ ધમ્મા… ન હેતૂ સહેતુકા ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૧૪. સપ્પચ્ચયા ધમ્મા… સઙ્ખતા ધમ્મા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૧૫. અપ્પચ્ચયા ધમ્મા… અસઙ્ખતા ધમ્મા ન કેહિચિ ખન્ધેહિ એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? પઞ્ચહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૧૬. સનિદસ્સના ધમ્મા એકેન ખન્ધેન એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૧૭. અનિદસ્સના ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ એકાદસહાયતનેહિ સત્તરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ, એકેનાયતનેન એકાય ધાતુયા અસઙ્ગહિતા.

૧૧૮. સપ્પટિઘા ધમ્મા એકેન ખન્ધેન દસહાયતનેહિ દસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ અસઙ્ગહિતા.

૧૧૯. અપ્પટિઘા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ, દસહાયતનેહિ દસહિ ધાતૂહિ અસઙ્ગહિતા.

૧૨૦. રૂપિનો ધમ્મા એકેન ખન્ધેન એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકેનાયતનેન સત્તહિ ધાતૂહિ અસઙ્ગહિતા.

૧૨૧. અરૂપિનો ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૧૨૨. લોકિયા ધમ્મા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૨૩. લોકુત્તરા ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૨૪. કેનચિ વિઞ્ઞેય્યા ધમ્મા… કેનચિ ન વિઞ્ઞેય્યા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૨૫. આસવા ધમ્મા… આસવા ચેવ સાસવા ચ ધમ્મા… આસવા ચેવ આસવસમ્પયુત્તા ચ ધમ્મા એકેન ખન્ધેન એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૨૬. નો આસવા ધમ્મા… આસવવિપ્પયુત્તા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૨૭. સાસવા ધમ્મા… સાસવા ચેવ નો ચ આસવા ધમ્મા… આસવવિપ્પયુત્તા સાસવા ધમ્મા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૨૮. અનાસવા ધમ્મા… આસવવિપ્પયુત્તા અનાસવા ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૨૯. આસવસમ્પયુત્તા ધમ્મા… આસવસમ્પયુત્તા ચેવ નો ચ આસવા ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૩૦. સંયોજના ધમ્મા… ગન્થા ધમ્મા… ઓઘા ધમ્મા… યોગા ધમ્મા… નીવરણા ધમ્મા… પરામાસા ધમ્મા… પરામાસા ચેવ પરામટ્ઠા ચ ધમ્મા એકેન ખન્ધેન એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૩૧. નો પરામાસા ધમ્મા… પરામાસવિપ્પયુત્તા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૩૨. પરામટ્ઠા ધમ્મા… પરામટ્ઠા ચેવ નો ચ પરામાસા ધમ્મા… પરામાસવિપ્પયુત્તા પરામટ્ઠા ધમ્મા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૩૩. અપરામટ્ઠા ધમ્મા… પરામાસવિપ્પયુત્તા અપરામટ્ઠા ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૩૪. પરામાસસમ્પયુત્તા ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૩૫. સારમ્મણા ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.

૧૩૬. અનારમ્મણા ધમ્મા અસઙ્ખતં ખન્ધતો ઠપેત્વા એકેન ખન્ધેન એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકેનાયતનેન સત્તહિ ધાતૂહિ અસઙ્ગહિતા.

૧૩૭. ચિત્તા ધમ્મા એકેન ખન્ધેન એકેનાયતનેન સત્તહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકાદસહાયતનેહિ એકાદસહિ ધાતૂહિ અસઙ્ગહિતા.

૧૩૮. નો ચિત્તા ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન એકેનાયતનેન સત્તહિ ધાતૂહિ અસઙ્ગહિતા.

૧૩૯. ચેતસિકા ધમ્મા… ચિત્તસમ્પયુત્તા ધમ્મા… ચિત્તસંસટ્ઠા ધમ્મા તીહિ ખન્ધેહિ એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૪૦. અચેતસિકા ધમ્મા અસઙ્ખતં ખન્ધતો ઠપેત્વા દ્વીહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? તીહિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૪૧. ચિત્તવિપ્પયુત્તા ધમ્મા… ચિત્તવિસંસટ્ઠા ધમ્મા અસઙ્ખતં ખન્ધતો ઠપેત્વા એકેન ખન્ધેન એકાદસહાયતનેહિ એકાદસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકેનાયતનેન સત્તહિ ધાતૂહિ અસઙ્ગહિતા.

૧૪૨. ચિત્તસમુટ્ઠાના ધમ્મા ચતૂહિ ખન્ધેહિ છહાયતનેહિ છહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન છહાયતનેહિ દ્વાદસહિ ધાતૂહિ અસઙ્ગહિતા.

૧૪૩. નો ચિત્તસમુટ્ઠાના ધમ્મા… નો ચિત્તસહભુનો ધમ્મા… નો ચિત્તાનુપરિવત્તિનો ધમ્મા અસઙ્ખતં ખન્ધતો ઠપેત્વા દ્વીહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? તીહિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૪૪. ચિત્તસહભુનો ધમ્મા… ચિત્તાનુપરિવત્તિનો ધમ્મા ચતૂહિ ખન્ધેહિ એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? એકેન ખન્ધેન એકાદસહાયતનેહિ સત્તરસહિ ધાતૂહિ અસઙ્ગહિતા.

૧૪૫. ચિત્તસંસટ્ઠસમુટ્ઠાના ધમ્મા… ચિત્તસંસટ્ઠસમુટ્ઠાનસહભુનો ધમ્મા… ચિત્તસંસટ્ઠસમુટ્ઠાનાનુપરિવત્તિનો ધમ્મા તીહિ ખન્ધેહિ એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૪૬. નો ચિત્તસંસટ્ઠસમુટ્ઠાના ધમ્મા… નો ચિત્તસંસટ્ઠસમુટ્ઠાનસહભુનો ધમ્મા… નો ચિત્તસંસટ્ઠસમુટ્ઠાનાનુપરિવત્તિનો ધમ્મા અસઙ્ખતં ખન્ધતો ઠપેત્વા દ્વીહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? તીહિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૪૭. અજ્ઝત્તિકા ધમ્મા દ્વીહિ ખન્ધેહિ છહાયતનેહિ દ્વાદસહિ ધાતૂહિ સઙ્ગહિતા. કતિહિ અસઙ્ગહિતા? તીહિ ખન્ધેહિ છહાયતનેહિ છહિ ધાતૂહિ અસઙ્ગહિતા.

૧૪૮. બાહિરા ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ છહાયતનેહિ છહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન છહાયતનેહિ દ્વાદસહિ ધાતૂહિ અસઙ્ગહિતા.

૧૪૯. ઉપાદા ધમ્મા એકેન ખન્ધેન દસહાયતનેહિ દસહિ ધાતૂહિ સઙ્ગહિતા. કતિહિ અસઙ્ગહિતા? ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ અસઙ્ગહિતા.

૧૫૦. નો ઉપાદા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ તીહાયતનેહિ નવહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ નવહાયતનેહિ નવહિ ધાતૂહિ અસઙ્ગહિતા.

૧૫૧. ઉપાદિન્ના ધમ્મા પઞ્ચહિ ખન્ધેહિ એકાદસહાયતનેહિ સત્તરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ એકેનાયતનેન એકાય ધાતુયા અસઙ્ગહિતા.

૧૫૨. અનુપાદિન્ના ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ સત્તહાયતનેહિ અટ્ઠહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ પઞ્ચહાયતનેહિ દસહિ ધાતૂહિ અસઙ્ગહિતા.

૧૫૩. ઉપાદાના ધમ્મા… કિલેસા ધમ્મા… કિલેસા ચેવ સંકિલેસિકા ચ ધમ્મા… કિલેસા ચેવ સંકિલિટ્ઠા ચ ધમ્મા… કિલેસા ચેવ કિલેસસમ્પયુત્તા ચ ધમ્મા એકેન ખન્ધેન એકેનાયતનેન એકાય ધાતુયા સઙ્ગહિતા. કતિહિ અસઙ્ગહિતા? ચતૂહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.

૧૫૪. નો કિલેસા ધમ્મા… અસંકિલિટ્ઠા ધમ્મા… કિલેસવિપ્પયુત્તા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૫૫. સંકિલેસિકા ધમ્મા… સંકિલેસિકા ચેવ નો ચ કિલેસા ધમ્મા… કિલેસવિપ્પયુત્તા સંકિલેસિકા ધમ્મા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૫૬. અસંકિલેસિકા ધમ્મા… કિલેસવિપ્પયુત્તા અસંકિલેસિકા ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૫૭. સંકિલિટ્ઠા ધમ્મા… કિલેસસમ્પયુત્તા ધમ્મા… સંકિલિટ્ઠા ચેવ નો ચ કિલેસા ધમ્મા… કિલેસસમ્પયુત્તા ચેવ નો ચ કિલેસા ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૫૮. દસ્સનેન પહાતબ્બા ધમ્મા… ભાવનાય પહાતબ્બા ધમ્મા… દસ્સનેન પહાતબ્બહેતુકા ધમ્મા… ભાવનાય પહાતબ્બહેતુકા ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૫૯. ન દસ્સનેન પહાતબ્બા ધમ્મા… ન ભાવનાય પહાતબ્બા ધમ્મા … ન દસ્સનેન પહાતબ્બહેતુકા ધમ્મા… ન ભાવનાય પહાતબ્બહેતુકા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૬૦. સવિતક્કા ધમ્મા… સવિચારા ધમ્મા ચતૂહિ ખન્ધેહિ દ્વીહાયતનેહિ તીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ પન્નરસહિ ધાતૂહિ અસઙ્ગહિતા.

૧૬૧. અવિતક્કા ધમ્મા… અવિચારા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ સત્તરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ એકાય ધાતુયા અસઙ્ગહિતા.

૧૬૨. સપ્પીતિકા ધમ્મા… પીતિસહગતા ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૬૩. અપ્પીતિકા ધમ્મા… ન પીતિસહગતા ધમ્મા… ન સુખસહગતા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૬૪. સુખસહગતા ધમ્મા તીહિ ખન્ધેહિ દ્વીહાયતનેહિ તીહિ ધાતૂહિ સઙ્ગહિતા. કતિહિ અસઙ્ગહિતા? દ્વીહિ ખન્ધેહિ દસહાયતનેહિ પન્નરસહિ ધાતૂહિ અસઙ્ગહિતા.

૧૬૫. ઉપેક્ખાસહગતા ધમ્મા તીહિ ખન્ધેહિ દ્વીહાયતનેહિ સત્તહિ ધાતૂહિ સઙ્ગહિતા. કતિહિ અસઙ્ગહિતા? દ્વીહિ ખન્ધેહિ દસહાયતનેહિ એકાદસહિ ધાતૂહિ અસઙ્ગહિતા.

૧૬૬. ન ઉપેક્ખાસહગતા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ તેરસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ અસઙ્ગહિતા.

૧૬૭. કામાવચરા ધમ્મા… પરિયાપન્ના ધમ્મા… સઉત્તરા ધમ્મા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૧૬૮. ન કામાવચરા ધમ્મા… અપરિયાપન્ના ધમ્મા… અનુત્તરા ધમ્મા અસઙ્ખતં ખન્ધતો ઠપેત્વા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૬૯. રૂપાવચરા ધમ્મા… અરૂપાવચરા ધમ્મા… નિય્યાનિકા ધમ્મા… નિયતા ધમ્મા… સરણા ધમ્મા ચતૂહિ ખન્ધેહિ દ્વીહાયતનેહિ દ્વીહિ ધાતૂહિ સઙ્ગહિતા. કતિહિ અસઙ્ગહિતા? એકેન ખન્ધેન દસહાયતનેહિ સોળસહિ ધાતૂહિ અસઙ્ગહિતા.

૧૭૦. ન રૂપાવચરા ધમ્મા… ન અરૂપાવચરા ધમ્મા… અનિય્યાનિકા ધમ્મા… અનિયતા ધમ્મા… અરણા ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતા? અરણા ધમ્મા અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

સઙ્ગહાસઙ્ગહપદનિદ્દેસો પઠમો.