૪. સચ્ચં

૪૦. દુક્ખસચ્ચં કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતં? દુક્ખસચ્ચં પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતં. કતિહિ અસઙ્ગહિતં? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતં.

૪૧. સમુદયસચ્ચં … મગ્ગસચ્ચં એકેન ખન્ધેન એકેનાયતનેન એકાય ધાતુયા સઙ્ગહિતં. કતિહિ અસઙ્ગહિતં? ચતૂહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતં.

૪૨. નિરોધસચ્ચં ન કેહિચિ ખન્ધેહિ એકેનાયતનેન એકાય ધાતુયા સઙ્ગહિતં. કતિહિ અસઙ્ગહિતં? પઞ્ચહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતં.

(એકમૂલકં.)

૪૩. દુક્ખસચ્ચઞ્ચ સમુદયસચ્ચઞ્ચ પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૪. દુક્ખસચ્ચઞ્ચ મગ્ગસચ્ચઞ્ચ પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૫. દુક્ખસચ્ચઞ્ચ નિરોધસચ્ચઞ્ચ અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

(દુકમૂલકં.)

૪૬. દુક્ખસચ્ચઞ્ચ સમુદયસચ્ચઞ્ચ મગ્ગસચ્ચઞ્ચ પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૭. દુક્ખસચ્ચઞ્ચ સમુદયસચ્ચઞ્ચ નિરોધસચ્ચઞ્ચ અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

(તિકમૂલકં.)

૪૮. દુક્ખસચ્ચઞ્ચ સમુદયસચ્ચઞ્ચ મગ્ગસચ્ચઞ્ચ નિરોધસચ્ચઞ્ચ અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતા. કતિહિ અસઙ્ગહિતા? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતા.

૪૯. ચત્તારિ સચ્ચાનિ કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતાનિ? ચત્તારિ સચ્ચાનિ અસઙ્ખતં ખન્ધતો ઠપેત્વા પઞ્ચહિ ખન્ધેહિ દ્વાદસહાયતનેહિ અટ્ઠારસહિ ધાતૂહિ સઙ્ગહિતાનિ. કતિહિ અસઙ્ગહિતાનિ? ન કેહિચિ ખન્ધેહિ ન કેહિચિ આયતનેહિ ન કાહિચિ ધાતૂહિ અસઙ્ગહિતાનિ.

(ચતુક્કં.)